Daily Murli for Wednesday 23 September 2020

23-09-2020 praatahmurli om shanti "baapdaada"' madhuban

''meethe bachche - tumhein yahi chinta rahe ki ham kaise sabko sukhdhaam ka raasta bataayen, sabko pata pade ki yahi purooshottam banne ka sangamayug hai''

prashn:- tum bachche aapas mein ek-do ko kaun si mubaarak dete ho? manushya mubaarak kab dete hain?

uttar:- manushya mubaarak tab dete, jab koi janmata hai, vijayi banta hai ya shaadi karta hai ya koi bada din hota hai। parantu woh koi sachchi mubaarak nahin। tum bachche ek-do ko baap ka banne ki mubaarak dete ho। tum kehte ho ki ham kitne khushansheeb hain, jo sab duhkhon se chhoot sukhdhaam mein jaate hain। tumhein dil hi dil mein khushi hoti hai।

om shanti। behad ka baap baith behad ke bachchon ko samjhaate hain। ab prashn uthta hai, behad ka baap kaun? yeh to jaante ho ki sabka baap ek hai, jisko parampita kaha jaata hai। laukik baap ko parampita nahin kaha jaata। parampita to ek hi hai, unko sab bachche bhool gaye hain isliye parampita paramatma jo duhkh harta, sukh-karta hai use tum bachche jaante ho ki baap hamaare duhkh kaise har rahe hain phir sukh-shanti mein chale jaayenge। sab to sukh mein nahi jaayenge। kuchh sukh mein, kuchh shanti mein chale jaayenge। koi satayug mein part bajaate, koi treta mein, koi dvaapar mein। tum satayug mein rehte ho to baaki sab muktidhaam mein। unko kahenge eeshvar ka ghar। musalmaan log jab namaaz padhte hain to sab milkar khudaataala ki bandagi karte hain। kislie? kya bahishta ke liye ya allaah ke paas jaane ke liye। allaah ke ghar ko bahishta nahin kahenge। vahaan to aatmaayen shanti mein rehti hain। shareer nahin rehte। yeh jaante honge allaah ke paas shareer se nahin parantu ham aatmaayen jaayengi। ab sirf allaah ko yaad karne se to koi pavitra nahin ban jaayenge। allaah ko to jaante hi nahin। ab yeh manushyon ko kaise raay den ki baap sukh-shanti ka varsa de rahe hain। vishwa mein shanti kaise hoti hai, vishwa mein shanti kab thi - yeh unhon ko kaise samjhaayen। serviceable bachche jo hain nambarvaar purooshaartha anusaar unhon ko yeh chintan rehta hai। tum brahma mukh vanshaavli braahmanon ko hi baap ne apna parichay diya hai, saari duniya ke manushya maatra ke part ka bhi parichay diya hai। ab ham manushya maatra ko baap aur rachna ka parichay kaise den? baap sabko kehte hain apne ko aatma samajh mujhe yaad karo to khuda ke ghar chale jaayenge। golden ej athva bahishta mein sab to jaayenge nahin। vahaan to hota hi ek dharma hai। baaki sab shantidham mein hain, ismen koi naaraaz hone ki baat hi nahin। manushya shanti maangate hain, woh milti hi hai allaah athva god father ke ghar mein। aatmaayen sab aati hain shantidham se, vahaan phir tab jaayenge jab naatak poora hoga। baap aate bhi hain patit duniya se sabko le jaane ke liye।

abhi tum bachchon ki buddhi mein hai, ham shantidham mein jaate hain phir sukhdhaam mein aayenge। yeh hai purooshottam sangam-yug। purooshottam arthaat uttam se uttam puroosh। jab tak aatma pavitra na banen, tab tak uttam puroosh ban nahin sakte। ab baap tumko kehte hain mujhe yaad karo aur srishti chakra ko jaano aur saath mein daiveegun bhi dhaaran karo। is samay sabhi manushyon ke character bigde hue hain। nai duniya mein to character bahut first class hote hain। bhaaratvaasi hi oonch character vaale bante hain। un oonch character vaalon ko kam character vaale maatha tekte hain। unke characters varnan karte hain। yeh tum bachche hi samajhte ho। ab auron ko samjhaayen kaise? kaun-si sahaj yukti rachen? yeh hai aatmaon ka teesra netra kholna। baba ki aatma mein gyaan hai। manushya kehte hain mere mein gyaan hai। yeh deh-abhimaan hai, ismen to aatma-abhimaani banna hai। sanyaasi logon ke paas shaastron ka gyaan hai। baap ka gyaan to jab baap aakar deve। yukti se samjhaana hai। vo log krishna ko bhagwan samajh lete hain। bhagwan ko jaante hi nahin, rishi-muni aadi kehte the ham nahin jaante hain। samajhte hain manushya bhagwan ho nahin sakta। niraakaar bhagwan hi rachta hai। parantu woh kaise rachta hai, unka naam, roop, desh, kaal kya hai? kah dete naam-roop se nyaara hai। itni bhi samajh nahin ki naam-roop se nyaari vastu ho kaise sakti, impossible hai। agar kehte hain patthar-thikkar, kachchha-machchha sabmen hai to woh naam-roop ho jaata hai। kab kya, kab kya kehte rehte hain। bachchon ko din-raat bahut chintan chalna chaahiye ki manushyon ko ham kaise samjhaayen। yeh manushya se devta banne ka purooshottam sangamayug hai। manushya devtaaon ko naman karte hain। manushya, manushya ko naman nahin karta, manushyon ko bhagwan athva devtaaon ko naman karna hota hai। musalmaan log bhi bandagi karte hain, allaah ko yaad karte hain। tum jaante ho vo log allaah ke paas pahunch to nahin sakenge। mukhya baat hai allaah ke paas kaise pahunchen? phir allaah kaise nai srishti rachte hain। yeh sab baaten kaise samjhaayen, iske liye bachchon ko vichaar saagar manthan karna pade, baap ko to vichaar saagar manthan nahin karna hai। baap vichaar saagar manthan karne ki yukti bachchon ko sikhlaate hain। is samay sab iron ej mein tamopradhaan hain। zaroor koi samay golden ej bhi hogi। golden ej ko pure kaha jaata hai। purity aur impyoriti। sone mein khaad daali jaati hai na। aatma bhi pahle pure satopradhaan hai phir unmein khaad padti hai। jab tamopradhaan ban jaati hai tab baap ko aana hai, baap hi aakar satopradhaan, sukhdhaam banaate hain। sukhdhaam mein sirf bhaaratvaasi hi hote hain। baaki sab shantidham mein jaate hain। shantidham mein sab pure rehte hain phir yahaan aakar aahiste-aahiste impure bante jaate hain। har ek manushya sato, rajo, tamo zaroor bante hain। ab unhon ko kaise bataayen ki tum sab allaah ke ghar pahunch sakte ho। deh ke sab sambandh chhod apne ko aatma samjho। bhagvaanuvaach to hai hi। mere ko yaad karne se yeh jo 5 bhoot hain, woh nikal jaayenge। tum bachchon ko din-raat yeh chinta rahni chaahiye। baap ko bhi chinta hui tab to khyaal aaya ki jaaoon, jaakar sabko sukhi banaaoon। saath mein bachchon ko bhi madadgaar banna hai। akele baap kya karenge। to yeh vichaar saagar manthan karo। kya aisa upaay nikaalen jo manushya jhat samajh jaayen ki yeh purooshottam sangamayug hai। is samay hi manushya purooshottam ban sakte hain। pahle oonch hote hain phir neeche girte hain। pahle-pahle to nahin girenge na। aane se hi to tamopradhaan nahin honge। har cheez pahle satopradhaan phir sato, rajo, tamo hoti hai। bachche itni pradarshaniyaan aadi karte hain, phir bhi manushya kuchh samajhte nahin hain to aur kya upaay karen। bhinna-bhinna upaay to karne padte hain na। uske liye time bhi mila hua hai। phat se to koi sampoorn nahin ban sakte। chandrama thoda-thoda karke aakhir sampoorn banta hai। ham bhi tamopradhaan bane hain, phir satopradhaan banne mein time lagta hai। woh to hai jad phir yeh hai chaitanya। to ham kaise samjhaayen। musalmaanon ke maulvi ko samjhaayen ki tum yeh namaaj kyon padhte ho, kiski yaad mein padhte ho। yeh vichaar saagar manthan karna hai। bade dinon par president aadi bhi masjid mein jaate hain। badon se milte hain। sab masjidon ki phir ek badi masjid hoti hai - vahaan jaate hain eed mubaarak dene। ab mubaarak to yeh hai jab ham sab duhkhon se chhoot sukhdhaam mein jaayen, tab kaha jaae mubaarak ho। ham khushkhabri sunaate hain। koi win karte hain to bhi mubaarak dete hain। koi shaadi karte hain to bhi mubaarak dete hain। sadaiv sukhi raho। ab tumko to baap ne samjhaaya hai, ham ek-do ko mubaarak kaise den। is samay ham behad ke baap se mukti, jeevan-mukti ka varsa le rahe hain। tumko to mubaarak mil sakti hai। baap samjhaate hain, tumko mubaarak ho। tum 21 janmon ke liye padmapti ban rahe ho। ab sab manushya kaise baap se varsa len, sabko mubaarak den। tumko abhi pata pada hai parantu tumko log mubaarak nahin de sakte। tumko jaante hi nahin। mubaarak deven to khud bhi zaroor mubaarak paane ke laayak banen। tum to gupta ho na। ek-do ko mubaarak de sakte ho। mubaarak ho, ham behad ke baap ke bane hain। tum kitne khushansheeb ho, koi lottery milti hai ya bachcha janmata hai to kehte hain mubaarak ho। bachche paas hote hain to bhi mubaarak dete hain। tumko dil hi dil mein khushi hoti hai, apne ko mubaarak dete ho, hamko baap mila hai, jisse ham varsa le rahe hain।

baap samjhaate hain - tum aatmaayen jo durgati ko paai hui ho woh ab sadgati ko paati ho। mubaarak to ek hi sabko milti hai। pichhaadi mein sabko maaloom padega, jo oonch te oonch banenge unko neeche vaale kahenge mubaarak ho। aap sooryavanshi kul mein mahaaraaja-mahaaraani bante ho। neech kul vaale mubaarak unko denge jo vijay maala ke daane bante hain। jo paas honge unko mubaarak milegi, unki hi pooja hoti hai। aatma ko bhi mubaarak ho, jo oonch pad paati hai। phir bhakti maarga mein unki hi pooja hoti hai। manushyon ko pata nahin hai ki kyon pooja karte hain। to bachchon ko yahi chinta rehti hai ki kaise samjhaayen? ham pavitra bane hain, doosron ko kaise pavitra banaayen? duniya to bahut badi hai na। kya kiya jaae jo ghar-ghar mein paigaam pahunche। parche giraane se sabko to milte nahin। yeh to ek-ek ko haath mein paigaam chaahiye kyonki unko bilkul pata nahin ki baap ke paas kaise pahunchen। kah dete hain sab raaste paramatma se milne ke hain। parantu baap kehte hain yeh bhakti, daan-punya to janma-janmaantar karte aaye ho parantu raasta mila kahaan? kah dete yeh sab anaadi chalta aaya hai, parantu kab se shuru hua? anaadi ka arth nahin samajhte। tumhaare mein bhi nambarvaar purooshaartha anusaar samajhte hain। gyaan ki praalabdha 21 janma, woh hai sukh, phir hai duhkh। tum bachchon ko hisaab samjhaaya jaata hai - kisne bahut bhakti ki hai! yeh sabhi rezgaari baaten ek-ek ko to nahin samjha sakte। kya karen, koi akhbaar mein daalen, time to lagega। sabko paigaam itna jaldi to mil na sake। sab purooshaartha karne lag paden to phir svarga mein aa jaaen। yeh ho hi nahin sakta। ab tum purooshaartha karte ho svarga ke liye। ab hamaare jo dharma vaale hain, unko kaise nikaalen? kaise pata pade, kaun-kaun transfer hue hain? hindu dharma vaale asul mein devi-devta dharma ke hain, yeh bhi koi nahin jaante। pakke hindu honge to apne aadi sanaatan devi-devta dharma ko maanenge। is samay to sab patit hain। bulaate hain - patit-paavan aao। niraakaar ko hi yaad karte hain ki hamko aakar paavan duniya mein le chalo। inhonne itna bada raajya kaise liya? bhaarat mein is samay to koi raajaai hi nahin, jisko jeet kar raajya liya ho। woh koi ladaai karke raajaai to paate nahin। manushya se devta kaise banaaya jaata, koi ko pata nahin hai। tumko bhi ab baap se pata pada hai। auron ko kaise bataayen jo mukti-jeevanmukti ko paayen। purooshaartha karaane vaala chaahiye na। jo apne ko jaankar allaah ko yaad karen। bolo, tum eed ki mubaarak kisko kehte ho! tum allaah ke paas ja rahe ho, pakka nishchay hai? jiske liye tumko itni khushi rehti hai। yeh to varshon se tum karte aaye ho। kabhi khuda ke paas jaayenge ya nahin? moonjh padenge। barobar ham jo padhte karte hain, kya karne ke liye। oonch te oonch ek allaah hi hai। bolo, allaah ke bachche tum bhi aatma ho। aatma chaahti hai - ham allaah ke paas jaayen। aatma jo pahle pavitra thi, abhi patit bani hai। abhi inko bahishta to nahin kahenge। sab aatmaayen patit hain, paavan kaise banen jo allaah ke ghar jaayen। vahaan vikaari aatma hoti nahin। viceless honi chaahiye। aatma koi phat se to satopradhaan nahin banti। yeh sab vichaar saagar manthan kiya jaata hai। baba ka vichaar saagar manthan chalta hai tab to samjhaate hain na। yuktiyaan nikaalni chaahiye, kisko kaise samjhaayen। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jaise baap ko khyaal aaya ki main jaakar bachchon ko duhkhon se chhudaaoon, sukhi banaaoon, aise baap ka madadgaar banna hai, ghar-ghar mein paigaam pahunchaane ki yuktiyaan rachni hain।

2) sarva ki mubaarken praapta karne ke liye vijay maala ka daana banne ka purooshaartha karna hai। poojya banna hai।

vardaan:- namrata aur authority ke balance dvaara baap ko pratyaksha karne vaale vishesh sevaadhaari bhav

jahaan balance hota hai vahaan kamaal dikhaai deti hai। jab aap namrata aur satyata ki authority ke balance se kisi ko bhi baap ka parichay denge to kamaal dikhaai degi। isi roop se baap ko pratyaksha karna hai। aapke bol spashta hon, usmein sneh bhi ho, namrata aur madhurta bhi ho to mahaanta aur satyata bhi ho tab pratyakshata hogi। bolte hue beech-beech mein anubhav karaate jaao jisse lagan mein magan moorta anubhav ho। aise swaroop se seva karne vaale hi vishesh sevaadhaari hain।

slogan:- samay par koi bhi saadhan na ho to bhi saadhna mein vighna na pade।