Daily Murli for Saturday 9 May 2020

09-05-2020 praatahmurli om shanti "baapdaada"' madhuban

“meethe bachche - tum aatmaon ka pyaar ek baap se hai, baap ne tumhein aatma se pyaar karna sikhlaaya hai, shareer se nahin”

prashn:- kis purooshaartha mein hi maaya vighna daalti hai? maayaajeet banne ki yukti kya hai?

uttar:- tum purooshaartha karte ho ki ham baap ko yaad karke apne paapon ko bhasma karen। to is yaad mein hi maaya ka vighna padta hai। baap ustaad tumhein maayaajeet banne ki yukti bataate hain। tum ustaad ko pahchaan kar yaad karo to khushi bhi rahegi, purooshaartha bhi karte rahenge aur service bhi khoob karenge। maaya-jeet bhi ban jaayenge।

geet:- is paap ki duniya se…

om shanti। roohaani bachchon ne geet suna, arth samjha। duniya mein koi bhi arth nahin samajhte। bachche samajhte hain hamaari aatma ka lav parampita paramatma ke saath hai। aatma apne baap parampita param aatma ko pukaarti hai। pyaar aatma mein hai ya shareer mein? ab baap sikhlaate hain pyaar aatma mein hona chaahiye। shareer to khatma ho jaana hai। pyaar aatma mein hai। ab baap samjhaate hain tumhaara pyaar paramatma baap se hona chaahiye, shareeron se nahin। aatma hi apne baap ko pukaarti hai ki punya aatmaon ki duniya mein le chalo। tum samajhte ho - ham paap aatma the, ab phir punya aatma ban rahe hain। baba tumko yukti se punya aatma bana rahe hain। baap bataave tab to bachchon ko anubhav ho aur samjhen ki ham baap dvaara baap ki yaad se pavitra punya aatma ban rahe hain। yogbal se hamaare paap bhasma ho rahe hain। baaki ganga aadi mein koi paap dhoye nahin jaate। manushya ganga snaan karte hain, shareer ko mitti malte hain parantu usse koi paap dhulte nahin hain। aatma ke paap yogbal se hi nikalte hain। khaad nikalti hai, yeh to bachchon ko hi maaloom hai aur nishchay hai ham baba ko yaad karenge to hamaare paap bhasma honge। nishchay hai to phir purooshaartha karna chaahiye na। is purooshaartha mein hi maaya vighna daalti hai। roostam se maaya bhi achhi reeti roostam hokar ladti hai। kachche se kya ladegi! bachchon ko hamesha yeh khyaal rakhna hai, hamko maayaajeet jagatjeet banna hai। maaya jeete jagat jeet ka arth bhi koi samajhte nahin। abhi tum bachchon ko samjhaaya jaata hai - tum kaise maaya par jeet pa sakte ho। maaya bhi samartha hai na। tum bachchon ko ustaad mila hua hai। us ustaad ko bhi nambarvaar koi virla jaanta hai। jo jaanta hai unko khushi bhi rehti hai। purooshaartha bhi khud karte hain। service bhi khoob karte hain। amarnaath par bahut log jaate hain।

ab sabhi manushya kehte hain vishwa mein shanti kaise ho? abhi tum sabko siddha kar batlaate ho ki satayug mein kaise sukh-shanti thi। saare vishwa par shanti thi। in lakshmi-naaraayan ka raajya tha, koi aur dharma nahin tha। aaj se 5 hazaar varsha hue jabki satayug tha phir srishti ko chakra to zaroor lagaana hai। chitron se tum bilkul clear bataate ho, kalpa pahle bhi aise chitra banaaye the। din-pratidin improvement hoti jaati hai। kahaan bachche chitron mein tithi-taareekh likhna bhool jaate hain। lakshmi-naaraayan ke chitra mein tithi-taareekh zaroor honi chaahiye। tum bachchon ki buddhi mein baitha hua hai na ki ham svargavaasi the, ab phir banna hai। jitna jo purooshaartha karte hain utna pad paate hain। abhi baap dvaara tum gyaan ki authority bane ho। bhakti ab khalaas ho jaani hai। satayug-treta mein bhakti thode hi hogi। baad mein aadhaakalpa bhakti chalti hai। yeh bhi abhi tum bachchon ko samajh mein aata hai। aadhaakalpa ke baad raavan raajya shuru hota hai। saara khel tum bhaaratvaasiyon par hi hai। 84 ka chakra bhaarat par hi hai। bhaarat hi avinaashi khanda hai, yeh bhi aage thode hi pata tha। lakshmi-naaraayan ko god-goddess kehte hain na। kitna oonch pad hai aur padhaai kitni sahaj hai। yeh 84 ka chakra poora kar phir ham vaapis jaate hain। 84 ka chakra kahne se buddhi oopar chali jaati hai। abhi tumko mool vatan, sookshm vatan, sthoolavtan sab yaad hai। aage thode hi jaante the - sookshm vatan kya hota hai। abhi tum samajhte ho vahaan kaise movie mein baatcheet karte hain। movie bioscope bhi nikla tha। tumko samjhaane mein sahaj hota hai। silence, movie, talkie। tum sab jaante ho lakshmi-naaraayan ke raajya se lekar ab tak saara chakra buddhi mein hai।

tumhein grihastha vyavhaar mein rehte yahi ona laga rahe ki hamko paavan banna hai। baap samjhaate hain grihastha vyavhaar mein rehte bhi is puraani duniya se mamatva mita do। bachchon aadi ko bhal sambhaalo। parantu buddhi baap ke taraph ho। kehte hain na - haathon se kaam karte buddhi baap taraph rahe। bachchon ko khilaao, pilaao, snaan karaao, buddhi mein baap ki yaad ho kyonki jaante ho shareer par paapon ka bojh bahut hai isliye buddhi baap ki taraph lagi rahe। us maashook ko bahut-bahut yaad karna hai। maashook baap tum sab aatmaon ko kehte hain mujhe yaad karo, yeh part bhi ab chal raha hai phir 5 hazaar varsha baad chalega। baap kitni sahaj yukti bataate hain। koi takleeph nahin। koi kahe ham to yeh kar nahin sakte, hamko bahut takleeph bhaasti hai, yaad ki yaatra bahut mushkil hai। are, tum baba ko yaad nahin kar sakte ho! baap ko thode hi bhoolna chaahiye। baap ko to achhi reeti yaad karna hai tab vikarma vinaash honge aur tum ever healthy banenge। nahin to banenge nahin। tumko raay bahut achhi ek tik milti hai। ek tik davaai hoti hai na। ham guarantee karte hain is yogbal se tum 21 janmon ke liye kabhi rogi nahin banenge। sirf baap ko yaad karo - kitni sahaj yukti hai। bhaktimaarga mein yaad karte the anjaane se। ab baap baith samjhaate hain, tum samajhte ho ham kalpa pahle bhi baba aapke paas aaye the, purooshaartha karte the। pakka nishchay ho gaya hai। ham hi raajya karte the phir hamne ganvaaya ab phir baba aaya hua hai, unse raajya-bhaagya lena hai। baap kehte hain mujhe yaad karo aur raajaai ko yaad karo। manmanaabhav। ant mati so gati ho jaayegi। abhi naatak poora hota hai, vaapis jaayenge। baba aaye hain sabko le jaane liye। jaise var, vadhu ko lene liye aate hain। brides ko bahut khushi hoti hai, ham apne sasuraal jaate hain। tum sab seetaayen ho ek raam ki। raam hi tumko raavan ki jel se chhudaakar le jaate hain। liberator ek hi hai, raavanraajya se liberate karte hain। kehte bhi hain - yeh raavanraajya hai, parantu yathaartha reeti samajhte nahin hain। abhi bachchon ko samjhaaya jaata hai, auron ko samjhaane ke liye bahut achhi-achhi points di jaati hain। baba ne samjhaaya - yeh likh do ki vishwa mein shanti kalpa pahle muaaphik baap sthaapan kar rahe hain। brahma dvaara sthaapna ho rahi hai। vishnu ka raajya tha to vishwa mein shanti thi na। vishnu so lakshmi-naaraayan the, yeh bhi koi samajhte thode hi hain। vishnu aur lakshmi-naaraayan aur raadhe-krishna ko alag-alag samajhte hain। abhi tumne samjha hai, svadarshan chakradhaari bhi tum ho। shivbaaba aakar srishti chakra ka gyaan dete hain। un dvaara abhi ham bhi master gyaan saagar bane hain। tum gyaan nadiyaan ho na। yeh to bachchon ke hi naam hain।

bhakti maarga mein manushya kitne snaan karte hain, kitna bhatakte hain। bahut daan-punya aadi karte hain, saahookaar log to bahut daan karte hain। sona bhi daan karte hain। tum bhi abhi samajhte ho - ham kitna bhatakte the। ab ham koi hathayogi to hain nahin। ham to hain raajayogi। pavitra grihastha aashram ke the, phir raavanraajya mein apvitra bane hain। drama anusaar baap phir grihastha dharma bana rahe hain aur koi bana na sake। manushya tumko kehte hain ki tum sab pavitra banonge to duniya kaise chalegi? bolo, itne sab sannyaasi pavitra rehte hain phir duniya koi band ho gai hai kya? are srishti itni badh gai hai, khaane ke liye anaaj bhi nahin aur srishti phir kya badhaayenge। abhi tum bachche samajhte ho, baba hamaare sammukh haazir-naazir hai, parantu unko in aankhon se dekh nahin sakte। buddhi se jaante hain, baba ham aatmaon ko padhaate hain, haazir-naazir hain।

jo vishwa shanti ki baaten karte hain, unhein tum bataao ki vishwa mein shanti to baap kara raha hai। uske liye hi puraani duniya ka vinaash saamne khada hai, 5 hazaar varsha pahle bhi vinaash hua tha। abhi bhi yeh vinaash saamne khada hai phir vishwa par shanti ho jaayegi। abhi tum bachchon ki buddhi mein hain hi yeh baaten। duniya mein koi nahin jaante। koi nahin jinki buddhi mein yeh baaten ho। tum jaante ho satayug mein saare vishwa par shanti thi। ek bhaarat khanda ke sivaae doosra koi khanda nahin tha। peechhe aur khanda hue hain। abhi kitne khanda hain। abhi is khel ka bhi ant hai। kehte bhi hain bhagwan zaroor hoga, parantu bhagwan kaun aur kis roop mein aate hain। yeh nahin jaante। krishna to ho na sake। na koi prerna se va shakti se kaam kara sakte hain। baap to most beloved hai, unse varsa milta hai। baap hi svarga sthaapan karte hain to phir zaroor puraani duniya ka vinaash bhi woh karaayenge। tum jaante ho satayug mein yeh lakshmi-naaraayan the। ab phir khud purooshaartha se yeh ban rahe hain। nasha rehna chaahiye na। bhaarat mein raajya karte the। shivbaaba raajya dekar gaya tha, aise nahin kahenge shivbaaba raajya karke gaya tha। nahin। bhaarat ko raajya dekar gaya tha। lakshmi-naaraayan raajya karte the na। phir baba raajya dene aaye hain। kehte hain - meethe-meethe bachche, tum mujhe yaad karo aur chakra ko yaad karo। tumne hi 84 janma liye hain। kam purooshaartha karte hain to samjho isne kam bhakti ki hai। jaasti bhakti karne vaale purooshaartha bhi jaasti karenge। kitna clear kar samjhaate hain parantu jab buddhi mein baithe। tumhaara kaam hai purooshaartha karaana। kam bhakti ki hogi to yog lagega nahin। shivbaaba ki yaad buddhi mein thahregi nahin। kabhi bhi purooshaartha mein thanda nahin hona chaahiye। maaya ko pahalvaan dekh heart fail nahin hona chaahiye। maaya ke toofaan to bahut aayenge। yeh bhi bachchon ko samjhaaya hai, aatma hi sab kuchh karti hai। shareer to khatma ho jaayega। aatma nikal gai, shareer mitti ho gaya। woh phir milne ka to hai nahin। phir unko yaad kar rone aadi se phaayda hi kya। vahi cheez phir milegi kya। aatma ne to jaakar doosra shareer liya। abhi tum kitni oonch kamaai karte ho। tumhaara hi jama hota hai, baaki sabka na ho jaayega।

baba bhola vyaapaari hai tab to tumko mutthi chaaval ke badle 21 janmon ke liye mahal de deta hai, kitna byaaj deta hai। tumko jitna chaahiye bhavishya ke liye jama karo। parantu aise nahin, ant mein aakar kahenge jama karo, to us samay lekar kya karenge। anaadi vyaapaari thode hi hai। kaam mein aave nahin aur byaaj bharkar dena pade। aise ka lenge thode hi। tumko mutthi chaaval ke badle 21 janmon ke liye mahal mil jaate hain। kitna byaaj milta hai। baba kehte hain number one bhola to main hoon। dekho tumko vishwa ki baadshaahi deta hoon, sirf tum hamaare bankar service karo। bholaanaath hai tab to unko sab yaad karte hain। ab tum ho gyaan maarga mein। ab baap ki shreemat par chalo aur baadshaahi lo। kehte bhi hain baba ham aaye hain raajaai lene। so bhi sooryavanshi mein। achha, tumhaara mukh meetha ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par chal baadshaahi leni hai। chaaval mutthi de 21 janmon ke liye mahal lene hain। bhavishya ke liye kamaai jama karni hai।

2) grihastha vyavhaar mein rehte is puraani duniya se mamatva mitaakar poora paavan banna hai। sab kuchh karte buddhi baap ki taraph lagi rahe।

vardaan:- hajaar bhuja vaale brahma baap ke saath ka nirantar anubhav karne vaale sachche snehi bhav

vartamaan samay hajaar bhuja vaale brahma baap ke roop ka part chal raha hai। jaise aatma ke bina bhuja kuchh nahin kar sakti vaise baapdaada ke bina bhuja roopi bachche kuchh nahin kar sakte। har kaarya mein pahle baap ka sahayog hai। jab tak sthaapna ka part hai tab tak baapdaada bachchon ke har sankalp aur second mein saath-saath hai isliye kabhi bhi judaai ka parda daal viyogi nahin bano। prem ke saagar ki lahron mein lahraao, gungaan karo lekin ghaayal nahin bano। baap ke sneh ka pratyaksha swaroop seva ke snehi bano।

slogan:- ashareeri sthiti ka anubhav va abhyaas hi number aage aane ka aadhaar hai।