Daily Murli for Thursday 21 October 2021

21-10-2021 praatahmurli om shanti "baapdaada"' madhuban

“meethe bachche - tumhaare jaisa saubhaagyashaali koi nahin, kyonki jis baap ko saari duniya pukaar rahi hai woh tumhein padha rahe hain, tum unse baaten karte ho''

prashn:- jin bachchon ko vichaar saagar manthan karna aata hai, unki nishaani kya hogi?

uttar:- unki buddhi mein saara din yahi taat lagi rehti ki kaise sabko raasta bataayen! kaise kiska kalyaan karen! woh service ke naye-naye plan banaate rehte hain। unki buddhi mein saara gyaan tapakta rehta hai। ve apna time vesta nahin karte।

om shanti। bachchon ke aage niraakaar parampita paramatma bol rahe hain, yeh bachche hi jaante hain। bhagwan ko oonch kaha jaata hai। ooncha unka thaanv hai। rahne ka sthaan to mashhoor hai। bachche jaante hain ham mool vatan mein rahne vaale hain। manushyon ko in sab baaton ka pata nahin hai। god father bolte hain। tum bachchon bigar aisa koi manushya nahin jisko pata ho ki niraakaar bhagwan bolte hain। niraakaar hone ke kaaran koi ki buddhi mein nahin aata hai ki bhagvaanuvaach kaise ho sakta hai। pata na hone ke kaaran geeta mein krishna ka naam de diya hai। ab bachchon ke aage bol rahe hain। sammukh hone bigar to sun nahin sakte। door se bhal sunte hain parantu nishchay nahin hota। sunte to hain bhagvaanuvaach। yathaartha reeti tum jaante ho। bhagwan to shivbaaba hai। practical mein jaante ho baba hamko gyaan suna rahe hain। tumhaari buddhi jhat oopar mein chali jaati hai। shivbaaba oonch te oonch rahne vaala hai। jaise koi bade aadmi, queen aadi aati hai to jaante hain yeh phalaani jagah ki rahne vaali hai, is samay yahaan aai hai। tum bachche bhi jaante ho baba aaya hai - hamko le jaane। ham bhi baba ke saath vaapis jaayenge। ham paramdham ke rahne vaale hain। tumko ab baap aur ghar yaad padta hai। vahi baap srishti ka rachayita hai। baap ne aakar tum bachchon ko mool vatan, sookshm vatan, sthoolavtan ka raaz samjhaaya hai। jiski buddhi mein hai vahi samjhenge। barobar ham purooshaartha kar rahe hain - bhavishya 21 janmon ke liye, baap se varsa lene। purooshaartha to karna hi hai। purooshaartha ko kabhi bhi chhodna nahin hai। school ke bachche jaante hain jab tak imtihaan ho tab tak hamko padhna hi padhna hai। em object rehti hai। ham bade te bada imtihaan paas karenge। ek college chhod doosre, teesre mein jaayenge। matlab to padhte rehna hai। bade aadmi ka bachcha hoga to zaroor bada imtihaan paas karne ka khyaal hoga। tum jaante ho ham bahut bade baap ke bachche hain। duniya mein kisko pata nahin hai - ham shivbaaba ki santaan hain। tum bahut bade oonch te oonch baap ke bachche ho। bahut badi padhaai padhte ho। jaante ho yeh oonch te oonch padhaai hai। padhaane vaala baap hai to kitna umang aur khushi mein rehna chaahiye। yeh kisko bhi samjha sakte ho। ham bahut bade te bade baap ke bachche hain। bahut bade satguru ki mat par ham chalte hain। teacher ki, guru ki mat par chalna hota hai na। unko follower kah dete hain। yahaan baap ki mat par bhi chalna hai, teacher ki mat par bhi chalna hai, to guru ki mat par bhi chalna hai। tum jaante ho woh hamaara baap, teacher, satguru hai। unki mat par zaroor chalna hai। yeh to ek hi hai - oonch te oonch hai shivbaaba, woh bolte hain।

baba bachchon se poochhte hain shivbaaba bolte hain, achha shankar bolte hain? brahma bolte hain? vishnu bolte hain? (kisi ne kaha shiv aur brahma bolte hain - vishnu va shankar nahin bolte) vishnu ke do roop lakshmi-naaraayan kehte ho to phir kya bolte nahin hain? goonge hain? (gyaan nahin bolte) ham gyaan ki baat hi nahin karte, bolne ki baat poochhta hoon। vishnu, lakshmi-naaraayan bolte hain? shankar nahin bolte hain - woh theek hai। baaki teenon kyon nahin bolenge। vishnu ke do roop lakshmi-naaraayan hain to zaroor bolenge na। manushya shivbaaba ke liye samajhte honge ki woh niraakaar kaise bolenge। tum bachche jaante ho shivbaaba bhi ismen aakar bolte hain। brahma ko bhi bolna hota hai। adopted hain na। sannyaasi log bhi apna naam sannyaas ke baad badli karte hain। tumne bhi sannyaas kiya hai, to tumhaara naam badalna chaahiye। pahle baba ne naam rakhe। parantu dekha ki naam rakhe hue bhi mar padte hain - aashcharyavat sunanti, kathanti, bhaaganti ho jaate hain, isliye kitne naam rakh kitne ka rakhen। aajkal to maaya bhi bahut tej hai। buddhi kehti hai jab lakshmi-naaraayan ka raajya tha to usko vishnu puri kaha jaata tha। yeh em object buddhi mein hai। vishnu ke do roop lakshmi-naaraayan raajya karte hain to bolte kyon nahin honge! baba yahaan ki baat nahin karte hain। manushya to kahenge niraakaar kaise bolenge। unko yeh pata hi nahin hai ki niraakaar kaise aate hain। unko patit-paavan kehte hain। woh gyaan ka saagar bhi hai, chaitanya bhi hai, pyaar ka saagar bhi hai। ab pyaar prerna se to hota nahin hai, woh bhi ismen pravesh kar bachchon ko pyaar kar sakte hain na, tab kehte hain ham parampita paramatma ki god mein aate hain। bas baba tumheen se khaaoon, tumheen se sunoon… buddhi us taraph chali jaati hai। shreekrishna buddhi mein nahin aata hai। to baap bachchon ko baith samjhaate hain। tumhaare jaisa saubhaagyashaali koi hai nahin। tum jaante ho ham kitne oonch paartadhaari hain। yeh khel hai na। iske pahle to tum kuchh nahin jaante the। abhi baap ne pravesh kiya hai to drama plan anusaar un dvaara sun rahe hain।

baap kehte hain - meethe-meethe bachchon tum jaante ho baba niraakaar hai। woh ham aatmaon ka baap hai। yeh baaten koi bhi shaastra aadi mein likhi hui nahin hain। abhi tumhaari buddhi vishaal hui hai। student padhte hain, buddhi mein saari history-geography aa jaati hai। parantu yeh kiski buddhi mein nahin hai - baba kahaan hain! yathaartha reeti tum bachche hi samajhte ho aur practical mein woh khushi hai। baba paramdham se aate hain, hamko padhaate hain। saara din aapas mein yahi rooh-rihaan honi chaahiye। sivaae is gyaan ke baaki sab hain satyaanaash karne vaali baaten। shareer nirvaah arth tumko dhandha aadi bhi karna hai aur saath-saath yeh roohaani service bhi।

tum jaante ho barobar yeh bhaarat svarga tha। in lakshmi-naaraayan ka raajya tha। jo bhi devtaaon ke chitra hain, unka yathaartha gyaan buddhi mein aa gaya hai। number one lakshmi-naaraayan ka chitra uthaao, vichaar karo - barobar yeh bhaarat mein raajya karte the to ek hi dharma tha। raat poori ho din shuru hua arthaat kaliyug poora ho satayug shuru hua। kaliyug hai raat। satayug hai subah। vichaar saagar manthan karna hai ki inhonne yeh raajya kaise paaya। jaise kaha jaata hai saagar mein patthar daalo to lahren uthengi। to tum bhi patthar maaro, manushyon ko samjhaao। yeh khyaal karo, bhaarat mein devi-devtaaon ka raajya tha na, jinhonne hi phir bhakti maarga mein mandir banaaye hain, jisko phir loot gaye hain। kal ki baat hai। abhi bhakti maarga hai to zaroor uske aage gyaan maarga hoga। yeh sab baaten abhi tumhaari buddhi mein hain। baap bhi aakar apni jeevan kahaani bataate hain। tumko yeh yaad kyon nahin padti hai। baba aakarke hamko yeh saari knowledge sunaate hain, samajh bhi chaahiye na। kisko bhi yahi baat sunaao। yeh chitra hai em object। yeh lakshmi-naaraayan to sabse bade king queen ho gaye hain। bhaarat svarga tha na। kal ki baat hai। phir inhonne yeh raajgaddi kaise ganvaai। apne bachche bhi bhal yeh sab sunte hain parantu kabhi buddhi mein tapakta nahin hai। buddhi mein yaad bhi nahin aata। agar yaad aata hai to auron ko bhi samjha sakte hain। hai to bahut sahaj। tum yahaan aate ho lakshmi-naaraayan jaisa banne। samjhaaya gaya hai 5 hajaar varsha ki baat hai। isse long-long ago koi hota nahin। sabse puraane te puraane bhaarat ki kahaani yeh hai। reality mein sachchi-sachchi kahaani yeh honi chaahiye। sabse badi kahaani yeh hai। inhon ka raajya tha, abhi woh raajya hai nahin। jara bhi kisko pata nahin hai। tumhaari buddhi mein nambarvaar tapakta hai। baap kehte hain - mujhe yaad karo। woh bhi poori reeti koi yaad nahin karte hain। baap bindi hai, ham bhi bindi hain, yeh bhi buddhi mein thaharta nahin। koi-koi ki buddhi mein to achhi reeti tapakta hai। kisi ko baith samjhaate hain to 4-5 ghante bhi lag jaate hain। yeh bahut wonderful baaten hain। jaise satya naaraayan ki katha baithkar sunte hain na। 2-3 ghante baith sunte hain, jiski dilchashpi hoti hai। ismen bhi aise hai, jisko bahut roochi hogi unko aur kuchh soojhega hi nahin। bas yeh baaten samajhne mein hi maja aata hai। yeh baaten achhi lagti hain। samajhte hain bas is service mein hi lag jaayen, doosra dhandhaadhori aadi sab chhod den। parantu aise to koi ko baithna nahin hai। to tum bachche yeh satya-naaraayan ki kahaani sun rahe ho। abhi tumhaari buddhi mein kitni achhi baaten raman karti hain। ham yeh vakkhar (saamagri) delivery karne ke liye ever ready hain। vakkhar hamesha ready hona chaahiye। yeh chitra bhi tum dikhaakar kisko bhi samjha sakte ho - in lakshmi-naaraayan ko yeh raajya kaise mila। kitna varsha aage yeh vishwa ke maalik the। us samay srishti mein manushya kitne the, abhi kitne hain। kuchh na kuchh patthar daalna chaahiye to vichaar saagar manthan chale। apne is kul ka hoga to jhat lahar jaayegi। apne kul ka nahin hoga to kuchh bhi samjhenge nahin, chale jaayenge। yeh nabja dekhne ki baat hai। tumhein sivaae is meethe-meethe gyaan ke baaki kuchh bhi bolna nahin hai। agar gyaan ke sivaae kuchh bhi bolte hain to samjho woh evil hai, unmein koi saar nahin hai। hamaare paas aise bahut bachche hain jinhen sunne ka bada shauk hota hai। baap samjhaate hain - evil baat to kabhi bhi sunni nahin chaahiye। kalyaan ki baaten hi suno। nahin to muphta apni satyaanaash kar denge। baap to aakar tumhein gyaan hi sunaate hain। srishti ke aadi-madhya-ant ka raaz samjhaate hain। kehte hain aur koi bhi baat mat karo, ismen bahut time vesta karte ho। phalaana aise hai, woh aisa karta hai... use evil kaha jaata hai। duniya ki baat alag hai, tumhaara to ek-ek second ka time bahut valuable hai। tum kabhi bhi aisi baaten nahin suno, nahin karo। isse to tum behad ke baap ko yaad karo to tumhaari bahut kamaai hai। jahaan tahaan baap ka parichay jaakar do। yahi roohaani service karte raho।

sachche-sachche mahaaveer tum ho। bas saara din yahi taat rahe - koi ho jise yeh raasta bataayen। baap kehte hain - mujh alpha ko yaad karo to be baadshaahi mil jaayegi। kitna sahaj hai। aise-aise jaakar service karni chaahiye। bachchon ko service par bahut dhyaan dena chaahiye। apna aur doosron ka kalyaan karna chaahiye। baap bhi tum bachchon ko samjhaane ke liye hi aaye hain na। tum bachche bhi aaye ho padhne aur padhaane। time vesta karne ya sirf rotiyaan pakaane to nahin aaye ho। saara din buddhi service mein chalni chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jo baaten apne kaam ki nahin hain unhein sunne va bolne mein apna samay vesta nahin karna hai। jitna ho sake padhaai par poora-poora dhyaan dena hai।

2) sada khushi aur umang mein rehna hai ki humein padhaane vaala kaun hai। purooshaartha ko kabhi chhodna nahin hai। mukh se gyaan ratna hi nikaalne hain।

vardaan:- satopradhaan sthiti mein sthit rah sada sukh shanti ki anubhooti karne vaale double ahinsak bhav

sada apne satopradhaan sanskaaron mein sthit rah sukh-shanti ki anubhooti karna - yeh sachchi ahinsa hai। hinsa arthaat jisse duhkh-ashaanti ki praapti ho। to check karo ki saare din mein kisi bhi prakaar ki hinsa to nahin karte! yadi koi shabd dvaara kiski sthiti ko dagmag kar dete ho to yeh bhi hinsa hai। 2-yadi apne satopradhaan sanskaaron ko dabaakar doosre sanskaaron ko practical mein laate ho to yeh bhi hinsa hai isliye maheenta mein jaakar mahaan aatma ki smriti se double ahinsak bano।

slogan:- satya ke saath asatya mix hote hi khushi gaayab ho jaati hai।