Daily Murli for Wednesday 18 May 2022

18-05-2022 praatahmurli om shanti "baapdaada"' madhuban

“meethe bachche - tum sachche-sachche aashik ban mujh ek maashook ko yaad karo to tumhaari aayu badh jaayegi, yog aur padhaai se hi tum oonch pad pa sakenge''

prashn:- bhaarat ko svarga banaane ke liye baap bachchon se kaun si madad maangate hain?

uttar:- bachche - mujhe pavitrata ki madad chaahiye। pratigya karo - ham kaam vikaar ko laat maar pavitra zaroor banenge। savere-savere uth apne se baaten karo - meethe baba ham aapki madad ke liye taiyaar hain। ham pavitra ban bhaarat ko pavitra zaroor banaayenge। ham aapki shiksha par zaroor chalenge। koi bhi paap ka kaam nahin karenge। baba aapki kamaal hai, svapna mein bhi nahin tha ki ham koi vishwa ka maalik banenge। aap humein kya se kya bana rahe hain।

geet:- tumhaare bulaane ko…

om shanti। laadle bachche yeh jaante hain, ham aatmaayen aashik hain us ek maashook baap ki। bachche jaante hain aashik aur maashook ka sambandh kitna teekha hota hai। woh jismaani aashik jo hote hain vo jisma par aashik hote hain, vikaar ke liye nahin। bachche jaante hain jab koi ki shaadi hoti hai to woh bhal stri-puroosh kahlaate hain parantu woh bhi aashik maashook hain ek do ko patit banaane vaale। pahle se hi unko pata hai, jaante hain vikaari banenge। abhi tum bachche aashik bane ho ek maashook ke, jo sabhi aatmaon ka maashook hai। sabhi us ek ke aashik hain। sab bhakta aashik hain bhagwan ke। parantu bhakton ko bhagwan ka pata nahin hai। bhagwan ko na jaanne kaaran kuchh bhi shakti aadi unse pa nahin sakte। saadhu-santa aadi pavitra rehte hain to unko kuchh na kuchh alpakaal ke liye milta hai। tum to yaad karte ho ek maashook ko। usse buddhiyog lagaaya jaata hai। jo baap bhi hai, shikshak bhi hai, patit-paavan sarvashaktimaan hai। us baap se tum yog lagaakar shakti lete ho। tumhaara gyaan hi alag hai, shakti lete ho maaya par jeet paane liye। aisa jo vishwa ka maalik banaane vaala maashook hai, kitna meetha hai। jinhonne baap ko apna banaaya hai woh jaante hain kitna achha maashook hai, jisko aadhaakalpa se sab yaad karte hain। woh jismaani aashik maashook to ek janma ke hote hain। tumne to aadhaakalpa yaad kiya hai। abhi tumne baap ko jaana hai to tumko bahut shakti mil rahi hai। tum shreemat par chal svarga ka shreshtha te shreshtha maalik bante ho। aashik banti hai aatma, kartavya aatma karti hai - karmendriyon se।

abhi tum bachchon ko yeh dhun lagi hui hai ki baap se varsa lena hai। vish ki len-den ke liye jo hathiyaala baandhate the woh baap ne aakar ab cancel kiya hai। kehte hain in sab baaton ko chhod ab mere ko yaad karo। jismaani aashik ko bhi har samay khaate-peete, uthte-baithte maashook ki yaad rehti hai na। unmein buri bhaavna nahin hoti hai। vikaar ki baat nahin। abhi tum yaad karte ho ek ko। yaad ke purooshaartha anusaar tum apni aayu badha sakte ho। samjho koi brahman kehte hain ki tumhaari aayu 50 varsha hai, baap kehte hain tum abhi yogbal se apni aayu badha sakte ho। jitna yog mein jaasti rahenge utna aayu badhegi। phir bhavishya janma-janmaantar badi aayu vaale hi ban jaayenge। yog nahin to phir saja khaani padti hai, phir pad bhi kam ho padta hai। bhal sukhi to sab banenge parantu yog aur padhaai se। farka saara pad ka rehta hai na। jitna purooshaartha utna oonch pad। dhan to nambarvaar hoga na। ek jaise sab dhani ho na saken। to baap samjhaate hain bachche jitna ho sake meri mat par chalo। aadhaakalpa tum aasuri mat par chalte ho, jisse tumhaari aayu kamti hoti gai hai। bhal kitna bhi bada aadmi ho। aaj janma liya, kal mar gaya। daan-punya karne se bade ghar mein janma milta hai na। ab baap tumko avinaashi gyaan ratnon ka daan de jholi bhar rahe hain। tum kitne saahookaar bante ho। yeh avinaashi gyaan ratnon ka daan kaho athva varsa kaho, baap se mil raha hai। tum baap se varsa lete ho to tumko phir auron ko raasta bataana hai। bhagwan ke ham bachche hain to zaroor bhagwan bhagavti pad milna chaahiye। bhaarat mein gaaya jaata hai goddess lakshmi, god naaraayan। nai duniya mein god goddess hi raajya karte hain kyonki god dvaara pad mila hua hai। parantu baap samjhaate hain agar unko god goddess kahenge to yatha raaja raani tatha praja ko bhi god goddess kehna pade, isliye devi-devta kaha jaata hai।

tum jaante ho ham bhaarat ko svarga bana rahe hain। parampita paramatma ki shreemat dvaara ham raajayog seekhte hain। phir raajya bhaagya paayenge। paramatma hi svarga ki sthaapna karte hain to zaroor narka mein aaven tab to narka ko svarga banaaven। jo kalpa pahle bane honge vahi banenge। sab ekras to nahin hote hain, nambarvaar purooshaartha karte hain। aajkal to bachche himmat kar paan ka beeda uthaate hain - baba phalaani bachchi ko bahut maar padti hai, ham unko bachaane ke liye yugal ban jaate hain। achha yeh to theek hai parantu phir gyaan ki taakat chaahiye, dhaarna chaahiye। jitna vaaris aur praja banaayenge, kaanton ko phool banaane ki seva karenge utna oonch pad paayenge। kitni mehnat karni padti hai। aise bahut vilaayat mein bhi rehte hain। companion ho rehte hain, pavitra rehte hain। phir sab milkiyat stri ko de dete va to charity mein de dete hain। abhi tum bachchon ko parampita paramatma maashook mila hai, jo tumko vishwa ka maalik banaate hain to unki kitni yaad rahni chaahiye। aise baap ko to bahut yaad karna chaahiye। tum hi baap ko jaante ho aur koi bhi saadhu-santa aadi baap ko nahin jaante। yahaan baap bachchon ke sammukh baithe hain। is samay bhal koi pavitra rehte hain parantu unhein pavitrata ka bal nahin mil sakta। jitna tum bachchon ko patit-paavan baap se milta hai kyonki woh baap ko nahin jaante। aatma so paramatma athva brahm hi paramatma hai - aise kah dete hain। anekaanek mat-mataantar hain। yahaan tum sabki ek advait mat hai। manushya se devta banne ki mat milti hai baap dvaara। barobar manushya se devta banaane mein deri nahin lagti hai। moot paleeti manushyon ko aakar pavitra banaate hain। mahima to hai na। baaki shaastra to bahut sunte, padhte aaye hain parantu unse koi phal nahin milta। abhi baap aaye hain to unka sachcha-sachcha aashik banna chaahiye। buddhiyog aur kahaan bhatakna nahin chaahiye। grihastha vyavhaar mein bhal raho parantu kamal phool samaan। bhakti maarga mein to koi hanoomaan ko, koi ganesh ko, koi kisko pakadte aaye hain। parantu woh koi bhagwan to nahin hain। bhal shivbaaba ka naam bhi yaad hai, parantu samajhte nahin hain। paramatma ko patthar thikkar mein daal diya hai। soot hi saara moonjha hua hai, sivaae baap ke koi unko suljha na sake। bhagwan kisko bhi milta nahin। svayan bhagwan kehte hain jab bhakti poori ho tab main aaoon। aadhaakalpa bhakti maarga chalta hai, din aur raat। shuru mein bhi pahle-pahle jab praveshta hui to deevaaron par aise-aise chakra nikaalte rehte the, jaise chhote bachche hote hain। samajh mein kuchh nahin aata tha। ham tum sab babies the, phir dheere-dheere buddhi mein aata gaya। abhi tum padhkar hoshiyaar hue ho to bilkul sahaj reeti samjha sakte ho। aise nahin samajhna yeh bahut puraane bachche hain, isliye hamse hoshiyaar hain। ham to itna padh nahin sakenge। baba kehte hain - pichhaadi mein aane vaale bahut aage ja sakte hain। deri se aane vaale aur hi din-raat yog mein masta ho lag padenge। din-pratidin points bahut achhi-achhi milti rehti hain। parampita paramatma svarga ka rachayita hai to unse varsa milna chaahiye na। satayug mein tha। abhi nahin hai, tab to baap phir dene aaye hain। kitne upaay kiye jaate hain ki bachchon ko kuchh samajh mein aa jaae aur yog mein lag jaaen। koi kehte hamko phursat nahin। is yaad se hi tum sadaiv ke liye nirogi banenge। to us dhandhe mein lag jaana chaahiye na। ismen sthool kuchh bhi karne ka nahin hai। laukik baap ki yaad rah sakti hai, paarlaukik baap ko kyon bhool jaate ho। baap kehte hain tum bhaaratvaasiyon ko 5 hajaar varsha pahle bhi varsa diya tha na। tum vishwa ke maalik the na - kya yeh bhool gaye ho? tum sooryavanshi the, phir chandravanshi, vaishya vanshi banen। ab phir brahman vanshi banaane aaya hoon। brahman banenge tab to yagya ki sambhaal kar sakenge। brahman kabhi vikaari ban nahin sakte। ant tak to pavitra rehna hi hai tab nai duniya ke maalik ban sakenge। kitni bhaari praapti hai। tum baap ko yaad nahin karte ho। bachcha bankar aur baap ko yaad na kare aisa to kabhi hota nahin। baap ko bhool jaayenge to varsa kaise milega? yeh to aamadni hai na। saadhu-santon ke paas to praapti kuchh nahin hai। sirf pavitrata ka bal hai, eeshvareey bal nahin hai। eeshvar ko jaante hi nahin to bal mile kaise? bal tumko mila hai। baap khud kehte hain ham tumko svarga ka maalik banaane aaye hain। tum thode samay ke liye pavitra nahin rah sakte ho? krodh hai second number bhoot। bade te bada bhoot hai kaam ka। satayug mein bhaarat viceless tha, kitna sukhi tha। vicious bana hai to ab bhaarat ka kya haal ho gaya hai! baap phir bhaarat ko viceless banaane aaye hain to aise baap ko yaad karna tum bhool jaate ho? maaya phat se vikarma kara deti hai! badi bhaari manzil hai। tum aise baap ki shreemat par nahin chalte ho! aise baap se pyaar nahin hai! kehte hain bhool jaate hain, achha ek ghadi, aadhi ghadi... kam se kam itni to koshish karo jo ant mein baap hi yaad rahe। yeh antakaal hai na। antakaal jo naaraayan simre... main naaraayan banta hoon। tum bhi bante ho na। baap kehte hain poore aashik bhi bano na। baap to daata hai। baap ko apna banaayenge to baap raay athva mat denge। sautele ko to mat nahin denge। baap to daata hai। tumse kuchh lete hain kya? tum jo kuchh bhi karte ho apne liye। main to vishwa ka maalik bhi nahin banta hoon। aise kabhi nahin samajhna hai ki ham shivbaaba ko daan dete hain। nahin, shivbaaba se varsa lete hain। marne samay daan karaate hain na। karneeghor ko sab dete hain। tumhaare paas hai hi kya? thikkar thobar daan karte ho paramatma ko। tumhaara yeh sab khatma ho jaana hai। marne se darte to nahin ho na! baap kehte hain is chhi-chhi duniya se marna achha hai। 5 hajaar varsha pahle bhi machchharon sadrishya sabko le gaye the। main tumhaara kaalon ka kaal baap bhi hoon। tumko aadhaakalpa ke liye kaal ke panje se chhudaata hoon। vahaan to aatma svatantra rehti hai। jab shareer puraana ho tab chhodkar naya le leti hai। abhi bhi samajhte hain baba paas jaana hai to savere uthkar baba se baaten karo। baba aapki to kamaal hai, svapna mein bhi nahin tha ki aap aakar hamko svarga ka maalik banaayenge। ham to bilkul ghor andhiyaare mein the। baba aapki kamaal hai। aapki shiksha par zaroor chalenge। koi bhi paap ka kaam nahin karenge। kaam ke bhoot ko pahle laat maarenge। pavitrata ki pratigya karo। baba, meethe baba, ham aapki madad ke liye haazir hoon... aise-aise baaten karni hoti hain। jaise baba purooshaartha karte hain, bachchon ko sunaate hain। baba ham ashareeri aaye the, abhi yaad pada... is puraani duniya ko bhoolne ka purooshaartha karna hai। shivbaaba ko itne dher bachche hain। ona to hoga na! brahma ko bhi ona hoga na! kitne dher bachche hain, kitni sambhaal hoti hai। bachche bilkul aaraam se rahen। yahaan tum eeshvareey ghar mein ho na। koi sangadosh nahin। baap sammukh baitha hai। tumheen se khaaoon, baithoon... tum jaante ho shivbaaba ismen aakar bachcha-bachcha kehte hain। kehte hain mere laadle bachche pratigya karo ki vikaar mein kabhi bhi nahin jaayenge। pavitrata ki mujhe madad karo to bhaarat ko pavitra banaayenge। himmate bachche madde baap... yaad nahin aata hai। kalpa-kalpa ham yahi dhandha karte hain, bhaarat ko svarga banaate hain। jo mehnat karenge vahi svarga ke maalik banenge। kaangresiyon ne baapu ko kitni madad ki। ab dekho raajya mila... parantu raam raajya to bana nahin। din-pratidin aur hi tamopradhaan hote jaate hain। baap aakar sukhdhaam ka maalik bana rahe hain। aadhaakalpa tum sukhi rehte ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sachcha-sachcha aashik banna hai। buddhiyog ek maashuk se lagaana hai। buddhi idhar-udhar na bhatke is par attention dena hai।

2) praapti ko saamne rakhte hue baap ko nirantar yaad karna hai। pavitra zaroor banna hai। bhaarat ko svarga banaane ka dhandha karna hai।

vardaan:- mahaaveer ban har samasya ka samaadhaan karne vaale sada nirbhay aur vijayi bhav

jo mahaaveer hain woh kabhi yeh bahaana nahin bana sakte ki circumstance aise the, samasya aisi thi isliye haar ho gai। samasya ka kaam hai aana aur mahaaveer ka kaam hai samasya ka samaadhaan karna na ki haar khaana। mahaaveer woh hai jo sada nirbhay hokar vijayi banen, chhoti-moti baaton mein kamjor na ho। mahaaveer vijayi aatmaayen har kadam mein tan se, man se khush rehte hain ve kabhi udaas nahin hote, unke paas duhkh ki lahar svapna mein bhi nahin aa sakti।

slogan:- sarva ke prati sada kalyaan ki bhaavna rahe - yahi gyaani, yogi aatma ke lakshan hain।