Daily Murli for Tuesday 5 July 2022

05-07-2022 praatahmurli om shanti "baapdaada"' madhuban

“meethe bachche - amritvele uth baap ki yaad ka ghrit roz daalo, to aatma roopi jyoti sada jagi rahegi''

prashn:- kaun sa ek kartavya bachchon ka hai, baap ka nahin?

uttar:- bachche kehte hain baba phalaane sambandhi ki buddhi ka taala kholo… baba kehte yeh dhandha mera nahin। yeh to tum bachchon ka kartavya hai। tumhaari buddhi ka taala khula hai to tum auron ka bhi taala khol svarga mein chalne ke laayak banaao arthaat sabko mukti aur jeevanmukti ki raah bataao।

geet:- jaag sajniyaan jaag…

om shanti। tum jage hue bachche baithe ho phir auron ko jagaana hai। agyaan neend se jagaana hai। tum jaage ho so bhi nambarvaar kyonki ghadi-ghadi bhool jaate ho। jagaane vaala kehte hain sajniyaan bhool na jaao। yeh yaad ka ghrit hai। manushya marte hain to deeve mein ghrit daalte rehte hain ki deeva bujh na jaaye। baap kehte hain bachche yaad karte raho। yeh yaad karne ke liye, ghrit daalne ke liye savere ka time bahut achha hai। savere yaad karenge to woh yaad bahut samay kaayam rahegi। tumhaara deeva bujha hua hai। ab yaad se apna deeva jagaate ho। tumhaara deeva jagta rehta hai। satayug se treta tak jagta rahega, isko deepmaala kehte hain। rudra maala aur deep maala baat ek hi hai। yaad to shivbaaba ko hi karna hai na। tum asul mein rudra maala ke moti to ho na arthaat nirvaandhaam mein rahne vaale ho। use shivbaaba ka dhaam, roodradhaam bhi kah sakte hain। bachche jaante hain baba ke paas humein jaana hai। yaad se deepak jagta jaayega। yeh shri arthaat shreshtha mat milti hai। gaaya hua bhi hai shreemat mili thi, to shreshtha satya dharma ki sthaapna hui thi। ab tumhaara bada jhunda hai। nambarvaar jitna jaagte hain utna jaga sakte hain। deeve ko jagaane ke liye savere uthna padta hai। ghrit daalna padta hai, ismen koi takleeph nahin। baap ko yaad karna yahi ghrit daalte rehna hai। aatma paavan hoti rehti hai। aatma pahle patit thi arthaat aatma ki jyoti bujhi hui thi। ab baap ko yaad karne se jyot jagegi aur vikarma vinaash hote rahenge arthaat paavan bante rahenge। abhi aatma par agyaan ka par-chhaaya pada hua hai। baap hi sabse bada surgeon bhi hai। koi sthool davaai aadi daalne ke liye nahin dete hain। sirf kehte hain maamekam yaad karo। is yaad mein sab davaaeeyaan aa jaati hain। yaad se hi tandaroosta ban jaate hain bhavishya janma-janmaantar ke liye। vo yog to bahut kisam-kisam ke sikhlaate hain, usse bahut pahalvaan bhi bante hain। mehnat karte hain।

abhi tum mahaaveer bante ho। pavitrata ko hi mahaaveerta kaha jaata hai। isse aayu bhi bahut badi ho jaati hai। baap ki yaad se taakat milti jaati hai। baap samjhaate hain tumko pavitra duniya ka maalik banna hai to yeh antim janma pavitra bano। sannyaasi bhi 5 vikaaron ka sannyaas karte hain। parantu woh to bahut door jangal mein chale jaate hain। yahaan tumko grihastha vyavhaar mein rehte 5 vikaaron ka sannyaas karna hai। tum jaante ho is sannyaas se praapti bahut bhaari hai। unko to kuchh bhi pata nahin ki humein mukti milegi va kya hoga। punarjanma mein to unko aana hi hai। tumko to is mrityu-lok mein aana hi nahin hai। tumko jaana hai amarpuri mein। farka ho gaya na। bhal sannyaasi log kitne bhi hathayog aadi karen phir bhi unhon ko mrityulok mein rehna hi hai। tum bachchon ko is mrityulok se jaana hai amarlok mein, isliye mehnat karni padti hai, jis mehnat se woh darte hain। samajhte hain grihastha vyavhaar mein rah ham yogi nahin ban sakte। unko kuchh pata hi nahin hai, sannyaas se kya milega? koi em object hi nahin hai, tumhaare paas em object hai। vo thode hi kahenge ham nai duniya mein jaayenge। woh to muktidhaam mein jaayenge, parantu unko pata hi nahin hai। tum to raajaai mein oonch pad paane ke liye purushaartha karte ho। ismen purushaartha poora karna hai, aasheervaad va kripa ki baat hi nahin hai। aise nahin ki hamaare pati ki buddhi ka taala khule, aasheervaad karo। kya ham sabhi ka taala khol denge? tum bachchon ki buddhi ka taala khul jaata hai phir bhi mehnat tumko karni hai। baba kiska taala kholte nahin hain। draamaanusaar jin bachchon ko shoodra se brahman banna hai, unhon ko aana hi hai। jinka kalpa pahle taala khula hoga, unka hi khulega। haan shubhchintak ho raay di jaati hai। taras to padta hai na ki yeh bhi saahookaar ban jaaye। taala khule to svarga mein chale jaayen। yeh bhi svarga ke maalik ban jaayen। yeh tumhaara dhandha hai। unka hai had ka sannyaas। tumhaara hai behad ka sannyaas। tum behad ka raajya maangate ho। woh behad ki mukti maangate hain। woh mukti bhi aisi hai jaise tumhaari jeevanmukti hai। hamesha ke liye mukti to ho nahin sakti। punarjanma lena hi hai। bachche jaante hain pahle jab vahaan se aate hain to punarjanma phir bhi achha satopradhaan milta hai phir rajo tamo mein aa jaate hain। tum sabse oonch biraadri ke ho। pahle-pahle aadi sanaatan devi-devta dharma ki biraadri hai। phir anek prakaar ke dharma ke stambha nikalte hain। woh sab peechhe aane vaale hain। tumhaari buddhi mein yeh sab baaten rahni chaahiye। ham brahman hain, woh shoodra hain। ham shiksha paakar tamopradhaan se satopradhaan ho rahe hain। kaun banaate hain? jo ever satopradhaan hain woh kabhi rajo tamo mein nahin aate। hamko bana rahe hain। har ek ko mehnat karni hai। tumhaari mehnat se automatically tumko hi oonch pad milta hai। har ek apni raajdhaani ko sambhaalte ho। tumko madad dene vaala ek hi behad ka baap hai। woh sahaj yukti bataate hain। iska naam hi hai sahaj raajayog, jisse daivi svaraajya milta hai। sva arthaat aatma ko hi raajya milta hai। aatma kehti hai abhi ham beggary shareer mein hain। phir prince ka shareer milega। tum aatmaayen yahaan baithi ho, jiske paas jaana hai, usko hi yaad karna hai। guru log mantra dete rehte hain। yahaan baba ka mantra koi aur dene vaala nahin hai। baap ek hi mantra dete hain, main tumhaara niraakaar baap hoon। tumhaara teacher bhi hoon, patit-paavan guru bhi hoon। hoon to niraakaar, yeh bhi nishchay chaahiye। hamaara baap patit-paavan niraakaar gyaan ka saagar hai। raajayog se hamko mahaaraaja mahaaraani banaate hain। behad ka varsa dete hain। 100 pratishat sampattivaan bhav, aayushvaan bhav। devtaaon jitni aayu koi ki nahin hoti। putravaan bhav, tumhaara kul chalta hai। tum jaante ho vahaan vikaar ho nahin sakta। aatma ko apni knowledge hai। ham abhi jaakar bachcha banenge phir javaan ho boodhe banenge। phir doosra shareer lenge। vahaan ki rasam rivaaj aur, yahaan ki rasam-rivaaj aur hai। baap hi samjha sakte hain। roz kehte hain bachchon jeev ki aatmaon, jeev bigar sunaayenge kaise? yeh yaad rakhna hai। ham aatmaon ko parampita paramatma samjha rahe hain। parantu yeh bhi bhool jaata hai। abhi tum practical mein baithe ho। yeh bhi jaante ho janma-janmaantar phaaltu kathaayen sunte aaye hain। kitni geetaayen pustak sunte aaye hain। abhi hai sangamayug। sangamayug ka arth hi hai puraani duniya ka vinaash, nai duniya ki sthaapna, isliye isko auspicious, kalyaankaari sangamayug kaha jaata hai। sangamayug ko bhoolne se apni raajdhaani ko bhool jaate hain। bhal tum pradarshani aadi rakhte ho, phir bhi koi ki buddhi mein nahin baithta। itna kehte hain ki yahaan eeshvar ko paane ki samjhaani bahut achhi hai। bas। yahi nahin samajhte ki eeshvar padhaate hain। koi virle ko nishchay baithta hai, jo kehte ki barobar theek hai। ham bhi samajhte hain padhaane vaala parampita paramatma hai। jaise bheeshmapitaamah aadi ne pichhaadi mein maana hai ki paramatma inhon ko padhaate hain। pichhaadi mein yeh gyaan aayega। bhal pradarshani mein hajaaron aate hain parantu yeh kisko bhi samajh mein nahin aata ki tumko niraakaar parampita paramatma padhaate hain। kehte hain yeh baat hamko samajh mein nahin aati। niraakaar kaise padhaayenge? achha ham aakar samjhenge, kahkar phir aayenge nahin। aise bhi hote hain। kitna tum samjhaate ho chalo ham tumko svarga ki baadshaahi den, to bhi maante nahin। sapling lagti hai। baap samjhaate hain tumko bhakton ko samjhaana sahaj hoga। tum sarvavyaapi kehte ho to poojte kyon ho? yeh to jad hai, tum to chaitanya ho। tum bade ho gaye na। samjhaana hai behad ka baap to ek hi hai, unki hi mahima hai। woh manushya srishti ka beej roop patit-paavan hai। duniya patit hai, unko patit se paavan banaane vaala ek hi baap hai। zaroor sangam par hi aata hoga। ab aaye hain, kehte hain mujhe yaad karo to tumhaare vikarma vinaash honge। geeta mein akshar hain parantu krishna ka naam likhne se buddhi thaharti nahin hain। tum jaante ho yeh gyaan hai bahut sahaj, parantu vighna padte rehte hain। mitra-sambandhi aadi sab vighna daalenge। ham inko is taraph kheenchate hain woh phir us taraph kheenchate hain। badi janjeeren hain। baap samjhaate hain yeh kaise ho sakta hai। shivbaaba to gyaan ka saagar, sukh ka saagar hai। kuchh to kiya hoga na। svarga sthaapan karne vaala hai। sirf kehta hoon mere ko yaad karo। krishna to kah na sake। samjhaane ke liye badi mehnat chaahiye, thakna nahin hai। bahuton se mehnat pahunchti nahin hai। bahaane bahut lagaate hain। baba koi takleeph nahin dete hain। bhal bachchon ko sambhaalo, bhojan banaao। sirf shivbaaba ki yaad mein raho। achha din mein time nahin milta hai, amritvele to yaad karo। kehte hain raam simar prabhaat more man। aatma kehti hai prabhaat mein apne baap ko yaad karo। baba bhi yahi kehte hain neend bhi time par karni chaahiye। poora chart rakhna hai। savere uth sakte ho। is par ek kahaavat bhi sindhi mein hai - savere sona, savere uthna... (jaldi sona, jaldi uthna) abhi tum aklamand bante ho। saara chakra buddhi mein hai। tumhein koi bhi duhkh nahin mil sakta। kitna tum shaahon ke shaah ban jaate ho। paise ki kabhi koi takleeph nahin hoti aur healthy bhi bante ho। yeh sab gun abhi tum shivbaaba se paate ho। barobar tum healthy wealthy aur happy bante ho। yeh bhi tum jaante ho holi, deepaavli aadi yeh sab abhi ki baaten hain, jo yaadgaar mein aa jaati hain। to savere uthkar baap ko yaad karna bada achha hai। yaad ko badhaate raho।

bachchon ne geet bhi suna - jaago aur jagaao agyaan neend se। grihastha vyavhaar mein rehte kisko baap ka parichay do। woh phir likhe bhi ki baba, phalaane dvaara ham aapko jaan gaye hain। abhi to ham aapke hi hokar rahenge, aapse varsa zaroor lenge। aapke hi the, aisi chitthi aave tab service ka saboot mile। patra dekh baba khush honge। baaki sirf class se hi hokar aana yeh to puraani chaal ho gai।। jaise aur satsangon mein niyam se jaate hain। tumko to ek-ek ko achhi reeti samjhaana hai। yeh bahut oonchi padhaai hai। yeh gyaan saagar se kitni achhi knowledge milti hai। mehnat chaahiye samjhaane ki। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yaad ka abhyaas badhaana hai। is yaatra mein kabhi thakna va bahaana nahin dena hai। yaad ka poora-poora chart rakhna hai। bhojan bhi shivbaaba ki yaad mein banaana va khaana hai।

2) buddhi se behad ka sannyaas karna hai। is chhi-chhi duniya ko buddhi se tyaag dena hai। baap dvaara jo mantra mila hai vahi sabko dena hai। jage hain to jagaana bhi hai।

vardaan:- har second, har kadam shreemat par accurate chalne vaale eemaandaar, vaphaadaar bhav

har karma mein, shreemat ke ishaare pramaan chalne vaali aatma ko hi honest arthaat eemaandaar aur vaphaadaar kaha jaata hai। brahman janma milte hi divya buddhi mein baapdaada ne jo shreemat bhar di hai, honest aatma har second har kadam usi pramaan accurate chalti rehti hai। jaise science ki shakti dvaara kai cheejen ishaare se automatic chalti hain, chalaana nahin padta, chaahe light dvaara, chaahe vibration dvaara switch on kiya aur chalta rehta hai। aise hi honest aatma silence ki shakti dvaara sada aur svatah chalte rehte hain।

slogan:- jahaan chinta hai vahaan chain nahin ho sakta hai।