Daily Murli for Monday 23 January 2023

23-01-2023 praatahmurli om shanti "baapdaada"' madhuban

“meethe bachche - pavi-trata bina bhaarat svarga ban nahin sakta, tumhein shreemat hai ghar grihastha mein rehte pavitra bano, donon taraph tod nibhaao''

prashn:- doosre satsangon va aashramon se yahaan ki kaun si rasam bilkul nyaari hai?

uttar:- un aashramon mein manushya jaakar rehte hain samajhte hain - sang achha hai, ghar aadi ka hangaama nahin hai। em-object kuchh nahin। parantu yahaan to tum marjeeva bante ho। tumhein gharbaar nahin chhudaaya jaata। ghar mein rah tumhein gyaan amrit peena hai, roohaani seva karni hai। yeh rasam un satsangon mein nahin hai।

om shanti। baap baith bachchon ko samjhaate hain kyonki bachche jaante hain ki yahaan baap hi samjhaate hain isliye ghadi-ghadi shiv bhagvaanuvaach kehna bhi achha nahin lagta। woh geeta sunaane vaale kahenge - krishna bhagvaanuvaach। woh to hokar gaye hain। kehte hain shreekrishna ne geeta sunaai thi, raajayog sikhaaya tha। yahaan to tum bachche samajhte ho shivbaaba hamko raajayog sikhla rahe hain aur koi satsang nahin jahaan raajayog sikhaate ho। baap kehte hain main tumko raajaaon ka raaja banaata hoon। woh to sirf kahenge krishna bhagvaanuvaach manamnaabhav। kab kaha tha? to kehte hain 5 hajaar varsha pahle va koi kehte Christ se 3 hajaar varsha pahle। 2 hajaar varsha nahin kehte kyonki ek hajaar varsha jo beech mein hain usmein islaami, bauddhi aaye। to Christ se 3 hajaar varsha pahle satayug siddha ho jaata hai। ham kehte hain - aaj se 5 hajaar varsha pahle geeta sunaane vaala bhagwan aaya tha aur aakar devi-devta dharma sthaapan kiya tha। ab 5 hajaar varsha baad phir se unko aana pade। yeh hai 5 hajaar varsha ka chakra। bachche jaante hain ki yeh baap is dvaara samjha rahe hain। duniya mein to anek prakaar ke satsang hain jahaan manushya jaate hain। koi aashramon mein jaakar rehte bhi hain to usko aise nahin kahenge ki maat-pita paas jaae janma liya va unse koi varsa milta hai, nahin। sirf woh sang achha samajhte hain। vahaan ghar aadi ka koi bhi hangaama nahin hota। baaki em-object to kuchh bhi nahin hai। yahaan to tum kehte ho ham maat-pita ke paas aaye hain। yeh hai tumhaara marjeeva janma। woh log bachche ko adopt karte hain, to woh jaakar unka ghar basaata hai। yahaan woh rasam nahin hai ki piyarghar, sasurghar ko chhod yahaan aakar baithen। yeh ho nahin sakta। yahaan to grihastha mein rehte kamal phool samaan rehna hai। kumaari hai va koi bhi hai unko kaha jaata hai ghar mein rah roz gyaan amrit peene aao। knowledge samajhkar phir auron ko samjhaao। donon taraph tod nibhaao। grihastha vyavhaar mein bhi rehna hai। ant tak donon taraph nibhaana hai। ant mein yahaan rahen ya vahaan rahen, maut to sabhi ka aana hai। kehte hain - raam gayo, raavan gayo… to aise nahin ki sabhi ko yahaan aakar rehna hai। yeh to nikalte tab hain jab vish ke liye unhon ko sataaya jaata hai। kanyaaon ko bhi rehna ghar mein hai। mitra sambandhiyon ki service karni hai। social worker to bahut hain। government itne sabko to apne paas rakh nahin sakti। woh apne grihastha vyavhaar mein rehte hain। phir koi na koi seva bhi karte hain। yahaan tumko roohaani seva karni hai। grihastha vyavhaar mein bhi rehna hai। haan, jab vikaar ke liye bahut tang karte hain to aakar eeshvareey sharan lete hain। yahaan vish ke kaaran bachchiyaan maar bahut khaati hain aur kahaan bhi yeh baat nahin hai। yahaan to pavitra rehna padta hai। government bhi pavitrata chaahti hai। parantu grihastha vyavhaar mein rehte pavitra banaane ki taakat eeshvar mein hi rehti hai। samay aisa hai jo government bhi chaahti hai ki bachche jaasti paida na ho kyonki gareebi bahut hai। to chaahte hain bhaarat mein pavitrata ho, bachche kam hon।

baap kehte hain - bachche pavitra bano to pavitra duniya ke maalik banenge। yeh baat unhon ki buddhi mein nahin hai। bhaarat pavitra tha, abhi apvitra hai। sabhi aatmaayen khud bhi chaahti hain ki pavitra banen। yahaan duhkh bahut hai। tum bachche jaante ho ki pavitrata bigar bhaarat svarga ho nahin sakta। narka mein hai hi duhkh। ab narka to aur koi cheez nahin। jaise garud puraan mein dikhaate hain vaitarni nadi hai, jismen manushya gote khaate hain। aise to koi nadi hai nahin jahaan sajaayen khaate ho। sajaayen to garbha jel mein milti hain। satayug mein to garbhajel hota nahin, jahaan sajaayen milen। garbha mahal hota hai। is samay saari duniya jeeti jaagti narka hai। jahaan manushya duhkhi, rogi hain। ek do ko duhkh dete rehte hain। svarga mein yeh kuchh hota nahin। ab baap samjhaate hain main tumhaara behad ka baap hoon। main rachayita hoon, to zaroor svarga nai duniya rachoonga। svarga ke liye aadi sanaatan devi-devta dharma rachoonga। kehte hain - tum maat-pita.. kalpa-kalpa yeh raajayog sikhaaya tha। brahma dvaara baith sabhi ved shaastron ke aadi-madhya-ant ka raaz samjhaate hain। bilkul anpadh ko baith padhaate hain। tum kehte the na - he bhagwan aao। patit to vahaan ja na saken। to paavan banaane liye unko zaroor yahaan aana pade। tum bachchon ko yaad dilaate hain ki kalpa pahle bhi tumko raajayog sikhaaya tha। poochha jaata hai ki aage kabhi yeh knowledge li hai? to kehte hain - haan, 5 hajaar varsha pahle hamne yeh gyaan liya tha। yeh baaten hain nai। naya yug, naya dharma phir se sthaapan hota hai। sivaae eeshvar ke yeh daivi dharma koi sthaapan kar nahin sakta। brahma vishnu shankar bhi nahin kar sakte kyonki woh devtaayen svayan rachna hain। svarga ka rachayita, maat-pita chaahiye। tumko sukh ghanere bhi yahaan chaahiye। baap kehte hain rachta main bhi hoon। tumko bhi brahma mukh dvaara mainne racha hai। main manushya srishti ka beejroop hoon। bhal koi kitna bhi bada saadhu-santa aadi ho parantu kiske bhi mukh se aise nahin niklega। yeh hain geeta ke akshar। parantu jisne kaha hai vahi kah sakta hai। doosra koi kah na sake। sirf farka yeh hai ki niraakaar ke badle shreekrishna ko bhagwan kah dete hain। baap kehte hain main manushya srishti ka beejroop, paramdham mein rahne vaala niraakaar paramatma hoon। tum bhi samajh sakte ho। saakaar manushya to apne ko beejroop kah na saken। brahma, vishnu, shankar bhi nahin kah sakte। yeh to jaante hain ki sabko rachne vaala shivbaaba hai। main daivi dharma ki sthaapna kar raha hoon। aise kahne ki bhi koi mein taakat nahin। bhal apne ko shreekrishna kahlaayen, brahma kahlaayen, shankar kahlaayen.. bahut apne ko avtaar bhi kahlaate hain। parantu hai sab jhooth। yahaan aakar jab sunenge to samjhenge barobar baap to ek hai, avtaar bhi ek hai। woh kehte hain main tumko saath le jaaoonga। aise kahne ki bhi koi mein taakat nahin। 5 hajaar varsha pahle bhi geeta ke bhagwan shivbaaba ne kaha tha, jisne hi aadi sanaatan dharma ki sthaapna ki thi, vahi ab kar rahe hain। gaaya hua bhi hai machchharon sadrishya aatmaayen gai। to baap guide ban sabhi ko aae liberate karte hain। ab kaliyug ka ant hai, uske baad satayug aana hai to zaroor aakar pavitra banaae pavitra duniya mein le jaayega। geeta mein kuchh na kuchh akshar hain। samajhte hain is dharma ke liye shaastra to chaahiye na। to geeta shaastra baith banaaya hai। sarvashaastramai shiromni number one maata, parantu naam badal diya hai। baap jo is samay act karte hain woh thode hi dvaapar mein likhenge। geeta phir bhi vahi niklegi। drama mein yahi geeta noondhi hui hai। jaise baap phir se manushya ko devta banaate hain vaise shaastra bhi baad mein koi phir se baith likhenge। satayug mein koi shaastra nahin hoga। baap saare chakra ka raaz baith samjhaate hain। tum samajhte ho hamne yeh 84 janmon ka chakra poora kiya। aadi sanaatan devi-devta dharma vaale hi maximum 84 janma lete hain। baaki manushyon ki to baad mein vriddhi hoti hai। woh thode hi itne janma lenge? baap is brahma mukh se baith samjhaate hain। yeh jo daada hai, jiska hamne tan loan liya hai woh bhi apne janmon ko nahin jaante the। yeh hai vyakta - prajaapita brahma। woh hai avyakt। hain to donon ek। tum bhi is gyaan se sookshmavtanvaasi pharishte ban rahe ho। sookshmavtanvaasiyon ko pharishta kehte hain kyonki haddi maas nahin hai। brahma vishnu shankar ko bhi haddi maas nahin hai, phir unhon ke chitra kaise banaate hain। shiv ka bhi chitra banaate hain। hai to woh star। unka bhi roop banaate hain। brahma vishnu shankar to sookshm hain। jaise manushyon ka banaate hain vaise shankar ka to bana na saken kyonki unka haddi maas ka shareer to hai nahin। ham to samjhaane liye aise sthool banaate hain। parantu tum bhi dekhte ho ki woh sookshm hai। achha-

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

raatri class - 13-7-68

manushya do cheez ko zaroor chaahte hain। ek hai shanti, doosra sukh। vishwa mein shanti va apne liye shanti। vishwa par sukh va apne liye sukh ki chaah rehti hai manushyon ko। to poochhna hota hai ki abhi ashaanti hai to zaroor kab shanti hui hogi! parantu woh kab kaise hoti hai, ashaanti kyon hui, yeh koi ko pata hi nahin hai kyonki ghor andhiyaare mein hain। tum shanti aur sukh ke liye sabko bahut achha raasta bataate ho। to sunkar unhein khushi hoti hai, lekin jab sunte hain paavan bhi banna hai to thande pad jaate hain। yeh vikaar hai sabhi ka dushman aur phir sabhi ka pyaara hai। isko chhodne mein hriday videeran hota hai। naam bhi hai vish। phir bhi chhodte nahin hain। tum kitna maatha maarte ho phir bhi haar kha lete hain। saari pavitrata ki hi baat hai। inmen bahut fail hote hain। koi kanya ko dekha to aakarshan hoti hai। krodh va lobh va moh ki aakarshan nahin hoti hai। kaam mahaashatru hai। in par jeet paana mahaaveer ka kaam hai। deh-abhimaan ke baad pahle kaam hi aata hai। in par jeet paani hai। jo pavitra hain unke aage apvitra kaami manushya naman karte hain। kehte hain ham vikaari, aap nirvikaari। aise nahin kehte ham krodhi lobhi.....। saari baat vikaar ki hai। shaadi karte hi hain vikaar ke liye, yeh phurna rehta hai maa baap ko। bade hon to paisa bhi denge, vikaar mein bhi jaayenge। vikaar mein na jaaye to jhagda mach jaaye। tum bachchon ko samjhaana hota hai yeh (devtaayen) sampoorn nirvikaari the। tumhaare paas aimobject saamne hai। nar se naaraayan raajaaon ka bhi raaja banna hai। chitra saamne hai। isko satsang nahin kaha jaata। yeh paathshaala hai। sachcha satsang sachche baap ke saath tab ho jab sammukh raajayog sikhaave। sat ka sang chaahiye। vahi geeta ka gyaan dete hain arthaat raajayog sikhlaate hain। baap koi geeta sunaate nahin। manushya samajhte hain naam hai geeta paathshaala to jaakar geeta sune। itni kashish hoti hai। yeh sachchi geeta paathshaala hai jahaan ek second mein sadgati, health, wealth aur happiness milti hai। to poochhe sachchi geeta paathshaala kyon likhte ho? sirf geeta paathshaala likhna common ho jaata hai। sachchi akshar padhne se khainch ho sakti hai, shaayad jhoothi bhi hai। to “sachchi'' akshar zaroor likhna pade। paavan duniya satayug ko patit duniya kaliyug ko kaha jaata hai। satayug mein yeh paavan the। kaise bane so sikhlaate hain। baap brahma dvaara padhaate hain। nahin to padhaayenge kaise। yeh yaatra samjhenge vahi jinhonne kalpa pahle samjha hai। bhakti maarga ke duban mein phanse hue hain। bhakti ka bhabhka bahut hai। yeh to kuchh bhi nahin hai। sirf smriti mein rakho- abhi vaapas jaana hai। pavitra bankar jaana hai। iske liye yaad mein rehna hai। baap jo svarga ka maalik banaate hain unko yaad nahin kar sakte! mukhya baat yeh hai। sabhi kehte hain ismen hi mehnat hai। bachche bhaashan to achha karte hain parantu yog mein rahkar samjhaayen to asar bhi achha hoga। yaad mein tumko taakat milti hai। satopradhaan banne se satopradhaan vishwa ke maalik banenge। yaad ko neshtha kahenge kya! ham aadha ghanta neshtha mein baithe, yeh wrong hai। baap sirf kehte hain yaad mein raho। saamne baith sikhlaane ki darkaar nahin। behad baap ko bahut lav se yaad karna hai kyonki bahut khajaana dete hain। yaad se khushi ka paara chadhna chaahiye। ateendriy sukh feel hoga। baap kehte hain tumhaari yeh life bahut valuable hai, inko tandurusta rakhna hai। jitna jeeyenge utna khajaana lenge। khajaana poora tab milega jabki ham satopradhaan ban jaayenge। murli mein bhi bal hoga। talvaar mein jauhar hota hai na। tumhaare mein bhi yaad ka jauhar pade tab talvaar teekhi ho। gyaan mein itna jauhar nahin hai isliye kisko asar nahin hota hai। phir unke kalyaan liye baba ko aana hai। jab tum yaad mein jauhar bharenge to phir vidvaan aachaarya aadi ko achha teer lagega isliye baba kehte hain chart rakho। kai kehte hain baba ko bahut yaad karte hain parantu mukh nahin khulta। tum yaad mein raho to vikarma vinaash honge। achha! bachchon ko goodnight।

dhaarna ke liye mukhya saar:-

1) ghar mein rehte bhi roohaani seva karni hai। pavitra banna aur banaana hai।

2) is jeete jaagte narka mein rehte hue bhi behad ke baap se svarga ka varsa lena hai। kisi ko bhi duhkh nahin dena hai।

vardaan:- apni sarva visheshtaaon ko kaarya mein lagaakar unka vistaar karne vaale siddhi swaroop bhav

jitna-jitna apni visheshtaaon ko mansa seva va vaani aur karma ki seva mein lagaayenge to vahi visheshta vistaar ko paati jaayegi। seva mein lagaana arthaat ek beej se anek phal pragat karna। is shreshtha jeevan mein jo janma siddha adhikaar ke roop mein visheshtaayen mili hain unko sirf beej roop mein nahin rakho, seva ki dharni mein daalo to phal swaroop arthaat siddhi swaroop ka anubhav karenge।

slogan:- vistaar ko na dekh saar ko dekho aur svayan mein sama lo - yahi teevra purushaartha hai।