Daily Murli for Tuesday 2 April 2019

02-04-2019 praatahmurli om shanti "baapdaada"' madhuban

''meethe bachche - ab tumhaari sab taraph se ragen toot jaani chaahiye kyonki ghar chalna hai, koi aisa vikarma na ho, jo brahman kul ka naam badnaam ho''

prashn:- baap kin bachchon ko dekh-dekh bahut harshit hote hain? kaun-se bachche baap ki aakhon mein samaaye hue hain?

uttar:- jo bachche bahuton ko sukhdaai banaate, serviceable hain, unhein dekh-dekh baap bhi harshit hote hain। jin bachchon ki buddhi mein rehta ki ek baba se hi boloon, baba se hi baat karoon… aise bachche baap ki aankhon mein samaaye rehte hain। baba kehte - meri service karne vaale bachche mujhe ati priy hain। aise bachchon ko main yaad karta hoon।

om shanti। meethe-meethe roohaani bachche yeh to jaante hain ki ham baap ke saamne bhi baithe hain, woh baap phir teacher ke roop mein padhaane vaala bhi hai। vahi baap patit-paavan sadgati daata bhi hai। saath le jaane vaala bhi hai aur raasta bhi bahut sahaj bataate hain। patit se paavan banaane liye koi mehnat nahin dete hain। kahaan bhi jaao ghoomte phirte vilaayat mein jaate sirf apne ko aatma samjho। so to samajhte hain। parantu phir bhi kehte hain apne ko aatma nishchay karo, deh-abhimaan ko chhodkar aatma-abhimaani bano। ham aatma hain, shareer lete hain part bajaane liye। ek shareer se part bajaae phir doosra lete hain। kiska part 100 varsha ka, kiska 80 ka, kiska do varsha ka, kiska 6 maas ka। koi to janmate hi khatma ho jaate hain। koi janma lene se pahle garbha mein hi khatma ho jaate hain। ab yahaan ke punarjanma aur satayug ke punarjanma mein raat-din ka farka hai। yahaan garbha se janma lete hain to isko garbha jel kaha jaata hai। satayug mein garbha jel nahin hota hai। vahaan vikarma hote hi nahin, raavan raajya hi nahin। baap sab baaten samjhaate hain। behad ka baap baith is shareer dvaara samjhaate hain। is shareer ki aatma bhi sunti hai। sunaane vaala gyaan saagar baap hai, jisko apna shareer nahin hai। woh sadaiv shiv hi kahlaate hain। jaise woh punarjanma rahit hai, vaise naam roop lene se bhi rahit hai। unko kaha jaata hai sada shiv। sadaiv liye shiv hi hai, jisma ka koi naam nahin padta। ismen pravesh karte hain to bhi inke jisma ka naam, un par nahin aata। tumhaara yeh hai behad ka sanyaas, woh had ke sanyaasi hote hain। unke bhi naam phirte hain। tumhaare naam bhi baba ne kitne achhe-achhe rakhe। drama anusaar jinko naam diye woh gaayab ho gaye। baap ne samjha hamaare bane hain to zaroor kaayam rahenge, faarakti nahin denge, parantu de diya to phir naam rakhne se faayda hi kya। sanyaasi bhi phir ghar laut aate hain to phir puraana naam hi chalta hai। ghar mein lautte to hain na। aise nahin ki sanyaas karte hain to unhon ko mitra-sambandhi aadi yaad nahin rehte hain। koi ko to sab mitra-sambandhi aadi yaad aate rehte। moh mein phans marte hain। rag juti rehti hai। koi ka to jhat connection toot padta hai। todna to hai hi। baap ne samjhaaya hai ki abhi vaapis jaana hai। baap khud baith batlaate hain, subah ko bhi baba bata rahe the na। dekh-dekh man mein sukh hovat.... kyon? aankho mein bachche samaaye hue hain। aatmaayen noor hain hi। baap bhi bachchon ko dekh-dekh khush hota hai na। koi to bahut achhe bachche hote hain, centre sambhaalte, aur koi brahman ban phir vikaar mein chale jaate hain, to vo naapharmaanvardaar hote hain। to yeh baap bhi serviceable bachchon ko dekh-dekh harshit hote hain। behad ka baap kehte hain yeh to kul kalankit nikla। brahman kul ka naam badnaam karte hain। bachchon ko samjhaate rehte hain, kiske bhi naam-roop mein nahin phansana hai, unko bhi semi kul kalankit kahenge। semi se phir final bhi ho jaate hain। khud likhte hain baba ham gir gaya, hamne kaala munh kar diya। maaya ne dhokha de diya। maaya ke toophaan bahut aate hain। baap kehte hain kaam kataari chalaai to yeh bhi ek-do ko duhkh diya isliye pratigya karaate hain, blood nikaalkar bhi unse bada patra likhte hain। aaj woh hain nahin। baap kehte aho maaya! tum badi jabardasta ho। aise-aise bachche jo blood se bhi likhkar dete hain, tum unko bhi kha leti ho। jaise baap samartha hai, maaya bhi samartha hai। aadhaakalpa baap ki samarthi ka varsa milta hai, aadhaakalpa phir maaya woh samarthi ganva deti hai। yeh hai bhaarat ki baat। devi-devta dharma vaale hi solvent se insolvent bante hain। abhi tum lakshmi-naaraayan ke mandir mein jaayenge। tum to wonder khaayenge। is gharaane ke to ham the, abhi ham padh rahe hain। inki aatma bhi baba se padh rahi hai। aage to jahaan-tahaan tum maatha tekte the। abhi gyaan hai, har ek ke saare 84 janmon ki biography ko tum jaante ho। har ek apna part bajaate hain।

baap kehte hain - bachche, sadaiv harshit raho। yahaan ke harshitapne ke sanskaar phir saath le jaayenge। tum jaante ho ham kya bante hain? behad ka baap hamko yeh varsa de rahe hain aur koi bhi de na sake। ek bhi manushya nahin jisko pata ho ki yeh lakshmi-naaraayan kahaan gaye। samajhte hain jahaan se aaye vahaan chale gaye। ab baap kehte hain buddhi se judge karo bhakti maarga mein bhi tum ved-shaastra padhte ho, abhi main tumko gyaan sunaata hoon। tum judge karo - bhakti right hai ya ham right hai? baap, raam hai righteous, raavan hai unrighteous। har baat mein asatya bolte hain। yeh gyaan ki baaton ke liye kaha jaata hai। tum samajhte ho pahle ham sab asatya bolte the। daan-punya aadi karte bhi seedhi neeche hi utarte hain। tum dete bhi ho aatmaon ko। jo paapaatma, paapaatma ko dete to phir punya aatma kaise banenge? vahaan aatmaon ki len-den hoti hi nahin। yahaan to laakhon roopaye ka karz lete rehte hain। is raavan raajya mein qadam-qadam par manushyon ko duhkh hai। abhi tum sangam par ho। tumhaare to qadam-qadam mein padma hain। devtaayen padmapti kaise banen? yeh kisko bhi pata nahin hai। svarga to zaroor tha। nishaaniyaan hain। baaki unhein yeh pata nahin rehta hai ki kaun-se karma kiye hain agle janma mein, jo raajya mila hai। woh to hai hi nai srishti। to phaaltu khyaalaat hote hi nahin। usko kaha hi jaata hai sukhdhaam। 5 hazaar varsha ki baat hai। tum padhte ho sukh ke liye, paavan banne ke liye। athaah yuktiyaan nikalti hain। baap kitna achhi reeti samjhaate hain, shantidham aatmaon ke rahne ka sthaan hai, use sweet hom kaha jaata hai। jaise vilaayat se aate hain, to samjhenge abhi ham apne sweet hom mein jaate hain। tumhaara sweet hom hai shantidham। baap bhi shanti ka saagar hai na, jiska part hi pichhaadi mein hoga, to kitna samay shanti mein rehte honge। baba ka bahut thoda part kahenge। is drama mein tumhaara hai hero-heroine ka part। tum vishwa ke maalik bante ho। yeh nasha kabhi aur koi mein ho na sake। aur koi ki takdeer mein svarga ke sukh hain hi nahin। yeh to tum bachchon ko hi milte hain। jin bachchon ko baap dekhte hain, kehte hain baba tumheen se boloon, tumheen se baat karoon.... baap bhi kehte hain main tum bachchon ko dekh-dekh bada harshit hota hoon। ham 5 hazaar varsha baad aaye hain, bachchon ko duhkhadhaam se sukhdhaam mein le jaate hain kyonki kaam chita par chadhte-chadhte jalkar bhasma ho pade hain। ab unko jaakar kabra se nikaalna hai। aatmaayen to sab haazir hain na। unko paavan banaana hai।

baap kehte hain - bachche, buddhi se ek satguru ko yaad karo aur sabko bhool jaao। ek se hi taaluk rakhna hai। tumhaara kehna bhi tha aap aayenge to aapke sivaae aur koi nahin। aapki hi mat par chalenge। shreshtha banenge। gaate bhi hain oonch te oonch bhagwan hai। unki mat bhi oonche te oonchi hai। baap khud kehte hain yeh gyaan jo ab tumko deta hoon woh phir praayah lop ho jaayega। bhakti maarga ke shaastra to parampara se chale aate hain। kehte hain raavan bhi chala aata hai। tum poochho raavan ko kab se jalaate ho, kyon jalaate ho? kuchh bhi pata nahin। arth na samajhne ke kaaran kitna shaadmaana karte hain। bahut visitors aadi ko bulaate hain। jaise ceremony karte hain, raavan ko jalaane ki। tum samajh nahin sakte raavan ko kab se banaate aate hain? din-pratidin bada banaate jaate hain, kehte hain yeh parampara se chala aata hai। parantu aise to ho nahin sakta। aakhreen raavan ko kab tak jalaate rahenge? tum to jaante ho baaki thoda samay hai phir to inka raajya hi nahin hoga। baap kehte hain yeh raavan sabse bada dushman hai, in par vijay paani hai। manushyon ki buddhi mein bahut-si baaten hain। tum jaante ho is drama mein second by second jo kuchh chalta aaya hai, woh sab noondh hai। tum tithi taareekh saara hisaab nikaal sakte ho - kitna ghanta, kitne varsha, kitne maas hamaara part chalta hai। yeh saara gyaan buddhi mein hona chaahiye। baba hamko yeh samjhaate hain। baap kehte hain main patit-paavan hoon। tum mujhe bulaate ho ki aakar paavan banaao। paavan duniya hoti hai shantidham aur sukhdhaam। abhi to sab patit hain। hamesha baba-baba kehte raho। yeh bhoolna nahin hai, to sadaiv shivbaaba yaad aayega। yeh hamaara baba hai। pahle-pahle hai yeh behad ka baba। baba kahne se hi varse ki khushi mein aate hain। sirf bhagwan va eeshvar kahne se kabhi aisa vichaar nahin aayega। sabko bolo - behad ka baap samjhaate hain brahma dvaara। yeh unka rath hai। unke dvaara kehte hain main tum bachchon ko yeh banaata hoon। is badge mein saara gyaan bhara hua hai। pichhaadi mein tumko yahi yaad rahega - shantidham, sukhdhaam। duhkhadhaam ko to bhoolte jaate hain। yeh bhi jaante hain phir nambarvaar sab apne-apne time par aayenge। islaami, bauddhi, Christian aadi kitne dher hain। anek bhaashaayen hain। pahle tha ek dharma phir unse kitne nikle hain। kitni ladaaeeyaan aadi lagi hain। ladte to sab hain kyonki nidhanke ban jaate hain na। abhi baap kehte hain main tumko jo raajya deta hoon woh kabhi koi tumse chheen na sake। baap svarga ka varsa dete hain, jo koi chheen na sake। ismen akhanda, atal, adol rehna hai। maaya ke toophaan to zaroor aayenge। pahle jo aage hoga woh to sab anubhav karega na। beemaariyaan aadi sab hamesha ke liye khatma honi hain, isliye karmon ka hisaab-kitaab, beemaariyaan aadi jyaada aayen to ismen darna nahin hai। yeh sab pichhaadi ki hain, phir hongi nahin। abhi sab uthal khaayengi। boodhon ko bhi maaya javaan bana degi। manushya vaanaprastha lete hain to vahaan females nahin hoti hain। sanyaasi bhi jangal mein chale jaate hain। vahaan bhi females nahin hoti hain। koi ki taraph dekhte bhi nahin। bhiksha li, chale gaye। aage to bilkul stri ki taraph dekhte bhi nahin the। samajhte the zaroor buddhi jaayegi। behen-bhaai ke sambandh mein bhi buddhi jaati hai isliye baba kehte hain bhaai-bhaai dekho। shareer ka naam bhi nahin। yeh badi oonchi manzil hai। ekdam choti par jaana hai। yeh raajdhaani sthaapan hoti hai। ismen badi mehnat hai। kehte hain ham to lakshmi-naaraayan banenge। baap kehte hain bano। shreemat par chalo। maaya ke toophaan to aayenge, karmendriyon se kuchh bhi nahin karna hai। devaala aadi to aise bhi maarte rehte hain। aise nahin ki gyaan mein aaye hain tab devaala maara। yeh to chala aata hai। baap to kehte hain main aaya hi hoon tumko patit se paavan banaane। kab bahut achhi service karte hain, auron ko samjhaavanti phir devaala maaranti.. maaya badi jabardasta hai। achhe-achhe gir padte hain। baap baith samjhaate hain, meri service karne vaale bachche hi mujhe priy lagte hain। bahuton ko sukhdaai banaate hain, aise bachchon ko yaad karta rehta hoon। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi ke bhi naam roop mein phansakar kul kalankit nahin banna hai। maaya ke dhokhe mein aakar ek-do ko duhkh nahin dena hai। baap se samarthi ka varsa le lena hai।

2) sada harshit rahne ke sanskaar yahaan se hi bharne hai। ab paap aatmaon se koi bhi len-den nahin karni hai। beemaariyon aadi se darna nahi hai, sab hisaab-kitaab abhi hi chuktu karne hain।

vardaan:- paristhitiyon ko shikshak samajh unse paath padhne vaale anubhvi moorta bhav

koi bhi paristhiti mein ghabraane ke bajaae thode samay ke liye use shikshak samjho। paristhiti aapko vishesh do shaktiyon ke anubhvi banaati hai ek sahanshakti aur doosra saamna karne ki shakti। yeh donon paath padh lo to anubhvi ban jaayenge। jab kehte ho ham to trustee hain, mera kuchh nahin hai to phir paristhitiyon se ghabraate kyon ho। trustee maana sab kuchh baap havaale kar diya isliye jo hoga woh achha hi hoga is smriti se sada nishchint, samartha swaroop mein raho।

slogan:- jinka mijaaz meetha hai woh bhool se bhi kisi ko duhkh nahin de sakte।