Daily Murli for Saturday 29 January 2022

29-01-2022 praatahmurli om shanti "baapdaada"' madhuban

“meethe bachche - aatma ko nirogi banaane ke liye roohaani study karo aur karaao, roohaani hospital kholo''

prashn:- kaun si ek aash rakhne se baaki sab aashaayen svatah poorn ho jaati hain?

uttar:- sirf baap ko yaad kar ever healthy banne ki aash rakho। gyaan-yog ki aash poorn ki to baaki sab aashaayen svatah poori ho jaayengi। bachchon ko koi bhi aadat nahin rakhni hai। all-rounder banna hai। bhal khaamiyaan har ek mein hain parantu service zaroor karni hai।

geet:- dheeraj dhar manua…

om shanti। bachchon ne geet suna। is samay sabhi aatmaon ko dheeraj diya jaata hai। aatma mein hi man-buddhi hai। aatma hi duhkhi hoti hai tab baap ko bulaati hai - he patit-paavan parampita paramatma aao। kabhi brahma vishnu shankar ko patit-paavan nahin kaha jaata। jab unhon ko nahin kaha jaata to lakshmi-naaraayan, raam-seeta aadi ko bhi nahin kaha ja sakta hai। patit-paavan to ek hi hai। vishnu ka chitra to hai hi paavan। woh hain vishnupuri ke maalik। vishnupuri sthaapan karne vaala hai shivbaaba। vahi is samay vishnupuri sthaapan kar rahe hain। vahaan devi-devta hi rehte hain। vishnu dynasty kahen athva lakshmi-naaraayan dynasty kahen, baat ek hi hai। yeh sab points dhaaran karne ki hain। baap hai roohaani aur yeh roohaani study hai, roohaani surgery hai isliye board par naam bhi aisa likhna chaahiye “brahmaakumaari roohaani eeshvareey vishwa vidyaalay''। roohaani akshar zaroor daalna hai। roohaani hospital bhi kah sakte hain, kyonki baap ko avinaashi surgeon bhi kehte hain, patit-paavan, gyaan ka saagar bhi kehte hain। woh dheeraj de rahe hain ki bachche main aaya hoon। main roohon ko padhaane vaala hoon। mujhe supreme rooh kehte hain। aatma ko hi rog laga hua hai, khaad padi hui hai। satayug mein pavitra aatmaayen hain, yahaan apvitra aatmaayen hain। vahaan hain punya aatmaayen yahaan hain paap aatmaayen। aatma par hi saara madaar hai। aatma ko shiksha dene vaala hai - paramatma। unko hi yaad karte hain। sab kuchh unse hi maanga jaata hai। koi duhkhi kangaal hoga to kahega - mehar karo kuchh paise saahookaar se dilaao। paisa mil gaya to kahenge eeshvar ne diya va dilvaaya। koi carpenter hai to unko seth se milega। bachchon ko baap se milta hai। parantu naam eeshvar ka baala hota hai। ab eeshvar ko to manushya jaante hi nahin hain isliye yeh sab yuktiyaan rachi jaati hai। poochha jaata hai parampita paramatma se aapka kya sambandh hai? prajaapita brahma aur jagdamba se tumhaara kya sambandh hai? raaj-raajeshvari lakshmi-naaraayan se tumhaara kya sambandh hai? woh to svarga ke maalik hain। zaroor svarga ki sthaapna karne vaale ne unko varsa diya hoga। yeh to vishnupuri ke maalik hain na। mukhya chitra hai shivbaaba aur brahma, vishnu, shankar ka। vishnu ka bhi saja-sajaaya roop dikhaate hain। vishnu dvaara paalna karte hain, shankar dvaara vinaash। unka itna kartavya nahin hai। stuti laayak shivbaaba hai aur vishnu bhi bante hain। shankar ka part alag hai। naam rakh diya hai trimoorti। raam-seeta, lakshmi-naaraayan yahi mukhya chitra hain। uske baad phir chitra hai raavan ka। woh bhi bada 4X6 foot ka banaana chaahiye। raavan ko varsha-varsha jalaate hain, inse aapka kya sambandh hai? inko jalaate hain to zaroor bada dushman thahra। pradarshani mein unka bada chitra hona chaahiye। inka raajya dvaapar se shuru hota hai, jabki devi-devta vaam maarga mein girte hain। inke alaava baaki jo chitra hain unki phir alag-alag pradarshani dikhaani chaahiye ki yeh sab kaliyugi chitra hain। ganesh, hanumaan, kachchha-machchha aadi sabke chitra daalne chaahiye। aise bahut kisam-kisam ke chitra milte hain। ek taraph kaliyugi chitra, ek taraph hain tumhaare chitra। in par tum samjha sakte ho। mukhya chitra hai shivbaaba ka aur em object ka। lakshmi-naaraayan ka alag hai, sangam ka alag hai, kaliyug ka alag hai। chitron ki pradarshani ke liye bahut bada kamra chaahiye।

dehli mein bahut aayenge। achhe aur bure to hote hi hain। badi sambhaal karni chaahiye, ismen chaahiye pahchaan। chief justice se opening karaate hain, woh bhi naameegraami number one hai। president aur chief justice equal hain। ek do ko kasam uthvaate hain। zaroor kuchh samajhte hain tab to udghaatan karenge na। construction ka hi udghaatan karenge। destruction ka to udghaatan nahin karenge।

ab baap samjhaate hain bachche, tumhaare sukh ke din aa rahe hain। board par bhi hospital naam zaroor likhna chaahiye। aur kisne sthaapna ki? avinaashi surgeon patit-paavan baap hai na। paavan duniya mein to paavan manushyon ko kabhi beemaari aadi hoti nahin। patit duniya mein to bahut beemaariyaan hain। to service ke liye vichaar chalaana chaahiye। kya-kya chitra rakhne chaahiye, kaise samjhaana chaahiye। agar koi besmajh, samjhaayenge to kuchh bhi samajh nahin sakenge। kahenge yahaan to kuchh bhi nahin hai। gapode maarte rehte hain isliye pradarshani mein kabhi bhi buddhooon ko samjhaane ke liye nahin khada karna chaahiye। samjhaane vaale bhi hoshiyaar chaahiye। kisam-kisam ke manushya aate hain। bade aadmi ko koi bhuttu samjhaave to saari pradarshani ka naam badnaam kar denge। baba batla sakte hain phalaana-phalaana kis prakaar ka teacher hai। sab ek jaise hoshiyaar bhi nahin hain। bahut deh-abhimaani bhi hain।

ab baap kehte hain he aatmaayen tumhaare sukh ke din aa rahe hain। svarga ka naam to sab gaate hain। parantu svarga mein bhi nambarvaar martabe hain। narka mein bhi nambarvaar darje hain। vijay maala mein pirone vaale raaj-raajeshvar bante hain। ham poochhte bhi hain - gyaan gyaaneshvari jagat amba se tumhaara kya sambandh hai? gyaan gyaaneshvari ko eeshvar gyaan dete hain to raaj-raajeshvari banti hai। jagat amba ko bhi bahut bachche hain aur prajaapita brahma ko bhi bahut bachche hain। kitni sookshm baaten hain। manushya samajh hi nahin sakte ki prajaapita brahma aur jagat amba yeh kaun hain! prajaapita brahma ke mukh vanshaavli honge na। sensible jo honge woh jhat poochhenge hamko yeh baat samajh mein nahin aati ki prajaapita brahma aur jagat amba ka aapas mein kya connection hai? jo itne bachche mukh se hue hain। aise aise prashn poochhne se aane vaalon ki buddhi ka bhi pata lag jaayega। baap sab raaz samjhaate hain। trimoorti, jhaad, gola, lakshmi-naaraayan ka chitra inmen em object bhi hai, varsa dene vaala bhi oopar mein khada hai। to samjhaane vaala bahut hoshiyaar chaahiye। prashnaavli bhi bahut achhi hai। raavan se tumhaara kya sambandh hai? itne bade-bade vidvaan, pandit aadi kuchh bhi samajhte nahin hain ki yeh dushman kaise hain। ham bhi aage samajhte nahin the। baba kehte hain yeh jo brahma hai, jisko mainne adopt kiya hai woh bhi nahin jaante the। ab jaante hain to auron ko bhi samjhaane ka bada shauk chaahiye। yeh pradarshani bilkul nai hai। bhal koi kaapi bhi kare to bhi samjha na sake। yeh wonder hai। bada nasha chaahiye। service mein poora lag jaana chaahiye। chitra tumhaare bahut maangenge to bahut hone chaahiye। service ke liye vishaalbuddhi chaahiye। kharcha to hoga hi। paise to kharcha karne ke liye hi hain। kharcha karte jaayenge to aate jaayenge। dhan diye dhan na khute। bachche to bahut bante jaayenge। paise to service mein hi lagaane hain। raajdhaani to satayug mein honi hai। yahaan to mahal aadi nahin banaane hain। usmein government ka kitna kharcha hota hai। yahaan hai chitra banaane ka kharcha। dinapratidin points bahut achhi nikalti jaati hain। badi yukti se samjhaaya jaata hai ki raavan raajya kab se shuru hua hai। aadha samay raavan ka raajya, aadha samay raam ka raajya। is raavan se baba hi aakar chhudaate hain aur koi chhuda na sake। inke liye to sarvashaktimaan hi chaahiye। vahi maaya par jeet pahna sakte hain। phir satayug mein yeh raavan dushman hota hi nahin। dheere-dheere tumhaara prabhaav bahut niklega। phir baandheli maataayen, kanyaayen sab chhoot jaayengi। samjhenge yeh to achhi baat hai। kalank lagne hi hain। krishna par bhi kalank lage hain na। sthaapna ke samay bhi bhagaane aadi ke kalank lagaaye, gaaliyaan dete the। phir svarga mein bhi kalank lagaaye hain, sarpa ne dasa, yeh kiya.... kitni phaaltu baaten hain। pradarshani mein bahut aate hain। phir unhon ko kaha jaata hai centre par aakar samjho। aakar apni jeevan banaao। kaal par jeet pahno। vahaan kaal khaata nahin। ek kahaani hai - yamdoot lene gaya to unko kaha tum andar ghus nahin sakte... yeh badi samajhne ki baate hain। ismen badi vishaal buddhi chaahiye aur dehi-abhimaani chaahiye। ham aatma hain, puraane sambandh aur puraane shareer ka bhaan nahin rakhna hai। ab naatak poora hota hai, ham vaapis ja rahe hain। svarga mein jaakar hamko naye sambandh mein jutna hai। yeh gyaan buddhi mein hai। yeh puraani duniya to khatma hone vaali hai। hamaara sambandh hai baap se aur nai duniya se। yeh baaten simran karni pade। yeh gyaan mil raha hai tumko bhavishya nai duniya ke liye। yeh puraani duniya to kabristaan honi hai, inse kya dil lagaani hai। yeh to deh sahit sab kuchh khalaas ho jaane vaala hai। dehi-abhimaani banna achha hai। ham baba ke paas jaate hain। apne saath baaten karni hain tab koi ko samjha sakenge।

ab tum bachche jaante ho hamaare sukh ke din aa rahe hain। jitna paas hone ka purooshaartha karenge to pad bhi ooncha paayenge। certificate to teacher hi denge na। woh jaante hain inmen kitni sachchaai hai। kitna serviceable hai। yeh construction ka kaam karte hain। destruction ka kaam to nahin karte hain! serviceable hi dil par chadhte hain। bhal abhi to paripoorna koi nahin hai। khaamiyaan to sabmen rehti hain। paripoorna to aage chalkar banna hai। shauk rakhna hai - manushya ki jeevan kaise banaayen। kaanton ko phool banaana hai। baap bhi kaante jaise manushyon ko phool banaate hain। devta banaate hain। gyaan aur yog bhi chaahiye। bachche vriddhi ko paate rahenge phir koi virodh nahin karenge। seedhe ho jaayenge। yahaan koi deity to hai nahin। har baat mein dhyaan dena padta hai। all-round buddhi chaahiye। service theek reeti se koi karte hain va nahin karte hain। koi aaraam-pasanda to nahin hain! saara din yeh chaahiye, woh chaahiye to nahin hai! isko kaha jaata hai lobh। kapda achha chaahiye, bhojan achha chaahiye। aashaayen bahut rehti hain। vaastav mein yagya se jo mile so achha। sannyaasi kabhi doosri cheez lete nahin। samajhte hain aadat achhi nahin hai। shivbaaba ke yagya se sab kuchh theek milta hai। phir bhi kuchh aash rehti hai। pahle gyaan-yog ki aash to poorn karo। woh aashaayen to janma-janmaantar rakhte aaye। ab to baba ko yaad karne se ham ever healthy banenge - yeh aash rakhni hai। to yeh zaroor likhna hai ki yeh roohaani hospital hai, jisse manushya samjhen ki yeh hospital va college bhi hai। baba ne makaan bhi hospital aur college ke dhang se banvaaya hai। college mein koi shrringaar nahin hota hai, simple hota hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aaraam-pasand nahin banna hai। service ka bahut-bahut shauk rakhna hai। service mein hi paise kharcha karne hain। manushyon ki jeevan kaante se phool banaani hai।

2) sadaiv construction ka kaam hi karna hai, destruction ka nahin। apne aapse baaten karni hain। ham kahaan ja rahe hain! kya ban rahe hain!

vardaan:- shaktishaali yaad dvaara parivartan, khushi aur halke pan ki anubhooti karne vaale smriti so samartha swaroop bhav

shaktishaali yaad ek samay par double anubhav karaati hai। ek taraph yaad agni ban bhasma karne ka kaam karti hai, parivartan karne ka kaam karti hai aur doosre taraph khushi va halke pan ka anubhav karaati hai। aise vidhipoorvak shaktishaali yaad ko hi yathaartha yaad kaha jaata hai। aisi yathaartha yaad mein rahne vaale smriti swaroop bachche hi samartha hain। yeh smriti so samarthi hi number one prize ka adhikaari bana deti hai।

slogan:- anubhvi woh hai jiski dil majboot aur bujurga hai।

lavleen sthiti ka anubhav karo

parmaatma pyaar is shreshtha brahman janma ka aadhaar hai। kehte bhi hain pyaar hai to jahaan hai, jaan hai। pyaar nahin to bejaan, bejhaan hai। pyaar mila arthaat jahaan mila। duniya ek boond ki pyaasi hai aur aap bachchon ka yeh prabhu pyaar property hai। isi prabhu pyaar se palte ho arthaat brahman jeevan mein aage badhte ho। to sada pyaar ke saagar mein lavleen raho।