Daily Murli for Thursday 8 December 2016

⁰08/12/16 praatahmurli om shanti "baapdaada"' madhuban ¹``meethe bachche - tum jo bhi sunte ho us par vichaar saagar manthan karo to buddhi mein saara din yeh gyaan tapakta rahega'' ²prashn:- yahaan ka kaun sa hunar nai duniya ki sthaapna mein kaam aayega?

³uttar:- yahaan jo science ka hunar hai - jisse aeroplane, makaan aadi banaate hain, yeh sanskaar vahaan bhi saath le jaayenge। ⁴yahaan bhal gyaan na len lekin vahaan yeh hunar saath jaayega। ⁵tum abhi satayug se lekar kaliyug ant tak ki history-geography jaante ho।

⁶tumhein pata hai ki in aankhon se jo kuchh puraani duniya ka dekhte hain, woh sab abhi khatma hona hai। ⁷geet:- toone raat gavaai so ke… ⁸om shanti।

⁹baap baith bachchon ko samjhaate hain।

¹⁰hoobhu jaise 5 hajaar varsha pahle samjhaaya tha, vaise phir bhi samjha rahe hain ki puraani duniya ka vinaash aur nai duniya satayug ki sthaapna kaise hoti hai। ¹¹abhi hai puraani duniya aur nai duniya ka sangamayug। ¹²baap ne samjhaaya hai nai duniya satayug se lekar ab kaliyug ant tak kya-kya ho raha hai!

¹³kya-kya saamagri hai! ¹⁴kya-kya dekhte ho! ¹⁵yagya, tap, daan-punya aadi kya karte hain।

¹⁶yeh jo kuchh dekhne mein aata hai yeh kuchh bhi rehna nahin hai। ¹⁷puraani koi bhi cheez rahne vaali nahin hai। ¹⁸jaise puraana makaan todte hain to unmein jo marble ke patthar aadi achhi cheezen hoti hain, woh rakh dete hain।

¹⁹baaki tod phod dete hain।

²⁰tum bachche jaante ho yeh puraana sab khatma hona hai। ²¹baaki yeh jo science ka hunar hai, woh kaayam rahega। ²²tum sab jaante ho ki yeh srishti chakra kaise phirta hai।

²³satayug se kaliyug ant tak kya-kya hota hai। ²⁴yeh science bhi ek vidya hai, unse aeroplane, bijli aadi sab kuchh bane hain। ²⁵pahle yeh nahin tha, ab bana hai।

²⁶duniya to chalti rehti hai।

²⁷bhaarat hai avinaashi khanda, pralay to hoti nahin। ²⁸yeh science jisse abhi itna sukh milta hai, woh hunar bhi vahaan rehta hai। ²⁹seekhi hui cheezen doosre janma mein bhi kaam aati hain।

³⁰kuchh na kuchh rehta hai। ³¹yahaan bhi earthquake jahaan hoti hai to phir jaldi mein saara naya bana dete hain। ³²vahaan nai duniya mein vimaan aadi banaane vaale bhi honge।

³³srishti to chalti hi rehti hai। ³⁴yeh banaane vaale phir bhi aayenge। ³⁵ant mati so gati hogi।

³⁶bhal unhon mein yeh gyaan nahin hai parantu woh aayenge zaroor aur aakar nai-nai cheezen banaayenge। ³⁷yeh khyaalaat abhi tumhaari buddhi mein hain। ³⁸yeh sab khatma ho jaayenge, baaki sirf bhaarat khanda hi rahega।

³⁹tum warriors ho। ⁴⁰apne liye yogbal se svaraajya ki sthaapna kar rahe ho। ⁴¹vahaan sab kuchh naya hoga।

⁴²tatva bhi jo tamopradhaan hain woh satopradhaan ban jaayenge। ⁴³tum bhi nai pavitra duniya mein jaane ke liye ab pavitra ban rahe ho। ⁴⁴tum jaante ho ham bachche yeh seekhkar bahut hoshiyaar ho jaayenge।

⁴⁵bahut meethe phool ban jaayenge। ⁴⁶tum koi ko bhi yeh baaten sunaate ho to woh bahut khush hote hain। ⁴⁷jo jitna achhi reeti samjhaate hain, un par bahut khush hote hain।

⁴⁸kehte hain yeh samjhaate to bahut achha hain, parantu jab opinion likhne liye kehte hain to kehte hain vichaar karenge। ⁴⁹itne mein ham kaise likh den। ⁵⁰ek baar sunne se baap se yog kaise rakhen, yeh seekh nahin sakte।

⁵¹achha to lagta hai।

⁵²tum yeh zaroor samjhaate honge ki ab puraani duniya ka vinaash hona hai। ⁵³paapon ka bojha sir par bahut hai। ⁵⁴yeh patit duniya hai, paap bahut kiye hue hain।

⁵⁵raavanraajya mein sab patit hain tab to patit-paavan baap ko bulaate hain। ⁵⁶yeh gyaan abhi tumko hai। ⁵⁷satayug mein yeh koi nahin jaante ki inke baad treta aayega।

⁵⁸vahaan to praalabdha bhogte hain।

⁵⁹ab tum bachche kitne buddhivaan bante ho, jaante ho hamko roohaani baap padhaate hain। ⁶⁰baba hai world almighty authority, woh hai shaastron ki authority। ⁶¹un shaastra padhne vaalon ko almighty nahin kaha jaata hai।

⁶²yeh sab bhakti maarga ke shaastra hain। ⁶³baaki yeh jo baba tumko padha rahe hain, yeh hain nai duniya ke liye nai baaten। ⁶⁴to tum bachchon ko bahut khushi honi chaahiye।

⁶⁵buddhi mein saara din yeh gyaan tapakta rahe। ⁶⁶student jo padhte hain usko phir revise bhi karte hain, jisko hi vichaar saagar manthan kaha jaata hai। ⁶⁷tum yeh samajhte ho ki baba hamko behad ki padhaai athva srishti ke aadi-madhya-ant ka saara raaz baith samjhaate hain, jisko tumhaare sivaae koi samajh nahin sakte isliye tumko bahut khushi honi chaahiye।

⁶⁸tum bahut bade aadmi ho।

⁶⁹tumko padhaane vaala bhi oonche te ooncha baap hai। ⁷⁰to tumko sadaiv khushi ka paara chadha rehna chaahiye। ⁷¹sadaiv buddhi mein yeh baaten revise karo ki pahle-pahle ham paavan the।

⁷²phir 84 janma le patit ban gaye, ab drama plan anusaar baba paavan bana rahe hain। ⁷³saadhu-santa sab kehte hain ki ham rachta baap aur rachna ke aadi madhya ant ko nahin jaante। ⁷⁴tum jaante ho Christ phir apne samay par aayega।

⁷⁵Christian ka jaise saari prithvi par raajya tha, ab sab alag-alag ho gaye hain, aapas mein lad jhagad rahe hain। ⁷⁶ab kehte hain ek raajya ek bhaasha ho। ⁷⁷matbhed na ho, yeh kaise ho sakta hai।

⁷⁸ab to aapas mein lad jhagad kar aur hi pakke ho gaye hain। ⁷⁹abhi yeh to ho nahin sakta jo sabki ek devtaai mat ho jaae। ⁸⁰bhal kehte hain raamraajya chaahiye parantu samajhte kuchh nahin hain।

⁸¹tumko bhi pahle kuchh pata nahin tha। ⁸²abhi tum brahman bane ho, tum jaante ho ki hamaara yug hi alag hai। ⁸³is sangamayug par brahma mukh vanshaavli brahman dharma ki sthaapna hoti hai।

⁸⁴tum brahman ho raajarishi। ⁸⁵tum pavitra bhi ho aur shivbaaba se raajya praapta karte ho। ⁸⁶woh yog rakhte hain brahm se, ek baap se nahin rakhte।

⁸⁷koi kisse rakhte, koi kisse। ⁸⁸koi kiska pujaari, to koi kiska। ⁸⁹yeh kisko pata hi nahin ki oonche te ooncha kaun hai isliye baap ne kaha hai yeh sab hain aasuri sampradaay, tuchchha buddhi।

⁹⁰raavan ke mureed hain। ⁹¹tum abhi shivbaaba ke bane ho। ⁹²tumko baap se varsa milta hai nai duniya satayug ka।

⁹³baap kehte hain - he aatmaayen tumko ab tamopradhaan se satopradhaan zaroor banna hai isliye sirf mujhe yaad karo। ⁹⁴kitni sahaj baat hai। ⁹⁵geeta mein krishna ka naam daal diya hai phir unko dvaapar yug mein le gaye hain।

⁹⁶bhool to bhaari ki hai parantu yeh baaten unki hi buddhi mein baithengi jo sthaai yahaan aate rahenge। ⁹⁷mele mein aate to dher hain unmein se dekho saipakraling kaise lagta hai। ⁹⁸anek dharma vaale aate hain, usmein bhi jaasti hindu dharma vaale aate hain, jo devi-devtaaon ke pujaari honge।

⁹⁹aapehi poojya aapehi pujaari…iska bhi arth samjhaana padta hai। ¹⁰⁰mele pradarshani mein itna adhik samjha nahin sakte। ¹⁰¹koi to 4-5 maas aate hain, samajhte hain।

¹⁰²koi thoda achhi reeti samajhte hain। ¹⁰³tum jitne jaasti pradarshani mele aadi karenge utne bahut aayenge। ¹⁰⁴samjhenge gyaan bada achha hai, jaakar samjhen।

¹⁰⁵centre par itne chitra nahin hote hain। ¹⁰⁶pradarshani mein bahut chitra hote hain। ¹⁰⁷tum samjhaate ho - to achha bhi unhon ko lagta hai parantu baahar jaane se maaya ka vaayumandal hai, apne dhandhedhori mein lag jaate hain।

¹⁰⁸abhi yeh puraani duniya khatma ho nai banegi aur baba hamaare liye svarga ki baadshaahi sthaapan kar rahe hain। ¹⁰⁹nai duniya mein ham jaakar naye mahal banaayenge। ¹¹⁰aise nahin neeche se mahal nikal aayenge।

¹¹¹pahli-pahli mukhya yeh baat nishchay karni hai ki woh hamaara baap bhi hai, teacher bhi hai। ¹¹²manushya srishti ka beejroop hai। ¹¹³unmein saari knowledge hai, tab to mahima gaate hain gyaan ka saagar…woh beej jad hota hai।

¹¹⁴woh bol na sake। ¹¹⁵yeh chaitanya hai। ¹¹⁶baap ne tumko saari knowledge di hai jo auron ko achhi reeti samjhaani hai।

¹¹⁷mele va pradarshani mein dher aate hain। ¹¹⁸nikalte koton mein koi hain। ¹¹⁹7-8 din aakar phir gum ho jaate hain।

¹²⁰aise karte-karte koi na koi nikal aayega। ¹²¹samay thoda hai, vinaash saamne khada hai। ¹²²karmaateet avastha ko paana hai zaroor। ¹²³patit se paavan hone ke liye yaad bahut zaroori hai।

⁰ 08/12/16 Morning Murli Om Shanti BapDada Madhuban

¹²⁴apni sambhaal karni hai। ¹²⁵mujhe satopradhaan banna hai - yeh chinta lagi rahe kyonki sir par janma-janmaantar ka bojha hai। ¹²⁶raavan raajya hone se seedhi utarte hi aaye ho।

¹²⁷ab yogbal se chadhna hai। ¹²⁸raat din yahi phikraat rahe ki mujhe satopradhaan banna hai aur srishti chakra ki knowledge bhi buddhi mein chaahiye। ¹²⁹school mein bhi yeh rehta hai ki ham phalaani-phalaani subject mein paas ho jaayen, ismen mukhya subject hai yaad ki।

¹³⁰srishti ke aadi madhya ant ka bhi gyaan chaahiye। ¹³¹tumhaari buddhi mein saara seedhi ka gyaan hai ki ab ham baba ki yaad se satayugi sooryavanshi gharaane ki seedhi chadhte hain। ¹³²84 janma lete seedhi utarte aaye, ab phat se chadh jaana hai।

¹³³gaayan hai na - second mein jeevanmukti। ¹³⁴is janma mein hi baap se jeevanmukti ka varsa lekar so devta ban jaayenge। ¹³⁵baba kehte hain bachche tum hi sooryavanshi the, phir chandravanshi, vaishya vanshi bane।

¹³⁶abhi tumko brahman banaata hoon। ¹³⁷brahman hain choti। ¹³⁸oonche te ooncha parampita paramatma aakar brahman, devta, kshatriy teen dharmon ki sthaapna karte hain।

¹³⁹tum jaante ho abhi ham brahman varna mein hain। ¹⁴⁰phir devta varna mein aayenge। ¹⁴¹bachchon ko roz kitna buddhi mein gyaan bharte rehte hain, jisko dhaaran karna hai।

¹⁴²nahin to aap samaan kaise banaayenge। ¹⁴³sooryavanshi gharaane mein bahut thode aayenge, jo achhi reeti padhenge aur padhaayenge। ¹⁴⁴is samay tumhaari gat mat duniya se bilkul nyaari hai।

¹⁴⁵jaise kehte hain eeshvar ki gat mat nyaari hai। ¹⁴⁶tumhaare sivaae koi bhi baap se yog lagaate nahin hain। ¹⁴⁷pradarshani mein aate hain phir chale jaate hain।

¹⁴⁸woh ban jaate hain praja। ¹⁴⁹baaki jo achhi reeti padhenge, padhaayenge woh achha pad pa sakte hain। ¹⁵⁰phir tumhaari yeh missionary bhi jor bharti jaayegi।

¹⁵¹bahuton ko kashish hogi, aate rahenge। ¹⁵²nai baat ko phailne mein samay to lagta hai na। ¹⁵³chitra bhi phat se bahut ban jaayenge।

¹⁵⁴din-pratidin manushya bhi vriddhi ko paate jaate hain। ¹⁵⁵tum jaante ho yeh jo bombs aadi ki ladaai lagegi phir kya haal hoga। ¹⁵⁶din-pratidin duhkh apaar hota jaayega।

¹⁵⁷aakhreen yeh duhkh ki duniya khatma hogi। ¹⁵⁸total vinaash nahin hoga।

¹⁵⁹shaastron mein gaayan hai yeh bhaarat avinaashi khanda hai। ¹⁶⁰tum jaante ho hamaara yaadgaar hoobhu aabu mein hai। ¹⁶¹us par samjhaana chaahiye, woh hai jad yaadgaar।

¹⁶²yahaan practical sthaapna ho rahi hai। ¹⁶³raajayog seekh rahe ho vaikuntha ke liye। ¹⁶⁴delvaada mandir kitna achha bana hua hai।

¹⁶⁵ham bhi yahaan aakar baithe hain।

¹⁶⁶pahle se hi hamaara yaadgaar bana hua hai। ¹⁶⁷tum svarga ki raajaai paane ke liye yahaan baithe ho। ¹⁶⁸kehte hain baba ham aapse raajya lekar hi chhodenge।

¹⁶⁹jo achhi tarah saara din simran karte aur karaate honge, khushi bhi unhon ko rahegi। ¹⁷⁰student khud samajhte hain - ham paas honge va nahin। ¹⁷¹laakhon karodon mein se scholarship kitne thodon ko milti hai।

¹⁷²mukhya hain 8 sone ke phir 108 chaandi ke, baaki 16000 tombe ke। ¹⁷³jaise dekho pope medals dete the to sabko sone ka thode hi denge। ¹⁷⁴koi ko sone ka, koi ko chaandi ka।

¹⁷⁵maala bhi aise banti hai।

¹⁷⁶tum chaahte ho golden prize leven। ¹⁷⁷chaandi ki lene se chandravanshi mein aa jaayenge। ¹⁷⁸baba kehte hain mujhe yaad karo to vikarma vinaash honge aur koi upaay hi nahin hai।

¹⁷⁹yahi phurna rakho paas hone ka। ¹⁸⁰ladaai ka thoda jaasti hangaama hoga phir jor se purooshaartha karne lag padenge। ¹⁸¹imtahaan ke time student bhi gallop karne purooshaartha mein lag jaate hain।

¹⁸²yeh behad ka school hai। ¹⁸³pradarshani par khoob practice karte raho। ¹⁸⁴projector se itne prabhaavit nahin hote hain, jitna pradarshani dekh wonder khaate hain।

¹⁸⁵achha।

¹⁸⁶meethe-meethe sikeeldhe bachchon prati maat-pita baapdaada ka yaad-pyaar aur good morning। ¹⁸⁷roohaani baap ki roohaani bachchon ko namaste। ¹⁸⁸dhaarna ke liye mukhya saar:-

¹⁸⁹1) puraani duniya ka vinaash ho uske pahle apni karmaateet avastha banaani hai, yaad mein rah satopradhaan banna hai। ¹⁹⁰2) sada yahi khushi rahe ki humein padhaane vaala svayan oonche te ooncha baap hai। ¹⁹¹padhaai achhi reeti padhni aur padhaani hai।

¹⁹²sunkar vichaar saagar manthan karna hai। ¹⁹³vardaan:- maimpan ke bojh ko samaapta kar pratyakshaphal ka anubhav karne vaale baalak so maalik bhav ¹⁹⁴jab kisi bhi prakaar ka main pan aata hai to bojh sir par aa jaata hai।

¹⁹⁵lekin jab baap offer kar rahe hain ki sab bojh mujhe de do aap sirf naachon, udo…phir yeh question kyon - ki service kaise hogi, bhaashan kaise karenge-aap sirf nimitta samajhkar connection power house se jodkar baith jaao, dilshikasta nahin bano to baapdaada sab kuchh svatah kara denge। ¹⁹⁶baalak so maalik samajhkar shreshtha stage par sthit raho to pratyaksha phal ki anubhooti karte rahenge। ¹⁹⁷slogan:- gyaan daan ke saath-saath gundaan karo to saphalta milti rahegi।