Daily Murli for Tuesday 17 November 2020

17-11-2020 praatahmurli om shanti "baapdaada"' madhuban

“meethe bachche - baap aaye hain viceless duniya banaane, tumhaare character sudhaarne, tum bhaai-bhaai ho to tumhaari drishti bahut shuddh honi chaahiye''

prashn:- tum bachche bephikra baadshaah ho phir bhi tumhein ek mool phikraat avashya honi chaahiye - kaun si?

uttar:- ham patit se paavan kaise banen - yeh hai mool phikraat। aisa na ho baap ka bankar phir baap ke aage sazaayen khaani paden। sazaaon se chhootne ki phikraat rahe, nahin to us samay bahut lajja aayegi। baaki tum beparvaah baadshaah ho, sabko baap ka parichay dena hai। koi samajhta hai to behad ka maalik banta, nahin samajhta hai to uski takdeer। tumhein parvaah nahin।

om shanti। roohaani baap jiska naam shiv hai, woh baith apne bachchon ko samjhaate hain। roohaani baap sabhi ka ek hi hai। pahle-pahle yeh baat samjhaani hai to phir aage samajhna sahaj hoga। agar baap ka parichay hi nahin mila hoga to prashn karte rahenge। pahle-pahle to yeh nishchay karaana hai। saari duniya ko yeh pata nahin hai ki geeta ka bhagwan kaun hai। woh krishna ke liye kah dete, ham kehte parampita paramatma shiv geeta ka bhagwan hai। vahi gyaan ka saagar hai। mukhya hai sarvashaastra mai shiromni geeta। bhagwan ke liye hi kehte hain - he prabhu teri gat mat nyaari। krishna ke liye aise nahin kahenge। baap jo satya hai woh zaroor satya hi sunaayenge। duniya pahle nai satopradhaan thi। abhi duniya puraani tamopradhaan hai। duniya ko badalne vaala ek baap hi hai। baap kaise badalte hain woh bhi samjhaana chaahiye। aatma jab satopradhaan banen tab duniya bhi satopradhaan sthaapan ho। pahle-pahle tum bachchon ko antarmukh hona hai। jaasti teek-teek nahin karni hai। andar ghuste hain to bahut chitra dekh poochhte hi rehte hain। pahle-pahle samjhaani hi ek baat chaahiye। jaasti poochhne ki margin na mile। bolo, pahle to ek baat par nishchay karo phir aage samjhaayen phir tum 84 janmon ke chakra par le aa sakte ho। baap kehte hain main bahut janmon ke ant mein pravesh karta hoon। inko hi baap kehte hain - tum apne janmon ko nahin jaante ho। baap hamko prajaapita brahma dvaara samjhaate hain। pahle-pahle alpha par hi samjhaate hain। alpha samajhne se phir koi sanshay nahin hoga। bolo baap satya hai, woh bhi asatya nahin sunaate। behad ka baap hi raajayog sikhlaate hain। shivraatri gaai jaati hai to zaroor shiv yahaan aaye honge na। jaise krishna jayanti bhi yahaan manaate hain। kehte hain main brahma dvaara sthaapna karta hoon। us ek hi niraakaar baap ke sab bachche hain। tum bhi unki aulaad ho aur phir prajaapita brahma ki bhi aulaad ho। prajaapita brahma dvaara sthaapna ki to zaroor brahman-braahmaniyaan honge। behen-bhaai ho gaye, ismen pavitrata rehti hai। grihastha vyavhaar mein rehte pavitra rahne ki yeh hai bheeti। behen-bhaai hain to kabhi criminal drishti nahin honi chaahiye। 21 janma drishti sudhar jaati hai। baap hi bachchon ko shiksha denge na। character sudhaarte hain। abhi saari duniya ke character sudharne hain। is puraani patit duniya mein koi character nahin। sabmen vikaar hain। yeh hai hi patit vicious duniya। phir viceless duniya kaise banengi? sivaae baap ke koi bana na sake। abhi baap pavitra bana rahe hain। yeh hain sab gupta baaten। ham aatma hain, aatma ko paramatma baap se milna hai। sab purooshaartha karte hi hain bhagwan se milne ke liye। bhagwan ek niraakaar hai। liberator, guide bhi paramatma ko hi kaha jaata hai। doosre dharma vaale koi ko liberator, guide nahin kahenge। parampita paramatma hi aakar liberate karte hain arthaat tamopradhaan se satopradhaan banaate hain। guide bhi karte hain to pahle-pahle yeh ek hi baat buddhi mein bithaao। agar na samjhen to chhod dena chaahiye। alpha ko nahin samjha to be se kya phaayda, bhal chale jaayen। tum moonjho nahin। tum beparvaah baadshaah ho। asuron ke vighna padne hi hain। yeh hai hi roodra gyaan yagya। to pahle-pahle baap ka parichay dena hai। baap kehte hain manamnaabhav। jitna purooshaartha karenge us anusaar pad paayenge। aadi sanaatan devi-devta dharma ka raajya sthaapan ho raha hai। in lakshmi-naaraayan ki dynasty hai। aur dharma vaale koi dynasty sthaapan nahin karte hain। baap to aakar sabko mukta karte hain। phir apne-apne samay par aur-aur dharma sthaapkon ko aakar apna dharma sthaapan karna hai। vriddhi honi hai। patit banna hi hai। patit se paavan banaana yeh to baap ka hi kaam hai। woh to sirf aakar dharma sthaapan karenge। usmein badaai ki baat hi nahin। mahima hai hi ek ki। vo to Christ ke pichhaadi kitna karte hain। unko bhi samjhaaya jaae liberator guide to god father hi hai। baaki Christ ne kya kiya? unke pichhaadi Christian dharma ki aatmaayen aati rehti hain, neeche utarti rehti hain। duhkh se chhudaane vaala to ek hi baap hai। yeh sab points buddhi mein achhi reeti dhaaran karni hai। ek god ko hi merciful kaha jaata hai। Christ koi daya nahin karte। ek bhi manushya kisi par mercy nahin karte। mercy hoti hai behad ki। ek baap hi sab par raham karte hain। satayug mein sab sukh-shanti mein rehte hain। duhkh ki baat hi nahin। bachche ek baat alpha par kisko nishchay karaate nahin, aur-aur baaton mein chale jaate hain phir kehte gala hi kharaab ho gaya। pahle-pahle baap ka parichay dena hai। tum aur baaton mein jaao hi nahin। bolo, baap to satya bolenge na। ham bi.ke. ko baap hi sunaate hain। yeh chitra sab usne banvaaye hain, ismen sanshay nahin laana chaahiye। sanshaybuddhi vinshanti। pahle tum apne ko aatma samajh baap ko yaad karo to vikarma vinaash honge। aur koi upaay nahin। patit-paavan to ek hi hai na। baap kehte hain deh ke sab sambandh chhod maamekam yaad karo। baap jismen pravesh karte hain, unko bhi phir purooshaartha kar satopradhaan banna hai। banenge purooshaartha se phir brahma aur vishnu ka connection bhi bataate hain। baap tum braahmanon ko raajayog sikhlaate hain to tum vishnupuri ke maalik bante ho। phir tum hi 84 janma le ant mein shoodra bante ho। phir baap aakar shoodra se brahman banaate hain। aise aur koi bata na sake। pahli-pahli baat hai baap ka parichay dena। baap kehte hain mujhe hi patiton ko paavan banaane yahaan aana padta hai। aise nahin ki oopar se prerna deta hoon। inka hi naam hai bhaageerath। to zaroor inmen hi pravesh karenge। yeh hai bhi bahut janmon ke ant ka janma। phir satopradhaan bante hain। uske liye baap yukti bataate hain ki apne ko aatma samajh maamekam yaad karo। main hi sarvashaktimaan hoon। mujhe yaad karne se tumhaare mein shakti aayegi। tum vishwa ke maalik banenge। yeh lakshmi-naaraayan ka varsa inhon ko baap se mila hai। kaise mila woh samjhaate hain। pradarshani, museum aadi mein bhi tum kah do ki pahle ek baat ko samjho, phir aur baaton mein jaana। yeh bahut zaroori hai samajhna। nahin to tum duhkh se chhoot nahin sakenge। pahle jab tak nishchay nahin kiya hai to tum kuchh samajh nahin sakenge। is samay hai hi bhrashtaachaari duniya। devi-devtaaon ki duniya shreshthaachaari thi। aise-aise samjhaana hai। manushyon ki nabja bhi dekhni chaahiye-kuchh samajhta hai ya tavaai hai? agar tavaai hai to phir chhod dena chaahiye। time vesta nahin karna chaahiye। chaatrak, paatra ko parakhne ki bhi buddhi chaahiye। jo samajhne vaala hoga unka chehra hi badal jaayega। pahle-pahle to khushi ki baat deni hai। behad ke baap se behad ka varsa milta hai na। baba jaante hain yaad ki yaatra mein bachche bahut dheele hain। baap ko yaad karne ki mehnat hai। usmein hi maaya bahut vighna daalti hai। yeh bhi khel bana hua hai। baap baith samjhaate hain - kaise yeh khel bana-banaaya hai। duniya ke manushya to rinchak bhi nahin jaante।

baap ki yaad mein rahne se tum kisko samjhaane mein bhi ekras honge। nahin to kuchh na kuchh nuksa (kami) nikaalte rahenge। baba kehte hain tum jaasti kuchh bhi takleeph na lo। sthaapna to zaroor honi hi hai। bhaavi ko koi bhi taal nahin sakte। hullaas mein rehna chaahiye। baap se ham behad ka varsa le rahe hain। baap kehte hain maamekam yaad karo। bahut prem se baith samjhaana hai। baap ko yaad karte prem mein aansu aa jaane chaahiye। aur to sabhi sambandh hain kaliyugi। yeh hai roohaani baap ka sambandh। yeh tumhaare aansu bhi vijaymaala ke daane bante hain। bahut thode hain - jo aisa prem se baap ko yaad karte hain। koshish kar jitna ho sake apna time nikaal apne bhavishya ko ooncha banaana chaahiye। pradarshani mein itne dher bachche nahin hone chaahiye। na itne chitron ki darkaar hai। number one chitra hai geeta ka bhagwan kaun? uske baaju mein lakshmi-naaraayan ka, seedhi ka। bas। baaki itne chitra koi kaam ke nahin। tum bachchon ko jitna ho sake yaad ki yaatra ko badhaana hai। mool phikraat rakhni hai ki patit se paavan kaise banen! baba ka bankar aur phir baba ke aage jaakar saza khaayen yeh to badi durgati ki baat hai। abhi yaad ki yaatra par nahin rahenge to phir baap ke aage saza khaane samay bahut-bahut lajja aayegi। saza na khaani pade, yeh sabse jaasti phurna rakhna hai। tum roop bhi ho, basanta bhi ho। baba bhi kehte hain main roop bhi hoon, basanta bhi hoon। chhoti si bindi hoon aur phir gyaan ka saagar bhi hoon। tumhaari aatma mein saara gyaan bharte hain। 84 janmon ka saara raaz tumhaari buddhi mein hai। tum gyaan ka swaroop ban gyaan ki varsha karte ho। gyaan ka ek-ek ratna kitna amoolya hai, inki value koi kar na sake isliye baba kehte hain padmaapdam bhaagyashaali। tumhaare charnon mein padam ki nishaani bhi dikhaate hain, inko koi samajh na sake। manushya padmapti naam rakhte hain। samajhte hain inke paas bahut dhan hai। padmapti ka ek surname bhi rakhte hain। baap sab baaten samjhaate hain। phir kehte hain - mool baat hai ki baap ko aur 84 ke chakra ko yaad karo। yeh knowledge bhaaratvaasiyon ke liye hi hai। tum hi 84 janma lete ho। yeh bhi samajh ki baat hai na। aur koi sannyaasi aadi ko svadarshan chakradhaari bhi nahin kahenge। devtaaon ko bhi nahin kahenge। devtaaon mein gyaan hota hi nahin। tum kahenge hamaare mein saara gyaan hai, in lakshmi-naaraayan mein nahin hai। baap to yathaartha baat samjhaate hain na।

yeh gyaan bada wonderful hai। tum kitne gupta student ho। tum kahenge ham paathshaala mein jaate hain, bhagwan hamko padhaate hain। em object kya hai? ham yeh (lakshmi-naaraayan) banenge। manushya sunkar wonder khaayenge। ham apne head office mein jaate hain। kya padhte ho? manushya se devta, beggar se prince banne ki padhaai padh rahe ho। tumhaare chitra bhi first class hain। dhan daan bhi hamesha paatra ko kiya jaata hai। paatra tumko kahaan milenge? shiv ke, lakshmi-naaraayan ke, raam-seeta ke mandiron mein। vahaan jaakar tum unhon ki seva karo। apna time vesta nahin karo। ganga nadi par bhi jaakar tum samjhaao - patit-paavni ganga hai ya parampita paramatma hai? sarva ki sadgati yeh paani karega ya behad ka baap karega? tum is par achhi reeti samjha sakte ho। vishwa ka maalik banne ka raasta bataate ho। daan karte ho, kaudi jaise manushya ko heere jaise vishwa ka maalik banaate ho। bhaarat vishwa ka maalik tha na। tum braahmanon ka devtaaon se bhi uttam kul hai। yeh baba to samajhte hain - main baap ka ek hi sikeeldha bachcha hoon। baba ne hamaara yeh shareer loan par liya hai। tumhaare sivaae aur koi bhi yeh baaten samajh na saken। baba ki hamaare par savaari ki hui hai। hamne baba ko kulhe par bithaaya hai arthaat shareer diya hai ki service karo। unka evja phir woh kitna dete hain। jo hamko sabse oonch kandhe par chadhaate hain। number one le jaate hain। baap ko bachche pyaare lagte hain, to unko kandhe par chadhaate hain na। mo bachche ko sirf god tak leti hai baap to kandhe par chadhaate hain। paathshaala ko kabhi kalpana nahin kaha jaata। school mein history-geography padhte hain to kya woh kalpana hui? yeh bhi world ki history-geography hai na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bahut prem se baithkar roohaani baap ko yaad karna hai। yaad mein prem ke osu aa jaayen to woh osu vijay maala ka daana ban jaayenge। apna samay bhavishya praalabdha banaane mein saphal karna hai।

2) antarmukhi ho sabko alpha ka parichay dena hai, jyaada teek-teek nahin karni hai। ek hi phurna rahe ki aisa koi kartavya na ho jiski saza khaani pade।

vardaan:- shubh bhaavna se seva karne vaale baap samaan apkaariyon par bhi upkaari bhav

jaise baap apkaariyon par upkaar karte hain, aise aapke saamne kaisi bhi aatma ho lekin apne raham ki vritti se, shubh bhaavna se use parivartan kar do-yahi hai sachchi seva। jaise science vaale ret mein bhi kheti paida kar dete hain aise silence ki shakti se merciful ban up-kaariyon par bhi upkaar kar dharni ko parivartan karo। sva parivartan se, shubh bhaavna se kaisi bhi aatma parivartan ho jaayegi kyonki shubh bhaavna saphalta avashya praapta karaati hai।

slogan:- gyaan ka simran karna hi sada harshit rahne ka aadhaar hai।