Daily Murli for Wednesday 12 January 2022

12-01-2022 praatahmurli om shanti "baapdaada"' madhuban

“meethe bachche - baap se poora varsa lene ke liye vikaaron ka daan zaroor dena hai, dehi-abhimaani banna hai, mama baba kehte ho to laayak bano।''

prashn:- aastik bane hue bachche bhi kis ek baat ke kaaran naastik ban jaate hain?

uttar:- deh-abhimaan ke kaaran, jo kehte ham sab kuchh jaante hain। puraani chaal chhodte nahin। gyaan ki goli lagne ke baad phir maaya ki goli khaate rehte। main aatma hoon, dehi-abhimaani banna hai, is baat ko bhoolne se aastik bane hue bhi naastik ban jaate hain। eeshvareey god se mar jaate hain।

geet:- aaj nahin to kal…

om shanti। woh bhi ghadi hai, yeh behad ki ghadi hai। usmein bhi quarter, half aur full dikhaaya hai, ismen bhi aise hai। 4 hisse hain। 15-15 minute mile hue hain। vaise yeh phir ek se shuru karenge। ismen aadhaakalpa hai din, aadhaakalpa hai raat। jaise nakshe mein dekha - north pol mein 6 maas raat hoti hai to zaroor south pol mein 6 maas din hoga। yahaan bhi brahma ka din aadhaakalpa to brahma ki raat aadha-kalpa। duniya vaale yeh nahin jaante ki yeh drama ka chakra hai, jisko kalpa vriksha bhi kaha jaata hai, inki aayu kitni hai। naam hi hai kalpa vriksha, itni aayu vaala bada vriksha to koi hota nahin isliye inki bhent banyan tree se ki jaati hai। unka bhi foundation sad gaya hai, baaki jhaad khada hai isliye gaaya bhi jaata hai ki ek taang toot gai hai, baaki 3 pair par khade hain। duniya mein yeh koi nahin jaante aadhaakalpa din aur aadhaakalpa raat athva aadhaakalpa gyaan aur aadhaakalpa bhakti। woh aadha-aadha nahin kar sakte। satayug ko bahut time de diya hai to aadha-aadha nahin ho sakta। koi hisaab hi nahin rehta। manushya aastik aur naastik akshar ka bhi arth nahin samajhte। aadha kalpa srishti aastik rehti hai, aadha kalpa naastik rehti hai। woh aastik-pane ka varsa baap se milta hai। koi bhi nahin jaante to shivraatri kab hoti hai। time to hona chaahiye na, jabki baap aakar raat ko din banaave। baba ko hi aakar bhakti ka phal de bhakti se chhudaana hai। parampita paramatma ko aana bhi zaroor hai। pukaarte hain patit-paavan aao। patit-paavan kaun hai - yeh nahin jaante, isliye unko naastik kaha jaata hai। jaanne vaalon mein bhi nambarvaar purooshaartha anusaar hain। yahaan rahne vaale bhi accurate na jaanne kaaran aashcharyavat sunanti, kathanti, bhaaganti ho jaate hain। baba ka pahla-pahla pharmaan hai - pavitrata ka। bahut centres hain jahaan vikaari manushya bhi amrit peene jaate hain, dhaarna kuchh bhi nahin kar sakte। vikaaron ko bhi nahin chhodte। jo amrit chhod vish peete hain unko bhasmaasur kaha jaata hai। kaam chita par chadh bhasma ho jaate hain, devta bante nahin। pahle vikaaron ka daan dena chaahiye। daan den tab baba mama kahne laayak hon। krodh bhi kam nahin। krodh mein aakar pahle to gaali dete hain phir maarne bhi shuru kar dete hain। ek do ka khoon bhi kar dete hain। akhbaaron mein aise samaachaar bahut chhapte hain। baba se varsa lena hai to in vikaaron se, jinse durgati hui hai, uska daan zaroor dena pade। baba kehte hain bachche tumko ashareeri ban chalna hai, yeh deh-bhaan chhodo। kitna samay tum deh-abhimaani rahe ho। satayug mein tum aatma-abhimaani the। tum samajhte the ham aatma ek shareer chhod doosra lete hain। vahaan maaya hoti nahin isliye duhkh ki baat nahin rehti। yahaan to bada aadmi beemaar pade to akhbaar mein pad jaata hai। kitna unko bachaane ki koshish karte hain। dekho, is samay pope ka kitna maan hai। parantu is samay sab hain naastik। god father ko jaante hi nahin to naastik kahenge na। koi baap ko 5-7 bachche ho to bachche kahenge kya ki yeh baap hamaara sarvavyaapi hai। yeh baap bhi kehte hain main rachayita hoon, yeh meri rachna hai। rachna mein rachayita vyaapak kaise ho sakega। kitni sahaj baat hai, phir bhi samajhte nahin hain isliye baap samjhaate rehte hain pahle naastik se aastik banaao jo kahe to barobar parampita paramatma hamaara baap hai, unse varsa lena hai। kanya daan mein jo paise dete hain, usko bhi varsa kahenge। sukh ka varsa kaun dete, duhkh ka varsa kaun dete, yeh nahin jaante। bhaaratvaasi svarga ko hi bhool gaye hain। naam bhi lete hain, kehte hain phalaana svarga mein gaya, parantu samajhte nahin। baap kehte hain bilkul tuchchha buddhi hain। gaate hain patit-paavan aao, parantu apne ko patit samajhte thode hi hain। baap kehte hain pahle alpha par samjhaao। parampita paramatma se tumhaara kya sambandh hai! jab kahe ham nahin jaante, bolo, baap ko nahin jaante ho! laukik baap to shareer ka rachayita hua, parampita paramatma to aatmaon ka baap hai। to kya tum baap ko nahin jaante ho? kitni sahaj baat hai। parantu bachchon ki buddhi mein nahin baithti। nahin to service karne lag paden। parampita paramatma se kya sambandh hai? prajaapita brahma se kya sambandh hai? woh hai parampita, yeh hai prajaapita। prajaapita to zaroor phir yahaan hoga na। prajaapita brahma ka naam suna hai? niraakaar paramatma ne srishti kaise rachi? to prajaapita hai saakaar, unke bachche bi.ke. bhi zaroor honge। bachche hi varse ke laayak banenge। parantu achhe-achhe bachche bhi yukti se samjhaate nahin hain। nai-nai baaten baba samjhaate hain phir bhi bachche apni hi puraani chaal chalte rehte hain। nai dhaarna nahin karte hain। deh-abhimaan rehta hai। kehte hain ham sab kuchh jaante hain, parantu pahli baat na jaanne ke kaaran hi phaarakti de dete hain। aastik se naastik ban jaate hain। eeshvareey god mein aakar phir mar jaate hain। baba mama kehte bhi phir dekho marte kaise hain। goli lagi maaya ki athva deh-abhimaan ki aur yeh mara। yeh hai gyaan ki goli, woh hai maaya ki goli। maaya aisi goli laga deti hai jo aana hi chhod dete hain। tum paandavon ki yuddha maaya se hai।

baap samjhaate hain, mujhe gyaan saagar kehte hain। gyaan saagar se gyaan gangaayen nikli hain ya paani ki? vahaan ganga ka chitra bhi devi ka dikhaate hain, phir bhi buddhi mein nahin aata yeh kaun hain? devi-devta to kisko amrit pila na saken। yagya hamesha braahmanon dvaara racha jaata hai। yagya mein phir ladaai ki baat kahaan se aai? yeh baaten sensible bachche hi samajhte hain। buddhu to bhool jaate hain। school mein bhi nambarvaar takdeervaan hote hain। bhal school mein 12 maas baithe rahen parantu padhaai par dhyaan nahin dete to padh nahin sakte। baap to aatmaon ko padhaate hain। woh to manushyon ko padhaate hain। baap kehte hain he aatma sunti ho? aur koi aatma se baat nahin kar sakte। baap kehte hain lucky sitaare samajhte ho? tumko padhaata hoon। aatma hi karti aur karaati hai। karnakraavanhaar aatma bhi hai to paramatma bhi hai। jaise aatma, aatma se karaati hai vaise paramatma baap aatmaon se karaate hain। baap kehte hain main tum aatmaon se achha kaam karaata hoon। sabhi ko baap ka parichay dena hai। pahle-pahle yeh prashnaavli uthaao। woh hai paarlaukik parampita paramatma, woh hai laukik pita। aatma aur shareer alag hai na। shareer ka pita laukik baap, aatmaon ka pita parampita paramatma। woh hai bada baba। sab bhagat unko hi yaad karte hain। sarva ka patit-paavan woh hai। aajkal to anek guru hain, jo jagatguru naam rakhaate hain। jagat-ambaayen bhi bahut nikli hain। yeh hai sab jhooth। jhooth mein sach ka pata mushkil padta hai। bade-bade naam rakh baithe hain। parantu sach to chhip na sake। kehte hain - sach to bitho nach। dance karte raho। dance to mashhoor hai। tum aastik ban gaye, dhaarna ki to svarga mein tum dance karna। devtaayen hi dance karenge। patit duniya hai narka। to narka ko svarga athva paavan duniya, yeh guru saadhu log thode hi banaayenge। isko kaha jaata hai kumbhi paak narka। svarga ko kaha jaata hai shivaalay। pahle to yeh likhva lo ki parampita paramatma hamaara baap hai, usne prajaapita brahma dvaara hi braahmanon ki rachna rachi hai। ham shivbaaba ke potre thahre। varsa bhi vahi denge। gyaan saagar bhi vahi hai। avinaashi gyaan ratna brahma dvaara dete hain। pahle brahma ko milte hain phir mukh vanshaavli ko milte hain। school mein bhi koi-koi peechhe aane vaale bhi teekhe nikal jaate hain kyonki padhaai achhi karte hain। yahaan bhi achhi reeti padhna aur padhaana hai। jo aap samaan na banaave, to zaroor unmein kuchh na kuchh khaamiyaan hain isliye dhaarna nahin hoti। kaam vikaar ka agar semi nasha bhi hoga to dhaarna mushkil hogi। likhte hain baba kaam ka toofaan bahut tang karta hai। betaala bana deta hai।

baap kehte hain bachche kaam mahaashatru hai, unko yogbal se jeeto। kalpa pahle bhi tumne jeeta hai। baap ki gaddi par baithe ho। unke peechhe royal gharaana bhi hai। sirf ek janma pavitra banne se itna oonch ban jaayenge। pavitra na rahne se bahut ghaata pad jaayega। maut saamne khada hai। accident aadi kitne hote rehte hain। rajopradhaan ke samay itna maut nahin hota hai। ab to pomp hai। aage itni masheenen aadi nahin thi। aage ladaai koi steamer athva aeroplane se thode hi hoti thi। yeh to sab ab nikle hain। yahaan the nahin। pahle satayug mein the to phir sangam par hi hona chaahiye। jo sukh phir tumko svarga mein milna hai। aeroplane jo banaate hain woh bhi vahaan honge। praja mein bhi koi na koi aa jaayenge। sanskaar le jaayenge phir aakar banaayenge। abhi banaate hain vinaash ke liye phir sukh ke kaam mein aayenge। vahaan to phulaprooph honge। maaya ki pomp se vinaash hoga। vinaash to zaroor hona hai na। braahmanon dvaara yagya bhi racha hua hai, ismen saari puraani duniya svaaha ho jaayegi। braahmanon dvaara hi yagya rachte hain, milta bhi braahmanon ko hai। brahman varna hi so devta varna banta hai। shivbaaba brahma dvaara brahman banaate hain। brahman phir devta bante hain। kitni seedhi baat hai, parantu bachchon par bada wonder lagta hai jo itni sahaj baat bhi kai bachche dhaaran nahin kar sakte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ke saath sada sachche rehna hai। vikaaron ka daan dekar phir bhasmaasur nahin banna hai। pavitrata ka pharmaan zaroor paalan karna hai।

2) vikaaron ke sookshm nashe ko yogbal se samaapta karna hai। padhaai achhi reeti padhni aur padhaani hai।

vardaan:- manzil ko saamne rakh brahma baap ko follow karte hue first number lene vaale teevra purushaarthi bhav

teevra purushaarthi ke saamne sada manzil hoti hai। ve kabhi yahaan vahaan nahin dekhte। first number mein aane vaali aatmaayen vyartha ko dekhte hue bhi nahin dekhti, vyartha baaten sunte hue bhi nahin sunti। ve manzil ko saamne rakh brahma baap ko follow karti hain। jaise brahma baap ne apne ko karanhaar samajhkar karma kiya, kabhi karaavanhaar nahin samjha, isliye jimmevaari sambhaalte bhi sada halke rahe। aise follow father karo।

slogan:- jo baat avastha ko bigaadne vaali hai - use sunte hue bhi nahin suno।

lavleen sthiti ka anubhav karo

baap ka bachchon se itna pyaar hai jo roz pyaar ka respond dene ke liye itna bada patra likhte hain। yaadapyaar dete hain aur saathi ban sada saath nibhaate hain, to is pyaar mein apni sab kamjoriyaan kurbaan kar samaan sthiti mein sthit ho jaao।