Daily Murli for Monday 21 December 2020

21-12-2020 praatahmurli om shanti "baapdaada"' madhuban

“meethe bachche - tum abhi holiest oph di holi baap ki god mein aaye ho, tumhein mansa mein bhi holi (pavitra) banna hai''

prashn:- holiest oph di holi bachchon ka nasha aur nishaaniyaan kya hongi?

uttar:- unhein nasha hoga ki hamne holiest oph di holi baap ki god li hai। ham holiest devi-devta bante hain, unke andar mansa mein bhi kharaab khyaalaat aa nahin sakte। woh khushboodaar phool hote hain, unse koi bhi ulta karma ho nahin sakta। woh antarmukhi ban apni jaanch karte hain ki mere se sabko khushbu aati hai? meri aankh kisi mein doobti to nahin?

geet:- marna teri gali mein…

om shanti। bachchon ne geet suna phir uska arth bhi andar mein vichaar saagar manthan kar nikaalna chaahiye। yeh kisne kaha marna teri gali mein? aatma ne kaha kyonki aatma hai patit। paavan to ant mein kahenge va paavan tab kahen jab shareer bhi paavan mile। abhi to purushaarthi hain। yeh bhi jaante ho - baap ke paas aakar marna hota hai। ek baap ko chhod doosra karna maana ek se markar doosre ke paas jeena। laukik baap ka bhi bachcha shareer chhodega to doosre baap paas jaakar janma lega na। yeh bhi aise hai। markar phir holiest oph holi ki god mein tum jaate ho। holiest oph holi kaun hai? (baap) aur holi kaun hain? (sannyaasi) haan, in sannyaasiyon aadi ko kahenge holi। tumhaare mein aur sannyaasiyon mein pharka hai। woh holi bante hain lekin janma to phir bhi patit se lete hain na। tum bante ho holiest oph di holi। tumko banaane vaala hai holiest oph holi baap। vo log gharbaar chhod holi bante hain। aatma pavitra banti hai na। tum svarga mein devi-devta ho to tum holiest oph holi hote ho। yeh tumhaara sannyaas hai behad ka। woh hai had ka। vo holi bante hain, tum bante ho holiest oph holi। buddhi bhi kehti hai - ham to nai duniya mein jaate hain। woh sannyaasi aate hi hain rajo mein। pharka hua na। kahaan rajo, kahaan satopradhaan। tum holiest oph holi dvaara holiest bante ho। woh gyaan saagar bhi hai, prem ka saagar bhi hai। english mein ocean oph knowledge, ocean oph lav kehte hain। tumko kitna oonch banaate hain। aise oonch te oonch holiest oph holi ko bulaate hain ki aakar patiton ko paavan banaao। patit duniya mein aakar hamko holiest oph holi banaao। to bachchon ko itna nasha rehna chaahiye ki hamko kaun padhaate hain! ham kya banenge? daiveegun bhi dhaaran karne hain। bachche likhte hain - baba hamko maaya bahut toofaan laati hai। hamko mansa se shuddh banne nahin deti hai kyon aise kharaab khyaalaat aate hain jabki hamko holiest oph holi banna hai? baap kehte hain - abhi tum bilkul an-holiest oph holi ban pade ho। bahut janmon ke ant mein ab baap phir tumko jor se padhaate hain। to bachchon ki buddhi mein yeh nasha rehna chaahiye - ham kya ban rahe hain। in lakshmi-naaraayan ko aisa kisne banaaya? bhaarat svarga tha na। is samay bhaarat tamopradhaan bhrashtaachaari hai। phir inko ham holiest oph holi banaate hain। banaane vaala to zaroor chaahiye na। apne mein bhi woh nasha aana chaahiye ki hamko devta banna hai। uske liye gun bhi aise hone chaahiye। ekdam neeche se oopar chadhe ho। seedhi mein bhi utthaan aur patan likha hai na। jo neeche gire hue hain woh kaise apne ko holiest oph holi kahlaayenge। holiest oph holi baap hi aakar bachchon ko banaate hain। tum yahaan aaye hi ho vishwa ka maalik holiest oph holi banne ke liye, to kitna nasha rehna chaahiye। baba hamko itna oonch banaane aaye hain। mansa-vaacha-karmana pavitra banna hai। khushboodaar phool banna hai। satayug ko kaha hi jaata hai - phoolon ka bageecha। badbu koi bhi na ho। badbu deh-abhimaan ko kaha jaata hai। kudrishti koi mein bhi na jaaye। aisa ulta kaam na ho jo dil ko khaaye aur khaata ban jaae। tum 21 janmon ke liye dhan ikattha karte ho। tum bachche jaante ho ham bahut sampattivaan ban rahe hain। apni aatma ko dekhna hai ham daiveegunon se bharpoor hain? jaise baba kehte hain vaise ham purooshaartha karte hain। tumhaari em object to dekho kaisi hai। kahaan sannyaasi kahaan tum!

tum bachchon ko nasha hona chaahiye ki ham kiski god mein aaye hain! hamko kya banaate hain? antarmukh ho dekhna chaahiye - ham kahaan tak laayak bane hain? hamko kitna gul-gul banna chaahiye, jo sabko gyaan ki khushbu aaye? tum anekon ko khushbu dete ho na। aapasmaan banaate ho। pahle to nasha hona chaahiye - hamko padhaane vaala kaun hai! vo to sabhi hain bhakti maarga ke guru। gyaan maarga ka guru koi ho na sake - sivaae ek parampita paramatma ke। baaki hain bhakti maarga ke। bhakti hoti hi hai kaliyug mein। raavan ki praveshta hoti hai। yeh bhi duniya mein koi ko pata nahin। abhi tum jaante ho, satayug mein ham 16 kala sampoorn the, phir ek din bhi beeta to unko poornamaasi thode hi kahenge। yeh bhi aise hai। thoda-thoda joon ke muaaphik chakra phirta rehta hai। ab tumko poora 16 kala sampoorn banna hai, so bhi aadhaakalpa ke liye। phir kalaayen kamti hoti hain, yeh tumko buddhi mein gyaan hai to tum bachchon ko kitna nasha rehna chaahiye। bahuton ko yeh buddhi mein aata nahin hai ki hamko padhaane vaala kaun hai? ocean oph knowledge। bachchon ko to kehte hain namaste bachchon। tum brahmaanda ke bhi maalik ho, vahaan sab rehte ho phir vishwa ke bhi tum maalik bante ho। tumhaara haunsala badhaane ke liye baap kehte hain tum hamse oonch bante ho। main vishwa ka maalik nahin banta hoon, apne se bhi tumko oonch mahima vaala banaata hoon। baap ke bachche oonch chadh jaate hain to baap samjhenge na inhonne padhkar itna oonch pad paaya hai। baap bhi kehte hain ham tumko padhaate hain। ab apna pad jitna banaane chaaho, purushaartha karo। baap hamko padhaate hain - pahle to nasha chadhna chaahiye। baap to kabhi bhi aakar baat karte hain। woh to jaise inmen hai hi। tum bachche unke ho na। yeh rath bhi unka hai na। to aisa holiest oph holi baap aaya hua hai, tumko paavan banaata hai। ab tum phir auron ko paavan banaao। ham retired hota hoon। jab tum holiest oph holi bante ho to yahaan koi patit aa na sake। yeh holiest oph holi ka church hai। us church mein to vikaari sab jaate hain, sab patit unholy hain। yeh to bahut badi holi church hai। yahaan koi patit paanv bhi dhar na sake। parantu abhi nahin kar sakte। jab bachche bhi aise ban jaayen tab aise kaayde nikaale jaayen। yahaan koi andar aa na sake। poochhte hain na ham aakar sabha mein baithen? baba kehte hain officers aadi se kaam rehta hai to unko bithaana pade। jab tumhaara naam baala ho jaayega phir tumko kisi ki parvaah nahin। abhi rakhni padti hai, holiest oph holi bhi gam khaate rehte hain। abhi na nahin kar sakte। prabhaav nikalne se phir logon ki dushmani bhi kam ho jaayegi। tum bhi samjhaayenge ham braahmanon ko raajayog sikhlaane vaala holiest oph holi baap hai। sannyaasiyon ko holiest oph holi thode hi kahenge। woh aate hi hain rajogun mein। woh vishwa ke maalik ban sakte hain kya? abhi tum purushaarthi ho। kabhi to bahut achhi chalan hoti hai, kabhi to phir aisi chalan hoti jo naam badnaam kar dete hain। bahut centres par aise aate hain jo zara bhi pahchaante kuchh nahin hain। tum apne ko bhi bhool jaate ho ki ham kya bante hain। baap bhi chalan se samajh jaate hain - yeh kya banenge? bhaagya mein oonch pad hoga to chalan badi royalty se chalenge। sirf yaad rahe ki hamko padhaate kaun hain to bhi kaapaari khushi rahe। ham god fatherly student hain to kitna regard rahe। abhi ajun seekh rahe hain। baap to samajhte hain abhi time lagega। nambarvaar to har baat mein hote hi hain। makaan bhi pahle satopradhaan hota hai phir sato-rajo-tamo hota hai। abhi tum satopradhaan, 16 kala sampoorn banne vaale ho। imaarat banti jaati hai। tum sab milkar svarga ki imaarat bana rahe ho। yeh bhi tumko bahut khushi honi chaahiye। bhaarat jo anholeeesta oph unholy ban pada hai, unko ham holiest oph holi banaate hain, to apne oopar kitni khabardaari rakhni chaahiye। hamaari drishti aisi na ho jo hamaara pad hi bhrashta ho jaae। aise nahin baba ko likhenge to baba kya kahenge। nahin, abhi to sab purushaartha kar rahe hain। unko bhi abhi holiest oph holi thode hi kahenge। ban jaayenge phir to yeh shareer bhi nahin rahega। tum bhi holiest oph holi bante ho। baaki usmein hain martabe। uske liye purushaartha karna hai aur karaana hai। baba points to bahut dete rehte hain। koi aaye to bhent karke dikhaao। kahaan yeh holiest oph holi, kahaan woh holi। in lakshmi-naaraayan ka to janma hi satayug mein hota hai। woh aate hi baad mein hain, kitna pharka hai। bachche samajhte hain - shivbaaba hamko yeh bana rahe hain। kehte hain maamekam yaad karo। apne ko ashareeri aatma samjho। oonch te oonch shivbaaba padhaakar oonch te oonch banaate hain, brahma dvaara ham yeh padhte hain। brahma so vishnu bante hain। yeh bhi tum jaante ho। manushya to kuchh bhi nahin samajhte। abhi saari srishti par raavan raajya hai। tum raamraajya sthaapan kar rahe ho, jisko tum jaante ho। drama anusaar ham svarga sthaapan karne laayak ban rahe hain। ab baba laayak banaate hain। sivaae baap ke shantidham, sukhdhaam koi le nahin ja sakte। gapoda maarte rehte hain phalaana svarga gaya, muktidhaam gaya। baap kehte hain yeh vikaari, patit aatmaayen shantidham kaise jaayengi। tum kah sakte ho to samjhen inhon ko kitna fakhur hai। aise vichaar saagar manthan karo, kaise samjhaayen। chalte-phirte andar mein aana chaahiye। dheeraj bhi dharna hai, ham bhi laayak ban jaayen। bhaaratvaasi hi poora laayak aur poora naalaayak bante hain। aur koi nahin। abhi baap tumko laayak bana rahe hain। knowledge badi maje ki hai। andar mein badi khushi rehti hai - ham is bhaarat ko holiest oph holi banaayenge। chalan badi royal chaahiye। khaan-paan, chalan se maaloom pad jaata hai। shivbaaba tumko itna oonch banaate hain। unke bachche bane ho to naam baala karna hai। chalan aisi ho jo samjhen yeh to holiest oph holi ke bachche hain। aahiste-aahiste tum bante jaayenge। mahima nikalti jaayegi। phir kaayde kaanoon sab nikaalenge, jo koi patit andar aa na sake। baba samajh sakte hain, abhi time chaahiye। bachchon ko bahut purushaartha karna hai। apni raajdhaani bhi taiyaar ho jaae। phir karne mein harja nahin hai। phir to yahaan se neeche Abu Road tak queue lag jaayegi। abhi tum aage chalo। baba tumhaare bhaagya ko badhaate rehte hain। padma bhaagyashaali bhi kaaydesir kehte hain na। pair mein padma dikhaate hain na। yeh sab tum bachchon ki mahima hai। phir bhi baap kehte hain manamnaabhav, baap ko yaad karo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aisa koi kaam nahin karna hai jo dil ko khaata rahe। poora khushboodaar phool banna hai। deh-abhimaan ki badbu nikaal deni hai।

2) chalan badi royal rakhni hai। holiest oph holi banne ka poora purushaartha karna hai। drishti aisi na ho jo pad bhrashta ho jaaye।

vardaan:- har khajaane ko kaarya mein lagaakar padmon ki kamaai jama karne vaale padmaapdam bhaagyashaali bhav

har second padmon ki kamaai jama karne ka vardaan drama mein sangam ke samay ko mila hua hai। aise vardaan ko svayan prati jama karo aur auron ke prati daan karo, aise hi sankalp ke khajaan ko, gyaan ke khajaane ko, sthool dhan roopi khajaane ko kaarya mein lagaakar padmon ki kamaai jama karo kyonki is samay sthool dhan bhi eeshvar arth samarpan karne se ek naya paisa ek ratna samaan value ka ho jaata hai - to in sarva khajaanon ko svayan ke prati va seva ke prati kaarya mein lagaao to padmaapdam bhaagyashaali ban jaayenge।

slogan:- jahaan dil ka sneh hai vahaan sabka sahayog sahaj praapta hota hai।