Daily Murli for Sunday 10 October 2021

10-10-21 praatahmurli om shanti ''avyakt-baapdaada'' revise 11-08-88 madhuban

saphalta ka chumbak - ‘milna aur mould hona'

sabka sneh, sneh ke saagar mein sama gaya। aise hi sada sneh mein samaaye hue auron ko bhi sneh ka anubhav karaate chalo। baapdaada sarva bachchon ke vichaar samaan milne ka sammelan dekh harshit ho rahe hain। udte aane vaalon ko sada udti kala ke vardaan svatah praapta hote rahenge। baapdaada sarva aaye hue bachchon ke umang-utsaah ko dekh sabhi bachchon par sneh ke phoolon ki varsha kar rahe hain। sankalp samaan milan aur aage sanskaar baap samaan milan - yeh milan hi baap ka milan hai। yahi baap samaan banna hai। sankalp, milan, sanskaar milan - milna hi nirmaan ban nimitta banna hai। sameep aa rahe ho, aa hi jaayenge। seva ki saphalta ki nishaani dekh harshit ho rahe hain। sneh milan mein aaye ho sada snehi ban sneh ki lahar vishwa mein phailaane ke liye। lekin har baat mein charity begins at hom। pahle sva hai apna sabse pyaara hom। to pahle sva se, phir brahman parivaar se, phir vishwa se। har sankalp mein sneh, nihsvaartha sachcha sneh, dil ka sneh, har sankalp mein sahaanubhooti, har sankalp mein merciful, daataapan ki natural nature ban jaae - yeh hai sneh milan, sankalp milan, vichaar milan, sanskaar milan। sarva ke sahayog ke kaarya ke pahle sada sarva shreshtha brahman aatmaon ka sahayog vishwa ko sahayogi sahaj aur svatah bana hi leta hai isliye saphalta sameep aa rahi hai। milna aur mudna arthaat mould hona - yahi saphalta ka chumbak hai। bahut sahaj is chumbak ke aage sarva aatmaayen aakarshit ho aai ki aai!

meeting ke bachchon ko bhi baapdaada sneh ki mubaarak de rahe hain। sameep hain aur sada sameep rahenge। na sirf baap ke lekin aapas mein bhi sameepta ka vision (drishya) baapdaada ko dikhaaya। vishwa ko vision dikhaane ke pahle baapdaada ne dekha। aane vaale aap sarva bachchon ke action (karma) ko dekh - kya action karna hai, hona hai, woh sahaj hi samajh jaayenge। aapka action hi action-plan hai। achha!

plan sab achhe banaaye hain। aur bhi jaise yeh kaarya aarambha hote baapdaada ka vishesh eeshaara vargeekran ko taiyaar karne ka tha aur ab bhi hai। to aisa lakshya zaroor rakho ki is mahaan kaarya mein koi bhi varga rah nahin jaaye। chaahe samay pramaan jyaada nahin kar sakte ho lekin prayatna va lakshya yeh zaroor rakho ki sample zaroor taiyaar hon। baaki aage isi kaarya ko aur badhaate rahenge। to samay pramaan karte rehna। lekin samaapti ko sameep laane ke liye sarva ka sahayog chaahiye। lekin itni saari duniya ki aatmaon ko to ek samay par samparka mein nahin la sakte isliye aap phalak se kah sako ki hamne sarva aatmaon ko sarva varga ke aadhaar se sahayogi banaaya hai, to yeh lakshya sarva ke kaaran ko poora kar deta hai। koi bhi varga ka ulhana nahin rah jaae ki humein to pata hi nahin hai ki kya kar rahe ho? beej daalo। baaki vriddhi jaisa samay mile, jaise kar sako vaise karo। ismen bhaari nahin hona ki kaise karen, kitna karen? jitna hona hai utna ho hi jaayega। jitna kiya utna hi saphalta ke sameep aaye। sample to taiyaar kar sakte ho na?

baaki jo Indian government (bhaarat sarkaar) ko sameep laane ka shreshtha sankalp laaya hai, woh samay sarva ki buddhiyon ko sameep la raha hai isliye sarva brahman aatmaayen is vishesh kaarya ke arth aarambha se ant tak vishesh shuddh sankalp “saphalta honi hi hai'' - is shuddh sankalp se aur baap samaan vibration banaane milaane se, vijay ke nishchay ki dridhta se aage badhte chalo। lekin jab koi bada kaarya kiya jaata hai to pahle, jaise sthool mein dekha hai - koi bhi bojh uthaayenge to kya karte hain? sabhi milkar ungali dete hain aur ek do ko himmat-ullaas badhaane ke bol bolte hain। dekha hai na! aise hi nimitta koi bhi banta hai lekin sada is vishesh kaarya ke liye sarva ke sneh, sarva ke sahayog, sarva ke shakti ke umang-utsaah ke vibration kumbhakran ko neend se jagaayenge। yeh attention zaroori hai is vishesh kaarya ke oopar। vishesh sva, sarva brahman aur vishwa ki aatmaon ka sahayog lena hi saphalta ka saadhan hai। iske beech mein thoda bhi agar antar padta hai to saphalta ke antar laane mein nimitta ban jaata hai isliye baapdaada sabhi bachchon ke himmat ka aavaaj sun usi samay harshit ho rahe the aur khaas sangathan ke sneh ke kaaran sneh ka return dene ke liye aaye hain। bahut achhe ho aur achhe te achhe anek baar bane ho aur bane hue ho! isliye double videshi bachchon ke door se ever ready ban udne ke nimitta baapdaada vishesh bachchon ko hriday ka haar banaae samaate hain। achha!

kumaariyaan to hai hi kanhaiya ki। bas ek shabd yaad rakhna - sabmen ek, ekmat, ekras, ek baap। bhaarat ke bachchon ko bhi baapdaada dil se mubaarak de rahe hain। jaisa lakshya rakha vaise lakshan practical mein laaya। samjha? kisko kahen, kisko na kahen - sabko kehte hain! (daadi ko) jo nimitta bante hain, unko khyaal to rehta hi hai। yahi sahaanubhooti ki nishaani hai। achha!

meeting mein aaye hue sabhi bhaai-bahnon ko baapdaada ne stage par bulaaya

sabhi ne buddhi achhi chalaai hai। baapdaada harek bachche ke seva ke sneh ko jaante hain। seva mein aage badhne se kahaan tak chaaron or ki saphalta hai, isko sirf thoda-sa sochna aur dekhna। baaki seva ki lagan achhi hai। din-raat ek karke seva ke liye bhaagte ho। baapdaada to mehnat ko bhi muhabbat ke roop mein dekhte hain। mehnat nahin ki, muhabbat dikhaai। achha! achhe umang-utsaah ke saathi mile hain। vishaal kaarya hai aur vishaal dil hai, isliye jahaan vishaalta hain vahaan saphalta hai hi। baapdaada sabhi bachchon ke seva ki lagan ko dekh roj khushi ke geet gaate hain। kai baar geet sunaaya hai - “vaah bachche vaah!'' achha! aane mein kitne raaz the, raazon ko samajhne vaale ho na! raaz jaane, baap jaane। (daadi ne baapdaada ko bhog sveekaar karaana chaaha) aaj drishti se hi sveekaar karenge। achha!

sabki buddhi bahut achhi chal rahi hai aur ek do ke sameep aa rahe ho na! isliye saphalta ati sameep hai। sameepta saphalta ko sameep laayegi। thak to nahin gaye ho? bahut kaam mil gaya hai? lekin aadha kaam to baap karta hai। sabka umang achha hai। dridhta bhi hai na! sameepta kitni sameep hai? chumbak rakh do to sameepta sabke gale mein maala daal degi, aise anubhav hota hai? achha! sab achhe te achhe hain।

daadiyon ke prati uchchaare hue avyakt mahaavaakya:- (31-3-88)

baap bachchon ko shukriya deta, bachche baap ko। ek-do ko shukriya dete-dete aage badhe ho, yahi vidhi hai aage badhne ki। isi vadhi se aap logon ka sangathan achha hai। ek-do ko ‘haan ji' kaha, ‘shukriya' kaha aur aage badhe, isi vidhi ko sab follow karen to pharishte ban jaayenge। baapdaada chhoti maala ko dekh karke khush hote hain। abhi kangan bana hai, gale ki maala taiyaar ho rahi hai। gale ki maala taiyaar karne mein lage hue ho। abhi attention chaahiye। jyaada seva mein chale jaate hain to apne oopar attention kahaan-kahaan kam ho jaata hai। ‘vistaar' mein ‘saar' kabhi merge ho jaata hai, emerge (pratyaksha) roop mein nahin rehta hai। aap log hi kehte ho ki abhi yeh hona hai। kabhi aisa bhi din aayega jo kahenge - jo hona chaahiye, vahi ho raha hai। pahle deepkon ki maala to yahaan hi taiyaar hogi। baapdaada aap logon ko harek ka umang-utsaah badhaane ka example samajhte hain। aap logon ki unity hi yagya ka kila hai। chaahe 10 ho, chaahe 12 ho lekin kile ki deevaar ho। to baapdaada kitna khush honge! baapdaada to hai hi, phir bhi nimitta to aap ho। aisa hi sangathan doosra, teesra group ban jaaye to kamaal ho jaae। abhi aisa group taiyaar karo। jaise pahle group ke liye sab kehte hain ki inhon ka aapas mein sneh hai। svabhaav bhinna-bhinna hain, woh to rahenge hi lekin ‘regard' hai, ‘pyaar' hai, ‘haan ji' hai, samay par apne aapko mould kar lete, isliye yeh kile ki deevaar majboot hai, isliye hi aage badh rahe hain। foundation ko dekhkar khushi hoti hai na। jaise yeh pahla poor dikhaai deta hai, aise shaktishaali group ban jaaen to seva peechhe-peechhe aayegi। drama mein vijay maala ki noondh hai। to zaroor ek-do ke najdeek aayenge, tab to maala banegi। ek daana ek taraph ho, ek daana ek se door ho to maala nahin banegi। daane milte jaayenge, sameep aate jaayenge tab maala taiyaar hogi। to example achhe ho। achha!

abhi to milne ka quota poora karna hai। sunaaya na - rath ko bhi extra sakaash se chala rahe hain। nahin to saadhaaran baat nahin hai। dekhna to sab padta hai na। phir bhi sab shaktiyon ki energy jama hai, isliye rath bhi itna sahayog de raha hai। shaktiyaan jama nahin hoti to itni seva mushkil ho jaati। yeh bhi drama mein har aatma ka part hai। jo shreshtha karma ki poonji jama hoti hai to samay par woh kaam mein aati hai। kitni aatmaon ki duaayen bhi mil jaati hain, woh bhi jama hoti hain। koi na koi vishesh punya ki poonji jama hone ke kaaran vishesh part hai। nirvighna rath chale - yeh bhi drama ka part hai। 6 maas koi kam nahin raha। achha! sabhi ko raazi karenge।

avyakt murli se chune hue kuchh anmol mahaavaakya (prashn-uttar)

prashn:- kis ek shabd ke arth swaroop mein sthit hone se hi sarva kamjoriyaan samaapta ho jaayengi?

uttar:- sirf purushaarthi shabd ke arth swaroop mein sthit ho jaao। purush arthaat is rath ka rathi, prakriti ka maalik। isi ek shabd ke arth swaroop mein sthit hone se sarva kamjoriyaan samaapta ho jaayengi। purush prakriti ke adhikaari hai na ki adheen। rathi rath ko chalaane vaala hai na ki rath ke adheen hone vaala।

prashn:- aadikaal ke raajya adhikaari banne ke liye kaun se sanskaar abhi se dhaaran karo?

uttar:- apne aadi avinaashi sanskaar abhi se dhaaran karo। agar bahutkaal yoddhepan ke sanskaar rahe arthaat yuddha karte karte samay bitaaya, aaj jeet kal haar। abhi-abhi jeet, abhi-abhi haar, sada ke vijayeepan ke sanskaar nahin banen to kshatriy kaha jaayega na ki brahman। brahman so devta bante hain, kshatriy, kshatriy mein chale jaate hain।

prashn:- vishwa parivartak banne ke pahle kaun sa parivartan karne ki shakti chaahiye?

uttar:- vishwa parivartak banne ke pahle apne sanskaaron ko parivartan karne ki shakti chaahiye। drishti aur vritti ka parivartan chaahiye। aap drishta is drishti dvaara dekhne vaale ho। divya netra se dekho na ki chamdi ke netron se। divya netra se dekhenge to svatah divya roop hi dikhaai dega। chamde ki aankhe chamde ko dekhti, chamdi ke liye sochti- yeh kaam pharishton va braahmanon ka nahin।

prashn:- aapas mein behen bhaai ke sambandh mein hote bhi kis divya netra se dekho to drishti va vritti kabhi chanchal nahin ho sakti?

uttar:- har ek naari shareerdhaari aatma ko shakti roop, jagat maata ka roop, devi ka roop dekho-yahi hai divya netra se dekhna। shakti ke aage koi aasuri vritti se aate hain to bhasma ho jaate hain isliye hamaari behen va teacher nahin lekin shivshakti hai। maataayen bahnen bhi sada apne shiv shakti swaroop mein sthit rahen। mera vishesh bhaai, vishesh student nahin, woh mahaaveer hain aur woh shiv shakti hain।

prashn:- mahaaveer ki visheshta kya dikhaate hain?

uttar:- unke dil mein sada ek raam rehta hai। mahaaveer raam ka hai to shakti bhi shiv ki hai। kisi bhi shareerdhaari ko dekhte mastak ke taraph aatma ko dekho। baat aatma se karni hai na ki shareer se। najar hi mastak mani par jaani chaahiye।

prashn:- kis shabd ko albele roop mein na use karke sirf ek saavdhaani rakho, woh kaun si?

uttar:- purushaarthi shabd ko albele roop mein na use karke sirf yahi saavdhaani rakho ki har baat mein dridh sankalp vaale banna hai। jo bhi karna hai woh shreshtha karma hi karna hai। shreshtha hi banna hai। om shanti।

vardaan:- vikaaron ke vansh ke ansh ko bhi samaapta karne vaale sarva samarpan va trustee bhav

jo aaeevel ke liye puraane sanskaaron ki property kinaare kar rakh lete hain। to maaya kisi na kisi reeti se pakad leti hai। puraane register ki chhoti si tukdi se bhi pakad jaayenge, maaya badi tej hai, unki catching power koi kam nahin hai isliye vikaaron ke vansh ke ansh ko bhi samaapta karo। jara bhi kisi kone mein puraane khajaane ki nishaani na ho - isko kaha jaata hai sarva samarpan, trustee va yagya ke snehi sahayogi।

slogan:- kisi ki visheshta ke kaaran usse vishesh sneh ho jaana - ye bhi lagaav hai।