Daily Murli for Tuesday 18 January 2022

18-01-2022 praatahmurli om shanti "baapdaada"' madhuban

“meethe bachche, savere uthkar baba ko bahut prem se yaad karo, baba ko yaad karenge to baba bhi pyaar karenge, kashish hogi।

geet:- tumhein paake hamne jahaan pa liya hai…

om shanti। meethe-meethe bachchon ko baba baar-baar samjhaate hain bachche apne ko aatma samjho, yeh shareer mera nahin, yeh bhi khatma hona hai। hamko baap ke paas jaana hai। aise gyaan ki masti mein rahne se tumhaare mein kashish bahut aayegi। yeh to jaante ho yeh puraana chola chhodna hai। yahaan rehna nahin hai, is shareer se mamatva nikal jaae। is shareer mein sirf service ke liye hi hain, ismen mamatva nahin hai। bas ghar jaayen। yeh sangam ka samay bhi purushaartha ke liye bahut aavashyak hai। abhi hi samajhte hain hamne 84 ka chakra lagaaya hai, baap kehte hain bhal dhandhaadhori aadi karo। grihastha vyavhaar mein rehte buddhi mein yeh yaad rahe ki yeh to sab kuchh khatma hona hai। ab vaapis ghar jaana hai। baap bhi sadaiv ghar mein rehte hain na। bhal 8 ghanta dhandhe aadi mein lagaao, 8 ghanta aaraam karo। baaki samay behad ke baap se yeh vaartaalaap, roohrihaan karo।

baap ki shreemat hai meethe bachche, nirantar yaad ki yaatra par raho, jitna yaad ki yaatra par rahenge to tumhaari prakriti daasi banengi। sannyaasi log kab maangate nahin hain। woh yogi to hai na, nishchay rehta hai ki humein brahm mein leen hona hai। bahut pakke rehte hain, bas ham jaate hain yeh shareer chhod jaayenge। badi mehnat karte hain। bhakti maarga mein kai bhakta devtaaon se milne ke liye apna jeevghaat bhi kar lete hain। aatmaghaat to nahin kahenge woh to hota nahin। baaki jeevghaat hota hai। tum bachche yog mein rehte ho to jaise amar ho। kabhi koi bhi khyaal nahin aayega ki kuchh karen, parantu woh avastha majboot ho। pahle to apne andar dekhna hai ki hamaare mein koi khaami to nahin hai? khaami nahin hogi to service bhi achhi kar sakenge। father shows san, san shows father। baap ne tumko laayak banaaya aur tum bachchon ko phir naye-naye ko baap ka parichay dena hai। bachchon ko baap ne hoshiyaar kar hi diya। baba jaante hain bahut achhe-achhe bachche hain jo service karke aate hain। raat-din yahi khyaal chalta hai ki ham inka jeevan kaise banaayen, isse hamaara jeevan bhi unnati ko paayega। khushi hoti hai, harek ko umang rehta hai ham apne gaanv vaalon ka uddhaar karen। apne hamjinsa ki seva karen। baap bhi kehte hain charity begins at hom। baap baith bachchon ko hi shiksha dete hain ki bachche tumko pahle apni unnati karni hai।

baap jaante hain roohaani kalpa vriksha, kalpa pahle misal hi hai। yeh vriksha hai na, inmen sabhi section hain। tum aage chal sab saakshaatkaar karenge, kaise sab rehte hain, sijra to zaroor hai na। buddhi bhi kehti hai vahaan se aatmaayen phir nambarvaar aati hain। to bachchon ka vichaar saagar manthan chalna chaahiye ki aise-aise service karen, yeh karen, saath-saath baap ki bhi yaad rahni chaahiye, yaad se hi unnati hoti hai। baba kahenge drama plan anusaar jo paas hua woh theek hai।

laadle bachche, aage chal tumhaare mein yogbal ki taakat aa jaayegi। phir tum kisi ko thoda hi samjhaayenge to jhat samajh jaayenge। yeh bhi gyaan baan hain na। baan lagta hai to ghaayal kar deta hai। pahle ghaayal hote hain phir baba ke bante hain। to ekaanta mein baith yuktiyaan nikaalni chaahiye। aise nahin raat ko soya subah ko utha, nahin। savere uthkar baba ko bahut prem se yaad karna chaahiye। raat ko bhi yaad mein sona chaahiye। baba ko yaad hi nahin karenge to baap phir pyaar kaise karenge। kashish hi nahin hogi। bhal baba jaante hain drama mein sab prakaar ke nambarvaar banne hain, phir bhi chup karke baith thode hi jaayenge। purushaartha karaayenge na। bachchon ko drama kahkarke thahar nahin jaana hai, nahin to ant samay mein bahut pachhtaana padega, naahek mainne aisa kiya! maaya ke vash ho gaya! baap ko to taras padta hai। nahin sudharte hain to unki kya gati hogi, royenge, peetenge, sajaayen khaayenge isliye baap bachchon ko baar-baar shiksha dete hain ki bachche tumhein perfect banna hai। baar-baar apni checking karni hai। harek bachche ko apne se poochhna hai, baap se humein sab kuchh mila, phir kis cheez ki mere mein kami hai? apne andar jhaank karke dekhna hai। jaise naarad se poochha na ki lakshmi ko varne ke laayak apne ko samajhte ho? baap bhi poochhte hain lakshmi ko varne laayak bane ho? kya kya khaamiyaan rahi hui hain, jisko nikaalne ka purushaartha karna hai। naye-naye bachchon ko bhi samjhaaya jaata hai bataao, tumhaare mein koi khaami to nahin hai? kyonki tumhein abhi hi perfect banna hai, baap aate hi hain perfect banaane। to apne andar se poochho ham in lakshmi-naaraayan jaise perfect bane hain? agar khaamiyaan hain to baap ko bataana chaahiye ki yeh-yeh khaamiyaan hamaare se nikalti nahin hain, uska koi upaay bataao। beemaari surgeon dvaara hi nikal sakti hain। to imaandaari se, sachchaai se dekho mere mein kya khaami hai! khaamiyaan bataayenge to baap raay denge। khaamiyaan bahuton mein hain। koi mein krodh hai ya lobh hai ya phaaltu chintan hai, to usko gyaan ki dharna ho nahin sakti। baap roz-roj samjhaate hain, vaise itna samjhaane ki darkaar nahin hai lekin yeh dhaaran karne ki baaten hain। 5 vikaaron ko jeetne ki baat abhi ki hi hai। tumhaare mein koi woh bhoot (bhatakne vaale) nahin hain, yeh janma janmaantar ke bhoot 5 vikaar andar pravesh hain jinhonne duhkhi kiya hai। kaam bhoot ke liye to roz samjhaaya jaata hai। okhen bahut dhokha deti hain, isliye aatma ko dekhne ki practice achhi reeti daalni chaahiye। main aatma hoon, yeh bhi aatma hai। tum aatmaayen to bhaai-bhaai ho na। to is shareer ko nahin dekhna hai। ham aatmaayen sab vaapas ghar jaane vaali hain। baap aaye hain le jaane ke liye, baaki yeh dekhna hai ham sarvagun sampanna bane hain? kaun sa gun kam hai? aatma ko dekh bataaya jaata hai is aatma mein yeh khaami hai, to phir baithkar current den ki inse yeh beemaari nikal jaae। bachchon ko baba se bahut meethi-meethi baaten karni chaahiye, baba aap aise ho! baba aap kitne meethe ho। to baap ki yaad se, baap ki mahima karne se yeh bhoot bhaagte rahenge aur tumko khushi bhi rahegi।

tum jaante ho ki yeh jhaad bahut dheere-dheere vriddhi ko paata hai। maaya to chaaron taraph se gheraav daalti hai, maaya ka parchhaaya aisa padta hai jo ekdam gum ho jaate hain। baap ka haath chhod dete hain। tum harek bachche ka connection baap ke saath hai, baaki bachche to sab nambarvaar nimitta hain। achha।

ati meethe, ati laadle sarva sikeeldhe bachchon prati maat-pita baapdaada ka dil va jaan sik va prem se yaadapyaar aur good morning। roohaani baap ki roohaani bachchon ko namaste।

avyakt mahaavaakya - antim service ka antim swaroop

apne antim swaroop ka saakshaatkaar hota rehta hai? kyonki jitna-jitna najdeek aate jaate hain utna aise anubhav hoga jaise koi sammukh vastu dikhaai de rahi hai। aise hi anubhav hoga ki abhi-abhi yeh banenge। jaise vriddha avastha vaalon ko yeh smriti rehti hai ki abhi vriddha hoon, abhi-abhi jaakar bachcha banoonga। aise hi apne antim swaroop ki smriti nahin lekin sammukh spashta roop se saakshaatkaar ho, abhi yeh hoon, phir yeh banoonga? jaise shuru mein sunaate the ki jab manzil par pahunch jaayenge to aise samjhenge, ki kadam rakhne ki deri hai। ek paanv rakh chuke hain, doosra rakhna hai। bas itna antar hai। to aise apni antim stage ki sameepta ka anubhav hota hai? aproksha spashta saakshaatkaar hota hai? jaise aaine mein apna roop spashta dikhaai deta hai, vaise hi is knowledge ke darpan mein aisa hi apna antim swaroop spashta dikhaai de। jaise koi bahut achha sundar chola saamne rakha ho aur maaloom ho ki hamko abhi yeh dhaaran karna hai, to na chaahte hue bhi dhaaran karne ka samay jaise-jaise najdeek aata rahega to attention jaayega kyonki saamne dikhaai de raha hai। aise hi apna antim swaroop saamne dikhaai deta hai? us swaroop taraph attention jaata hai? woh light ka swaroop kaho va chola kaho, light hi light dikhaai padegi। pharishton ka swaroop kya hota hai? light। dekhne vaale bhi aise anubhav karenge ki yeh light ke vastradhaari hain, light hi inhon ka taaj hai, light hi vastra hain, light hi inhon ka shrringaar hai। jahaan bhi dekhenge to light hi dekhenge। mastak ke oopar dekhenge to light ka crown dikhaai padega। nainon mein bhi light ki kirnen nikalti hui dikhaai dengi। to aisa roop saamne dikhaai padta hai? kyonki might roop arthaat shakti roop ka jo part chalta hai woh prasiddha kisse hoga? light roop se। koi bhi saamne aaye to ek second mein ashareeri ban jaaye, woh light roop se hi hoga। aisa chalta-phirta light house ho jaayenge jo kisi ko bhi yeh shareer dikhaai nahin padega। vinaash ke samay paper mein paas hona hai to sarva paristhitiyon ka saamna karne ke liye light house banna pade। chalte-phirte apna woh roop anubhav hona chaahiye। yeh practice karni hai। shareer bilkul bhool jaaye, agar koi kaam bhi karna hai, chalna hai, baat karni hai, woh bhi nimitta aakaari light ka roop dhaaran karna hai। jaise part bajaane samay chola dhaaran karte ho, kaarya samaapta hua chola utaara। ek second mein dhaaran karenge, ek second mein nyaare ho jaayenge। jab yeh practice pakki ho jaayegi, phir yeh karmabhog samaapta hoga। jaise injection lagaakar darda ko khatma kar dete hain। hathayogi to shareer se nyaara hone ka abhyaas karaate hain। aise hi yeh smriti savroop ka injection lagaakar, deh ki smriti se gaayab ho jaayen। svayan bhi apne ko light roop anubhav karo to doosre bhi vahi anubhav karenge। antim service yahi hai, isse saari kaarobaar bhi light arthaat halki hogi। jo kahaavat hai na pahaad bhi raai ban jaata hai। aise koi bhi kaarya light roop banne se halka ho jaayega, buddhi lagaane ki bhi aavashyakta nahin rahegi। halke kaam mein buddhi nahin lagaani padti hai। to isi light swaroop ki sthiti mein, jo master jaani jaananhaar va master trikaaldarshi ke lakshan hain, woh aa jaate hain। karen ya na karen, yeh bhi sochna nahin padega। buddhi mein vahi sankalp hoga jo yathaartha karna hai। us avastha ke beech koi bhi karmabhog ki bhaasna nahin rahegi। jaise injection ke nashe mein bolte hain, hilte hain, sabhi kuchh karte bhi smriti nahin rehti hai। kar rahe hain, yeh smriti nahin rehti hai। svatah hi hota rehta hai। vaise karmabhog va karma kisi bhi prakaar ka chalta rahega lekin smriti nahin rahegi। woh apni taraph aakarshit nahin karega। aisi stage ko hi antim stage kaha jaata hai। aisa abhyaas hona hai। yeh stage kitna sameep hai? bilkul sammukh tak pahunch gaye hai? jab chaahen tab light roop ho jaayen, jab chaahen tab shareer mein aayen va jo kuchh karna ho woh karen। sadaakaal woh sthiti ekras jab tak rahe, tab tak beech-beech mein kuchh samay to rahe। phir aise rehte-rehte sadaakaal ho jaayegi। jaise saakaar mein aakaar ka anubhav karte the na। first mein rehte bhi pharishte ka anubhav karte the। aisi stage to aani hai na। shuru-shuru mein bahuton ko yeh saakshaatkaar hote the। light hi light dikhaai deti thi। apne light ke crown ke bhi anek baar saakshaatkaar karte the। jo aadi mein sample tha, woh ant mein practical swaroop hoga। sankalp ki siddhi ka saakshaatkaar hoga। jaise vaacha se aap direction deti ho na, vaise sankalp se saari kaarobaar chala sakti ho। science ki shakti se neeche prithvi se oopar tak direction lete rehte hain, to kya shreshtha sankalp se kaarobaar nahin chal sakti hai? saaees ne kaapi to silence se hi ki hai। to example dene arth pahle se hi spashta roop mein aapke saamne hai। kalpa pahle to aap logon ne kiya hai na। phir bolne ki aavashyakta nahin। jaise bolne mein baat ko spashta karte hain, vaise hi sankalp se saari kaarobaar chale। jitna-jitna anubhav karte jaate ho, ek do ke sameep aate jaate ho to sankalp bhi ek-do se milte jaate hain। light roop hone se vyartha sankalp, vyartha samay samaapta ho jaane ke baad sankalp vahi uthega jo hona hai। aapki buddhi mein bhi vahi sankalp uthega aur jisko karna hai unki buddhi mein bhi vahi sankalp uthega ki yahi karna hai। naveenta to yeh hai na। yeh kaarobaar koi dekhe to samjhenge inhon ki kaarobaar kahne se nahin, ishaaron se chalti hai। nazar se dekha aur samajh gaye। sookshm vatan yahaan hi banna hai। achha - om shanti।

vardaan:- bhujaaon mein samaane aur bhujaayen ban seva karne vaale brahma baap ke snehi bhav

jo bachche baap snehi hain woh sada brahma baap ki bhujaaon mein samaaye rehte hain। yeh brahma baap ki bhujaayen hi aap bachchon ki safety ka saadhan hain। jo pyaare, snehi hote hain vo sada bhujaaon mein hote hain। to seva mein baapdaada ki bhujaayen ho aur rehte ho baap ki bhujaaon mein। in donon drishyon ka anubhav karo - kabhi bhujaaon mein sama jaao aur kabhi bhujaayen bankar seva karo। nasha rahe ki ham bhagwan ke right hand hain।

slogan:- santushtata aur prasannata ki visheshta hi udti kala ka anubhav karaati hai।

lavleen sthiti ka anubhav karo

baap ka bachchon se itna pyaar hai jo amritvele se hi bachchon ki paalna karte hain। din ka aarambha hi kitna shreshtha hota hai! svayan bhagvan milan manaane ke liye bulaate hain, ruhrihaan karte hain, shaktiyaan bharte hain! baap ki mohabbat ke geet aapko uthaate hain। kitna sneh se bulaate hain, uthaate hain - meethe bachche, pyaare bachche, aao…। to is pyaar ki paalna ka practical swaroop ‘sahaj yogi jeevan' ka anubhav karo।