Daily Murli for Friday 6 November 2020

06-11-2020 praatahmurli om shanti "baapdaada"' madhuban

“meethe bachche - tum abhi godly service par ho, tumhein sabko sukh ka raasta bataana hai, scholarship lene ka purooshaartha karna hai''

prashn:- tum bachchon ki buddhi mein jab gyaan ki achhi dhaarna ho jaati hai to kaun-sa dar nikal jaata hai?

uttar:- bhakti mein jo dar rehta ki guru humein shraap na de deve, yeh dar gyaan mein aane se, gyaan ki dhaarna karne se nikal jaata hai kyonki gyaan maarga mein shraap koi de na sake। raavan shraap deta hai, baap varsa dete hain। riddhi-siddhi seekhne vaale aisa tang karne ka, duhkh dene ka kaam karte hain, gyaan mein to tum bachche sabko sukh pahunchaate ho।

om shanti। meethe-meethe roohaani bachchon prati roohaani baap baith samjhaate hain। tum sab pahle aatma ho। yeh pakka nishchay rakhna hai। bachche jaante hain ham aatmaayen paramdham se aati hain, yahaan shareer lekar part bajaane। aatma hi part bajaati hai। manushya phir samajhte shareer hi part bajaate hain। yeh hai bade te badi bhool। jis kaaran aatma ko koi jaante nahin। is aavaagman mein ham aatmaayen aati-jaati hain - is baat ko bhool jaate hain isliye baap ko hi aakar aatma-abhimaani banaana padta hai। yeh baat bhi koi nahin jaante। baap hi samjhaate hain, aatma kaise part bajaati hai। manushya ke maximum 84 janmon se lekar minimum hai ek-do janma। aatma ko punarjanma to lete rehna hai। isse siddha hota hai, bahut janma lene vaala bahut punarjanma lete hain। thode janma lene vaala kam punarjanma lete hain। jaise naatak mein koi ka shuru se pichhaadi tak part hota hai, koi ka thoda part hota hai। yeh koi manushya nahin jaante। aatma apne ko hi nahin jaanti to apne baap ko kaise jaane। aatma ki baat hai na। baap hai aatmaon ka। krishna to aatmaon ka baap hai nahin। krishna ko niraakaar to nahin kahenge। saakaar mein hi unko pahchaana jaata hai। aatma to sabki hai। har ek aatma mein part to noondha hua hai। yeh baaten tumhaare mein bhi nambarvaar purooshaartha anusaar hain jo samjha sakte hain। abhi tum bachche jaante ho ham aatmaon ne 84 janma kaise liye hain। aise nahin ki aatma so paramatma। nahin, baap ne samjhaaya hai - ham aatma pahle so devta bante hain। abhi patit tamopradhaan hain phir satopradhaan paavan banna hai। baap aate hi tab hain jab srishti puraani ho jaati hai। baap aakar puraani ko naya banaate hain। nai srishti sthaapan karte hain। nai duniya mein hai hi aadi sanaatan devi-devta dharma। unhon ke liye hi kahenge pahle kaliyugi shoodra dharma vaale the। ab prajaapita brahma ke mukh vanshaavli ban brahman bane ho। brahman kul mein aate ho। brahman kul ki dynasty nahin hoti। brahman kul koi raajaai nahin karte hain। is samay bhaarat mein na brahman kul raajaai karte hain, na shoodra kul raajaai karte hain। donon ko raajaai nahin hain। phir bhi unka praja par praja ka raajya to chalta hai। tum braahmanon ka koi raajya nahin hai। tum student padhte ho। baap tumko hi samjhaate hain। yeh 84 ka chakra kaise phirta hai। satayug, treta… phir hota hai sangamayug। is sangamayug jaisi mahima aur koi yug ki hai nahin। yeh hai purooshottam sangamayug। satayug se treta mein aate hain, do kala kam hoti hain to unki mahima kya karenge! girne ki mahima thode hi hoti hai। kaliyug ko kaha jaata hai puraani duniya। ab nai duniya sthaapan honi hai, jahaan devi-devtaaon ka raajya hota hai। woh purooshottam the। phir kala kam hote-hote kanishta, shoodra buddhi ban jaate hain। unko pattharbuddhi bhi kaha jaata hai। aise patthar-buddhi ban jaate hain jo jinki pooja karte hain, unki jeevan kahaani ko bhi nahin jaante। bachche baap ka jeevan na jaanen to varsa kaise mile। abhi tum bachche baap ke jeevan ko jaante ho। unse tumko varsa mil raha hai। behad ke baap ko yaad karte ho। tum maat-pita..... kehte ho to zaroor baap aaya hoga tab to sukh ghanere diye honge na। baap kehte hain - main aaya hoon, athaah sukh tum bachchon ko deta hoon। bachchon ki buddhi mein yeh knowledge achhi reeti rahni chaahiye, isliye tum svadarshan chakradhaari bante ho। tumko ab gyaan ka teesra netra mila hai। tum jaante ho ham so devta bante hain। ab shoodra se brahman bane hain। kaliyugi brahman bhi hain to sahi na। vo brahman log jaante nahin ki hamaara dharma athva kul kab sthaapan hua kyonki woh hain hi kaliyugi। tum abhi direct prajaapita brahma ki santaan bane ho aur sabse oonch koti ke ho। baap baith tumhaari padhaai ki service, sambhaalne ki service aur shrringaarne ki service karte hain। tum bhi ho on godly service only। god father bhi kehte hain - ham aaye hain sab bachchon ki service mein। bachchon ko sukh ka raasta bataana hai। baap kehte hain ab ghar chalo। munashya bhakti bhi karte hain mukti ke liye। zaroor jeevan mein bandhan hai। baap aakar in duhkhon se chhudaate hain। tum bachche jaante ho traahi-traahi karenge। haahaakaar ke baad jayjaykaar honi hai। ab tumhaari buddhi mein hai - kitni haay-haay karenge, jab natural calamities aadi hogi। yooropvaasi yaadav bhi hain, baap ne samjhaaya hai - yooropvaasiyon ko yaadav kaha jaata hai। dikhaate hain pet se moosal nikle phir shraap diya। ab shraap aadi ki to baat hi nahin। yeh to drama hai। baap varsa dete hain, raavan shraap dete hain। yeh ek khel bana hai, baaki shraap dene vaale to doosre manushya hote hain। us shraap ko utaarne vaale bhi hote hain। guru gosaai aadi se bhi manushya log darte hain ki koi shraap na deve। vaastav mein gyaan maarga mein shraap koi de na sake। gyaan maarga aur bhakti maarga mein shraap ki koi baat nahin। jo riddhi-siddhi aadi seekhte hain, vo shraap dete hain, logon ko bahut duhkhi kar dete hain, paise bhi bahut kamaate hain। bhakta log yeh kaam nahin karte।

baba ne yeh bhi samjhaaya hai - sangam ke saath purooshottam akshar zaroor likho। trimoorti akshar bhi zaroor likhna hai aur prajaapita akshar bhi zaroori hai kyonki brahma naam bhi bahuton ke hain। prajaapita akshar likhenge to samjhenge saakaar mein prajaapita thahra। sirf brahma likhne se sookshm vatan vaala samajh lete hain। brahma-vishnu-shankar ko bhagwan kah dete hain। prajaapita kahenge to samjha sakte ho - prajaapita to yahaan hai। sookshm vatan mein kaise ho sakta। vishnu ko to dikhaate hain brahma ki naabhi se nikla। tum bachchon ko bhi gyaan mila hai। naabhi aadi ki koi baat hi nahin। brahma so vishnu, vishnu so brahma kaise bante hain। saare chakra ka gyaan tum in chitron se samjha sakte ho। bigar chitra samjhaane mein mehnat lagti hai। brahma so vishnu, vishnu so brahma bante hain। lakshmi-naaraayan 84 ka chakra lagaakar phir brahma-sarasvati bante hain। baba ne pahle se naam de diye hain, jab bhatthi bani to naam diye। phir kitne chale gaye isliye samjhaaya hai braahmanon ki maala hoti nahin kyonki brahman hain purooshaarthi। kabhi neeche, kabhi oopar hote rehte hain। grahchaari baithti hai। baba to javaahri tha। motiyon aadi ki maala kaise banti hai, anubhvi hai। braahmanon ki maala pichhaadi mein banti hai। ham so brahman daivi gun dhaaran kar devta bante hain। phir seedhi utarni hai। nahin to 84 janma kaise lenge। 84 janmon ke hisaab se yeh nikal sakte hain। tumhaara aadha samay poora hota hai tab doosre dharma vaale add hote hain। maala banaane mein badi mehnat lagti hai। badi sambhaal se motiyon ko table par rakha jaata hai ki kahaan hile nahin। phir sui se daala jaata hai। kahaan theek na banen to phir maala todni pade। yeh to bahut badi maala hai। tum bachche jaante ho - ham padhte hain nai duniya ke liye। baba ne samjhaaya hai ki slogan banaao - ham shoodra so brahman, brahman so devta kaise bante hain, aakar samjho। is chakra ko jaanne se tum chakravarti raaja banenge। svarga ka maalik ban jaayenge। aise slogan banaakar bachchon ko sikhlaana chaahiye। baba yuktiyaan to bahut batlaate hain। vaastav mein value tumhaari hai। tumko hero-heroine ka part milta hai। heere jaisa tum bante ho phir 84 ka chakra lagaae kaudi misal bante ho। ab jabki heere jaisa janma milta hai to kaudiyon pichhaadi kyon padte ho। aise bhi nahin, koi gharbaar chhodna hai। baba to kehte hain grihastha vyavhaar mein rehte kamal phool samaan pavitra raho aur srishti chakra ki knowledge ko jaankar daiveegun bhi dhaaran karo to tum heere jaisa ban jaayenge। barobar bhaarat 5 hazaar varsha pahle heere jaisa tha। yeh hai - em object। is chitra ko (lakshmi-naaraayan ke) bahut mahatva dena hai। tum bachchon ko bahut service karni hai pradarshani museum mein। vihang maarga ki service bigar tum praja kaise banaayenge? bhal is gyaan ko sunte bhi hain parantu oonch pad koi birle paate hain। unke liye hi kaha jaata hai koton mein koi। scholarship bhi koi lete hain na। 40-50 bachche school mein hote hain, unse koi ek scholarship leta hai, koi thoda plus mein aa jaata hai to unko bhi dete hain। yeh bhi aise hai। plus mein bahut hain। 8 daane hain so bhi nambarvaar hain na। woh pahle-pahle raaj gaddi par baithenge। phir kala kam hoti jaayegi, lakshmi-naaraayan ka chitra hai number one। unki bhi dynasty chalti hai, parantu chitra lakshmi-naaraayan ka hi diya hua hai। yahaan tum jaante ho chitra to badalte jaate hain। chitra dene se kya phaayda। naam, roop, desh, kaal sab badal jaata hai।

meethe-meethe roohaani bachchon ko roohaani baap baith samjhaate hain। kalpa pahle bhi baap ne samjhaaya tha। aise nahin, krishna ne gop-gopiyon ko sunaaya। krishna ke gop-gopiyaan hote nahin। na unko gyaan sikhaaya jaata hai। woh to hai satayug ka prince। vahaan kaise raajayog sikhaayenge va patit ko paavan banaayenge। ab tum apne baap ko yaad karo। baap phir teacher bhi hai। teacher ko student kabhi bhool na saken। baap ko bachche bhool na saken, guru ko bhi bhool na saken। baap to janma se hi hota hai। teacher 5 varsha baad milta hai। phir guru vaanaprastha mein milta hai। janma se hi guru karne ka to koi phaayda nahin hai। guru ki god lekar bhi doosre din mar jaate hain। phir guru kya karte hain? gaate bhi hain satguru bigar gati nahin। satguru ko chhod woh phir guru kah dete। guru to dher hain। baba kehte hain - bachche, tumhein koi dehdhaari guru aadi karne ki darkaar nahin hai, tumhein kisi se bhi kuchh maangana nahin hai। kaha bhi jaata hai -maangane se marna bhala। sabko chinta rehti hai ham kaise apne paise transfer karen। doosre janma ke liye woh eeshvar arth daan-punya karte hain to uska return is hi puraani srishti mein alpakaal ke liye milta hai। yahaan tumhaara transfer hota hai nai duniya mein aur 21 janmon ke liye। tan-man-dhan prabhu ke aage arpan karna hai। so to jab aaye tab arpan karenge na। prabhu ko koi jaante hi nahin to guru ko pakad lete hain। dhan aadi guru ke aage arpan kar dete hain। vaaris nahin hota hai to sab guru ko dete hain। aajkal kaayde anusaar eeshvar arth bhi koi dete nahin hain। baap samjhaate hain - main gareeb nivaaz hoon isliye main aata hi bhaarat mein hoon। tumko aakar vishwa ka maalik banaata hoon। direct aur indirect mein kitna farka hai। woh jaante kuchh bhi nahin। sirf kah dete hain ham eeshvar arpan karte hain। hai sab besamjhi। tum bachchon ko ab samajh milti hai to tum besmajh se samajhdaar bane ho। buddhi mein gyaan hai - baap to kamaal karte hain। zaroor behad ke baap se behad ka varsa hi milna chaahiye। baap se tum varsa lete ho sirf daada dvaara। daada bhi unse varsa le rahe hain। varsa dene vaala ek hi hai। unko hi yaad karna hai। baap kehte hain - bachche, main inke bahut janmon ke ant mein aata hoon, inmen pravesh kar inko bhi paavan banaata hoon jo phir yeh pharishta ban jaate hain। badge par tum bahut service kar sakte ho। tumhaara yeh sab hai arth sahit badges। yeh to jeeydaan dene vaala chitra hai। inki value ka kisko bhi pata nahin hai aur baba ko hamesha badi cheez pasanda aati hai, jo koi bhi door se padh sake। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap se behad ka varsa lene ke liye direct apna tan-man-dhan eeshvar ke aage arpan karne mein samajhdaar banna hai। apna sab kuchh 21 janmon ke liye transfer kar lena hai।

2) jaise baap padhaane ki, sambhaalne ki aur shrringaarne ki service karte hain, aise baap samaan service karni hai। jeevan bandha se nikaal sabko jeevan mukti mein le jaana hai।

vardaan:- sarva khajaanon ki economy ka budget banaane vaale maheen purooshaarthi bhav

jaise laukik reeti mein yadi economy vaala ghar na ho to theek reeti se nahin chal sakta। aise yadi nimitta bane hue bachche economy vaale nahin hain to centre theek nahin chalta। woh hui had ki pravritti, yeh hai behad ki pravritti। to check karna chaahiye ki sankalp, bol aur shaktiyon mein kya-kya extra kharcha kiya? jo sarva khajaanon ki economy ka budget banaakar usi anu-saar chalte hain unhein hi maheen purooshaarthi kaha jaata hai। unke sankalp, bol, karma va gyaan ki shaktiyaan kuchh bhi vyartha nahin ja sakti।

slogan:- sneh ke khajaane se maalaamaal ban sabko sneh do aur sneh lo।