Daily Murli for Wednesday 22 July 2020

22-07-2020 praatahmurli om shanti "baapdaada"' madhuban

“meethe bachche - tum bahut royal student ho, tumhein baap, teacher aur satguru ki yaad mein rehna hai, alaukik khidmat (seva) karni hai''

prashn:- jo apne aapko behad ka paartadhaari samajhkar chalte hain, unki nishaani sunaao?

uttar:- unki buddhi mein koi bhi sookshm va sthool dehdhaari ki yaad nahin hogi। woh ek baap ko aur shantidham ghar ko yaad karte rahenge kyonki balihaari ek ki hai। jaise baap saari duniya ki khidmat karte hain, patiton ko paavan banaate hain। aise bachche bhi baap samaan khidmatgaar ban jaate hain।

om shanti। pahle-pahle baap bachchon ko saavdhaani dete hain। yahaan baithte ho to apne ko aatma samajh baap ke aage baithe ho? yeh bhi buddhi mein laao ki ham baap ke aage bhi baithe hain, teacher ke aage bhi baithe hain। number one baat hai - ham aatma hain, baap bhi aatma hai, teacher bhi aatma hai, guru bhi aatma hai। ek hi hai na। yeh nai baat tum sunte ho। tum kahenge baba ham to kalpa-kalpa yeh sunte hain। to buddhi mein yeh yaad rahe, baap padhaate hain, ham aatma in organs dvaara sunti hain। yeh gyaan is samay hi tum bachchon ko milta hai oonch te oonch bhagwan dvaara। woh sabhi aatmaon ka baap hai, jo varsa dete hain। kya gyaan dete hain? sabki sadgati karte hain yaani ghar le jaate hain। kitne ko le jaayenge? yeh sab tum jaante ho। machchharon sadrishya sabhi aatmaon ko jaana hai। satayug mein ek hi dharma, pavitrata-sukh-shanti sab rehta hai। tum bachchon ko chitra par samjhaana bahut sahaj hai। bachche bhi nakshe par samajh jaate hain na। inglainda hai, yeh hai phir woh yaad pad jaata hai। yeh bhi aise hai। ek-ek student ko samjhaana hota hai, mahima bhi ek ki hai - shivaae namah oonch te oonch bhagwan। rachta baap ghar ka bada hota hai na। woh had ke, yeh hai saare behad ke ghar ka baap। yeh phir teacher bhi hai। tumko padhaate hain। to tum bachchon ko bahut khushi rahni chaahiye। tum student bhi royal ho। baap kehte hain main saadhaaran tan mein aata hoon। prajaapita brahma bhi zaroor yahaan chaahiye। un bigar kaam kaise chal sakta। aur zaroor bujurga hi chaahiye kyonki adopted hain na। to bujurga chaahiye। krishna to bachche-bachche bol na sake। bujurga shobhta hai। bachche ko thode hi koi baba kahenge। to bachchon ko bhi buddhi mein aana chaahiye ham kiske aage baithe hain। andar mein khushi bhi honi chaahiye। student kahaan bhi baithe honge unki buddhi mein baap bhi yaad aata hai। teacher bhi yaad padta hai। unko to baap alag, teacher alag hota hai। tumhaara to ek hi baap-teacher-guru hai। yeh baba bhi to student hai। padh rahe hain। sirf loan par rath diya hua hai aur koi farka nahin। baaki tumhaare muaaphik hi hai। inki aatma bhi yahi samajhti hai jo tum samajhte ho। balihaari hai hi ek ki। unko hi prabhu eeshvar kehte hain। yeh bhi kehte hain apne ko aatma samajh ek paramatma ko yaad karo, baaki sab sookshm va sthool dehdhaariyon ko bhool jaao। tum shantidham ke rahne vaale ho। tum ho behad ke paartadhaari। yeh baaten aur koi bhi nahin jaante। duniya bhar mein kisko pata nahin hai, yahaan jo aate hain woh samajhte jaate hain। aur baap ki service mein aate jaate hain। eeshvareey khidmatgaar thahre na। baap bhi aaye hain khidmat karne। patiton ko paavan banaane ki khidmat karte hain। raajya ganvaakar phir jab duhkhi hote hain to baap ko bulaate hain। jisne raajya diya hai, unko hi bulaayenge।

tum bachche jaante ho baap sukhdhaam ka maalik banaane aaye hain। duniya mein yeh kisko pata nahin hai। hain to sab bhaaratvaasi ek dharma ke। yeh hai hi mukhya dharma। so zaroor jab na ho tab to baap aakar sthaapan kare। bachche samajhte hain bhagwan jisko saari duniya allaah god kah pukaarti hai, woh yahaan drama anusaar kalpa pahle muaaphik aaye hain। yeh hai geeta ka episode, jismen baap aakar sthaapna karte hain। gaaya bhi jaata hai brahman aur devi-devta… kshatriy nahin kehte। brahman devi-devta namah kehte hain kyonki kshatriy to phir bhi 2 kala kam ho gaye na। svarga kaha hi jaata hai nai duniya ko। treta ko nai duniya thode hi kahenge। pahle-pahle satayug mein hai ekdam nai duniya। yeh hai puraane te puraani duniya। phir naye te nai duniya mein jaayenge। ham ab us duniya mein jaate hain tab to bachche kehte hain ham nar se naaraayan bante hain। katha bhi ham satya naaraayan ki sunte hain। prince banne ki katha nahin kehte। satya naaraayan ki katha hai। woh naaraayan ko alag samajhte hain। parantu naaraayan ki koi jeevan kahaani to hai nahin। gyaan ki baaten to bahut hain na isliye 7 roz diye jaate hain। 7 roz bhatthi mein rehna pade। parantu aise bhi nahin yahaan bhatthi mein rehna hai। aise to phir bhatthi ka bahaana kar bahut dher aa jaaen। padhaai savere aur shaam ko hoti hai। dophar mein vaayumandal theek nahin hota hai। raatri ka bhi 10 se 12 tak bilkul kharaab time hai। yahaan tum bachchon ko bhi mehnat karni hai, yaad mein rah satopradhaan banne ki। vahaan to saara din kaam-dhandhe mein rehte ho। aise bhi bahut hote hain jo dhandha dhori karte phir padhte bhi hain jaasti achhi naukri karne ke liye। yahaan bhi tum padhte ho to teacher ko yaad karna pade jo padhaate hain। achha, teacher samajhkar hi yaad karo to bhi teenon hi ikatthe yaad aa jaate hain - baap, teacher, guru, tumhaare liye bahut sahaj hai to jhat yaad aane chaahiye। yeh hamaara baba bhi hai, teacher aur guru bhi hai। oonch te oonch baap hai jisse ham svarga ka varsa le rahe hain। ham svarga mein zaroor jaayenge। svarga ki sthaapna zaroor honi hai। tum purooshaartha sirf karte ho oonch pad paane liye। yeh bhi tum jaante ho। manushyon ko bhi pata padega, tumhaara aavaaz phailta rahega। tum braahmanon ka alaukik dharma hai - shreemat par alaukik seva mein tatpar rehna। yeh bhi manushyon ko pata pad jaayega ki tum shreemat par kitna oonch kaam kar rahe ho। tumhaare jaisi alaukik service koi kar na sake। tum brahman dharma vaale hi aisa karma karte ho। to aise karma mein lag jaana chaahiye, ismen hi busy rehna chaahiye। baap bhi busy rehte hain na। tum raajdhaani sthaapan kar rahe ho। woh to panchaayat milkar sirf paalna karti rehti hai। yahaan tum gupta vesh mein kya kar rahe ho। tum ho incognito, unknown warriors, non-violence। inka arth bhi koi samajhte nahin hain। tum ho double ahinsak sena। badi hinsa to yeh vikaar ki hai, jo patit banaati hai। inko hi jeetna hai। bhagvaanuvaach kaam mahaashatru hai, in par jeet paane se hi tum jagatjeet banenge। yeh lakshmi-naaraayan jagatjeet hain na। bhaarat jagat jeet tha। yeh vishwa ke maalik kaise banen! yeh bhi baahar vaale samajh na saken। is samajhne mein buddhi badi vishaal chaahiye। bade-bade imtahaan padhne vaalon ki vishaalbuddhi hoti hai na। tum shreemat par apna raajya sthaapan karte ho। tum kisko bhi samjha sakte ho vishwa mein shanti thi na, aur koi raajya nahin tha। svarga mein shanti ho na sake। bahishta ko kehte hi hai garden oph allaah। sirf bageecha thode hi hoga। manushya bhi chaahiye na। abhi tum bachche jaante ho ham bahishta ke maalik ban rahe hain। tum bachchon ko kitna nasha rehna chaahiye aur oonch khyaalaat hone chaahiye। tum baahar ke koi bhi sukh ko nahin chaahte ho। is samay tumko bilkul simple rehna hai। abhi tum sasurghar jaate ho। yeh hai piyarghar। yahaan tumhein double pitaayen mile hain। ek niraakaar oonch te oonch, doosra phir saakaar woh bhi oonch te oonch। abhi tum sasurghar vishnupuri mein jaate ho। unko krishnapuri nahin kahenge। bachche ki puri nahin hoti। vishnupuri arthaat lakshmi-naaraayan ki puri। tumhaara hai raajayog। to zaroor nar se naaraayan banenge।

tum bachche ho sachche-sachche khudaai khidmatgaar। baba sachcha khudaai khidmatgaar use kehte hain jo kam se kam 8 ghanta aatma-abhimaani rahne ka purooshaartha karte hain। koi karmabandhan na rahe tab khidmatgaar ban sakte ho aur karmaateet avastha ho sakti hai। nar se naaraayan banna hai to karmaateet avastha zaroor chaahiye। karmabandhan hoga to saza khaani padegi। bachche khud samajhte hain - yaad ki mehnat badi kadi hai। yukti bahut sahaj hai, sirf baap ko yaad karna hai। bhaarat ka praacheen yog mashhoor hai। yog ke liye hi knowledge hai, jo baap aakar sikhlaate hain। krishna koi yog thode hi sikhlaate hain। krishna ko phir svadarshan chakra de diya hai। woh bhi chitra kitna wrong hai। abhi tumko koi chitra aadi bhi yaad nahin karna hai। sab kuchh bhoolo। koi mein buddhi na jaae, line clear chaahiye। yeh hai padhaai ka samay। duniya ko bhool apne ko aatma samajh aur baap ko yaad karna hai, tab hi paap naash honge। baap kehte hain pahle-pahle tum ashareeri aaye the, phir tumko jaana hai। tum all-rounder ho। woh hote hain had ke actors, tum ho behad ke। abhi tum samajhte ho hamne anek baar part bajaaya hai। anek baar tum behad ke maalik bante ho। is behad ke naatak mein phir chhote-chhote naatak bhi anek baar chalte rehte hain। satayug se kaliyug tak jo kuchh hua hai woh repeat hota rehta hai। oopar se lekar ant tak tumhaari buddhi mein hai। mool vatan, sookshm vatan aur srishti ka pa, bas, aur koi dhaam se tumhaara kaam nahin। tumhaara dharma bahut sukh dene vaala hai। unka jab samay aayega tab woh aayenge। nambarvaar jaise-jaise aaye hain, aise hi phir jaayenge। ham aur dharma ka kya varnan karenge। tumko sirf ek baap ki hi yaad rahni hai। chitra aadi yeh sab bhoolkar ek baap ko yaad karna hai। brahma-vishnu-shankar ko bhi nahin, sirf ek ko। woh samajhte hain paramatma ling hai। ab ling samaan koi cheez ho kaise sakti। woh bhala gyaan kaise sunaayenge। kya prerna se koi laaud speaker rakhenge jo tum sunenge। prerna se to kuchh hota nahin। aise nahin, shankar ko prerte hain। yeh sab drama mein pahle se hi noondh hai। vinaash to hone ka hai hi। jaise tum aatmaayen shareer dvaara baat karti ho, vaise paramatma bhi tum bachchon se baat karte hain। unka part hi divya alaukik hai। patiton ko paavan banaane vaala ek hi baap hai। kehte hain mera part sabse nyaara hai। kalpa pahle jo aaye honge woh aate rahenge। jo kuchh bhi past hua drama, ismen zara bhi pharka nahin। phir purooshaartha ka khyaal rakhna hai। aise nahin drama anusaar hamaara kam purooshaartha chalta hai phir to pad bhi bahut kam ho padega। purooshaartha ko tej karna chaahiye। drama par chhod nahin dena hai। apne chart ko dekhte raho। badhaate raho। note rakho hamaara chart badhta jaata hai, kam to nahin hota hai। bahut khabardaari chaahiye। yahaan tumhaara hai braahmanon ka sang। baahar mein sabhi hai kusang। woh sabhi ulta hi sunaate hain। ab baap tumko kusang se nikaalte hain।

manushyon ne kusang mein aakar apna rahan-sahan, apni paharvaais aadi sab badal di hai, desh-vesh hi badal diya hai, yeh bhi jaise apne dharma ki insult ki hai। dekho kaise-kaise baal banaate hain। deh-abhimaan ho jaata hai। 100-150 roopaya dete hain sirf baal banaane ke liye। isko kaha jaata hai ati deh-abhimaan। woh phir kabhi gyaan utha na saken। baba kehte hain bilkul simple bano। oonchi saadi pahanne se bhi deh-abhimaan aata hai। deh-abhimaan todne ke liye sab halka kar dena chaahiye। achhi cheez deh-abhimaan mein laati hai। tum is samay vanvaah mein ho na। har cheez se moh hataana hai। bahut saadhaaran rehna hai। shaadi aadi mein bhal rangeen kapde aadi pahankar jaao, tod nibhaane arth pahna, phir ghar mein aakar utaar diya। tumko to vaani se pare jaana hai। vaanaprasthi saphed posh mein hote hain। tum ek-ek chhote-bade sab vaanaprasthi ho। chhote bachchon ko bhi shivbaaba ki hi yaad dilaani hai। ismen hi kalyaan hai। bas hamko abhi jaana hai shivbaaba ke paas। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada dhyaan rahe ki hamaari koi bhi chalan deh-abhimaan vaali na ho। bahut simple rehna hai। kisi bhi cheez mein mamatva nahin rakhna hai। kusang se apni sambhaal rakhni hai।

2) yaad ki mehnat se sarva karmabandhanon ko tod karmaateet banna hai। kam se kam 8 ghanta aatma-abhimaani rah sachcha-sachcha khudaai khidmatgaar banna hai।

vardaan:- sada behad ki sthiti mein sthit rahne vaale bandhanmukta, jeevanmukta bhav

deh-abhimaan had ki sthiti hai aur dehi abhimaani banna - yeh hai behad ki sthiti। deh mein aane se anek karma ke bandhanon mein, had mein aana padta hai lekin jab dehi ban jaate ho to ye sab bandhan khatma ho jaate hain। jaise kaha jaata bandhanmukta hi jeevanmukta hai, aise jo behad ki sthiti mein sthit rehte hain woh duniya ke vaayumandal, vibration, tamoguni vrittiyaan, maaya ke vaar in sabse mukta ho jaate hain। isko hi kaha jaata hai jeevanmukta sthiti, jiska anubhav sangamayug par hi karna hai।

slogan:- nishchaybuddhi ki nishaani - nishchit vijayi aur nishchitan, unke paas vyartha aa nahin sakta।