Daily Murli for Saturday 21 May 2022

21-05-2022 praatahmurli om shanti "baapdaada"' madhuban

“meethe bachche - shreemat mein kabhi manmat mix nahin karna, manmat par chalna maana apni takdeer ko lakeer lagaana''

prashn:- bachchon ko baap se kaun si ummeend nahin rakhni chaahiye?

uttar:- kai bachche kehte hain baba hamaari beemaari ko theek kar do, kuchh kripa karo। baba kehte yeh to tumhaare puraane organs hain। thodi bahut takleeph to hogi hi, ismen baba kya karen। koi mar gaya, devaala nikal gaya to ismen baba se kripa kya maangate ho, yeh to tumhaara hisaab-kitaab hai। haan yogbal se tumhaari aayu badh sakti hai, jitna ho sake yogbal se kaam lo।

geet:- toone raat gavaai…

om shanti। bachchon ko om ka arth to bataaya hai। aise nahin om maana bhagwan। om arthaat aham arthaat main। main kaun? mere yeh organs। baap bhi kehte hain aham aatma, parantu main param aatma hoon maana paramatma hoon। woh hai paramdham nivaasi parampita paramatma। kehte hain main is shareer ka maalik nahin hoon। main creator, director, actor kaise hoon - yeh samajhne ki baaten hain। main svarga ka rachayita zaroor hoon। satayug ko rachkar kaliyug ka vinaash zaroor karaana hi hai। main karnakraavanhaar hone kaaran main karaata hoon। yeh kaun kehte hain? parampita paramatma। phir kehte hain main brahmaanda ka maalik hoon। brahmaanda ke maalik tum bachche bhi ho, jab baap ke saath rehte ho। unko sweet hom bhi kehte hain। phir jab srishti rachi jaati hai to pahle brahman rachte hain jo phir devta bante hain। woh poore 84 janma lete hain। shivbaaba ever poojya hai। aatma ko to purnajanma lena hi hai। baaki 84 laakh to ho nahin sakte। baap kehte hain tum apne janmon ko nahin jaante, main bataata hoon। 84 ka chakra kaha jaata hai। 84 laakh ka nahin। is chakra ko yaad karne se tum chakravarti raaja bante ho। ab baap kehte hain maamekam yaad karo। deh sahit deh ke sabhi sambandhon ko bhool jaao। ab tumhaara yeh antim janma hai। jab tak yeh baat buddhi mein nahin aai hai tab tak samjhenge nahin। yeh puraana shareer, puraani duniya hai। yeh deh to khalaas ho jaani hai। kahaavat bhi hai aap muye mar gai duniya। yeh purushaartha ka thoda sa sangam ka samay hai। bachche poochhte hain baba yeh gyaan kab tak chalega? jab tak bhavishya daivi raajdhaani sthaapan ho jaaye tab tak sunaate hi rahenge। imtihaan poora hoga phir transfer honge nai duniya mein। jab tak shareer ko kuchh na kuchh hota rehta hai। yeh shaareerik rog bhi karmabhog hai। baba ka yeh shareer kitna priy hai। to bhi khaansi aadi hoti hai to baba kehte hain yeh tumhaare organs puraane ho gaye hain isliye takleeph hoti hai। ismen baba madad kare, yeh ummeend nahin rakhni chaahiye। devaala nikla, beemaar hua baap kahenge yeh tumhaara hi hisaab-kitaab hai। haan, phir bhi yog se aayu badhegi, tumko hi phaayda hai। apni mehnat karo, kripa nahin maango। baap ki yaad mein kalyaan hai। jitna ho sake yogbal se kaam lo। gaate hain na - mujhe palkon mein chhipa lo.. priy cheez ko noore ratna, praan pyaari kehte hain। yeh baap to bahut priy hai, parantu hai gupta isliye lav poora thaharta nahin। nahin to unke liye lav aisa hona chaahiye jo baat mat poochho। bachchon ko to baap palkon mein chhipa lete hain। palken koi yeh okhen nahin, yeh to buddhi mein yaad rakhna hai ki yeh gyaan hamko kaun de rahe hain? most beloved niraakaar baap, jiski hi mahima hai - patit-paavan, gyaan ka saagar, sukh ka saagar, unko phir sarvavyaapi kah dete hain। to phir har ek manushya gyaan ka saagar, sukh ka saagar hona chaahiye। parantu nahin, har aatma ko apna avinaashi part mila hua hai। yeh hain bahut gupta baaten। pahle to baap ka parichay dena hai। paarlaukik baap svarga ki rachna rachte hain। satayug sachkhanda mein devi-devtaaon ka raajya hota hai, jo nai duniya baap rachte hain। kaise rachte hain so tum bachche jaante ho। kehte hain main aata hi hoon patiton ko paavan banaane। to patit srishti mein aakar paavan banaana pade na। gaate bhi hain brahma dvaara sthaapna। to unke mukh dvaara gyaan sunaate aur shreshtha karma sikhlaate hain। bachchon ko kehte main tumko aise karma sikhlaata hoon jo vahaan tumhaare karma vikarma nahin honge kyonki vahaan maaya hai hi nahin isliye tumhaare karma akarma ban jaate hain। yahaan maaya hai isliye tumhaare karma vikarma hi banenge। maaya ke raajya mein jo kuchh karenge ulta hi karenge।

ab baap kehte hain mere dvaara tum sab kuchh jaan jaate ho। woh log saadhna aadi karte hain - paramatma se milne ke liye, anek prakaar ke hathayog aadi sikhaate hain। yahaan to bas ek baap ko yaad karna hai। mukh se shiv-shiv bhi nahin kehna hai। yeh buddhi ki yaatra hai। jitna yaad karenge utna roodra maala ka daana banenge, baap ke najdeek aayenge। shivbaaba ke gale ka haar banna ya roodra maala mein najdeek aana, uski hai race। chart rakhna hai to ant mati so gati ho jaae। deh bhi yaad na pade, aisi avastha chaahiye।

baap kehte hain ab tumko heere jaisa janma mila hai। to mere laadle bachche, neend ko jeetne vaale bachche, kam se kam 8 ghante meri yaad mein raho। abhi woh avastha aai nahin hai। chart rakho ham saare din mein kitna samay yaad ki yaatra par chalte hain। kahaan khade to nahin ho jaate hain। baap ko yaad karne se varsa bhi buddhi mein rahega। pravritti maarga hai na। number one hai baap ka sthaapan kiya hua - svarga ka devi-devta dharma। baap raajayog sikhlaakar svarga ka maalik banaate hain, phir yeh gyaan praayahlop ho jaata hai। to phir yeh gyaan shaastron mein kahaan se aaya? raamaayan aadi to peechhe banaai hai। saari duniya hi lanka hai। raavan ka raajya hai na। bandar jaise manushyon ko pavitra mandir laayak banaakar raavan raajya ko khatma kar dete hain। sadgati daata baap gyaan dete hain sadgati ke liye। unko sadgati karni hai ant mein।

ab baap kehte hain bachche aur sabko chhod ek mere se suno। main kaun hoon, pahle yeh nishchay chaahiye। main tumhaara vahi baap hoon। main tumko phir se sabhi vedon shaastron ka saar sunaata hoon। yeh gyaan to baap sammukh dete hain। phir to vinaash ho jaata hai। phir jab dvaapar mein khojte hain to vahi geeta aadi shaastra nikal aate hain। bhakti maarga ke liye zaroor vahi saamagri chaahiye। jo abhi tum dekhte ho, auron ka gyaan to parampara se chala aata hai। yeh gyaan to yahaan hi khatma ho jaata hai। baad mein jab khojte hain to yahi shaastra aadi haath mein aate hain, isliye inko anaadi kah dete hain। dvaapar mein sab vahi shaastra nikalte hain। tab to main aakar phir se sabhi ka saar sunaata hoon, phir vahi repetition hogi। koi repetition ko maante hain, koi kya kehte। anek maten hain। world ki history-geography to tum bachche hi jaante ho, aur koi jaan na sake। unhonne to kalpa ki aayu laakhon varsha kar di hai। aise bhi bahut log kehte hain ki mahaabhaarat yuddha ko 5 hajaar varsha hue। yeh phir se vahi ladaai hai। to zaroor geeta ka bhagwan bhi hoga! agar krishna ho to woh phir mor mukutdhaari chaahiye। krishna to satayug mein hi hota hai। vahi krishna to ab ho na sake। inke doosre janma mein bhi vahi kala nahin rehti। 16 kala se 14 kala banna hai to janma by janma thoda-thoda farka padta jaayega na। aise to mor mukutdhaari bahut hain। krishna jo pahla number 16 kala sampoorn hai, unki to punarjanma se thodi-thodi kala kamti hoti jaati hai। yeh bahut guhya raaz hai।

baap kehte hain aise nahin chalte-phirte, ghoomte samay ganvaao। yahi kamaai ka samay hai। jinke paas dhan bahut hai woh to samajhte hain hamaare liye yahin svarga hai, baap kehte bhal yeh svarga tumko mubaarak ho। baap to gareeb nivaaz hai। gareebon ko daan dena hai। gareebon ko surrender hona sahaj hota hai। haan, koi birla saahookaar bhi nikalta hai। yeh bahut samajhne ki baaten hain। deh ka bhaan bhi chhodna hai। yeh duniya hi khatma honi hai, phir ham baba ke paas chale jaayenge। srishti nai ban jaayegi। koi to advance mein bhi jaayenge। shreekrishna ke maa baap bhi to advance mein jaane chaahiye, jo phir krishna ko god mein lenge। krishna se hi satayug shuru hota hai। yeh badi guhya baaten hain। yeh to samajh ki baat hai - kaun maa baap banenge? kaun second number mein aane laayak hain। service se bhi tum samajh sakte ho। luck se bhi koi gallop kar aage aa jaate hain। aise ho raha hai, pichhaadi vaale bahut first-class service kar rahe hain। roop basanta tum bachche ho। baap ko bhi basanta kaha jaata hai। hai to star। itna bada to hai nahin। param aatma maana paramatma। aatma ka roop koi bada nahin hai। lekin manushya kahaan moojhen nahin isliye bada roop dikhaaya hai। oonche te ooncha hai shivbaaba। phir hai-brahma vishnu shankar। brahma bhi vyakta se avyakt banta hai aur koi chitra hai nahin। vishnu ke do roop lakshmi-naaraayan bante hain। shankar ka part sookshm vatan tak hai। yahaan sthool srishti par aakar part bajaane ka nahin hai, na paarvati ko amraktha sunaate hain। yeh sab bhakti maarga ki kathaayen hain। yeh shaastra phir bhi niklenge। unmein kuchh aate mein namak jitna sach hai। jaise shreemat bhagvat geeta akshar right hai। phir kah dete shreekrishna bhagwan.. yeh bilkul wrong। devtaaon ki mahima alag, oonch te oonch hai hi parampita paramatma। jisko sab yaad karte hain, unki mahima alag hai। sab ek kaise ho sakte hain। sarvavyaapi ka arth hi nahin nikalta।

tum ho roohaani salvation army, parantu gupta ho। sthool hathiyaar aadi to ho na saken। yeh gyaan ke baan, gyaan kataari ki baat hai। mehnat hai, pavitrata mein। baap se poori pratigya karni hai। baba ham pavitra ban svarga ka varsa zaroor lenge। varsa bachchon ko hi milta hai। baap aakar aasheervaad karte hain, maaya raavan to shraapit karti hai। to aise most beloved baap ke saath kitna pyaar chaahiye। bachchon ki nishkaam seva karte hain। patit duniya, patit shareer mein aakar tum bachchon ko heere jaisa banaae khud nirvaandhaam mein baith jaate hain। is samay tum sabki vaanaprastha avastha hai isliye baba aaya hai sabki jyoti jag jaati hai to sab meethe ban jaate hain। baba jaisa meetha banna hai। gaate hain na - kitna meetha kitna pyaara.. lekin baba kitna nirhankaar se tum bachchon ki seva karte hain। tum bachchon ko bhi itni return service karni chaahiye। yeh hospital kam university to ghar-ghar mein honi chaahiye। jaise ghar-ghar mein mandir banaate hain। tum bachchiyaan 21 janma ke liye health wealth deti ho shreemat par। tum bachchon ko bhi shreemat par chalna hai। kahaan apni mat dikhaai to takdeer ko lakeer lag jaayegi। kisko duhkh mat do। jaise mahaarthi bachche service kar rahe hain vaise follow karna hai। takhtansheen banne ka purooshaartha karna hai। achha !

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan nirhankaari ban seva karni hai। baap ki jo seva le rahe hain uska dil se return dena hai, bahut meetha banna hai।

2) chalte phirte apna samay nahin ganvaana hai.. shivbaaba ke gale ka haar banne ke liye race karni hai। deh bhi yaad na pade..... iska abhyaas karna hai।

vardaan:- drama ke har raaz ko jaan sada khush-raazi rahne vaale knowledgeful, trikaaldarshi bhav

jo bachche knowledgeful, trikaaldarshi hain ve kabhi naaraaz nahin ho sakte। bhal koi gaali bhi de, insult kar de to bhi raazi, kyonki drama ke har raaz ko jaanne vaale naaraaz nahin hote। naaraaz vo hota hai jo raaz ko nahin jaanta hai, isliye sadaiv yeh smriti rakho ki bhagwan baap ke bachche bankar bhi raazi nahin honge to kab honge! to abhi jo khush bhi hain, raazi bhi hain vahi baap ke sameep aur samaan hain।

slogan:- jo vyartha se innocent rehta hai vahi sachcha-sachcha saint (mahaatma) hai।