Daily Murli for Thursday 14 May 2020

14-05-2020 praatahmurli om shanti "baapdaada"' madhuban

“meethe bachche - tumhein sang bahut achha karna hai, bure sang ka rang laga to gir padenge, kusang buddhi ko tuchchha bana deta hai”

prashn:- abhi tum bachchon ko kaun si uchhal aani chaahiye?

uttar:- tumhein uchhal aani chaahiye ki gaanv-gaanv mein jaakar service karen। tumhaare paas jo kuchh hai, woh seva arth hai। baap bachchon ko raay dete hain - bachche, is puraani duniya se apna pallav aazaad karo। koi cheez mein mamatva nahin rakho, inse dil nahi lagaao।

geet:- is paap ki duniya se…

om shanti। paap aatmaon ki duniya aur punya aatmaon ki duniya, naam aatmaon ka hi rakha jaata hai। abhi yahaan duhkh hai tab pukaarte hain। punya aatmaon ki duniya mein pukaarte nahin ki kahaan le chalo। tum bachche samajhte ho, yeh koi pandit va sanyaasi shaastravaadi aadi nahin sunaate hain। yeh khud bhi kehte hain - main yeh gyaan nahin jaanta tha, raamaayan aadi shaastra to dher padhte the। baaki yeh gyaan ham tumko sunaate hain। yeh bhi sunte hain। abhi yeh hai paap aatmaon ki duniya। punya aatmaon ke liye sirf kahenge ki yeh hokar gaye hain। bas, pooja karke aa jaayenge, shiv ki pooja karke aayenge। tum bachche ab kiski pooja karenge? tum jaante ho oonch te oonch bhagwan shiv hai, woh hai obedient baap, teacher, obedient preceptor। saath le jaane ki guarantee aur koi guru aadi kar na saken। so bhi woh koi sabko thode hi le jaayenge। abhi tum sammukh baithe ho, yahaan se apne ghar mein jaane se bhi tum bhool jaayenge। yahaan sammukh sunne se maza aayega। baap ghadi-ghadi kehte hain - bachche, achhi reeti padho। ismen gaphlat nahin karo, kusang mein nahin phanso। nahin to aur hi tuchchha buddhi ho jaayenge। bachche jaante hain ham kya the, kya paap kiye। ab ham yeh devta bante hain, yeh puraani duniya khatma honi hai phir yahaan makaan aadi ki kya parvaah rakhni hai। is duniya ka jo kuchh hai woh bhoolna hai। nahin to rookaavat daalenge। ismen dil lagta nahin। ham nai duniya mein apne heere-javaahraaton ke mahal jaakar banaayenge। yahaan ke paise aadi koi cheez achhi lagti hogi to shareer chhodte samay usmein moh chala jaayega। hamaara-hamaara karenge to woh pichhaadi mein saamne aa jaayega। yeh to sab yahaan khatma ho jaane hain। ham apni raajdhaani mein aa jaayenge, isse kya dil lagaani hai। vahaan bahut sukh rehta hai। naam hi hai svarga। abhi ham chale apne vatan, yeh to raavan ka vatan hai, hamaara nahin। inse chhootne ka purooshaartha karna hai। puraani duniya se pallav aazaad karaate hain isliye baap kehte hain koi cheez mein mamatva nahin rakho। pet koi jaasti nahin maangata, phaaltu cheezon par kharcha bahut hota hai। tum bachchon ko service karne ke liye uchhal aani chaahiye। kai bachche hain jinko gaanv-gaanv mein service karne ka shauk hai। baaki jisko service ka shauk nahin, unhein kya kaam ke kahenge। jaise baap vaise bachchon ko banna chaahiye। baap ka hi parichay dena hai। baap ko yaad karo aur baap se varsa lo। bachchon ko shauk hota - ham baba ki service par jaate hain। to baap bhi himmat badhaate hain। baap aaye hain service par, service ke liye sab kuchh hai। yeh to baap ka parichay sabko dena hai। baap ek hi hai। bhaarat mein aaya tha, bhaarat mein devtaaon ka raajya tha। kal ki baat hai, lakshmi-naaraayan ka raajya tha phir raam-seeta ka। phir vaam maarga mein gire। raavan raajya shuru hua, seedhi neeche utre ab phir chadhti kala second ki baat hai।

ek hota hai real lav, doosra hota hai artificial lav। real lav baap se tab ho jab apne ko aatma samjhe। ab tum bachchon ka is duniya mein artificial lav hai। yeh to khatma honi hai। service karne vaale kabhi bhookh nahin mar sakte। to service ka bachchon ko shauk rakhna chaahiye। tumhaari eeshvareey mission badi sahaj hai। koi samajhte nahin ki dharma kaise sthaapan hota hai। Christ aaya, Christian dharma sthaapan kiya, dharma badhta gaya। uski mat par chalte-chalte girte aaye, ab tum bachchon ko dehi-abhimaani banna hai। aadhaakalpa raavan raajya mein ham baap ko bhool gaye, ab baap ne aakar sujaag kiya hai। baba kehte drama anusaar tumko girna hi tha। tumhaara bhi dosh nahin। raavan raajya mein duniya ki aisi haalat ho jaati hai। baap kehte hain ab main aaya hoon padhaane। tum phir se apni raajaai lo। main aur koi takleeph nahin deta hoon। ek to baazaar ki chhi-chhi gandi cheezen na khaao aur maamekam yaad karo। abhi tum bachche jaante ho - yeh drama ka chakra hai, jo phir repeat hoga। tumhaari buddhi mein drama ke aadi, madhya, ant ka gyaan hai। tum koi ko bhi samjha sakte ho। pahle to baap ki yaad rahni chaahiye। service ke liye aapas mein milkar saathi bana lena chaahiye। maataaon ko bhi nikalna chaahiye। ismen darne ki koi baat nahin hai। chitra aadi sab tumko milenge। tumhaari service jaasti hogi। kahenge aap chale jaate ho, phir hamko kaun sikhaayenge? bolo, ham service karne ke liye taiyaar hain। makaan aadi ka prabandha karo। bahuton ke kalyaan arth nimitta ban jaayenge। baba service ka umang dilaate hain। bachchon mein himmat hai, to service bhi badhti hai। yeh koi mela nahin hai jo 10-15 din mela chala phir khalaas। yeh mela to chalta hi rehta hai। yahaan aatmaon aur paramatma ka milan hota hai, jisko hi sachcha mela kaha jaata hai। woh to abhi chal hi raha hai। mela banda tab hoga jab service poori hogi। drama anusaar bachchon ko service ka bada shauk chaahiye। jo behad ke baap mein knowledge hai, woh bachchon ki buddhi mein hai। oonch te oonch baap se ham kitna oonch bante aaye hain। aise-aise apne se baaten karni hain। aapas mein seminar karna hai। baba se raay kar service mein lag jaao। koi madad ki darkaar ho to baba dulhelaal baitha hai। yeh sab drama mein noondh hai। pha ki koi baat nahin। nahin to sthaapna kaise hogi। doosri baat yeh bhi hai, jo karega woh paayega। abhi tum bachche pattharbuddhi se heere jaisa bante ho। baap gyaan se itna seedha karte, maaya phir naak se pakadkar peeth dila deti hai।

tum bachchon ko sang bada achha karna chaahiye। bure sang ka rang lagne se gir padenge। baba bioscope (cinema) aadi dekhne ki mana karte hain। jisko bioscope ki aadat padi woh patit banne bigar rah nahin sakenge। yahaan har ek ki activity dirty hai, naam hi hai veshyaalay। baap shivaalay sthaapan kar rahe hain। veshyaalay ko poori aag lagni hai। kumbhakran jaise aasuri neend mein soye pade hain। tum samajhte ho ki ham shivaalay mein ja rahe hain। pahle ham bhi bandar sadrishya the, is par raamaayan mein bhi kahaani hai। abhi tum baap ke madadgaar bane ho। tum apni shakti se raajya sthaapan kar rahe ho। phir yeh raavan raajya khalaas ho jaana hai। tum bachchon ko anek prakaar ki yuktiyaan bataate rehte hain। kisko daan nahin karenge to phal bhi kaise milega। pahle-pahle 10-15 ko raasta bataakar phir baad mein bhojan khaana chaahiye। pahle shubh kaam karke aao, ismen hi tumhaara kalyaan hai। koi bhi dehdhaari ko yaad nahin karo। yeh to patit duniya hai। patit-paavan ek baap ko yaad karo to paavan duniya ke maalik ban jaayenge। ant mati so gati ho jaayegi। to kisi na kisi ko sandesh sunaakar phir aae bhojan khaana chaahiye। tum sabko yahi bataate raho ki baap ko yaad karne se itna oonch ban jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

raatri class - 17-3-68

kabhi bhi koi bhaashan aadi karna ho to aapas mein milkar do chaar baari rehearsal karo, points addition correction kar taiyaar karo to phir refine bhaashan karenge। mool ek baat par (geeta ke bhagwan par) hi tumne vijay paai to phir sabhi baaton mein vijay ho jaayegi, iske liye conference to hogi na! samajhte rahenge jhaad ki vridvi to zaroor honi hai। maaya ke toofaan to sabhi ko lagte hain। aksar karke likhte hain baba hamne kaam ki chamaat khaai, isko kaha jaata hai ki kamaai chat। krodh aadi kiya to kahenge kuchh ghaata pada। iske liye samjhaana padta hai, kaam par jeet pahan jagat jeet bante hain। kaam se haare haar hoti hai। kaam se haarne vaale ki kamaai chat ho jaati hai, danda pad jaata hai। manzil bahut badi hai isliye badi khabardaari rakhni padti hai। tum bachche jaante ho 5000 varsha pahle bhi hamko baadshaahi mili thi। abhi phir se daivi raajdhaani sthaapan ho rahi hai। is padhaai se ham us raajdhaani mein jaate hain, saara madaar hai padhaai par। padhaai aur dhaarna se hi baap samaan banenge। register bhi chaahiye na jo maaloom pade kitnon ko aap samaan banaaya। jitna jaasti dhaarna karenge utna hi meetha banenge। bahut lovely bachche chaahiye। tum bachchon ke liye hi woh din aaya aaj, jiske liye manushya bahut koshish karte hain ki mukti mein jaaven। baap sabhi ko ikattha hi mukti jeevanmukti dete hain। jo devta banne ka purushaartha karte hain vahi jeevanmukti mein aayenge। baaki sabhi mukti mein jaayenge। hisaab accurate nahin nikaal sakte। koi to rahenge bhi। vinaash ka saakshaatkaar karenge। yeh suhaavna samay bhi dekhenge। har baat mein purushaartha karna hota hai। aise bhi nahin yaad mein baithenge to kaam ho jaayega। makaan mil jaayega। nahin। woh to drama mein jo hai vahi hota hai, aash nahin rakhni chaahiye। purushaartha karna hota hai। baaki hota to vahi hai jo drama mein noondh hai। aage chal tumhaari vritti bhi bhaai bhaai ki ho jaayegi। jitna purushaartha karenge utna woh vritti rahegi। ham ashareeri aaye the। 84 janma ka chakra poora kiya। ab baap kehte hain karmaateet avastha mein jaana hai।

tumko vaastav mein kisi se bhi shaastron aadi par vivaad karne ki darkaar nahin hai। mool baat hai hi yaad ki aur srishti ke aadi madhya ant ko samajhna hai। chakravarti raaja banna hai। is chakra ko hi sirf samajhna hai। inka hi gaayan hai second mein jeevanmukti। tum bachchon ko wonder lagta hoga, aadha kalpa bhakti chalti hai। gyaan rinchak nahin। gyaan hai hi baap ke paas। baap dvaara hi jaanna hai। yeh baap kitna uncommon hai, isliye koton mein kou nikalte hain। woh teachers aise thode hi kahenge। yeh to kehte hain main hi baap, teacher, guru hoon। to manushya sunkar wonder khaayenge। bhaarat ko mother country kehte hain kyonki amba ka naam bahut baala hai। amba ke mele bhi bahut lagte hain। amba meetha akshar hai। chhote bachche bhi maa ko pyaar karte hain na kyonki maa khilaati pilaati sambhaalti hai। ab amba ka baba bhi chaahiye na। yeh to bachchi hai adopted, inka pati to hai nahin। yeh nai baat hai na। prajaapita brahma zaroor adopt karte honge। yeh sabhi baaten baap hi aakar tum bachchon ko samjhaate hain। kitna mela lagta hai pooja hoti hai, kyonki tum bachche service karte ho। mama ne jitne ko padhaaya hoga utna aur koi padha na sake। mama ka naamaachaar bahut hai, mela bhi bahut lagta hai। abhi tum bachche jaante ho, baap ne hi aakar rachna ke aadi-madhya-ant ka saara raaz tum bachchon ko samjhaaya hai। tumko baap ke ghar ka bhi maaloom pada hai। baap se hi lav hai, ghar se bhi lav hai। yeh gyaan tumko abhi milta hai। is padhaai se kitni kamaai hoti hai। to khushi honi chaahiye na aur tum ho bilkul saadhaaran। duniya ko pata nahin hai, baap aakar yeh knowledge sunaate hain। baap hi aakar sabhi nai nai baaten bachchon ko sunaate hain। nai duniya banti hai behad ki padhaai se। puraani duniya se vairaagya aa jaata hai। tum bachchon ke andar mein gyaan ki khushi rehti hai। baap ko aur ghar ko yaad karna hai। ghar to sabhi ko jaana hi hai। baap to sabhi ko kahenge na bachchon ham tumko mukti jeevanmukti ka varsa dene aaya hoon। phir bhool kyon jaate ho! main tumhaara behad ka baap hoon, raajayog sikhlaane aaya hoon। to kya tum shreemat par nahin chalenge। phir to bahut ghaata pad jaayega। yeh hai behad ka ghaata। baap ka haath chhoda to kamaai mein ghaata pad jaayega। achha - goodnight। om shanti।

dhaarna ke liye mukhya saar:-

1) is duniya ka jo kuchh hai use bhoolna hai। baap samaan obedient ban service karni hai। sabko baap ka parichay dena hai।

2) is patit duniya mein apne aapko kusang se bachaana hai। baajaar ka ganda bhojan nahin khaana hai, bioscope nahin dekhna hai।

vardaan:- parmaatma yaad ki god mein samaane vaale sangamayugi shreshtha bhaagyavaan aatma bhav

sangamayug satayugi svarga se bhi shreshtha hai kyonki abhi ka gaayan hai apraapta nahin koi vastu braahmanon ke sansaar mein। ek baap mila to sab kuchh mila। abhi aap bachche kabhi ateendray sukh ke jhoole mein jhoolte ho, kabhi khushi, kabhi shanti, kabhi gyaan, kabhi aanand aur kabhi parmaatma godi ke jhoole mein jhoolte। parmaatma godi hai - yaad ki lavleen avastha। yeh god second mein anek janmon ke dukh-darda bhula deti hai। to is shreshtha sanskaar ko sada smriti mein rakh bhaagyavaan aatma bano।

slogan:- aisa sapoot bano jo baba aapke geet gaaye aur aap baba ke geet gaao।