Daily Murli for Friday 4 December 2020

04-12-2020 praatahmurli om shanti "baapdaada"' madhuban

“meethe bachche - behad ka baba aaya hai tum bachchon ka gyaan se shrringaar karne, oonch pad paana hai to sada shrringaare hue raho''

prashn:- kin bachchon ko dekhkar behad ka baap bahut khush hote hain?

uttar:- jo bachche service ke liye ever ready rehte hain, alaukik aur paarlaukik donon baap ko poora follow karte hain, gyaan-yog se aatma ko shrringaarte hain, patiton ko paavan banaane ki seva karte hain, aise bachchon ko dekh behad ke baap ko bahut khushi hoti hai। baap ki chaahna hain mere bachche mehnat kar oonch pad paayen।

om shanti। roohaani baap roohaani bachchon prati kehte hain - meethe-meethe bachchon, jaise laukik baap ko bachche pyaare lagte hain vaise behad ke baap ko bhi behad ke bachche pyaare lagte hain। baap bachchon ko shiksha, saavdhaani dete hain ki bachche oonch pad paayen। yahi baap ki chaahna hoti hai। to behad ke baap ki bhi yeh ichchha rehti hai। bachchon ko gyaan aur yog ke gahnon se shrringaarte hain। tumko donon baap bahut achhi reeti shrringaarte hain ki bachche oonch pad paayen। alaukik baap bhi khush hote hain to paarlaukik baap bhi khush hote hain, jo achhi reeti purushaartha karte hain, unhon ko dekhkar gaaya bhi jaata hai follow father। to donon ko follow karna hai। ek hai roohaani baap, doosra phir yeh hai alaukik father। to purushaartha kar oonch pad paana hai।

tum jab bhatthi mein the to sabka taaj sahit photo nikaala gaya tha। baap ne to samjhaaya hai light ka taaj koi hota nahin। yeh ek nishaani hai pavitrata ki, jo sabko dete hain। aise nahin koi saphed light ka taaj hota hai। yeh pavitrata ki nishaani samjhaai jaati hai। pahle-pahle tum rehte ho satayug mein। tum hi the na। baap bhi kehte hain, aatmaayen aur paramatma alag rahe bahukaal… tum bachche hi pahle-pahle aate ho phir pahle tumko hi jaana hai। muktidhaam ke gates bhi tumko kholne hain। tum bachchon ko baap shrringaarte hain। piyarghar mein vanvaah mein rehte hain। is samay tumko bhi saadhaaran rehna hai। na oonch, na neench। baap bhi kehte hain saadhaaran tan mein pravesh karta hoon। koi bhi dehdhaari ko bhagwan kah nahin sakte। manushya, manushya ki sadgati kar nahin sakte। sadgati to guru hi karte hain। manushya 60 varsha ke baad vaanaprastha lete hain phir guru karte hain। yeh bhi rasma abhi ki hai jo phir bhaktimaarga mein chalti hai। aajkal to chhote bachche ko bhi guru kara dete hain। bhal vaanaprastha avastha nahin hai parantu achaanak maut to aa jaata hai na isliye bachchon ko bhi guru kara dete hain। jaise baap kehte hain tum sabhi aatmaayen ho, hak hai varsa paane ka। woh kah dete hain guru bigar thaur nahin paayenge arthaat brahm mein leen nahin honge। tumko to leen nahin hona hai। yeh bhakti maarga ke akshar hain। aatma to star misal, bindi hai। baap bhi bindi hi hai। us bindi ko hi gyaan saagar kaha jaata hai। tum bhi chhoti aatma ho। usmein saara gyaan bhara jaata hai। tum full gyaan lete ho। paas with honour hote hain na। aise nahin ki shivling koi bada hai। jitni badi aatma hai, utna hi param aatma hai। aatma paramdham se aati hai part bajaane। baap kehte hain main bhi vahaan se aata hoon। parantu mujhe apna shareer nahin hai। mai roop bhi hoon, basanta bhi hoon। param aatma roop hai, unmein saara gyaan bhara hua hai। gyaan ki varsha barsaate hain to sabhi manushya paap aatma se punya aatma ban jaate hain। baap gati sadgati donon dete hain। tum sadgati mein jaate ho baaki sab gati mein arthaat apne ghar mein jaate hain। woh hai sweet hom। aatma hi in kaanon dvaara sunti hai। ab baap kehte hain meethe-meethe sikeeldhe bachchon vaapas jaana hai, uske liye pavitra zaroor banna hai। pavitra banne bigar koi bhi vaapis ja na sake। main sabko le jaane aaya hoon। aatmaon ko shiv ki baraat kehte hain। ab shivbaaba shivaalay ki sthaapna kar rahe hain। phir raavan aakar veshyaalay sthaapan karte hain। vaam maarga ko veshyaalay kaha jaata hai। baba ke paas bahut bachche hain jo shaadi karke bhi pavitra rehte hain। sannyaasi to kehte hain - yeh ho nahin sakta, jo donon ikatthe rah saken। yahaan samjhaaya jaata hai ismen aamadni bahut hai। pavitra rahne se 21 janmon ki raajdhaani milti hai to ek janma pavitra rehna koi badi baat thode hi hai। baap kehte hain tum kaam chita par baith bilkul hi kaale ban gaye ho। krishna ke liye bhi kehte hain gora aur saanvara, shyaam sundar। yeh samjhaani is samay ki hai। kaam chita par baithne se saanvare ban gaye, phir unko gaanv ka chhora bhi kaha jaata hai। barobar tha na। krishna to ho na sake। inke hi bahut janmon ke ant mein baap pravesh kar gora banaate hain। abhi tumko ek baap ko hi yaad karna hai। baba aap kitne meethe hain, kitna meetha varsa aap dete hain। hamko manushya se devta, mandir laayak banaate ho। aise-aise apne se baaten karni hain। mukh se kuchh bolna nahin hai। bhakti maarga mein aap maashook ko kitna yaad karte aaye hain। abhi aap aakar mile ho, baba aap to sabse meethe ho। aapko ham kyon nahin yaad karenge। aapko prem ka, shanti ka saagar kaha jaata hai, aap hi varsa dete ho, baaki prerna se kuchh bhi milta nahin hai। baap to sammukh aakar tum bachchon ko padhaate hain। yeh paathshaala hai na। baap kehte hain main tumko raajaaon ka raaja banaata hoon। yeh raajayog hai। abhi tum mool vatan, sookshm vatan, sthoolavtan ko jaan gaye ho। itni chhoti aatma kaise part bajaati hai। hai bhi bana-banaaya। inko kaha jaata hai anaadi-avinaashi world drama। drama phirta rehta hai, ismen sanshay ki koi baat nahin। baap srishti ke aadi-madhya-ant ka raaz samjhaate hain, tum svadarshan chakradhaari ho। tumhaari buddhi mein saara chakra phirta rehta hai। to usse tumhaare paap kat jaate hain। baaki krishna ne koi svadarshan chakra chalaakar hinsa nahin ki। vahaan to na ladaai ki hinsa hoti, na kaam kataari chalti hai। double ahinsak hote hain। is samay tumhaari 5 vikaaron se yuddha chalti hai। baaki aur koi yuddha ki baat hi nahin। ab baap hai oonch te oonch, phir oonch te oonch yeh varsa lakshmi-naaraayan, in jaisa oonch banna hai। jitna tum purushaartha karenge utna oonch pad paayenge। kalpa-kalpa vahi tumhaari padhaai rahegi। abhi achha purushaartha kiya to kalpa-kalpa karte rahenge। jismaani padhaai se itna pad nahin mil sakta jitna roohaani padhaai se milta hai। oonch te oonch yeh lakshmi-naaraayan bante hain। yeh bhi hain to manushya parantu daiveegun dhaaran karte hain isliye devta kaha jaata hai। baaki 8-10 bhujaaon vaale koi hai nahin। bhakti mein deedaar hota hai to bahut rote hain, duhkh mein aakar bahut aansu bahaate hain। yahaan to baap kehte hain aansu aaya to fail। amma mare to halua khaao.... aajkal to baambe mein bhi koi beemaar padte va marte hain to bi.ke. ko bulaate hain ki aakar shanti do। tum samjhaate ho aatma ne ek shareer chhod doosra liya, ismen tumhaara kya jaata। rone se kya phaayda। kehte hain, inko kaal kha gaya.. aisi koi cheez hai nahin। yeh to aatma aapehi ek shareer chhod jaati hai। apne samay par shareer chhod bhaagti hai। baaki kaal koi cheez nahin hai। satayug mein garbha mahal hota hai, saza ki baat hi nahin। vahaan tumhaare karma akarma ho jaate hain। maaya hi nahin jo vikarma ho। tum vikarmaajeet bante ho। pahle-pahle vikarmaajeet sanvat chalta hai phir bhakti maarga shuru hota hai to raaja vikram sanvat shuru hota hai। is samay jo vikarma kiye hain un par jeet paate ho, naam rakha jaata hai vikarmaajeet। phir dvaapar mein vikram raaja ho jaata, vikarma karte rehte hain। sui par agar kat chadhi hui hogi to chumbak kheenchega nahin। jitna paapon ki kat utarti jaayegi to chumbak kheechega। baap to poora pure hai। tumko bhi pavitra banaate hain yogbal se। jaise laukik baap bhi bachchon ko dekh khush hote hain na। behad ka baap bhi khush hota hai bachchon ki service par। bachche bahut mehnat bhi kar rahe hain। service par to hamesha ever ready rehna hai। tum bachche ho patiton ko paavan banaane vaale eeshvareey mission। abhi tum eeshvareey santaan ho, behad ka baap hai aur tum sab behen-bhaai ho। bas aur koi sambandh nahin। muktidhaam mein hai hi baap aur tum aatmaayen bhaai-bhaai phir tum satayug mein jaate ho to vahaan ek bachcha, ek bachchi bas, yahaan to bahut sambandh hote hain - chaacha, kaaka, maama...aadi।

mool vatan to hai hi sweet hom, muktidhaam। uske liye manushya kitna yagya tap aadi karte hain parantu vaapis to koi bhi ja na sake। gapode bahut maarte rehte hain। sarva ka sadgati daata to hai hi ek। doosra na koi। abhi tum ho sangamayug par। yahaan hain dher manushya। satayug mein to bahut thode hote hain। sthaapna phir vinaash hota hai। abhi anek dharma hone kaaran kitna hangaama hai। tum 100 percent solvent the। phir 84 janmon ke baad 100 percent insolvent ban pade ho। ab baap aakar sabko jagaate hain। ab jaago, satayug aa raha hai। satya baap hi tumko 21janmon ka varsa dete hain। bhaarat hi sachkhanda banta hai। baap sachkhanda banaate hain, jhooth khanda phir kaun banaate hain? 5 vikaaron roopi raavan। raavan ka kitna bada but banaate hain phir usko jalaate hain kyonki yeh hai number one dushman। manushyon ko yeh pata nahin hai ki kab se raavan ka raajya hua hai। baap samjhaate hain aadhaakalpa hai raamraajya, aadhaakalpa hai raavan raajya। baaki raavan koi manushya nahin hai, jisko maarna hai। is samay saari duniya par raavan raajya hai, baap aakar raam raajya sthaapan karte hain, phir jay-jaykaar ho jaati hai। vahaan sadaiv khushi rehti hai। woh hai hi sukhdhaam। inko kaha jaata hai purushottam sangamayug। baap kehte hain is purushaartha se tum yeh banne vaale ho। tumhaare chitra bhi banaaye the, bahut aaye phir sunanti, kathanti bhaaganti ho gaye। baap aakar tum bachchon ko bahut pyaar se samjhaate hain। baap, teacher pyaar karte hain, guru bhi pyaar karte hain। satguru ka nindak thaur na paaye। tumhaari em object saamne khadi hai। un gurooon ke paas to em object koi hoti nahin। woh koi padhaai nahin hai, yeh to padhaai hai। inko kaha jaata hai university kam hospital, jisse tum ever healthy, wealthy bante ho। yahaan to hai hi jhooth, gaate bhi hain jhoothi kaaya... satayug hai sachkhanda। vahaan to heere javaahraaton ke mahal hote hain। somnaath ka mandir bhi bhaktimaarga mein banaaya hai। kitna dhan tha jo phir musalmaanon ne aakar loota। badi-badi masjiden banaai। baap tumko kaaroon ka khajaana dete hain। shuru se hi tumko sab saakshaatkaar karaate aaye hain। allaah avaldeen baba hai na। pahla-pahla dharma sthaapan karte hain। woh hai Deityism। jo dharma nahin hai woh phir se sthaapan hota hai। sab jaante hain praacheen satayug mein inhon ka hi raajya tha, unke oopar koi nahin। deity raajya ko hi paradise kaha jaata hai। abhi tum jaante ho phir auron ko bataana hai। sabko kaise pata pade jo phir aisa koi ulhana na de ki hamko pata nahin pada। tum sabko batlaate ho phir bhi baap ko chhodkar chale jaate hain। yeh history must repeat। baba ke paas aate hain to baba poochhte hain - aage kabhi mile ho? kehte hain haan baba 5 hazaar varsha pahle ham milne aaye the। behad ka varsa lene aaye the, koi aakar sunte hain, koi ko saakshaatkaar hota hai brahma ka to woh yaad aata hai। phir kehte hain hamne to yahi roop dekha tha। baap bhi bachchon ko dekh khush hote hain। tumhaari avinaashi gyaan ratnon se jholi bharti hai na। yeh padhaai hai। 7 din ka course lekar phir bhal kahaan bhi rah murli ke aadhaar par chal sakte hain, 7 din mein itna samjhaayenge jo phir murli ko samajh sakenge। baap to bachchon ko sab raaz achhi reeti samjhaate rehte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svadarshan chakra phiraate paapon ko bhasma karna hai, roohaani padhaai se apna pad shreshtha banaana hai। kisi bhi paristhiti mein aansu nahin bahaane hain।

2) yeh vaanaprastha avastha mein rahne ka samay hai, isliye vanvaah mein bahut saadhaaran rehna hai। na bahut oonch, na bahut neench। vaapas jaane ke liye aatma ko sampoorn paavan banaana hai।

vardaan:- manan shakti dvaara buddhi ko shaktishaali banaane vaale master sarvashaktimaan bhav

manan shakti hi divya buddhi ki khuraak hai। jaise bhakti mein simran karne ke abhyaasi hain, aise gyaan mein smriti ki shakti hai। is shakti dvaara master sarvashaktimaan bano। roz amritvele apne ek title ko smriti mein laao aur manan karte raho to manan shakti se buddhi shaktishaali rahegi। shaktishaali buddhi ke oopar maaya ka vaar nahin ho sakta, parvash nahin ho sakte kyonki maaya sabse pahle vyartha sankalp roopi vaan dvaara divyabuddhi ko hi kamjor banaati hai, is kamjori se bachne ka saadhan hi hai manan shakti।।

slogan:- aagyaakaari bachche hi duaaon ke paatra hain, duaaon ka prabhaav dil ko sada santushta rakhta hai।