Daily Murli for Monday 9 January 2023

09-01-2023 praatahmurli om shanti "baapdaada"' madhuban

“meethe bachche - marjeeva bane ho to sab kuchh bhool jaao, ek baap jo sunaate hain, vahi suno aur baap ko yaad karo, tumheen sang baithoon''

prashn:- sadgati daata baap bachchon ki sadgati ke liye kaun si shiksha dete hain?

uttar:- baba kehte - bachche sadgati mein jaane ke liye ashareeri ban baap aur chakra ko yaad karo। yog se tum ever healthy, nirogi ban jaayenge। phir tumhein koi bhi karma kootne nahin padenge।

prashn:- jinki takdeer mein svarga ke sukh nahin hain, unki nishaani kya hogi?

uttar:- woh gyaan sunne ke liye kahenge hamaare paas phursat hi nahin hai। vo kabhi brahman kul ke bhaati nahin banenge। unhein pata hi nahin padega ki bhagwan bhi kisi roop mein kabhi aate hain।

geet:- tumhaare bulaane ko ji chaahta hai…

om shanti। bhagwan baith bhakton ko samjhaate hain। bhakta hain bhagwan ke bachche। sabhi hain bhakta, baap hai ek। to bachche chaahte hain ek janma to baap ke saath bhi rahkar dekhen। devtaaon se bhi bahut janma beete। aasuri sampradaay ke saath bhi bahut janma beete। ab bhakton ki dil hoti hai - ek janma to bhagwan ke bankar bhagwan ke saath rahkar dekhen। abhi tum bhagwan ke bane ho, marjeeva bane ho to bhagwan ke saath rehte ho। yeh jo amoolya antim jeevan hai ismen tum parampita paramatma ke saath rehte ho। gaayan bhi hai - tumheen se khaaoon, tumheen se baithoon, tumheen se sunoon...। jo marjeeva bante hain unke liye yeh janma saath rehna hota hai। yeh ek hi hai oonche te ooncha janma। baap bhi ek hi baar aate hain, phir to kabhi aa nahin sakenge। ek hi baar aakar bachchon ki sarva kaamnaayen poorn kar lete hain। bhaktimaarga mein maangate bahut hain। saadhu-santa, mahaatmaaon, devi-devtaaon aadi se aadhaakalpa se maangate rehte hain aur doosra jap, tap, daan, punya aadi bhi janma by janma karte hi aaye hain। kitne shaastra padhte hain। anekaanek shaastra magazine aadi banaate thakte hi nahin। samajhte hain inse hi bhagwan milega, parantu ab baap khud kehte hain - tum janma-janmaantar jo kuchh padhe ho aur ab yeh jo kuchh shaastra aadi padhte ho, inse koi meri praapti nahin hogi। bahut kitaab aadi hain। Christian log bhi kitna seekhte hain। anek bhaashaaon mein bahut kuchh likhte hi rehte hain। manushya padhte hi rehte hain। ab baap kehte hain jo kuchh padhe ho woh sab bhool jaao athva buddhi se maar do। bahut kitaab padhte hain। kitaabon mein hai phalaana bhagwan hai, phalaana avtaar hai। ab baap kehte hain main khud aata hoon, to jo mere bante hain unko main kehta hoon in sabko bhool jaao। saare duniya ki aur tumhaari buddhi mein jo baat nahin thi, woh ab main tumko sunaata hoon। ab tum bachche samajhte ho barobar baba jo samjhaate hain woh koi shaastra aadi mein hai nahin। baap bahut guhya aur ramneek baaten samjhaate hain। drama ke aadi-madhya-ant, rachta aur rachna ka saara samaachaar tumko sunaate hain। phir bhi kehte hain achha jaasti nahin to do akshar hi yaad karo - manamnaabhav, madhyaaji bhav। yeh akshar to bhaktimaarga ki geeta ke hain, parantu baap iska arth achhi reeti samjhaate hain। bhagwan ne to sahaj raajayog sikhaaya hai, kehte hain sirf mujh baap ko yaad karo। bhakti mein bhi bahut yaad karte the। gaate bhi hain duhkh mein sumiran sab karen.. phir bhi kuchh samajhte nahin। zaroor satayug treta mein sukh ki duniya hai to yaad kyon karenge? ab maaya ke raajya mein duhkh hota hai tab baap ko yaad karna hota hai aur phir satayug mein athaah sukh bhi yaad aata hai। us sukh ki duniya mein vahi the, jinhonne baap se sangamayug par raajayog aur gyaan seekha tha। bachchon mein dekho - hain kaise anpadh। unhon ke liye to aur hi achha hai, kyonki kahaan bhi buddhi jaati nahin hai। yahaan to sirf chup rehna hai। mukh se bhi kuchh nahin kehna hai। sirf baba ko yaad karte raho to vikarma vinaash honge। phir saath le jaaoonga। yeh baaten kuchh na kuchh geeta mein hain। praacheen bhaarat ka dharma shaastra hai hi ek। yahi bhaarat naya tha, ab puraana hua hai। shaastra to ek hi hoga na। jaise Bible ek hai, jab se Christian dharma sthaapan hua hai to ant tak unka shaastra ek hi hai। Christ ki bhi bahut mahima karte hain। kehte hain usne pees sthaapan ki। ab usne to aakar Christian dharma ki sthaapna ki, usmein pees ki to baat hi nahin। jo aate hain unki mahima karte rehte hain kyonki apni mahima ko bhoole hue hain। bauddha, Christian aadi apne dharma ko chhod auron ki mahima nahin karenge। bhaaratvaasiyon ka apna dharma to hai hi nahin। yeh bhi drama mein noondha hua hai। jab bilkul hi naastik ban jaate hain tab hi phir baap aate hain।

baap samjhaate hain bachche school aadi mein jo kitaaben padhaai jaati hain unmein phir bhi em-object hai। phaayda hai, kamaai hoti hai। martaba milta hai। baaki shaastra aadi jo padhte hain, usko andhashraddha kaha jaata hai। padhaai ko kabhi bhi andha-shraddha nahin kahenge। aise nahin ki andhashraddha se padhte hain। padhaai se barrister, engineer aadi bante hain, usko andhashraddha kaise kahenge। yeh bhi paathshaala hai। yeh koi satsang nahin। likha hai eeshvareey vishwa vidyaalay। to samajhna chaahiye zaroor eeshvar ka bahut bhaari vidyaalay hoga। so bhi vishwa ke liye hai। sabhi ko paigaam bhi dena hai ki deh sahit sabhi dharmo ko chhod apne svadharma mein tiko, phir apne baap ko yaad karo to ant mati so gati ho jaayegi। apna chart likhna hai, kitna samay ham yog mein rehte hain। aise nahin har ek regular chart likhenge। nahin, thak jaate hain। vaastav mein kya karna hai? roz apna munh aaine mein dekhna hai, to pata padega ki ham lakshmi ko va seeta ko varne laayak hain va praja mein chale jaayenge? purushaartha teevra karaane ke liye chart likhne ko kaha jaata hai aur dekh bhi sakte hain ki hamne kitna samay shivbaaba ko yaad kiya? saari dincharya saamne aa jaati hai। jaise chhotepan se lekar saare aayu ki jeevan yaad rehti hai na! to kya ek din ka yaad nahin padega। dekhna hai ham baba ko aur chakra ko kitna samay yaad karte hain? aisi practice karne se roodra maala mein pirone ke liye daudi jalda pahnenge। yeh hai yog ki yaatra, jisko aur koi jaante nahin to sikha kaise sakte। tum jaante ho ab baba ke paas lautna hai। baba ka varsa hai hi raajaai isliye is par naam pada hai raajayog।

tum sab raajarishi ho। woh hain hathayog rishi। woh bhi pavitra rehte hain। raajaai mein to raaja raani praja sab chaahiye। sannyaasiyon mein to raaja raani hain nahin। unhon ka hai had ka vairaagya, tumhaara hai behad ka vairaagya। woh gharbaar chhod phir bhi is vikaari duniya mein hi rehte hain। tumhaare liye to is duniya ke baad phir hai svarga, daivi bageecha। to vahi yaad padega। yeh baat tum bachche hi buddhi mein rakh sakte ho। bahut hain jo chart likh bhi nahin sakte। chalte-chalte thak padte hain। baba kehte hain - bachche apne paas note karo ki kitna samay most beloved baba ko yaad kiya? jis baap ki yaad se hi varsa lena hai। jab raajaai ka varsa lena hai to praja bhi banaani hai। baba svarga ka rachayita hai to unse kyon nahin svarga ka varsa milna chaahiye। bahut hain jinko svarga ka varsa milta hai। baaki ko shanti milti hai। baap sabhi ko kehte hain bachche deh sahit deh ke sabhi sambandhon ko bhoolo। tum ashareeri aaye the, 84 janma bhoge ab phir ashareeri bano। Christian dharma vaalon ko bhi kahenge tum Christ ke pichhaadi aaye ho। tum bhi bigar shareer aaye the, yahaan shareer lekar part bajaaya, ab tumhaara bhi part poora hota hai। kaliyug ka ant aa gaya hai। ab tum baap ko yaad karo, muktidhaam vaale sunkar bahut khush honge। woh chaahte hi mukti hain। samajhte hain jeevanmukti (sukh) paakar phir bhi to duhkh mein aayenge, isse to mukti achhi। yeh nahin jaante ki sukh to bahut hai। ham aatmaayen paramdham mein baap ke saath rahne vaali hain। parantu paramdham ko ab bhool gaye hain। kehte hain baap aakar sabhi messengers ko bhejte hain। vaastav mein koi bhejta nahin hai। yeh sab drama bana hua hai। ham to saare drama ko jaan gaye hain। tum bachchon ki buddhi mein baap aur chakra yaad hai, to tum chakravarti raaja avashya banenge। manushya to samajhte hain yahaan duhkh bahut hai isliye mukti chaahte hain। yeh do akshar gati aur sadgati chale aate hain। parantu inka arth koi bhi nahin jaante। tum bachche jaante ho sabka sadgati daata ek baap hi hai, baaki sab patit hain। duniya hi saari patit hai। in aksharon par bhi koi-koi bigadte hain। baap kehte hain is shareer ko bhool jaao। tumko ashareeri bheja tha। ab bhi ashareeri hokar mere saath chalna hai। isko knowledge athva shiksha kaha jaata hai। is shiksha se hi sadgati hoti hai। yog se tum ever healthy bante ho। tum satayug mein bahut sukhi the। koi cheez ki kami nahin thi। duhkh dene vaala koi vikaar nahin tha। mohjeet raaja ki katha sunaate hain। baba kehte hain main tumko aise karma sikhaata hoon, jo tumko kabhi karma kootne nahin padenge। vahaan aisi thandi bhi nahin hogi। abhi to 5 tatva bhi tamopradhaan hain। kabhi bahut garmi, kabhi bahut thandi। vahaan aisi aapdaayen hoti nahin। sadaiv basanta ritu rehti hai। nature satopradhaan hai। abhi nature tamopradhaan hai। to achhe aadmi kaise ho sakte। itne bade-bade bhaarat ke maalik sannyaasiyon ke peechhe phirte rehte hain। unke paas bachchiyaan jaati hain to kehte hain phursat nahin। isse samajh jaate hain ki inki takdeer mein svarga ke sukh nahin hain। brahman kul ke bhaati bante hi nahin, inko pata hi nahin ki bhagwan kaise aur kab yahaan aate hain! shiv jayanti manaate hain parantu shiv ko sabhi bhagwan nahin samajhte hain। agar unko parampita paramatma samajhte to shiv jayanti ke din holiday manaate। baap kehte hain mera janma bhi bhaarat mein hota hai। mandir bhi yahaan hain। zaroor kisi shareer mein pravesh kiya hoga। dikhaate hain daksha prajaapti ne yagya racha। to kya usmein aaya hoga! aise bhi nahin kehte। shreekrishna to hota hi hai satayug mein। baap khud kehte hain mujhe brahma mukh dvaara brahman vanshaavli rachni hai। koi ko yeh bhi tum samjha sakte ho, baba kitna sahaj samjhaate hain sirf yaad karo। parantu maaya itni prabal hai jo yaad karne nahin deti। aadhaakalpa ki dushman hai। is dushman par hi jeet paani hai। bhakti maarga mein manushya thandi mein snaan karne jaate hain। kitne dhakke khaate hain। duhkh sahan karte hain। yahaan to paathshaala hai, padhna hai, ismen dhakke khaane ki to koi baat hi nahin। paathshaala mein blind faith ki to baat nahin। manushya to bahut blind faith mein phanse hue hain। kitne guru aadi karte hain। parantu manushya to kabhi manushya ki sadgati kar nahin sakte। jo bhi manushyon ko guru banaate hain, woh blind faith hua na। aajkal chhote bachchon ko bhi guru karaate hain। nahin to kaayda hai vaanaprastha mein guru karne ka। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) teevra purushaartha ke liye yaad ka chart zaroor rakhna hai। roz aaine mein apna munh dekhna hai। check karna hai - ham most beloved baap ko kitna samay yaad karte hain!

2) jo kuchh padha hai woh bhi bhool chup rehna hai। mukh se kuchh bhi kehna nahin hai। baap ki yaad se vikarma vinaash karne hain।

vardaan:- har baat mein mukh se va man se baba-baba kah main pan ko samaapta karne vaale saphalta moorta bhav

aap anek aatmaon ke umang-utsaah ko badhaane ke nimitta bachche kabhi bhi main pan mein nahin aana। mainne kiya, nahin। baba ne nimitta banaaya। main ke bajaae mera baba, maine kiya, maine kaha, yeh nahin। baba ne karaaya, baba ne kiya to saphaltaamoorta ban jaayenge। jitna aapke mukh se baba-baba niklega utna anekon ko baba ka bana sakenge। sabke mukh se yahi nikle ki inki taat aur baat mein bas baba hi hai।

slogan:- sangamayug par apne tan-man-dhan ko saphal karna aur sarva khajaanon ko badhaana hi samajhdaari hai।