Daily Murli for Wednesday 18 January 2017
Saving in progress..
You can now read this murli without Internet.
You can read this murli without Internet.
in order to be able to read it without internet.
Warning : Sentence alignment between two languages is based on the number of characters. It is therefore not perfectly reliable.
You can correct the sentence alignment yourself on part or all of the murli.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
018/01/17 praatahmurli om shanti "baapdaada"' madhuban
1“meethe bachche - ever healthy banna hai to ever yaad mein raho, is yaad ki yaatra mein hi sachchi kamaai hai, isse hi satopradhaan banenge''
2prashn:- sabse bada punya kaun sa hai?
3sangam par punyaatma kise kahenge?
4uttar:- avinaashi gyaan ratnon ka daan karna - yeh sabse bada punya hai।
5sangam par punyaatma woh hai jo gyaan ratnon ko dhaaran karta hai।
6abhi tum us vinaashi dhan se beggar bante ho aur avinaashi gyaan dhan se bharpoor ho 21 janmon ke liye saahookaar ban jaate ho।
7geet:- yeh kaun aaj aaya savere-savere…
8om shanti।
9bachchon ne geet suna।
10jab paramatma baap aakar aatmaon se milte hain to jeev-aatma ko apna jeevapna bhool jaata hai।
11use nishchay ho jaata hai ki ham aatma shivbaaba ki santaan hain।
12ham aatmaon ka baap is mukh dvaara bol rahe hain।
13ham aatma in kaanon dvaara sun raheen hain।
14aisi apni aadat daalne ki mehnat karni hoti hai।
15baap kehte hain meethe bachche maamekam yaad karo, ant mein yahi vasheekran mantra kaam mein aayega।
16is yaad ki yaatra se tum athaah sachchi kamaai karte ho, jitna yaad karenge utna satopradhaan bante jaayenge aur khushi bhi badhti jaayegi, kyonki yeh hai aatma aur paramatma ka shuddh lav।
17tumhein eeshvareey aagya mili hai meethe bachche, amritvele uth baap ko bahut pyaar se yaad karo।
18baba aap kitne meethe ho, aap humein raajaaon ka raaja, svarga ka maalik banaate ho, ham aapki shreemat par zaroor chalenge।
19baba aapne to kamaal kiya hai, 21 janmon ke liye svarga ki baadshaahi dete ho।
20ham to aap par balihaar jaaoon।
21to balihaar jaana bhi hai, sirf kehna nahin hai।
22jitna samay yaad mein rahenge to uska asar saara din rahega।
23bachchon ko dehi-abhimaani banna hai aur eeshvareey gun dhaaran karne hain।
24eeshvareey gun dhaaran karna arthaat eeshvar baap ke samaan banna।
25eeshvareey adhikaar arthaat oonch pad ko paana hai।
26is puraani duniya aur puraani deh ko bhool jaana hai, ismen nashtomoha hona pade।
27meethe bachche, tum apni degree khud hi dekh sakte ho, saare din mein ham kitna yaad karte hain!
28bhojan par bhi dekho hamne baap ki yaad mein rah harshitmukh ho bhojan khaaya?
29maashook ko yaad karne se kashish badhegi, bahut khushi rahegi aur bahut jama hota jaayega।
30yaad mein rehte-rehte is puraani khaal ko chhod jaae nai lenge।
31kaante se phool ban jaayenge।
32jitna yaad ka abhyaas hoga to phir ant mati so gati ho jaayegi।
33ant mein shareer chhoote to bhi baba ki yaad ho।
34vasheekran mantra yaad ho tab praan tan se niklen।
35yaad mein rahne se jo bhi kichda hai woh bhasma ho aatma paavan banti jaayegi।
36abhi tum bachchon ko nishchay hai ki hamko padhaane vaala kaun hai!
37is chaitanya dibbi mein chaitanya heera baitha hai, vahi sat-chit-aanand swaroop hai।
38sat baap tumhein sachchi-sachchi shreemat dete hain।
39baap ke bane ho to kadam-kadam shreemat par chalna hai।
40yaad se hi vikarma vinaash honge।
41ever healthy banna hai to ever yaad mein rehna hai, tab hi ant mati so gati hogi।
42ismen dhakke khaane ki baat nahin hai।
43chup rehna hai aur padhna hai, ek baap ko yaad karna hai।
44yaad se hi tum saare vishwa ko shanti ka daan de sakte ho।
45har ek bachche ko apni praja bhi banaani hai, vaaris bhi banaane hain।
46murli koi bhi miss nahin karni chaahiye।
47baap bahut pyaar se samjhaate hain meethe bachche apne par raham karo, koi avagya na karo।
48dehi-abhimaani bano।
49baap ki nazar sadaiv un bachchon par rehti hai jo khushboodaar phool bane hain।
50jo aatma-abhimaani ban baap ko yaad karte aur jahaan service dekhte vahaan bhaagte rehte hain।
51aise serviceable, aagyaakaari bachche hi baap ko pyaare lagte hain।
52baap ki dil andar bachchon ko sada sukhi banaane ke liye kitni first class aash rehti hai ki bachche laayak ban svarga ke maalik banen।
53tum bachche jaante ho is puraani duniya narka mein koi sukh nahin hai।
54ismen koi se dil lagaana goya apna hi nuksaan karna hai।
55koi bhi cheez mein aasakti nahin rahni chaahiye।
56samajhna chaahiye yeh puraani duniya, puraana shareer to khatma hone vaala hai। 57dehi-abhimaani bachche hi is puraani duniya aur puraani deh se upraam rehte hain। 58unhon ki buddhi mein rehta ham yahaan do ghadi ke mehmaan hain, yeh to puraani jutti hai। 59bhal kitna bhi inko saabun powder aadi lagaao phir bhi puraana shareer hai, isko chhod humein naya lena hai।
0 18/01/17 Morning Murli Om Shanti BapDada Madhuban
60yahaan tum bachche avinaashi gyaan ratnon se jholi bhar rahe ho phir auron ko bhi gyaan ratnon ka daan dena hai।
61yeh sabse bada punya hai।
62gyaan ratna dhaaran kar punya aatma banna hai phir auron ko daan karna hai।
63us vinaashi dhan se to tum abhi beggar bante ho aur avinaashi gyaan dhan se tum 21 janmon ke liye saahookaar bante ho।
64is samay tum bahut bada matta-satta (adli-badli) karte ho।
65puraana tan-man-dhan sab baba ko dete ho।
66baba phir gyaan ratnon se tumko maalaamaal kar dete hain, jisse bhavishya mein tan-man-dhan sab naya mil jaata hai।
67abhi tum phakeer ho aur bhavishya mein phir tum ameer bante ho।
68phakeer se ameer banne ke liye baaten hi do hain - manamnaabhav, madhyaaji bhav bas।
69baap ko yaad karte-karte tum svarga ke ameer ban jaayenge।
70tum behad baap ki godi mein aaye ho - phakeer se ameer banne ke liye।
71tum brahmaakumaar-kumaariyon ke paas centres par manushya aate hain jeeydaan lene।
72kisko jeeydaan dena bahut bada punya hai।
73yahaan aakar khushansheeb bante hain, to unhon ke liye sadaiv darvaaja khula rehna chaahiye।
74aisa prabandha karna chaahiye jahaan bahut manushya aakar apna saubhaagya banaaven।
75jeevan heere jaisi banaaven।
76bade pyaar se ek-ek ko sambhaalna padta hai, kahaan vichaaron ke paanv na khisak jaaen।
77jitne jaasti centres honge utne jaasti aakar jeeydaan paayenge।
78jo serviceable bachche hain, woh bahuton ko jeeydaan dete hain।
79unhon ko baap bhi yaad karte hain।
80dekhta hoon yeh kis prakaar ka phool hai!
81inmen kya-kya gun hain!
82baap sab bachchon ki avastha ko jaante hain, nambarvaar to hai na।
83kisam-kisam ke variety phool hain।
84jo khushboodaar phool hain woh kheenchate hain।
85jo jaisa hai aisi searchlight lene ki koshish karte hain।
86khushboodaar, gunvaan bachchon ko dekh pyaar mein khushi mein nayan geele ho jaate hai।
87unhein kuchh takleeph hoti hai to baap searchlight dete hain।
88tum bachchon ka baap ke saath bahut lav hona chaahiye।
89baba jo kahe bachche woh phauran karke dikha den tab samjhenge inka baap ke saath lav hai।
90aagyaakaari, vaphaadaar, pharmaanbardaar hain।
91baap kitna pyaar se samjhaate hain।
92baap behad ka vyaapaari hai, sauda bada first class hai parantu ismen saahas bhi chaahiye।
93kai bachche chaaval mutthi le aate hain parantu aisa kabhi nahin samajhna chaahiye ki ham baba ko dete hain।
94yeh to return mein sauguna lete hain।
95baba ko thanks deni chaahiye, kehna chaahiye baba aap hamaare do mutthi chaaval lete ho aapka shukriya jo aap humein bhavishya mein maalaamaal kar dete ho, parantu ismen badi vishaal buddhi chaahiye।
96achha-
97meethe-meethe sikeeldhe serviceable, aagyaakaari bachchon prati maat-pita baapdaada ka yaadapyaar aur good morning।
98roohaani baap ki roohaani bachchon ko namaste।
99avyakt mahaavaakya (personal)
100abhi baap sabhi bachchon ko sampanna roop mein dekhna chaahte hain, lekin sampanna banne mein wonderful baaten dekhenge kyonki sampanna banne ke practical paper hote hain।
101kisi bhi prakaar ka naya drishya va aashcharyajnak drishya saamne aaye, lekin drishya saakshi drishta banaave, hilaaye nahin।
102koi bhi aisa drishya jab saamne aata hai to pahle saakshi drishta ki sthiti ki seat par baith dekhne va nirnay karne se bahut maja aayega, bhay nahin aayega।
103jab hua hi pada hai, vijay nishchit hai, to ghabraana va bhaybheet hona ho hi nahin sakta।
104jaise ki anek baar dekhi hui scene phir se dekh rahe hain - is kaaran kya hua?
105kyon hua?
106aise bhi hota hai, yeh to nai baaten hain!
107yeh sankalp va bol nahin hoga।
108aur hi raazayukta, yogayukta ho, light house ho, vaayumandal ko double light banaayenge।
109ghabraayenge nahin।
110aise anubhav hota hai na?
111isko kaha jaata hai pahaad samaan paper raai ke samaan anubhav ho।
112kamzor ko pahaad lagega aur master sarvashaktivaan ko raai anubhav hoga।
113isi par hi number bante hain।
114practical paper paas karne ke hi number bante hain।
115sadaiv paper par number milte hain।
116agar paper nahin, to number bhi nahin isliye shreshtha purushaarthi paper ko khel samajhte hain।
117khel mein kab ghabraaya nahin jaata hai।
118khel to manoranjan hota hai।
119achha।
120aap sabko vinaash ki date ka pata hai?
121kab vinaash hona hai?
122jaldi vinaash chaahte ho va haan aur na ki chaahna se pare ho?
123vinaash ke bajaay sthaapna ke kaarya ko sampanna banaane mein sabhi brahman ek hi dridh sankalp mein sthit ho jaaen to parivartan hua hi pada hai।
124koi bhi sampanna banne ki vishesh baat lakshya mein rakhte hue date fix karo-hona hi hai, tab sampanna ho jaayenge।
125abhi sangathit roop mein ek hi dridh sankalp parivartan ka nahin karte ho।
126koi karta hai koi nahin karta hai isliye vaayumandal powerful nahin banta hai।
127minority hone kaaran jo karta hai uska vaayumandal mein prasiddha roop se dikhaai nahin deta hai isliye ab aise programme banaao, jo aise vishesh group ka kartavya vishesh ho-dridh sankalp se karke dikhaana।
128jaise shuru mein purushaartha ke utsaah ko badhaane ke liye groups banaate the aur purushaartha ki race karte the, ek doosre ko sahayog dete hue utsaah badhaate the, vaise ab aisa teevra purushaarthiyon ka group bane, jo yeh paan ka beeda uthaaye ki jo kahenge vahi karenge, karke dikhaayenge।
129jaise shuru mein baap se pavitrata ki pratigya ki ki marenge, mitenge, sahan karenge, maar khaayenge, ghar chhod denge, lekin pavitrata ki pratigya sada kaayam rakhenge-aisi sherniyon ke sangathan ne sthaapna ke kaarya mein nimitta ban karke dikhaaya, kuchh socha nahin, kuchh dekha nahin- karke dikhaaya, vaise hi ab aisa group chaahiye।
130jo lakshya rakha us lakshya ko poorn karne ke liye sahan karenge, tyaag karenge, bura-bhala sunenge, pareekshaaon ko paas karenge lekin lakshya ko praapta karke hi chhodenge।
131aise group sample banen tab unko aur bhi follow karen।
132jo aadi mein so ant mein।
133aise maidaan mein aane vaale, jo ninda- stuti, maan-apmaan sabhi ko paar karne vaale hon - aisa group chaahiye।
134koi bhi baat mein sunna va sahan karna, kisi bhi prakaar se, yeh to karna hi hoga, kitna bhi achha karenge, lekin achhe ko jyaada sunna, sahan karna padta hai - aisi sahan shakti vaala group ho।
135jaise shuru mein pavitrata ke vrat vaala group maidaan mein aaya to sthaapna hui, vaise ab yeh group maidaan mein aae tab samaapti ho।
136aisa group nazar aata hai?
137jaise woh paarliyaamenta banaate hain na - yeh phir sampanna banne ki paarliyaamenta ho, nai duniya, naya jeevan banaane ka vidhaan banaane vaali vidhaan sabha ho।
138ab dekhenge kaun-sa group banaate ho।
139videshi bhi aisa hi group banaana।
140sachche brahman bankar dikhaana।
141jahaan bhi jaao vahaan pahunchte hi sab samjhen ki yeh to avtaar avatrit hue hain।
142jab ek avtaar duniya mein shanti la sakta hai to itne sabhi avtaar jab utrenge to kitni badi shanti ho jaayegi।
143vishwa mein shanti laane vaale avtaar ho, aise samajhte hue kaarya karna।
144achha।
145vardaan:- apni aakarshanmay sthiti dvaara sarva ko aakarshit karne vaale roohaani sevaadhaari bhav
146roohaani sevaadhaari kabhi yeh nahin soch sakte ki seva mein vriddhi nahin hoti ya sunne vaale nahin milte।
147sunne vaale bahut hain sirf aap apni sthiti roohaani aakarshanmay banaao।
148jab chumbak apni taraph kheench sakta hai to kya aapki roohaani shakti aatmaon ko nahin kheench sakti!
149to roohaani aakarshan karne vaale chumbak bano jisse aatmaayen svatah aakarshit hokar aapke saamne aa jaayen, yahi aap roohaani sevaadhaari bachchon ki seva hai।
150slogan:- samaadhaan swaroop banna hai to sabko sneh aur sammaan dete chalo।
151tapasvi moorta bano
152vishesh gyaan swaroop sthiti mein sthit ho yaad ki yaatra ko powerful banaao।
153apni shubh vritti va kalyaan ki vritti aur shaktishaali vaataavran dvaara anek tadapti hui, bhatakti hui, pukaar karne vaali aatmaon ko aananda, shanti aur shakti ki anubhooti karaao।