Daily Murli for Saturday 12 March 2022

12-03-2022 praatahmurli om shanti "baapdaada"' madhuban

“meethe bachche - behad ke baap se sada sukh ka varsa lena hai to jo bhi khaamiyaan hain unhein nikaal do, padhaai achhi reeti padho aur padhaao''

prashn:- baap samaan service ke nimitta banne ke liye kaun sa mukhya gun chaahiye?

uttar:- sahansheelta ka। deh ke oopar too much moh nahin rakhna hai। yogbal se kaam lena hai। jab yogbal se sab beemaariyaan khatma hongi tab baap samaan service ke nimitta ban sakenge।

prashn:- kaun sa mahaapaap hone se buddhi ka taala band ho jaata hai?

uttar:- yadi baap ka bankar baap ki ninda karaate hain, aagyaakaari, vaphaadaar banne ke bajaae kisi bhi bhoot ke vasheebhoot hokar disservice karte hain, kaalaapan nahin chhodte to is mahaapaap se buddhi ko taala lag jaata hai।

geet:- kaun aaya mere man ke dvaare…

om shanti। bhagvaanuvaach - bachche jaan chuke hain ki niraakaar jo patit-paavan, gyaan ka saagar hai woh baith aatmaon ko padhaate hain। shaastra aadi padhna - yeh sab hai bhakti maarga। satayug treta mein koi padhte nahin। dvaapar se lekar manushya yeh padhte rehte hain। manushyon ne hi shaastra banaaye hain। bhagwan ne nahin banaaye hain, na koi vyaas bhagwan hai। vyaas to manushya tha। niraakaar parampita paramatma ko sabhi yaad karte hain। bhool sirf yeh ki hai jo geeta ka bhagwan shreekrishna ko samajh liya hai। baap samjhaate hain gyaan ka saagar main hoon, na ki shreekrishna। is behad ke duniya ki history-geography aadi se ant tak baap hi jaante hain ki kaise yeh aatmaayen aati hain। mool vatan, sookshm vatan aur yeh hai sthoolavtan। yeh chakra kaise phirta rehta hai। yeh knowledge sivaae mujh niraakaar beejroop gyaan saagar ke aur koi suna nahin sakte। phir jab bhakti maarga shuru hota hai to bhagat hi baith yeh shaastra aadi banaate hain। yeh shaastra to phir bhi banne hain। aise nahin ki yeh banna banda ho jaayenge। bhaarat ka asul aadi sanaatan dharma hai hi devi-devta। satayug aadi mein devi-devtaaon ka raajya tha। bhaaratvaasi apne dharma ko bhool gaye hain। jo paavan the, ab woh patit ban gaye hain, isliye bhagwan kehte hain main aakar tumko patit manushya se paavan devta banaata hoon। tum bhi jaante ho devta banne ke liye ham padh rahe hain। manushya se devta baap ke sivaae koi bana nahin sakta kyonki yahaan to sab patit bhrashtaachaari hain। woh phir paavan shreshthaachaari kaise banaayenge। yeh patit aasuri duniya raavan raajya hai। raajaai to hai nahin। gaaya bhi jaata hai raam raajya, raavan raajya। bhagwan aakar raamraajya ki sthaapna karte hain। kehte bhi hain he bhagwan geeta ka gyaan phir se aakar sunaao। krishna to nahin sunaayenge। ab tum bachche samajhte ho ki hamko koi manushya nahin padhaate hain। manushya ki aatmaayen sab padhti hain। padhaane vaala niraakaar bhagwan hai। kya banaate hain? manushya se devta। yeh hai em object। school mein em object ke sivaae koi kya padh sakenge। tum bachchon ki buddhi mein hai ki ham phir se manushya se devta banne aaye hain। padhaane vaale ko bhi poora jaanna chaahiye। unka naam hai shiv। shaareerik naam to hai nahin, aur padhaane vaali hoti hain aatmaayen, jo apne-apne shareer dvaara padhaati hain। har ek ko apna shareer hai। yeh ek hi parampita paramatma hai jo kehte hain mujhe apna shareer nahin hai। main inka aadhaar leta hoon, inki aatma bhi padhti hai jo pahle number mein devta banti hai। jo new man tha vahi puraana ho gaya hai। krishna hai sabse pahla new man, phir 84 janmon ke baad aakar brahma bana। yeh apne janmon ko nahin jaante hain isliye main baith sunaata hoon। pahle janma mein yeh shreekrishna tha phir punarjanma lete-lete patit ban gaya। ab phir main inko brahma banaakar so shreekrishna banaata hoon। jhaad mein bhi clear likha hua hai। neeche yeh tapasya kar rahe hain brahman roop mein। oopar mein vahi brahma patit duniya mein khade hain aur yahaan sangam par ab tapasya kar rahe hain tatatvam, tum bhi devta the phir punarjanma lete-lete patit shoodra bane ho। ab phir tum paavan bante ho। jaante ho patit-paavan parampita paramatma dvaara ham paavan ban rahe hain। baap upaay bataate hain ki mujhe yaad karo। mujhe yaad karne se hi tum paavan banenge, aatma aur shareer donon hi paavan to sirf satayug mein hi honge। yahaan shareer sabko patit milta hai। sabse kharaab bhrashtaachaar hai kaam vikaar। vish se paida hone vaalon ko hi bhrashtaachaari kaha jaata hai। satayug mein koi bhrashtaachaari hota nahin kyonki vahaan vish hi nahin। krishna ko sampoorn nirvikaari kaha jaata hai phir nirvikaari hi vikaari bante hain। satayug treta mein vikaar hota hi nahin isliye baap kehte hain in 5 bhooton par vijay paani hai। baap hi vikaari duniya ko nirvikaari banaate hain। kai hain jinko dhaarna bilkul hoti hi nahin hai। krodh ka bhoot, lobh ka bhoot, moh ka bhoot ekdam kaala kar deta hai। sabse ganda hai kaam vikaar। woh bhi tab aata hai jab deh-abhimaan aata hai। baap kehte hain apne ko aatma samjho। aatma mein hi sanskaar rehte hain gyaan ke। abhi aatma ke gyaan ke sanskaar bilkul hi khatma ho gaye hain।

baba kehte hain mujhe yaad karo। manushya to saakaar ko hi yaad karte hain। bhakti mein hire hue hain, guru gosaai va koi devta ko yaad karenge। badreenaath, amarnaath par jaayenge to patthar ki baith pooja karenge। shiv ke mandir mein bhi jaate hain parantu yeh kisko pata hi nahin ki yeh baap hai। isko kaha jaata hai andhashraddha। koi jaante hi nahin ki baap kab aaya, kaise aaya! ab tum bachchon ko sab kuchh samjhaaya jaata hai। parantu tumhaare mein bhi koi thode hain jo achhe sayaane, vaphaadaar, pharmaanbardaar bachche hain, jinmen bhooton ka pravesh nahin hai। bhooton ki praveshta vaale bada tang karte hain। bahut disservice karte hain to pad bhi neech mil padta hai। punya aatma banne ke badle aur hi paap aatma ban padte hain। ek to deh-abhimaan hai। doosra phir aur vikaar bhi aa jaate hain। lobh ka bhoot aa jaata hai। dil hoti rahegi yeh rabdi, malaai khaayen। yeh shuru se chalta aaya hai। abhi to avastha paripakva banaana hai। lobh ka bhoot bhi pad bhrashta kar deta hai। aadhaakalpa in bhooton ne hairaan kiya hai। jo kehte hain ham punya aatma bante aur banaate hain, woh khud hi paap aatma ban padte hain aur doosron ko bhi banaane lag jaate hain। naam badnaam kar dete hain। agar tumhaare mein hi krodh ka bhoot hai, to tum doosron ka phir kaise nikaalenge। koi deh-abhimaan ki ulti chalan dekho to report karo। dharmaraaj ke paas to register rehta hai phir saja bhogne ke samay tumko sab saakshaatkaar karaayenge ki tumne in bhooton ke vash bahuton ko tang kiya hai। kai bachche krodh ki agni mein jal marte hain। aatma bilkul kaali ban jaati hai। disservice karte to baba buddhi ka taala banda kar dete hain। unse phir koi service ho na sake। ant mein baba sab saakshaatkaar karaayenge phir bahut pareshaan honge isliye bachche aisa koi kaam nahin karna chaahiye। baba kah dete hain agar ulti chalan chalte hain to report karo। baba samajh jaate hain - deh-abhimaan ke kaaran yeh daas daasi jaakar banenge। praja mein bhi kam pad paayenge। baba tum bachchon ko gyaan shrringaar karaate hain, phir bhi sudharte nahin। is samay hi parampita paramatma aakar gyaan ka shrringaar karaae satayug ke mahaaraaja mahaaraani banaate hain। ismen sahansheelta badi achhi chaahiye। deh ke oopar tu mach moh nahin hona chaahiye। yogbal se kaam lena hai। baba bhi boodha hai, parantu yog mein khada hai। khaansi aadi hoti hai phir bhi service par rehte hain। buddhi ki kitni service karni hoti hai। itne bachchon ko sambhaalna, mehmaanon ke liye prabandha rakhna - kitna bojha rehta hai। khyaalaat bhi chalti hain। agar koi bachche ki badachlan hogi to naam badnaam karaayenge। kahenge yeh aise brahmaakumaar kumaari hain! to naam brahma ka hua na isliye kaha jaata hai guru ka nindak.. hai satguru ke liye। in kaliyugi gurooon ne phir apne liye bata diya hai isliye manushya unse darte hain ki kahaan guru ji shraap na de deven। yahaan koi aisi baat nahin। apni chalan se apne oopar bad-dua karte hain। bachchon ko apne bhavishya ka khyaal rakhna chaahiye, ab purushaartha nahin kiya to kalpa-kalpaantar yahi haal hoga। baap kitna achhi reeti samjhaate hain phir bhi kai hain jo kaalaapan chhodte hi nahin, phir toot padte hain athva markar jahnum mein gir jaate hain। padhaai chhod dete hain। koi to bachche achhe chalte hain। koi to eeshvareey janma lekar 8-10 varsha ke baad bhi mar padte hain athva phaarakti de dete hain। laukik baap bhi sapoot bachchon ko dekh khush hote hain। phir bhi nambarvaar to hain na! koi-koi centres par bhi tang karte hain। bade kaante ban jaate hain। ghar ke bankar phir ninda karaate hain to mahaan paap aatma ban jaate hain isliye baba samjhaate rehte hain to yahaan tum aaye ho behad ke baap se sukh ka varsa lene, to khaamiyaan sab nikaalni chaahiye। school mein paas hone vaale student sharta rakhte hain ki ham 80 marks se paas honge, 90 marks se paas honge phir jab paas hote hain to khushi mein ek do ko taaren karte hain। yeh hai behad ki padhaai। sooryavanshi banenge ya chandravanshi, woh bhi maaloom pad jaata hai। chandravanshi raaja raani jab bante hain to unke aage sooryavanshi jaise second number mein ho jaate hain। raam seeta ka jab raajya chalta hai to lakshmi-naaraayan chhote ho jaate hain। sooryavanshi naam hi khatma ho jaata hai। yeh knowledge badi ramneek hai। dhaarna achhi unko hogi jo shreemat par chalenge, vahi phir oonch pad pa sakenge। shivbaaba ka bhakti maarga mein bhi part hai aur gyaan maarga mein bhi part hai। shankar ka kaam hai sirf vinaash ka, unka kya varnan karenge। shivbaaba ka aur brahma baba ka to bahut varnan hai। 84 ke chakra mein sabse number one part hai baba ka। unhonne phir shiv shankar ko mila diya hai। shivbaaba ka to sabse bada part hai, sabhi bachchon ko sukhi karna, kitni mehnat ka kaam hai। phir aaraam karte hain। inka (brahma ka) to 84 janmon ka part hai। islaami, bauddhi aadi to baad mein aate hain। woh koi all-round part nahin bajaate। all-round part vaalon ko sukh kitna hai! ham hi svarga ke maalik ban jaate hain। bhaarat svarga kahlaata hai। khushi kitni hoti hai, ham apne liye svarga ka raajya sthaapan kar rahe hain। auron ko bhi samjhaana hai jo woh aakar apni jeevan bana len। tum aaye ho parampita paramatma se svarga ka varsa lene। buddhi mein agar em object nahin hogi to baaki yahaan baith kya karenge। brahman hain brahma ke mukh vanshaavli। behad ka baap, behad ke bachche lete hain। kitne dher bachche hain। brahma ka banne bigar shivbaaba se varsa le nahin sakte। bhaarat shreshthaachaari tha, vahaan koi bhoot nahin tha। ek bhi bhoot hai to vyabhichaari kahenge। bhooton ko to bilkul bhagaana hai। baba ko bahut likh bhejte hain - baba kaam ka bhoot aaya parantu bach gaye। baba kehte hain bachche toofaan to bahut aayenge parantu karmendriyon se koi karma nahin karna, bhooton ko bhagaana hai। nahin to sooryavanshi chandravanshi ban nahin sakenge। dhyaan mein jaana bhi achha nahin hai kyonki maaya bahut pravesh ho jaati hai। achha!

meethe meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) karmendriyon se koi bhi vikarma nahin karna hai। aisi koi chalan nahin chalni hai jisse anekon ki bad-duaayen niklen। apne bhavishya ka khyaal rakh punya karma karne hain।

2) andar jo bhi kaalaapan hai, deh-abhimaan ke kaaran bhooton ki praveshta hai, unhein nikaal dena hai। gyaan se apna shrringaar kar sapoot bachcha banna hai।

vardaan:- busy rahne ke sahaj purooshaartha dvaara nirantar yogi, nirantar sevaadhaari bhav

brahman janma hai hi sada seva ke liye। jitna seva mein busy rahenge utna sahaj hi maayaajeet banenge। isliye jara bhi buddhi ko phursat mile to seva mein jut jaao। seva ke sivaae samay nahin gavaao। chaahe sankalp se seva karo, chaahe vaani se, chaahe karma se। apne samparka aur chalan dvaara bhi seva kar sakte ho। seva mein busy rehna hi sahaj purooshaartha hai। busy rahenge to yuddha se chhoot nirantar yogi nirantar sevaadhaari ban jaayenge।

slogan:- aatma ko sada tandaroosta rakhna hai to khushi ki khuraak khaate raho।