Daily Murli for Tuesday 10 November 2020

10-11-2020 praatahmurli om shanti "baapdaada"' madhuban

“meethe bachche - aatma ko satopradhaan banaane ka phurna (pha) rakho, koi bhi khaami (kami) rah na jaae, maaya gaphlat na kara de''

prashn:- tum bachchon ke mukh se kaun se shubh bol sada nikalne chaahiye?

uttar:- sada mukh se yahi shubh bol bolo ki ham nar se naaraayan banenge, kam nahin। ham hi vishwa ke maalik the phir se banenge। lekin yeh manzil oonchi hai, isliye bahut-bahut khabardaar rehna hai। apna potaamel dekhna hai। em object ko saamne rakh purooshaartha karte rehna hai, heart-fail nahin hona hai।

om shanti। baap baith roohaani bachchon ko samjhaate hain - yahaan jab yaad ki yaatra mein baithte ho to bhaai-bahinon ko kaho ki tum aatma-abhimaani ho baitho aur baap ko yaad karo। yeh smriti dilaani chaahiye। tumko abhi yeh smriti mil rahi hai। ham aatma hain, hamaara baap hamko padhaane aate hain। ham bhi karmendriyon dvaara padhte hain। baap bhi karmendriyon ka aadhaar le in dvaara pahle-pahle yeh kehte hain - baap ko yaad karo। bachchon ko samjhaaya gaya hai ki yeh hai gyaan maarga। bhakti maarga nahin kahenge। gyaan sirf ek hi gyaan saagar patit-paavan dete hain। tumko pahle number ka paath yahi milta hai - apne ko aatma samajh baap ko yaad karo। yeh bahut zaroori hai। aur koi bhi satsang mein kisi ko kahne aayega nahin। bhal aajkal artificial sansthaayen bahut nikli hain। tumse sunkar koi kahe bhi parantu arth samajh na sake। samjhaane ka akla nahin aayega। yeh tumko hi baap kehte hain ki behad ke baap ko yaad karo to vikarma vinaash ho jaaen। vivek bhi kehta hai yeh puraani duniya hai। nai duniya aur puraani duniya mein bahut farka hai। woh hai paavan duniya, yeh hai patit duniya। bulaate bhi hain he patit-paavan aao, aakar paavan banaao। geeta mein bhi akshar hai maamekam yaad karo। deh ke sarva sambandh tyaag apne ko aatma samjho। yeh deh ke sambandh pahle nahin the। tum aatma yahaan aati ho part bajaane। gaayan bhi hai - akele aaye, akela jaana hai। inka arth manushya nahin samajhte। ab tum practical mein jaante ho। ham abhi paavan ban rahe hain yaad ki yaatra se va yaad ke bal se। yeh hai hi raajayog bal। woh hai hathayog jisse manushya thode samay ke liye tanduroosta rehte hain। satayug mein tum kitna tanduroosta rehte ho। hathayog ki darkaar nahin। yeh sab yahaan is chhi-chhi duniya mein karte hain। yeh hai hi puraani duniya। satayug nai duniya jo past ho gai hai, usmein in lakshmi-naaraayan ka raajya tha। yeh kisko bhi pata nahin hai। vahaan har ek cheez nai hai। geet bhi hai na jaag sajniya jaag…। navayug hai satayug। puraana yug hai kaliyug। abhi isko koi bhi satayug to nahin kahenge। abhi kaliyug hai, tum satayug ke liye padhte ho। aisa padhaane vaala to koi bhi nahin hoga jo kahe ki is padhaai se tumko nai duniya mein raajya pad milega। baap ke sivaae aur koi bol na sake। tum bachchon ko har baat ki smriti dilaai jaati hai। gaphlat nahin karni hai। baba sabko samjhaate rehte hain। kahaan bhi baitho, dhandha aadi karo apne ko aatma samajh karo। dhandhe dhori mein jara mushkilaat hoti hai to jitna ho sake - time nikaal yaad mein baitho tab hi aatma pavitra hogi। aur koi upaay nahin। tum raajayog seekh rahe ho nai duniya ke liye। vahaan iron aged aatma ja na sake। maaya ne aatma ke pankh tod daale hain। aatma udti hai na। ek shareer chhod doosra leti hai। aatma hai sabse teekha rocket। tum bachchon ko yeh nai-nai baaten sunkar wonder lagta hai। aatma kitna chhota rocket hai। usmein 84 janmon ka part noondha hua hai। aisi baaten dil mein yaad rakhne se umang aayega। school mein vidyaarthiyon ki buddhi mein vidya yaad rehti hai na। tumhaari buddhi mein ab kya hai? buddhi koi shareer mein nahin hai। aatma mein hi man-buddhi hai। aatma hi padhti hai। naukri aadi sab kuchh aatma hi karti hai। shivbaaba bhi aatma hai। parantu unko param kehte hain। woh gyaan ka saagar hai। woh bahut chhoti bindi hai। yeh bhi kisko pata nahin hai, jo us baap mein sanskaar hain vahi tum bachchon mein bhare jaate hain। abhi tum yogbal se paavan ban rahe ho। uske liye purooshaartha karna pade। padhaai mein phurna to rehta hai ki kahaan ham fail na ho jaaen। ismen pahle number ki subject hi yeh hai ki ham aatma satopradhaan banen। kuchh khaami na rah jaae। nahin to naapaas ho jaayenge। maaya tumko har baat mein bhulaati hai। aatma chaahti bhi hai chart rakhen। saare din mein koi aasuri kaam na karen। parantu maaya chart rakhne nahin deti। tum maaya ke chambe mein aa jaate ho। dil kehti bhi hai - potaamel rakhen। vyaapaari log hamesha phaayde nuksaan ka potaamel rakhte hain। tumhaara to yeh bahut bada potaamel hai। 21 janmon ki kamaai hai, ismen gaphlat nahin karni chaahiye। bachche bahut gaphlat karte hain। is baba ko to tum bachche sookshm vatan mein, svarga mein bhi dekhte ho। baba bhi bahut purooshaartha karte hain। wonder bhi khaate rehte hain। baba ki yaad mein snaan karta hoon, bhojan khaata hoon, phir bhi bhool jaata hoon phir yaad karne lagta hoon। badi subject hai yeh। is baat mein koi bhi matbhed aa nahin sakta। geeta mein bhi hai deh sahit deh ke sab dharma chhodo। baaki rahi aatma। deh ko bhool apne ko aatma samjho। aatma hi patit tamopradhaan bani hai। manushya phir kah dete aatma nirlep hai। aatma so paramatma, so aatma hai isliye samajhte hain aatma mein koi lep-chhep nahin lagta hai। tamoguni manushya shiksha bhi tamoguni dete hain। satoguni bana na saken। bhakti maarga mein tamopradhaan banna hai। har ek cheej pahle satopradhaan phir rajo tamo mein aati hai। construction aur destruction hota hai। baap nai duniya ka construction karaate phir is puraani duniya ka destruction ho jaata hai। bhagwan to nai duniya rachne vaala hai। yeh puraani duniya badalkar nai hogi। nai duniya ke chinha to yeh lakshmi-naaraayan hain na। yeh nai duniya ke maalik hain। treta ko bhi nai duniya nahin kahenge। kaliyug ko puraana, satayug ko naya kaha jaata hai। kaliyug ant aur satayug aadi ka yeh hai sangamayug। koi em.A., bi.A. padhte hain to oonch ban jaate hain na। tum is padhaai se kitne oonch bante ho। duniya is baat ko nahin jaanti ki inko itna oonch kisne banaaya। tum abhi aadi-madhya-ant ko jaan gaye ho। sabki jeevan kahaani ko tum jaante ho। yeh hai knowledge। bhakti mein knowledge nahin hai sirf karmakaanda sikhaate hain। bhakti to athaah hai। kitna varnan karte hain। bahut khoobsoorat dikhaai padti hai। beej mein kya khoobsoorti hai, itna chhota beej kitna bada ho jaata hai। bhakti ka yeh jhaad hai, athaah karmakaanda hain। gyaan ka gutka ek hi hai manamnaabhav। baap kehte hain tamopradhaan se satopradhaan banne ke liye mujhe yaad karo। tum kehte bhi ho he patit-paavan aakar hamko paavan banaao। raavan raajya mein sab patit duhkhi hain। raamraajya mein sab hain paavan sukhi। raamraajya, raavan raajya naam to hai। raamraajya ka kisko pata nahin hai sivaae tum bachchon ke। tum ab purooshaartha kar rahe ho। 84 janmon ka raaz bhi tumhaare sivaae koi nahin jaante। bhal karke kehte hain bhagvaanuvaach - man-manaabhav। so kya aise thode hi koi samjhaayenge ki tumne 84 janma kaise poore liye। ab chakra poora hota hai। geeta sunaane vaalon ka jaakar suno-geeta par kya bolte hain। tumhaari buddhi mein to ab saara gyaan tapakta rehta hai। baba poochhte hain - aage kabhi mile ho? kehte hain haan baba kalpa pahle mile the। baba poochhte hain aur tum uttar dete ho arth sahit। aise nahin ki tote misal kah denge। phir baba poochhte hain - kyon mile the, kya paaya tha? to tum kah sakte ho - hamne vishwa ka raajya paaya tha, usmein sab aa jaata hai। bhal tum kehte ho nar se naaraayan bane the parantu vishwa ka maalik banna, usmein raaja-raani aur deity dynasty sab hai। unka maalik raaja, raani, praja sab banenge। isko kaha jaata hai shubh bolna। ham to nar se naaraayan banenge, kam nahin। baap kahenge - haan bachche, poora purooshaartha karo। apna potaamel bhi dekhna hai - is haalat mein ham oonch pad pa sakenge va nahin? kitnon ko raasta bataaya hai? kitne andhon ki laathi bana hoon? agar service nahin karte to samajhna chaahiye - ham praja mein chale jaayenge। apni dil se poochhna hai agar abhi hamaara shareer chhoot jaae to kya pad paayenge? bahut badi manzil hai to khabardaar rehna chaahiye। kai bachche samajhte hain barobar ham to yaad hi nahin karte to phir potaamel rakhkar kya karenge। usko phir heartfail kaha jaata hai। woh padhte bhi aisa hi hain। dhyaan nahin dete। miya mitthu ban baith nahin jaana hai jo pichhaadi mein fail ho jaaen। apna kalyaan karna hai। em object to saamne hai। hamko padhkar yeh banna hai। yeh bhi wonder hai na। kaliyug mein to raajaai hai nahin। satayug mein phir inhon ki raajaai kahaan se aai। saara madaar padhaai par hai। aise nahin ki devtaaon aur asuron ki ladaai lagi, devtaaon ne jeet kar raajya paaya। ab asuron aur devtaaon ki ladaai lag kaise sakti। na kaurvon aur paandavon ki hi ladaai hai। ladaai ki baat hi nishedh ho jaati hai। pahle to yeh bataao ki baap kehte hain - deh ke sab sambandh chhod apne ko aatma samjho। tum aatma ashareeri aai thi, ab phir vaapis jaana hai। pavitra aatmaayen hi vaapis ja sakengi। tamopradhaan aatmaayen to ja na saken। aatma ke pankh toote hue hain। maaya ne patit banaaya hai। tamopradhaan hone kaaran itna door holi (pavitra) jagah ja nahin sakte। abhi tumhaari aatma kahegi ki ham asul paramdham ke rahne vaale hain। yahaan yeh 5 tatvon ka putla liya hai - part bajaane ke liye। marte hain to kehte hain svargavaasi hua। kaun? vahaan shareer gaya ya aatma gai? shareer to jal gaya। baaki rahi aatma। woh svarga mein to ja nahin sakti। manushyon ko to jisne jo sunaaya woh kehte rehte hain। bhakti maarga vaalon ne bhakti hi sikhlaai hai, occupation ka kisko pata nahin hai। shiv ki pooja sabse oonch kehte hain। oonch te oonch shiv hai, unko hi yaad karo, simran karo। maala bhi dete hain। shiv-shiv kehte maala pherte raho। bigar arth maala uthaae shiv-shiv kehte rahenge। anek prakaar ki shikshaayen guru log dete hain। yahaan to ek hi baat hai - baap khud kehte hain mere ko yaad karne se vikarma vinaash honge। shiv-shiv mukh se kehna nahin hai। baap ka naam bachcha thode hi simran karta hai। yeh hai sab gupta। kisko bhi pata nahin hai ki tum kya kar rahe ho। jinhonne kalpa pahle samjha hoga vahi samjhenge। naye-naye bachche aate rehte hain, vriddhi ko paate rehte hain। aage chal drama kya dikhlaata hai so saakshi hokar dekhna hai। pahle se baba saakshaatkaar nahin karaayenge ki yeh-yeh hoga। phir to artificial ho jaae। yeh badi samajhne ki baaten hain।। tumko samajh milti hai, bhakti maarga mein besmajh the। jaante ho drama mein bhakti ki bhi noondh hai।

abhi tum bachche samajhte ho - ham is puraani duniya mein rahne vaale nahin hain। student ko yeh padhaai buddhi mein rehti hai। tumko bhi mukhya-mukhya points buddhi mein dhaaran karni hain। number one baat alpha pakka karo tab aage chalo। nahin to phaaltu poochhte rahenge। bachchiyaan likhti hain phalaane ne likhkar diya hai ki geeta ka bhagwan shiv hai, yeh to bilkul theek hai। bhal aise kehte hain parantu buddhi mein koi baithta thode hi hai। agar samajh jaaen ki baap aaya hai to kahe aise baap se ham jaakar milen। varsa leven। ek ko bhi nishchay nahin baithta। phat se ek ki bhi chitthi nahin aati। bhal karke likhte bhi hain ki knowledge badi achhi hai, parantu itni himmat nahin hoti jo samjhen vaah aisa baba, jisse ham itna samay door rahe, bhakti maarga mein dhakke khaaye, ab woh baap vishwa ka maalik banaane aaye hain। to bhaag aaye। aage chal niklenge। agar baap ko pahchaana hai, oonch te oonch bhagwan hai to unka bano na। samjhaani aisi deni chaahiye jo kapaat hi khul jaaen। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) dhandha aadi karte aatma ko paavan banaane ke liye samay nikaal yaad ki mehnat karni hai। koi bhi aasuri kaam kabhi nahin karna hai।

2) apna aur doosron ka kalyaan karna hai। padhaai padhna aur padhaana hai, miya mitthu nahin banna hai। yaad ka bal jama karna hai।

vardaan:- saakaar baap ko follow kar number one lene vaale sampoorn pharishta bhav

number one aane ka sahaj saadhan hai-jo number one brahma baap hai, usi one ko dekho। anekon ko dekhne ke bajaae ek ko dekho aur ek ko follow karo। ham so pharishta ka mantra pakka kar lo to antar mit jaayega phir science ka yantra apna kaam shuru karega aur aap sampoorn pharishte devta ban nai duniya mein avatrit honge। to sampoorn pharishta banna arthaat saakaar baap ko follow karna।

slogan:- manan karne se jo khushi roopi makkhan nikalta hai-vahi jeevan ko shaktishaali banaata hai।