Daily Murli for Monday 16 May 2022

16-05-2022 praatahmurli om shanti "baapdaada"' madhuban

“meethe bachche - tum eeshvareey family ke ho, eeshvareey family ka law (niyam) hai - bhaai-bhaai ho rehna, brahman kul ka law hai bhaai-behen ho rehna isliye vikaar ki drishti ho nahin sakti''

prashn:- yeh sangamayug kalyaankaari yug hai - kaise?

uttar:- isi samay baap apne laadle bachchon ke sammukh aate hain aur baap, teacher, satguru ka part abhi hi chalta hai। yahi kalyaankaari samay hai jab tum bachche baap ki nyaari mat, jo narka ko svarga banaane ki va sabko sadgati dene ki hai, us shreemat ko jaante aur us par chalte ho।

prashn:- tumhaara sannyaas satopradhaan sannyaas hai - kaise?

uttar:- tum buddhi se is saari puraani duniya ko bhoolte ho। tum is sannyaas mein sirf baap aur varse ko yaad karte, pavitra bante aur parhej rakhte, jisse devta ban jaate ho। unka sannyaas had ka hai, behad ka nahin।

geet:- bholenaath se niraala…

om shanti। pahle-pahle baap bachchon ko samjhaate hain ki apne ko aatma samajh baap ko yaad karo। 5 hajaar varsha pahle bhi baap ne kaha tha ki manamnaabhav। deh ke sab sambandh chhod apne ko ashareeri aatma samjho। sabhi apne ko aatma samajhte ho? apne ko koi paramatma to nahin samajhte hain? gaate bhi hain paap aatma, punya aatma, mahaan aatma। mahaan paramatma nahin kaha jaata। aatma pavitra banti hai to shareer bhi pavitra milta hai। khaad aatma mein hi padti hai। baap bachchon ko yukti se baith samjhaate hain। yeh to zaroor hai ki aatma roop mein ham sab bhaai-bhaai hain aur shareer ke sambandh mein aaye to bhaai aur behen hain। ab kai yugal baithe hain unhon ko kahen ki apne ko bhaai-behen samjho to bigad paden। parantu yeh law samjhaaya jaata hai ki ham sab aatmaon ka baap ek hai to bhaai-bhaai ho gaye। phir manushya tan mein aate hain to prajaapita brahma dvaara rachna rachte hain। to zaroor unki mukh vanshaavli aapas mein bhaai-behen thahre। sab kehte bhi hain ki parampita param aatma। baap hai hi svarga ka rachayita। ham unke bachche hain to kyon na ham svarga ke maalik banen। parantu svarga to hota hi hai satayug mein। aise nahin ki baap koi nai srishti aakar rachte hain। baap to aakar puraani ko naya banaate hain arthaat is vishwa ko badalte hain। to zaroor baap yahaan aaya hai। bhaarat ko svarga ka varsa diya hai। uska yaadgaar somnaath ka mandir sabse bada banaaya hai। barobar bhaarat mein ek devi-devta dharma tha aur koi dharma nahin tha aur sabhi baad mein vriddhi hue hain। to zaroor baaki sabhi aatmaayen nirvaandhaam mein baap ke paas rahengi। bhaaratvaasi jeevanmukta the। sooryavanshi gharaane mein the। ab jeevanbandha mein hain। janak ka bhi misaal hai ki unko second mein jeevanmukti mili। jeevanmukta saare svarga ko kahenge। phir usmein baaki jinhonne jitni mehnat ki utna pad paaya। jeevanmukta to sabko kahenge। to zaroor mukti jeevanmukti daata ek satguru hona chaahiye। parantu yeh kisko pata nahin hai। abhi to sab maaya ke bandhan mein hain। kaha jaata hai ki eeshvar ki gati mat nyaari... unki hai shreemat। woh aate hain zaroor। pichhaadi mein sab kahenge ki aho prabhu। tum ab kah rahe ho ki aho prabhu teri is narka ko svarga banaane ki gat badi nyaari hai। tum jaante ho phir se ham sahaj raajayog seekh rahe hain। kalpa pahle bhi sangam par hi sikhlaaya hoga na। baap khud kehte hain - “laadle bachchon'', main tum bachchon ke hi sammukh aata hoon। woh supreme baap bhi hai, to supreme teacher bhi hai। knowledge dete hain aur koi bhi is srishti chakra ki knowledge de na sake। is srishti chakra ke aadi-madhya-ant va world ki history-geography ko koi nahin jaante। parampita paramatma sthaapna aur vinaash ka kaarya kaise karaate hain, yeh koi bhi jaante nahin। tum bachche ab jaan gaye ho। manushya se devta kiye... yeh mahima unki hai। moot paleeti kapad dhoe... ab apne se harek poochhe ki ham moot paleeti hain va pavitra hain? akaal takhta hai na। akaalmoorta unka takhta kahaan hai? woh to zaroor paramdham athva brahm mahtatva hai। ham aatmaayen bhi vahaan rehti hain। unko bhi akaaltakhta kaha jaata hai। vahaan koi aa na sake। us sweet hom mein ham rehte hain, baba bhi vahaan rehta hai। baaki vahaan koi takhta va kursiyaan aadi rahne liye nahin hain। vahaan to ashareeri hain na। to samjhaana chaahiye ki second mein jeevanmukti milti hai arthaat laayak bante hain।

baap kehte hain ki shivbaaba ko yaad karo, vishnupuri ko yaad karo। abhi tum brahmaapuri mein baithe ho। brahma ki santaan ho aur shivbaaba ke bachche bhi ho। agar apne ko bhaai-behen nahin samjhenge to kaam vikaar mein chale jaayenge। yeh hai eeshvareey family। pahle tum baithe ho, daada bhi hai, baba bhi hai aur tum unke bachche ho to tum hue shivbaaba ki brahma dvaara santaan। shiv ke potre thahre। phir manushya tan mein hain to behen-bhaai hue। is samay tum behen-bhaai practical mein ho। yeh braahmanon ka kul hai। yeh buddhi se samajhne ki baat hai। jeevanmukti bhi second mein milti hai। baaki martabe to bahut hain। vahaan duhkh dene vaali maaya to hoti nahin। aise nahin ki satayug se lekar kaliyug tak raavan ko jalaate rahenge। jo kehte hain ki parampara se jalaate aate hain, yeh asambhav hai। svarga mein asur kahaan se aaye? baap ne kaha hai ki yeh aasuri sampradaay hain। phir unka naam rakh diya hai akaasur-bakaasur। kehte hain krishna ne gaayen charaai, yeh bhi part chala hai, shivbaaba ki gaayen tum thahri na। shivbaaba sabko gyaan ghaas khilaate hain। ghaas khilaane vaala, paravrish karne vaala woh hai।

manushya mandiron mein jaakar devtaaon ki mahima gaate hain ki aap sarvagun sampanna aur ham neench paapi...hain। apne ko devta kah na saken, hindu kah dete hain। asul naam bhaarat hai। geeta mein bhi hai yada yadaahi dharmasya... geeta mein hindustaan to nahin kaha hai। yeh hai bhagvaanuvaach। bhagwan ek niraakaar hai jisko sab jaante hain। svarga mein hain sab daivi gun vaale manushya। unhon ko hi 84 janma lene hain। to zaroor svarga se narka mein aayenge। aapehi poojya aapehi pujaari। unka bhi arth hoga na। number one poojya shreekrishna hai। kishor avastha ko satopradhaan kaha jaata hai। baal avastha ko sato, yuva hai rajo, vriddha hai tamo। srishti bhi sato rajo tamo hoti hai। kaliyug ke baad phir satayug aana chaahiye। baap aate hi hain sangam par। yeh hai most kalyaankaari yug। aisa yug koi ho nahin sakta। satayug se treta mein aaye, unko kalyaankaari nahin kahenge kyonki do kala kam hui to unko kalyaankaari yug kaise kahenge? phir dvaapar mein aayenge to aur kala kamti ho jaayegi। to yeh kalyaankaari yug nahin raha। kalyaankaari yeh sangamayug hai, jabki baap khaas bhaarat ko aur aam sabko gati sadgati dete hain। abhi tum svarga ke liye purooshaartha kar rahe ho। baap kehte hain ki yeh devi-devta dharma hi sukh dene vaala hai। tum apne dharma ko bhool gaye ho tab aur-aur dharmo mein ghus jaate ho। vaastav mein to tumhaara dharma sabse ooncha hai। ab phir tum vahi raajayog seekh rahe ho to shreemat par chalna pade। baaki sab hain aasuri raavan mat par। sabmen 5 vikaar hain, unmein bhi pahla hai ashuddha ahankaar। baap kehte hain deh-ahankaar chhod dehi-abhimaani bano, ashareeri bhav। tum mujh baap ko bhool gaye ho। yeh bhi bhool-bhulaiya ka khel hai। kai phir kehte hain neeche girna hi hai to phir purooshaartha kyon karen? are purooshaartha nahin karenge to svarga ki raajaai kaise milegi। drama ko bhi samajhna hai। yeh ek hi srishti hai, jiska chakra phirta hai। satayug aadi sat hai, hai bhi sat, hosi bhi sat... kehte bhi hain world ki history geography repeat hoti hai। to kab shuru hogi? kaise repeat hogi? uske liye tum purooshaartha karte ho। baap kehte hain phir se tumko raajayog sikhlaane aaya hoon। tum bhi seekhte ho। raajaai sthaapan hogi। yaadav kaurav khatma ho gaye aur jayjaykaar ho gai। phir mukti jeevanmukti ke darvaaje khul jaate hain। nahin to tab tak raasta banda rehta hai। jab ladaai lagti hai tab hi get khulta hai। baap aakar guide ban le jaate hain। liberator bhi hai। maaya ke phande se chhudaate hain। gurooon ki janjeeron mein bahut phanse hue hain। bahut darte hain ki kahaan guru ki aagya na maani to kuchh shraap na mil jaaye। are aagya to tum maante hi kahaan ho। woh nirvikaari pavitra aur tum vikaari apvitra। guru mein manushyon ki kitni bhaavna rehti hai। kya karte hain, kuchh bhi pata nahin। bhakti maarga ka prabhaav hai। ab tum samjhu sayaane bane ho। tum jaante ho ki brahma, vishnu, shankar hain sookshm vatan vaasi। usmein bhi brahma so vishnu ka part yahaan hai। shankar ko yahaan aane ki darkaar nahin। yahaan hai jagdamba, jagatpita aur tum bachche। phir itni bhuja vaali deviyaan aadi kitna baith banaate hain, athaah chitra hain। yeh sab chitra hain bhakti maarga ke liye। manushya to manushya hi hain। raadhe krishna aadi ko bhi chaar bhujaayen de dete hain। deepmaala mein mahaalakshmi ki pooja karte hain, woh hain do bhuja lakshmi ki, do bhuja naaraayan ki isliye donon ki pooja hoti hai, combined roop mein। yeh pravritti maarga hai, aur kuchh hai nahin। kaali ki jeebh kaisi dikhlaate hain। krishna ko bhi kaala bana diya hai। vaam maarga mein jaane kaaran kaali ho jaati hai। phir gyaan chita par baithne se gori ban jaati hai। jagdamba aisi meethi mama sabki manokaamna poorn karne vaali, uski moorti ko bhi kaala bana diya hai। kitni deviyaan banaate hain। pooja kar samudra mein dubo dete hain। to yeh gudiyon ki pooja hui na। baba kehte hain yeh sab drama mein noondh hai, phir bhi hoga। bhakti maarga ka bada peshgeer (vistaar) hai। kitne mandir, kitne chitra, shaastra aadi hain। baat mat poochho। vesta oph time... vesta aaph mani... manushya bilkul is samay tuchchha buddhi hain। kaudi misal ban jaate hain। baap kehte hain ab bhaktimaarga ke dhakke bahut khaaye। ab baap tumko in jhanjhaton se chhuda dete hain। sirf baap ko aur varse ko yaad karo aur pavitra bhi zaroor banna pade। parhej bhi rakhni pade। nahin to jaisa anna vaisa man ho jaata hai। sannyaasiyon ko bhi grihasthiyon ke paas janma lena padta hai। woh hai rajopradhaan sannyaas। yeh hai satopradhaan sannyaas। tum puraani duniya ka sannyaas karte ho। us sannyaas mein bhi kitna bal hai। president bhi gurooon ke aage maatha tekte hain। bhaarat pavitra tha। unki mahima gaai jaati hai। bhaaratvaasi sarvagun sampanna the। abhi to sampoorn vikaari hain। devtaaon ke mandir mein jaate hain to zaroor us dharma ke honge। guroonaanak ke mandir mein jaate to zaroor sikkha dharma ke honge na। parantu yeh sab apne ko devta dharma ke kahla nahin sakte kyonki pavitra nahin hain।

ab baap kehte hain phir se main shivaalay banaane aaya hoon। svarga mein sirf devi-devta hi rehte hain। yeh gyaan phir praayah lop ho jaata hai। geeta raamaayan aadi sab khatma hone hain। draamaanusaar phir apne samay par niklenge। kitni samajhne ki baaten hain। yeh paathshaala hi hai manushya se devta banne ki। parantu manushya, manushya ki sadgati kadaachit kar nahin sakte। alpakaal ka sukh to sabhi ek do ko dete rehte hain। yahaan hai alpakaal ka sukh, baaki duhkh hi duhkh hai। satayug mein duhkh ka naam hi nahin। naam hi hai svarga, sukhdhaam। svarga ka naam kitna baala hai। baap kehte hain ki bhal grihastha vyavhaar mein raho, parantu is antim janma mein baap se pratigya karni hai ki baba ham aapka bachcha hoon। yeh antim janma zaroor pavitra ban, pavitra duniya ka varsa loonga। baap ko yaad karna bahut sahaj hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh-ahankaar ko chhod dehi-abhimaani banna hai। ashareeri banne ka abhyaas karna hai।

2) drama ko yathaartha reeti samajhkar purooshaartha karna hai। drama mein hoga to karenge, aisa soch kar purooshaartha heen nahin banna hai।

vardaan:- sangamayug ke mahatva ko jaan shreshtha praalabdha banaane vaale teevra purooshaarthi bhav

sangamayug chhota sa yug hai, is yug mein hi baap ke saath ka anubhav hota hai। sangam ka samay aur yeh jeevan donon hi heere tulya hain। to itna mahatva jaante hue ek second bhi saath ko nahin chhodna। second gaya to second nahin lekin bahut kuchh gaya। saare kalpa ki shreshtha praalabdha jama karne ka yeh yug hai, agar is yug ke mahatva ko bhi yaad rakho to teevra purooshaartha dvaara raajya adhikaar praapta kar lenge।

slogan:- sarva ko sneh aur sahayog dena hi vishwa sevaadhaari banna hai।