Daily Murli for Monday 14 February 2022

14-02-2022 praatahmurli om shanti "baapdaada"' madhuban

“meethe bachche - sensible ban chalte-phirte jahaan bhi seva ho karte raho, baap ka parichay do, service ka shauk rakho''

prashn:- bachchon ki buddhi mein kaun si baat aa jaae to apna sab kuchh saphal kar sakte hain?

uttar:- ab yeh sab khatma hone vaala hai, do kana dene se baap dvaara mahal milte hain… jinki buddhi mein yeh baat aa jaati hai, woh apna sab kuchh eeshvareey kaarya mein saphal kar lete hain। gareeb hi balihaar jaate hain। baap daata hai - woh tumko svarga ki baadshaahi deta, leta nahin।

geet:- preetam on milo...

om shanti। preetmaayen arthaat bhaktiyaan, brides arthaat sajniyaan। bhaktiyaan preetam va saajan ko bulaati hain, purush aur stri sab milkar bulaate hain। kitne dheron ke dher hain। bulaate hain to isse siddha hai zaroor preetmaaon ka koi preetam hai। sab ek ko bulaate hain ki he parampita paramatma aao। ham aapko bahut yaad karte hain। yaadgaar to bahuton ke banaate hain। ab woh sab hain manushyon ke yaadgaar। aise bhi bahut hain jo lakshmi-naaraayan, raam-seeta aadi devtaaon ko yaad karte hain kyonki manushya se devta oonch hain tab to manushya devtaaon ki pooja karte hain। nambarvaar oonch aur neench to hain hi। yeh to sab jaante hain ki oonche te oonch bhagwan ko kaha jaata hai। phir hain brahma vishnu shankar, phir hain brahma aur jagat amba। mukhya woh hain। yeh to sirf bachchon ki hi buddhi mein hai ki oonche te oonch baba dvaara hamko oonche te ooncha varsa milta hai। parantu us baap ko jaante hi nahin। jab baap aaye tab hi aakar apna parichay de। baap kehte hain main tum bachchon ke sivaae aur koi se mil nahin sakta hoon। bahut aate hain, kehte hai mahaatma ji se milen। yahaan to woh baat hi nahin। yahaan baap aur bachchon ka tailuk hai। baaki koi ka kuchh kaam hai to aur baat hai। baap murli bhi bachchon ke aage hi chalaate hain। pradarshani mein bhi tum siddha kar batlaate ho ki sabka woh father hai। vo log to kehte hain woh naam roop se nyaara hai। tum batlaate ho unka naam bhi hai, roop bhi hai, to desh bhi hai, chitra bhi hain। unko bulaate bhi hain to jaise aatmaayen aati hain vaise paramatma bhi aate hain। shiv ke mandir mein bhi bail dikhaate hain। usko nandi-gan kehte hain to isse siddha hai ki shiv paramatma aate hain। phir kyon kehte hain woh aa hi nahin sakte। manushya kitne buddhu hain, dikhaate bhi hain bail ki bhrakuti mein shiv, paramatma bhi barobar bhrakuti ke beech mein rehte hain। bhagwan ko bhi aana hoga to zaroor bhrakuti ke beech mein hi aayega। ab pradarshani mein tum yeh bhi samjha sakte ho ki nandeegan kisko kaha jaata hai। baap kehte hain main bachchon ko hi samjhaata hoon। manushya kehte hain god father, parantu father ka naam kya hai? to koi batla nahin sakte। laukik father ka naam to phauran sunaayenge। shivbaaba ke naam bhi dher rakh diye hain। vaastav mein naam to ek hi hona chaahiye। baap hi in sab baaton ki roshni dete hain। manushya to is samay tuchchha buddhi ban gaye hain। alpha ko nahin samajhte। ved shaastra aadi padhna - yeh hai bhakti maarga। samajhte hain bhakti se bhagwan milega। bhagat bhi manushya thahre। unhon ko bhagwan milna to zaroor hai parantu kab milega... yeh kisko pata hi nahin hai। bhakti maarga mein kisko saakshaatkaar hua, samajhte hain bas bhagwan mil gaya। isse mukti ko pa liya kyonki bhagwan jab milte hain to mukti hi dete hain। woh hai hi sabko mukti aur jeevanmukti dene vaala daata। patiton ko paavan karta, duhkh harta sukh karta...।

baap to hai hi daata। do kane ke badle mahal de dete hain। saare svarga ki baadshaahi de dete hain। baba kehte hain ab sab kuchh khatma hone vaala hai। is kaaran is kaarya mein lagaakar saphal kar lo। tumko return bhavishya mein milega। saahookaar koi baap ko pa nahin sakte। balihaar ja nahin sakte। gareeb bachche hi balihaar jaate hain। agar koi sensible ho to raaste chalte bhi seva kar sakte hain। chalte-chalte pahle kiska mitra ban jaana chaahiye phir baithkar gyaan sunaana chaahiye। gyaan bilkul hi sahaj hai। sirf poochho parampita paramatma ka kab naam suna hai। kitni first class baat hai। parampita kahne se woh sabka baap ho jaata hai। jaise bichchhu narma cheez dekhegi to dank maaregi। tum bhi yahi dhandha karo, sabko raajayog bhi sikhlaao to satayug mein prince princess banenge। vahaan tumko gore bachche milenge। to yeh samjhaana hai ki baap se varsa lena hai। ismen saari buddhi ki baat hai। baaki saakshaatkaar to common baat hai। kisko kaise saakshaatkaar hota hai, kisko kaise... woh bhi em object batlaane ke liye। baba kehte hain tum mujhe yaad karenge aur pavitra rahenge to aisa pad paayenge। ikatthe rahkar pad paana - yeh hai badi manzil। aur sang toot jaae, ek sang jut jaae... ismen hi mehnat hai। sannyaasi to sab kuchh chhodkar chale jaate hain। yahaan to ikatthe rahkar buddhi mein rakhna hai ki yeh puraani duniya khatma hui padi hai। hamko vaapis jaana hai phir ham svarga mein jaakar raajya karenge। ab puraani duniya ka vinaash to hona hi hai। yeh buddhi mein rakh purushaartha karna hai। 8 ghanta is yaad ki service mein raho। koi kehte hain yeh kaise ho sakega। bhakti maarga mein jo krishna ke bhagat hain woh bhi sab taraph se buddhi ko hataae ek krishna ko hi yaad karte honge। koi raam ka bhagat hai, achha raam ko yaad karo। raam ki raajdhaani ko yaad karo, so bhi jab nirantar yaad kare tab ant mati so gati hogi। raam ko yaad karke raam ki raajdhaani mein jaaye, yeh bhi mehnat hai। aisi mehnat sikhlaane vaala koi hai nahin। shlok bhi hai - antakaal jo stri simre... agar koi sannyaasi hai, guru hai unko bhi yaad karna pade to ant mati so gati ho। pahle poochho kahaan jaane chaahte ho? vaapis to jaana hai, parantu kahaan? kyonki bhakti se taakat nahin milti jo ek se buddhi laga sake। sarvashaktimaan to ek parampita paramatma hi hai na। unka hi part noondha hua hai। oonche te ooncha baap hai unko yaad karo to unke desh mein jaayenge। sannyaasiyon ko to devta bhi nahin kah sakte। woh to aate hi dvaapar mein hain। bhagwan svayan aakar kehte hain - bachche mujhe yaad karo aur srishti chakra par bhi samjhaate hain, jisse tum chakravarti raaja ban jaayenge। yeh knowledge baap hi samjhaate hain। chitron par tum samjha sakte ho। oonche te ooncha hai niraakaar bhagwan, woh rehte hain mool vatan mein। woh bhi oonche te ooncha hai, ham devtaayen bhi vahaan hi rehte hain। sookshm vatan mein sookshm devtaayen rehte hain। vahaan srishti ka chakra hai nahin। phir neeche aao to lakshmi-naaraayan ke mandir mein sabse jaasti bhabhka hai। jagat amba, jagat pita ke mandir mein itna nahin। jagat amba ka to bilkul saadhaaran mandir hai। tum lakshmi ka bhi mandir dekho, jagat amba ka bhi dekho - to raat-din ka pharka hai। manushyon ko yeh pata hi nahin ki jagat amba hi lakshmi banti hai। tum jaante ho - yeh bhi ati saadhaaran hai to unke mandir bhi ati saadhaaran hi banaaye hain। to chitra bhi saadhaaran banaaye hain। jagat amba ko kahaan kaala bhi banaate hain। abhi tum jaante ho ki sangam par ham yeh raajayog seekhkar bhavishya mein kitne shobhnik shri lakshmi, shri naaraayan bante hain। likha bhi hua hai brahma dvaara sthaapna so to gyaan se hi hoti hai। baaki gau ke mukh se amrit aadi ki koi baat hi nahin। krishna ko bhi sangam par baba varsa dete hain। sangam hone kaaran unhon ne shiv ke badle krishna ka naam likh diya hai। ab tum jaante ho jagat amba hi lakshmi banti hai aur lakshmi hi 84 janma le jagat amba banti hai। yeh hai brahma ka kul। so phir banta hai daiveekul। daiveekul ke phir 84 janma lete hain to ant mein aakar shoodra kul ke bante hain। kitni achhi-achhi baaten hain। dhaarna nahin hoti to kahenge dullhead hai। aise bahut centres hain - jo aapehi class chala sakte hain। god father kehte hain - tej buddhi student bano। serviceable bachchon ko kitna yaad karte hain, bulaate hain। baap bhi aise bachchon ko yaad karte hain। school mein koi tej, koi dull to hote hi hain। hain to sab bachche। parantu kinhon ke itne paap kiye hue hain jo punya aatma ban nahin sakte hain। ghadi-ghadi gir padte hain। kitni gupta khushi rahni chaahiye। andhon ki laathi to sirf baba hi hai aur koi ho na sake। he prabhu andhon ki laathi tu hi hai। yahaan har ek ki individual davaai ki jaati hai। gyaan nainheen ko andha kaha jaata hai। kaliyug ki raat mein shivbaaba aate hain। krishna raatri kehte hain to shiv ki bhi raatri hai। ab shiv to paramatma hai, unki raatri kaun si?

tum jaante ho kaliyug ke ant aur satayug ke aadi ko hi raatri kaha jaata hai। bhakti maarga ke dhakke khaakar sab tang ho gaye hain ya to kehte hain paramatma beanta hai ya to kehte hain ham hi paramatma hain। kitna samjhaaya jaata hai। koi-koi ko service ka bahut shauk rehta hai। baba ko bhi shauk hai parantu baba kahaan jaaye, yeh law nahin hai। san shows father। bachche to dher hain। dher aate bhi rahenge। queue mein baahar baith jaayenge। pope aaya kitne manushya gaye। yeh to sabhi ka baap hai। pope ko bhi sadgati dene vaala hai। sachchi-sachchi aasheervaad dene vaala baap hi hai। woh jhoothi aasheervaad karte hain। bi0ke0 ko to sabko blessing deni hai। na samajhne ke kaaran woh samajhte hain ham blessing karte hain। yahaan to aate hain, dekha jaata hai - aasheervaad lene ka laayak hai va nahin। parampita paramatma ki buddhi mein jo hai woh kiski bhi buddhi mein nahin hai। baap kehte hain yeh aaye to ham inko mukti-jeevanmukti den। manushya se devta banaayen। svarga ka sapling lagna to hai। ham samajh jaayenge yeh kis prakaar ka sapling lag raha hai। tum bhi aise samjho koi aaye to mukti-jeevanmukti den। kehte hain hamko mukti chaahiye। achha - muktidhaam ko yaad karenge to mukti milegi। baap ko yaad karo to ant mati so gati ho jaayegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kam se kam 8 ghanta is yaad ki service mein rehna hai। ikatthe rehte hue bhi aur sang tod ek sang jodne ki mehnat karni hai।

2) tej buddhi student banna hai, dull head nahin। baap samaan andhon ki laathi ban sabko mukti-jeevanmukti ka raasta bataana hai।

vardaan:- alpakaal ke sahaare ke kinaaron ko chhod baap ko sahaara banaane vaale yathaartha purooshaarthi bhav

alpakaal ke aadhaaron ka sahaara, jisko kinaara banaakar rakha hai। yeh alpakaal ke sahaare ke kinaare abhi chhod do। jab tak ye kinaare hain to sada baap ka sahaara anubhav nahin ho sakta aur baap ka sahaara nahin hai isliye had ke kinaaron ko sahaara bana lete ho। alpakaal ki baaten dhokhebaaj hain, isliye samay ki teevragti ko dekh ab in kinaaron se teevra udaan kar second mein cross karo - tab kahenge yathaartha purooshaarthi।

slogan:- karma aur yog ka balance rakhna hi saphal karmayogi banna hai।