Daily Murli for Friday 21 April 2017

⁰21/04/17 praatahmurli om shanti "baapdaada"' madhuban ¹murli saar:- “meethe bachche - baap aaye hain tumhaara gyaan-yog se shrringaar karne, us shrringaar ko kaayam rakhne ke liye maaya se kabhi haar nahin khaana'' ²prashn:- kaun si ek chhoti baat nishchaybuddhi bachchon ke nishchay ko tod sanshaybuddhi bana deti hai?

³uttar:- nishchaybuddhi bachche agar chalte-chalte kisi chhoti bhi bhool ke bhram mein phans jaate hain to nishchay toot jaata hai। ⁴shreemat mein bhram paida hua to maaya sanshaybuddhi bana degi। ⁵jo sanshaybuddhi bante hain woh service bhi nahin kar sakte aur unse vikaaron ko jeetne ki mehnat bhi nahin hoti।

⁶aise kamjor bachchon ko bhi merciful baap raay dete hain bachche, agar tumhein vikaar sataate hain, service bhi nahin karte to baap ko to yaad karo। ⁷geet:- tumheen ho maata pita… ⁸om shanti।

⁹yeh kiski mahima hai? ¹⁰maat-pita ki।

¹¹tum us maat-pita ke bachche ho। ¹²unko kaha jaata hai behad ka rachayita। ¹³kitne brahmaakumaar kumaariyaan hain।

¹⁴jagat amba aur jagat pita, brahma ke bhi chitra hain। ¹⁵sirf bhinna chitra bana diye hain। ¹⁶tum jaante ho vishwa ke aadi arthaat satayug mein athaah sukh the।

¹⁷abhi phir se behad ke baap se behad ke sukh ka varsa le rahe hain। ¹⁸yeh mahima laukik maa baap ki nahin ho sakti। ¹⁹yeh hai behad ke maa baap ki baat।

²⁰parampita paramatma ko hi maat-pita kaha jaata hai। ²¹parantu woh hai niraakaar। ²²yeh to bahut baar samjhaaya hai ki nai rachna, naye dharma ke liye yeh naya gyaan hai।

²³devi devta dharma abhi hai nahin। ²⁴koi bhi nahin kahenge ki hamaara devi devta dharma hai, kyonki woh to sampoorn nirvikaari the। ²⁵abhi hain sab vikaari aur dharma praayah lop bhi zaroor hone chaahiye, tab to phir se us dharma ki sthaapna karne ke liye baap ko aana pade।

²⁶abhi tum bachchon ko baap aur varse ko yaad karna hai। ²⁷varse ke liye maa ke pet se janma le phir baap ko yaad karte hain। ²⁸janma to liya parantu through kiske?

²⁹maa se janma lete hain।

³⁰yeh bhi aise hai - through maa ke tum bachche bane ho। ³¹yaad karte ho shivbaaba ko varsa lene ke liye via maa। ³²parantu koi ko nishchay hai, koi ko nahin hai।

³³aise nahin ki sabhi ko nishchay hai, maaya ghutka dilaati rehti hai। ³⁴kahaan na kahaan phans padte hain। ³⁵shreemat par na chalne vaale apni hi bhoolon ke bhram mein phansate hain, nishchay hai to phir aur sab baaten chhod dete hain।

³⁶sunna hai aur sunaana hai।

³⁷koi kehte hain ham service nahin kar sakte। ³⁸praja nahin banaayenge to raaja bhi nahin banenge। ³⁹achha aur kuchh nahin karte ho to sirf shivbaaba ko yaad karo।

⁴⁰svarga mein aa jaayenge। ⁴¹achha vikaaron ko jeetne ki mehnat nahin pahunchti phir bhi baap ko yaad karo to svarga mein aa jaayenge, parantu pad kam milega। ⁴²baap samjhaate hain - bhakti ka part ab khatma hona hai।

⁴³bhakti ka phal dene baap aaye hain। ⁴⁴tum hi nambarvaar poori bhakti karte ho।

⁴⁵pahle-pahle karte ho shivbaaba ki phir brahma vishnu shankar ki। ⁴⁶abhi to dekho gali-gali mein kitne mandir bana diye hain, kitne satsang hote hain। ⁴⁷jahaan yeh sab cheejen bahut hain, vahaan phir yeh kuchh bhi nahin rahega।

⁴⁸ek bhi mandir nahin rahega।

⁴⁹abhi to bhakti ki kitni saamagri hai। ⁵⁰dvaapar, kaliyug hai bhakti maarga ka yug, tamopradhaan banne ka yug। ⁵¹ab baap in sab jhanjhaton se chhuda dete hain।

⁵²kehte hain hear no evil, si no evil... deh sahit in sabse mamatva mitaao। ⁵³ab tumhein naye ghar mein chalna hai। ⁵⁴jab sthaapna ho jaae tab to chalenge na - yeh hai puraani duniya, duhkhadhaam।

⁵⁵yeh antim janma hai। ⁵⁶abhi tum eeshvar ki god mein baithe ho। ⁵⁷maat-pita ki god mein ho।

⁵⁸lomujeeb baap brahma mukh se tumko janma dete hain to yeh maa ho gai, lekin tumhaari buddhi phir bhi shivbaaba taraph chali jaati hai। ⁵⁹tum maat-pita ham baalak tere.... shivbaaba taraph lav chala jaata hai। ⁶⁰tum sajniyaan bhi ho।

⁶¹shivbaaba aaya hai, tumko shrringaar kar laayak banaane। ⁶²gyaan aur yog se tum bachchon ko shrringaarte hain। ⁶³sirf tum nahin ho, yeh aavaaj to sab centres par sunte hain।

⁶⁴hajaaron sunte rahenge। ⁶⁵sabhi ka shrringaar hota rehta hai। ⁶⁶kitne shrringaar karte-karte phir maile ho jaate hain।

⁶⁷baba gadhe ka misaal dete hain na। ⁶⁸tum bachchon ko sarvagun sampanna, 16 kala sampoorn .... banna hai। ⁶⁹ghadi-ghadi maaya se haar nahin khaani hai।

⁷⁰kehte hain baba aaj maaya ne thappad maar diya। ⁷¹baba kehte hain tum kul ko kalank lagaane vaale ho। ⁷²baap ki bhi ninda to bachchon ki bhi ninda karaate ho।

⁷³tum to aur hi gir padenge। ⁷⁴is kaam mahaashatru par poori jeet paani hai।

⁷⁵baap se pratigya karni padti hai। ⁷⁶baap hai svarga ka rachayita, so to zaroor svarga ka maalik banaayenge। ⁷⁷jo yeh sahaj raajayog seekhenge, vahi svarga mein aayenge।

⁷⁸aise nahin ki sabhi svarga mein aayenge। ⁷⁹bhal yeh samajhte hain ki nai duniya god father rachte hain। ⁸⁰baaki nai duniya mein kaun raajya karte hain - yeh raaz to jab koi samjhaave।

⁸¹bhal jaante hain bhaarat praacheen hai, parantu yathaartha reeti to bhaaratvaasi khud hi nahin jaante to auron ko kya bataayenge। ⁸²tum batla sakte ho - bhaarat jaisa pavitra khanda aur koi ho nahin sakta। ⁸³bhaarat jaisa maalaamaal aur koi khanda nahin।

⁸⁴abhi America aadi ke paas bhal bahut dhan hai parantu bhaarat ki bhent mein to yeh jaise kaudiyaan hain। ⁸⁵bhaarat hi sab dharmon ka teertha sthaan hai। ⁸⁶sabhi aatmaon ka baap bhaarat mein aate hain, narka ko svarga banaane।

⁸⁷sabko liberate karte hain। ⁸⁸mahima hai to unki। ⁸⁹phool bhi un par chadhaane chaahiye।

⁹⁰parantu geeta mein naam gum kar diya hai, isliye mahatva kam kar diya hai। ⁹¹christian logon ne bhi ulti sulti baaten suni hain to ve bhi phir glaani ki baaten sunaae apne dharma mein bahuton ko convert karte gaye hain। ⁹²kitne Christian bante honge।

⁹³yeh to kalpa-kalpa hota hi rahega। ⁹⁴baap kehte hain jab aise dharma glaani hoti hai tab phir main aakar bhaarat ko heere jaisa banaata hoon। ⁹⁵behad ke baap se behad ka sukh milta hai, svarga ki sthaapna hoti hai।

⁹⁶woh hai shivbaaba।

⁹⁷tum ho shiv shakti bhaarat maataayen aur tum ho gupta। ⁹⁸tum shiv shakti sena ko manushya kya jaanen। ⁹⁹tum hi jaante ho barobar ham shiv shakti paandav sena hain।

¹⁰⁰yeh nai raajdhaani sthaapan ho rahi hai।

¹⁰¹yeh hai puraani patit duniya, woh hai paavan nai duniya। ¹⁰²is patit duniya mein paavan koi ho nahin sakta। ¹⁰³shaastron mein kya-kya baaten likh di hain।

¹⁰⁴sunaane vaale bhi bade hoshiyaar hote hain। ¹⁰⁵shaastra bhi sunte aaye, 7 roz ka paath bhi rakhte aaye। ¹⁰⁶rudra yagya aadi bhi rachte aaye hain।

¹⁰⁷phir bhi duniya ko tamopradhaan banna hi hai। ¹⁰⁸chaahe kuchh bhi karen, vaapis to ek bhi nahin ja sakta। ¹⁰⁹manushyon ko gyaan nahin to shaastron ka kanras bahut achha lagta hai।

¹¹⁰tumko abhi woh achha nahin lagta isliye baap kehte hain hear no evil.. sirf mujhe yaad karo, shreemat par chalo to shreshtha banenge। ¹¹¹aasuri mat par chalne se asur hi bante jaayenge। ¹¹²woh hai raavan mat।

¹¹³manushya raavan mat par hain tab to raavan ko jalaate rehte hain। ¹¹⁴baap har ek baat achhi reeti baith samjhaate hain। ¹¹⁵beej aur jhaad ki knowledge hai, isko kalpa vriksha kaha jaata hai।

¹¹⁶inki aayu 5 hajaar varsha hai।

¹¹⁷agar satayug ko laakhon varsha hue ho phir to hindu bahut dher hone chaahiye। ¹¹⁸ab tum bachche achhi reeti jaante ho ki vinaash to hona hi hai, natural calamities bhi aati jaayengi। ¹¹⁹inko phir woh godly calamities kah dete hain।

¹²⁰parantu god thode hi calamities laate hain। ¹²¹yeh to drama mein noondh hai। ¹²²vinaash na ho to nai duniya kaise rachi jaae। ¹²³mahaabhaarat ladaai se hi to get khulenge।

⁰ 21/04/17 Morning Murli Om Shanti BapDada Madhuban

¹²⁴bachchon ne saakshaatkaar kiya hai, manzil bahut bhaari hai। ¹²⁵to kai himmat nahin rakhte hain। ¹²⁶dekho, kal bhi baba samjha rahe the ki is mrityulok mein tumhaara yeh antim janma hai।

¹²⁷ab main amarlok ka maalik banaane aaya hoon। ¹²⁸yeh antim janma baap ka kehna maano। ¹²⁹pavitrata ki pratigya karo।

¹³⁰laukik baap ka bhi agar bachcha kehna na maane to baap kahenge na tum kapoot bachcha ho। ¹³¹baba to sarvashaktimaan hai, unke pharmaan par chalne se madad bhi milegi, phir bachche kehte hain achha sochenge। ¹³²are kal shareer chhoot jaae to varsa to milega nahin।

¹³³5 vikaaron ki beemaari bahut kadi hai। ¹³⁴maaya ne sabko rogi banaaya hai।

¹³⁵ab baap kehte hain meri shreemat par chalo। ¹³⁶maaya to bahut vikalpon mein laayegi, bahut toofaan aayenge। ¹³⁷devaala nikal jaayega।

¹³⁸phir kahenge yeh kya, baba ka bana to yeh haal hua! ¹³⁹parantu baap kehte hain tumne shivbaaba ko sab kuchh de diya, tum to trustee ho gaye। ¹⁴⁰woh tumko poora hisaab de denge।

¹⁴¹tum chinta kyon karte ho।

¹⁴²tum jaante ho abhi to bhaarat ka beda dooba hua hai, baap salvage karne aaye hain। ¹⁴³baap bigar svarga kaun banaaye। ¹⁴⁴kehte hain dvaarika neeche chali gai, ab oopar kaise aayegi।

¹⁴⁵kachchha machchha laayenge kya?

¹⁴⁶yeh drama ka chakra hai, jisko samajhna hai। ¹⁴⁷satayug, treta jab oopar hain tab dvaapar kaliyug neeche chale jaayenge। ¹⁴⁸srishti chakra ka chitra itna bada banaana chaahiye jaise aaina full size ka bhi banaate hain na।

¹⁴⁹baap kehte hain - bachche aaine mein apna munh dekhte raho, kahaan bandar to nahin ban padte ho! ¹⁵⁰jinmen vikaar hain woh bandar se bhi badtar hain। ¹⁵¹devtaayen to mandir laayak hain।

¹⁵²vaastav mein sanyaasiyon ke liye kabhi mandir nahin banaaya jaata। ¹⁵³mandir sirf devtaaon ka hota hai kyonki unhon ki aatma aur shareer donon pavitra hain। ¹⁵⁴yahaan pavitra shareer to mil na sake।

¹⁵⁵manushya kitne yagya rachte hain, kathaayen sunte rehte hain। ¹⁵⁶baap to ek hi behad ka yagya rachte hain, jisko rudra yagya kehte hain। ¹⁵⁷is yagya se hi vinaash jvaala prajjavlit hui, baaki sab yagya khalaas ho jaate hain।

¹⁵⁸rudra gyaan yagya mashhoor hai। ¹⁵⁹shiv gyaan yagya mashhoor nahin hai। ¹⁶⁰rudra ki aur saaligraamon ki pooja hoti hai।

¹⁶¹kitne saaligraam banaate hain। ¹⁶²shiv to ek hi banaate hain। ¹⁶³praja to dher banegi, itne thode hi bana sakenge।

¹⁶⁴shivbaaba aur tum bachchon ki pooja hoti hai kyonki tum saari duniya ko liberate karte ho। ¹⁶⁵tum ho shiv shaktiyaan - salvation army। ¹⁶⁶aise bahut hain jo svayan ko sarvodaya leader kehte hain।

¹⁶⁷ab saari duniya par daya to koi kar na sake। ¹⁶⁸sab par raham karne vaala merciful shivbaaba ko hi kaha jaayega। ¹⁶⁹manushya naam to bade-bade rakhvaate hain।

¹⁷⁰sarva par daya va kripa karna arthaat sukhdhaam mein le jaana-yeh kaam to ek paramatma ka hi hai। ¹⁷¹sabhi ka gati sadgati daata ek hi shivbaaba hai। ¹⁷²manushya kisi ki sadgati nahin kar sakte।

¹⁷³ek ki bhi nahin kar sakte, impossible hai। ¹⁷⁴tumko kehte hain ki tum log shaastron ko nahin maante ho। ¹⁷⁵woh cheez saamne hai, okhon se dekhte hain, maante kaise nahin!

¹⁷⁶parantu abhi ham shreemat par chalte hain, jisse shreshtha banenge। ¹⁷⁷shreemat hai bhagwan ki, krishna ki mat par nahin chalte। ¹⁷⁸krishna ki aatma bhi aage janma mein shreemat se aisa shreshtha devta bani thi, tat tvam।

¹⁷⁹unki raajdhaani bhi hogi na। ¹⁸⁰akela krishna kya karega! ¹⁸¹kaanton se phool baap ke sivaae aur koi bana na sake।

¹⁸²baap aaya hai to zaroor svarga rachenge na। ¹⁸³nahin to avtaar lene ki kya darkaar thi। ¹⁸⁴zaroor bhaarat ko svarga banaaya tha aur ab phir se bana rahe hain।

¹⁸⁵vahaan bhi mandir aadi honge nahin। ¹⁸⁶tum jaante ho baba bhaarat mein aaya hai, bhaarat ko svarga banaane। ¹⁸⁷baba ne samjhaaya hai maaya ke toofaan to sabhi ko aayenge।

¹⁸⁸baba se aakar poochho।

¹⁸⁹gyaan aur yog ka bhi anubhav poochho। ¹⁹⁰sankalp jo vikalpa ban jaate hain, unka bhi anubhav poochho। ¹⁹¹baba sabse aage hain, to in toofaanon se paas zaroor hote hain।

¹⁹²ham baba ko yaad karte hain। ¹⁹³phir bhi maaya kam nahin hai।

¹⁹⁴jitna rustam utna maaya poora saamna karegi, darna nahin hai। ¹⁹⁵likhte hain baba maaya ko bolo ki tang na kare। ¹⁹⁶parantu maaya toofaan to machaayegi, darna nahin hai।

¹⁹⁷achha।

¹⁹⁸meethe-meethe sikeeldhe bachchon prati maat-pita baapdaada ka yaad-pyaar aur good morning। ¹⁹⁹roohaani baap ki roohaani bachchon ko namaste। ²⁰⁰dhaarna ke liye mukhya saar:-

²⁰¹1) baap ko poora hisaab de, trustee ban sab chintaaon se mukta ho jaana hai। ²⁰²baap ke pharmaan par poora-poora chal madad ka paatra banna hai। ²⁰³2) manushyon ke doobe hue bede ko salvation army ban paar karna hai।

²⁰⁴baap ka madadgaar ban poojyaneey laayak banna hai। ²⁰⁵vardaan:- samay par yog ki shaktiyon ka prayog karne vaale sva ke sanskaar so sansaar parivartak bhav ²⁰⁶jaise yog karne aur karaane mein yogya ho aise yog ka prayog karne mein bhi yogya bano।

²⁰⁷sabse pahle apne sanskaaron par yog ki shakti ka prayog karo kyonki aapke shreshtha sanskaar hi shreshtha sansaar ke rachna ki neenv hain। ²⁰⁸to check karo ki koi bhi sanskaar samay par dhokha to nahin dete hain? ²⁰⁹kaisi bhi baat ho, vyakti ya vaayumandal ho lekin shreshtha sanskaaron ko parivartan kar saadhaaran va vyartha na bana den।

²¹⁰jo sva ke sanskaaron ko parivartan kar lete hain vahi sansaar ko parivartan karne ke nimitta ban jaate hain। ²¹¹slogan:- number aage lena hai to svabhaav easy aur purooshaartha attention vaala ho।