Daily Murli for Saturday 30 April 2022

30-04-2022 praatahmurli om shanti "baapdaada"' madhuban

“meethe bachche - baap aaye hain tumhaara gyaan-yog se shrringaar karne, us shrringaar ko kaayam rakhne ke liye maaya se kabhi haar nahin khaana''

prashn:- kaun si ek chhoti baat nishchaybuddhi bachchon ke nishchay ko tod sanshaybuddhi bana deti hai?

uttar:- nishchaybuddhi bachche agar chalte-chalte kisi chhoti bhi bhool ke bhram mein phans jaate hain to nishchay toot jaata hai। shreemat mein bhram paida hua to maaya sanshaybuddhi bana degi। jo sanshaybuddhi bante hain woh service bhi nahin kar sakte aur unse vikaaron ko jeetne ki mehnat bhi nahin hoti। aise kamjor bachchon ko bhi merciful baap raay dete hain bachche, agar tumhein vikaar sataate hain, service bhi nahin karte to baap ko to yaad karo।

geet:- tumheen ho maata pita…

om shanti। yeh kiski mahima hai? maat-pita ki। tum us maat-pita ke bachche ho। unko kaha jaata hai behad ka rachayita। kitne brahmaakumaar kumaariyaan hain। jagat amba aur jagat pita, brahma ke bhi chitra hain। sirf bhinna chitra bana diye hain। tum jaante ho vishwa ke aadi arthaat satayug mein athaah sukh the। abhi phir se behad ke baap se behad ke sukh ka varsa le rahe hain। yeh mahima laukik maa baap ki nahin ho sakti। yeh hai behad ke maa baap ki baat। parampita paramatma ko hi maat-pita kaha jaata hai। parantu woh hai niraakaar। yeh to bahut baar samjhaaya hai ki nai rachna, naye dharma ke liye yeh naya gyaan hai। devi devta dharma abhi hai nahin। koi bhi nahin kahenge ki hamaara devi devta dharma hai, kyonki woh to sampoorn nirvikaari the। abhi hain sab vikaari aur dharma praayah lop bhi zaroor hone chaahiye, tab to phir se us dharma ki sthaapna karne ke liye baap ko aana pade। abhi tum bachchon ko baap aur varse ko yaad karna hai। varse ke liye maa ke pet se janma le phir baap ko yaad karte hain। janma to liya parantu through kiske? maa se janma lete hain। yeh bhi aise hai - through maa ke tum bachche bane ho। yaad karte ho shivbaaba ko varsa lene ke liye via maa। parantu koi ko nishchay hai, koi ko nahin hai। aise nahin ki sabhi ko nishchay hai, maaya ghutka dilaati rehti hai। kahaan na kahaan phans padte hain। shreemat par na chalne vaale apni hi bhoolon ke bhram mein phansate hain, nishchay hai to phir aur sab baaten chhod dete hain। sunna hai aur sunaana hai। koi kehte hain ham service nahin kar sakte। praja nahin banaayenge to raaja bhi nahin banenge। achha aur kuchh nahin karte ho to sirf shivbaaba ko yaad karo। svarga mein aa jaayenge। achha vikaaron ko jeetne ki mehnat nahin pahunchti phir bhi baap ko yaad karo to svarga mein aa jaayenge, parantu pad kam milega।

baap samjhaate hain - bhakti ka part ab khatma hona hai। bhakti ka phal dene baap aaye hain। tum hi nambarvaar poori bhakti karte ho। pahle-pahle karte ho shivbaaba ki phir brahma vishnu shankar ki। abhi to dekho gali-gali mein kitne mandir bana diye hain, kitne satsang hote hain। jahaan yeh sab cheejen bahut hain, vahaan phir yeh kuchh bhi nahin rahega। ek bhi mandir nahin rahega। abhi to bhakti ki kitni saamagri hai। dvaapar, kaliyug hai bhakti maarga ka yug, tamopradhaan banne ka yug। ab baap in sab jhanjhaton se chhuda dete hain। kehte hain hear no evil, si no evil... deh sahit in sabse mamatva mitaao। ab tumhein naye ghar mein chalna hai। jab sthaapna ho jaae tab to chalenge na - yeh hai puraani duniya, duhkhadhaam। yeh antim janma hai। abhi tum eeshvar ki god mein baithe ho। maat-pita ki god mein ho। lomujeeb baap brahma mukh se tumko janma dete hain to yeh maa ho gai, lekin tumhaari buddhi phir bhi shivbaaba taraph chali jaati hai। tum maat-pita ham baalak tere.... shiv-baba taraph lav chala jaata hai। tum sajniyaan bhi ho। shivbaaba aaya hai, tumko shrringaar kar laayak banaane। gyaan aur yog se tum bachchon ko shrringaarte hain। sirf tum nahin ho, yeh aavaaj to sab centres par sunte hain। hajaaron sunte rahenge। sabhi ka shrringaar hota rehta hai। kitne shrringaar karte-karte phir maile ho jaate hain। baba gadhe ka misaal dete hain na। tum bachchon ko sarvagun sampanna, 16 kala sampoorn .... banna hai। ghadi-ghadi maaya se haar nahin khaani hai। kehte hain baba aaj maaya ne thappad maar diya। baba kehte hain tum kul ko kalank lagaane vaale ho। baap ki bhi ninda to bachchon ki bhi ninda karaate ho। tum to aur hi gir padenge। is kaam mahaashatru par poori jeet paani hai। baap se pratigya karni padti hai। baap hai svarga ka rachayita, so to zaroor svarga ka maalik banaayenge। jo yeh sahaj raajayog seekhenge, vahi svarga mein aayenge। aise nahin ki sabhi svarga mein aayenge। bhal yeh samajhte hain ki nai duniya god father rachte hain। baaki nai duniya mein kaun raajya karte hain - yeh raaz to jab koi samjhaave। bhal jaante hain bhaarat praacheen hai, parantu yathaartha reeti to bhaaratvaasi khud hi nahin jaante to auron ko kya bataayenge। tum batla sakte ho - bhaarat jaisa pavitra khanda aur koi ho nahin sakta। bhaarat jaisa maalaamaal aur koi khanda nahin। abhi America aadi ke paas bhal bahut dhan hai parantu bhaarat ki bhent mein to yeh jaise kaudiyaan hain। bhaarat hi sab dharmon ka teertha sthaan hai। sabhi aatmaon ka baap bhaarat mein aate hain, narka ko svarga banaane। sabko liberate karte hain। mahima hai to unki। phool bhi un par chadhaane chaahiye। parantu geeta mein naam gum kar diya hai, isliye mahatva kam kar diya hai। Christian logon ne bhi ulti sulti baaten suni hain to ve bhi phir glaani ki baaten sunaae apne dharma mein bahuton ko convert karte gaye hain। kitne Christian bante honge। yeh to kalpa-kalpa hota hi rahega। baap kehte hain jab aise dharma glaani hoti hai tab phir main aakar bhaarat ko heere jaisa banaata hoon। behad ke baap se behad ka sukh milta hai, svarga ki sthaapna hoti hai। woh hai shivbaaba। tum ho shiv shakti bhaarat maataayen aur tum ho gupta। tum shiv shakti sena ko manushya kya jaanen। tum hi jaante ho barobar ham shiv shakti paandav sena hain। yeh nai raajdhaani sthaapan ho rahi hai। yeh hai puraani patit duniya, woh hai paavan nai duniya। is patit duniya mein paavan koi ho nahin sakta। shaastron mein kya-kya baaten likh di hain। sunaane vaale bhi bade hoshiyaar hote hain। shaastra bhi sunte aaye, 7 roz ka paath bhi rakhte aaye। rudra yagya aadi bhi rachte aaye hain। phir bhi duniya ko tamopradhaan banna hi hai। chaahe kuchh bhi karen, vaapis to ek bhi nahin ja sakta। manushyon ko gyaan nahin to shaastron ka kanras bahut achha lagta hai। tumko abhi woh achha nahin lagta isliye baap kehte hain hear no evil.. sirf mujhe yaad karo, shreemat par chalo to shreshtha banenge। aasuri mat par chalne se asur hi bante jaayenge। woh hai raavan mat। manushya raavan mat par hain tab to raavan ko jalaate rehte hain। baap har ek baat achhi reeti baith samjhaate hain। beej aur jhaad ki knowledge hai, isko kalpa vriksha kaha jaata hai। inki aayu 5 hajaar varsha hai। agar satayug ko laakhon varsha hue ho phir to hindu bahut dher hone chaahiye।

ab tum bachche achhi reeti jaante ho ki vinaash to hona hi hai, natural calamities bhi aati jaayengi। inko phir woh godly calamities kah dete hain। parantu god thode hi calamities laate hain। yeh to drama mein noondh hai। vinaash na ho to nai duniya kaise rachi jaae। mahaabhaarat ladaai se hi to get khulenge। bachchon ne saakshaatkaar kiya hai, manzil bahut bhaari hai। to kai himmat nahin rakhte hain। dekho, kal bhi baba samjha rahe the ki is mrityulok mein tumhaara yeh antim janma hai। ab main amarlok ka maalik banaane aaya hoon। yeh antim janma baap ka kehna maano। pavitrata ki pratigya karo। laukik baap ka bhi agar bachcha kehna na maane to baap kahenge na tum kapoot bachcha ho। baba to sarvashaktimaan hai, unke pharmaan par chalne se madad bhi milegi, phir bachche kehte hain achha sochenge। are kal shareer chhoot jaae to varsa to milega nahin। 5 vikaaron ki beemaari bahut kadi hai। maaya ne sabko rogi banaaya hai। ab baap kehte hain meri shreemat par chalo। maaya to bahut vikalpon mein laayegi, bahut toofaan aayenge। devaala nikal jaayega। phir kahenge yeh kya, baba ka bana to yeh haal hua! parantu baap kehte hain tumne shivbaaba ko sab kuchh de diya, tum to trustee ho gaye। woh tumko poora hisaab de denge। tum chinta kyon karte ho।

tum jaante ho abhi to bhaarat ka beda dooba hua hai, baap salvage karne aaye hain। baap bigar svarga kaun banaaye। kehte hain dvaarika neeche chali gai, ab oopar kaise aayegi। kachchha machchha laayenge kya? yeh drama ka chakra hai, jisko samajhna hai। satayug, treta jab oopar hain tab dvaapar kaliyug neeche chale jaayenge। srishti chakra ka chitra itna bada banaana chaahiye jaise aaina full size ka bhi banaate hain na। baap kehte hain - bachche aaine mein apna munh dekhte raho, kahaan bandar to nahin ban padte ho! jinmen vikaar hain woh bandar se bhi badtar hain। devtaayen to mandir laayak hain। vaastav mein sannyaasiyon ka kabhi mandir nahin banaaya jaata। mandir sirf devtaaon ka hota hai kyonki unhon ki aatma aur shareer donon pavitra hain। yahaan pavitra shareer to mil na sake। manushya kitne yagya rachte hain, kathaayen sunte rehte hain। baap to ek hi behad ka yagya rachte hain, jisko rudra yagya kehte hain। is yagya se hi vinaash jvaala prajjavlit hui, baaki sab yagya khalaas ho jaate hain। rudra gyaan yagya mashhoor hai। shiv gyaan yagya mashhoor nahin hai। rudra ki aur saaligraamon ki pooja hoti hai। kitne saaligraam banaate hain। shiv to ek hi banaate hain। praja to dher banegi, itne thode hi bana sakenge। shivbaaba aur tum bachchon ki pooja hoti hai kyonki tum saari duniya ko liberate karte ho। tum ho shiv shaktiyaan - salvation army। aise bahut hain jo svayan ko sarvodaya leader kehte hain। ab saari duniya par daya to koi kar na sake। sab par raham karne vaala merciful shivbaaba ko hi kaha jaayega। manushya naam to bade-bade rakhvaate hain। sarva par daya va kripa karna arthaat sukhdhaam mein le jaana - yeh kaam to ek paramatma ka hi hai। sabhi ka gati sadgati daata ek hi shivbaaba hai। manushya kisi ki sadgati nahin kar sakte। ek ki bhi nahin kar sakte, impossible hai। tumko kehte hain ki tum log shaastron ko nahin maante ho lekin jo cheez saamne hai, aankhon se dekhte hain, maante kaise nahin! parantu abhi ham shreemat par chalte hain, jisse shreshtha banenge। shreemat hai bhagwan ki, shreekrishna ki mat par nahin chalte। krishna ki aatma bhi aage janma mein shreemat se aisa shreshtha devta bani thi, tat tvam। unki raajdhaani bhi hogi na। akela krishna kya karega! kaanton se phool baap ke sivaae aur koi bana na sake। baap aaya hai to zaroor svarga rachenge na। nahin to avtaar lene ki kya darkaar thi। zaroor bhaarat ko svarga banaaya tha aur ab phir se bana rahe hain। vahaan bhi mandir aadi honge nahin। tum jaante ho baba bhaarat mein aaya hai, bhaarat ko svarga banaane। baba ne samjhaaya hai maaya ke toofaan to sabhi ko aayenge। baba se aakar poochho। gyaan aur yog ka bhi anubhav poochho। sankalp jo vikalpa ban jaate hain, unka bhi anubhav poochho। baba sabse aage hain, to in toofaanon se paas zaroor hote hain। ham baba ko yaad karte hain phir bhi maaya kam nahin hai। jitna rustam utna maaya poora saamna karegi, darna nahin hai। likhte hain baba maaya ko bolo ki tang na kare। parantu maaya toofaan to machaayegi, darna nahin hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ko poora hisaab de, trustee ban sab chintaaon se mukta ho jaana hai। baap ke pharmaan par poora-poora chal madad ka paatra banna hai।

2) manushyon ke doobe hue bede ko salvation army ban paar karna hai। baap ka madadgaar ban poojyaneey laayak banna hai।

vardaan:- har second, har khajaane ko saphal kar saphalta ki khushi anubhav karne vaale saphaltaamoorta bhav

saphalta moorta banne ka vishesh saadhan hai - har second ko, har shvaans ko, har khajaane ko saphal karna। yadi sankalp, bol, karma, sambandh-samparka mein sarva prakaar ki saphalta ka anubhav karna chaahte ho to saphal karte jaao, vyartha nahin jaaye। chaahe sva ke prati saphal karo, chaahe aur aatmaon ke prati saphal karo to automatically saphalta ki khushi anubhav karte rahenge kyonki saphal karna arthaat vartamaan mein saphalta praapta karna aur bhavishya ke liye jama karna।

slogan:- jab sankalp mein bhi koi aakarshan aakarshit na kare tab kahenge sampoornata ki sameepta।