Daily Murli for Saturday 28 January 2023

28-01-2023 praatahmurli om shanti "baapdaada"' madhuban

“meethe bachche - ek manamnaabhav ke mahaamantra se tum samajhdaar bante ho, yahi mantra sab paapon se mukta karne vaala hai''

prashn:- saare gyaan ka saar kya hai, manamnaabhav rahne vaalon ki nishaani kya hogi?

uttar:- saare gyaan ka saar hai ki ab hamko vaapis ghar jaana hai। yeh chhi-chhi duniya hai, isko chhod humein apne ghar chalna hai। agar yeh yaad rahe to bhi manamnaabhav hua। manamnaabhav rahne vaale bachche sada gyaan ka vichaar saagar manthan karte rahenge। woh baba se meethi-meethi roohrihaan karenge।

prashn:- kis aadat ke vasheebhoot aatma baap ki yaad mein nahin rah sakti?

uttar:- agar gande chitra dekhne ki, gande samaachaar padhne ki aadat padi to baap ki yaad rah nahin sakti। cinema hai dozak ka dvaar, jo vrittiyon ko kharaab kar deta hai।

om shanti। roohaani baap baith roohaani bachchon ko samjhaate hain। samjhaana unko hota hai, jismen kuchh kam samajh hai। tum abhi bahut samajhdaar ban chuke ho jo samajhte ho ki yeh hamaara behad ka baap bhi hai, behad ki shiksha bhi dete hain। srishti ke aadi-madhya-ant ka raaz bhi samjhaate hain। student ki buddhi mein knowledge honi chaahiye na aur phir baap saath mein bhi zaroor le jaayega kyonki baap jaante hain ki yeh puraani chhi-chhi duniya hai। is puraani duniya se main bachchon ko ghar le jaane liye aaya hoon। baba samjhaate hain yahaan baithe baithe bachchon ke andar mein zaroor aata hoga ki oho! yeh hamaara behad ka baap bhi hai, phir shiksha bhi bahut oonchi dete hain। saari rachna ke aadi madhya ant ka raaz bhi samjhaaya hai। yeh sab yaad karna bhi manamnaabhav hai। yeh bhi tumhaare chart mein aa sakta hai। yeh to bahut sahaj hai। aur bhal kuchh bhi na karo, parantu uthte baithte, chalte phirte buddhi mein yeh yaad rahe। wonderful cheez ko yaad karna hota hai। tum samajhte ho baba ko yaad karne se, padhaai padhne se ham phir se vishwa ka maalik bante hain। yeh buddhi mein chalta rehna chaahiye। bhal kahaan bhi bas-train aadi mein baithe ho parantu buddhi mein yaad ho। pahle-pahle to bachchon ko baap chaahiye। tum jaante ho ham aatmaon ka roohaani behad ka baap hai। sahaj yaad dilaane liye baba yukti bataate hain। maamekam yaad karo to aadha-kalpa ke jo tumhaare vikarma hain, woh sab yog agni se bhasma ho jaayen। janma-janmaantar bahut hi yagya jap tap aadi kiye hain। bhakti maarga vaalon ko pata nahin hai ki yeh sab kyon karte hain। inse kya praapti hogi। mandiron mein jaate hain itni bhakti karte hain, samajhte hain yeh sab parampara se chala aaya hai। shaastron ke liye bhi kahenge ki yeh parampara se chale aaye hain। parantu manushyon ko pata hi nahin hai ki svarga mein to shaastra hote nahin। woh samajhte hain srishti ke shuru se hi yeh sab chala aata hai। na kisko yeh kah sakte ki behad ka baap kaun hai। yahaan had ka baap va had ka teacher to nahin hai। had ke teacher se to tum sab padhe hue ho। jo padhkar hi naukri aadi karte hain, kamaai karte hain। tum bachche jaante ho yeh jo hamaara behad ka baap hai, unka koi bhi baap hai nahin aur yeh behad ka teacher bhi hai। inka koi teacher nahin। in devtaaon ko kisne padhaaya, yeh to zaroor yaad aana chaahiye na! yeh bhi manamnaabhav hai। yeh padhaai to kahaan se padhe nahin hain। baap svayan hi knowledgeful hai। inko kisne padhaaya hai kya? manushya srishti ka woh beejroop hai aur chaitanya hai, gyaan ka saagar hai। chaitanya hone kaaran manushya srishti roopi jhaad ka aadi se ant tak raaz sunaate hain। ant mein aakar aadi ka gyaan sunaate hain aur kehte hain he bachchon jis tan mein main viraajmaan hoon, in dvaara main aadi se lekar is samay tak sab kuchh sunaata hoon। ant ke liye to peechhe samjhaayenge। tum aage chalkar samajh jaayenge ki ab ant hai kyonki us samay tum karmaateet avastha ko pahunch jaayenge aur aasaar bhi dekhenge ki is puraani chhi-chhi duniya ka vinaash to hona hi hai। yeh koi nai baat nahin hai। anek baar dekha hai aur dekhte hi rahenge। kalpa pahle raajya liya tha phir ganvaaya ab phir le rahe hain। baba hamko padhaate hain। tum samajhte ho ham hi vishwa ke maalik the, phir 84 janma liye, phir baba vishwa ka maalik banaane ke liye vahi gyaan de rahe hain। tum andar mein samajhte ho baba teacher bhi hai। achha agar baap yaad nahin padta to teacher ko yaad karo। teacher kab bhoolega kya? teacher se to padhte rehte ho। haan maaya gaphlat karaati hai woh tumko pata nahin padta hai। maaya aankhon mein ekdam dhool daal deti hai। jo hamko bhagwan padhaate hain, yeh ekdam bhool jaate hain। baap har baat ki samjhaani dete hain। yeh hai behad ki samjhaani। woh hai had ki। yeh behad ki knowledge baba kalpa-kalpa tum bachchon ko dete hain। achha jaasti padh nahin sakte ho to bhala baba ke roop se yaad karo। unka to koi baap hai nahin, woh sabka baap hai। parantu unke bachche sab hain। koi bata sakega ki shivbaaba kiska bachcha hai? woh hai behad ka baap। bachche samajhte hain ham behad ke baap ke bane hain। yeh hamaari padhaai bhi wonderful hai aur ham brahman hi padhte hain। devta va kshatriy, vaishya, shoodra yeh padhaai nahin padh sakte। baap ki yeh knowledge hi bilkul nyaari hai। tumhaare sivaae koi samajh na sake। tum bachchon ko khushi ka paara chadhta hai ki ham tamopradhaan se satopradhaan banen। ab oonch pad paane liye khoob purushaartha karna hai। aise nahin svarga mein to sab jaayenge। agar gyaan aur yog ki dhaarna nahin hogi to oonch pad nahin milega।

baba kehte hain 16 kala sampoorn banne mein yaad ki bahut mehnat hai। dekhna hai kisko duhkh to nahin dete hain? ham sukhdaata ke bachche hain। sabko sukh dena hai। mansa, vaacha, karmana kisko duhkh nahin dena hai। is samay tum jo padhte ho, gulgul bante ho। yeh kamaai hi tumhaare saath chalne vaali hai, ismen koi kitaab aadi padhne ki jaroorat hi nahin। us padhaai mein kitne kitaab aadi padhne padte hain। yeh baba ki knowledge sabse nyaari hai aur badi sahaj bhi hai। parantu hai sab gupta। tumhaare sivaae koi samajh na sake ki yeh kya padhte hain। wonderful padhaai hai। baap kehte hain kabhi absent nahin hona। padhaai kabhi nahin chhodna। baba ke paas sabka register aata hai। unse hi baba samajh jaata hai yeh 10 maas absent raha, yeh 6 maas raha। koi to chalte-chalte padhaai bhi chhod dete hain। yeh bahut wonderful cheez hai। aisi wonderful cheez aur koi hoti hi nahin। kalpa-kalpa tum bachchon ko aisa baap aakar milta hai। tum bachche jaante ho yeh saakaar baba to punarjanma mein aata hai। yeh 84 ka chakra khaate hain tatatvam, yeh khel hai na। khel kabhi bhoola nahin jaata hai। khel sadaiv yaad rehta hai।

baba samjhaate hain ek to yeh duniya dozak hai aur ismen bhi khaas yeh bioscope (cinema) dozak hai। vahaan jaane se vrittiyaan bahut kharaab ho jaati hain। akhbaar mein bhi koi achhe-achhe chitra dekhte hain to usmein bhi buddhi jaati hai - yeh khoobsoorat hai, inko prize milni chaahiye, khyaalaat chalti hain। aisa dekhe hi kyon! buddhi se samajhte hain yeh saari duniya hi khatma ho jaane vaali hai। tum sirf mujhe hi yaad karo। aisi-aisi cheejen na dekho, na khyaal karo। yeh to puraani duniya ke chhi-chhi (gande) shareer hain, inke taraph kya dekhna hai। ek baap ko hi dekhna hai। baba kehte hain meethe-meethe bachche manzil bahut oonchi hai। maaya koi kam nahin hai। maaya ka dekho kitna bhabhka hai। us taraph hai science aur yahaan hai tumhaari silence। vo log chaahte hain mukti ko paayen। yahaan tumhaari em object hai jeevanmukti ko paane ki। jeevan-mukti paane ka koi raasta bata na sake। sannyaasi aadi koi bhi yeh knowledge de na sake। vo kisko samjha nahin sakte ki grihastha vyavhaar mein rahkar pavitra banna hai। yeh ek hi baap samjhaate hain। bhakti maarga mein time vesta hi hota aaya hai। kitni bhoolen hoti hain। bhool karte-karte bhole hi ban gaye hain। yeh last janma 100 percent bhoolon ka hi hai। jara bhi buddhi kaam nahin karti। ab baba tumko samjhaate hain, tab tum samajhte ho। abhi tum sab samajh gaye ho to auron ko bhi samjhaate ho। khushi ka paara bhi tumhein chadhta hai। wonder hai na - is baap ko koi baap nahin, koi shikshak nahin। tab seekha kahaan se! manushya wonder khaayenge। bahut samajhte hain inka zaroor koi guru hoga। agar yeh bhi guru se seekha hua ho phir guru ke aur bhi shishya hone chaahiye। sirf yeh ek shishya thode hi hoga। guru ke to bahut shishya hote hain। aagaakhaan ke dekho kitne shishya hain। unhon ko guru ke liye dekho kitna regard rehta hai। unko heeron mein vazan karte hain। tum kismen vazan karenge? yeh to sabse supreme hai। inka vazan kitna hoga? tum kya karenge! vazan karen to kitna hoga? koi cheez pad sakti hai? shivbaaba to bindi hai na। aajkal vazan bahut karte hain। koi sone mein, koi chaandi mein, platinum mein bhi karte hain। woh sone se bhi mahanga hota hai। ab baap samjhaate hain woh jismaani guru to tumhein sadgati dete nahin। sadgati mein le jaane vaala to ek hi baap hai, unko kismen vazan karenge? manushya to sirf bhagwan-bhagwan hi kehte rehte hain। lekin yeh nahin jaante ki woh baap hai, teacher bhi hai। baithe kitna saadhaaran hain। bachchon ka mukhda dekhne ke liye thoda sa oopar baithte hain। madadgaar bachchon ke bigar ham sthaapna kaise kar sakte hain। jo jaasti madad karte hain unko zaroor baba lav karenge। laukik mein bhi ek bachcha 2000 kamaata, doosra 1000 kamaata hoga। to baap ka lav kis par rahega? parantu aajkal to bachche poochhte hi baap ko kahaan hain? behad ka baap bhi dekhte hain phalaane-phalaane bachche bahut achhe madadgaar hain। bachchon ko dekh-dekh baba harshit hote hain। aatma khush hoti hai। kalpa-kalpa main aata hoon aur bachchon ko dekh bahut khush hota hoon। jaanta hoon kalpa-kalpa yeh hamaare madadgaar bante hain। yeh baba ka pyaar kalpa-kalpa ka ban jaata hai। kahaan bhi baithe ho buddhi mein yeh socho baba hamaara baap bhi hai, teacher bhi hai, guru bhi hai। svayan hi sab kuchh hai। tab to sab unko hi yaad karte hain। satayug mein koi yaad nahin karenge kyonki 21 janmon ke liye baap beda paar kar dete hain। aise-aise simran kar bachchon ko harshit hona chaahiye। khushi honi chaahiye ki ham aise baap ki service karen। baap ka sabko parichay den। yeh behad ka baap hai। baap hi svarga ki sthaapna karte hain। baap hi ham sabko saath bhi le jaate hain। aisi-aisi samjhaani se sarvavyaapi kah nahin sakenge। baap ne kaha hai vinaash kaale vipreet buddhi vinshanti। woh sab khatma ho jaayenge, baaki tum vijay paayenge। tum raajdhaani sthaapan kar rahe ho। aatmaon ka baap aatmaon ko baith samjhaate hain। to aisi-aisi wonderful baaten sabko sunaani chaahiye। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sukhdaata ke ham bachche hain, humein sabko sukh dena hai। mansa-vaacha-karmana kisi ko bhi duhkh nahin dena hai।

2) padhaai aur padhaane vaala donon hi wonderful hain। aisi wonderful padhaai ko kabhi bhi miss nahin karna hai। absent nahin hona hai।

vardaan:- sada har din sva utsaah mein rahne aur sarva ko utsaah dilaane vaale roohaani sevaadhaari bhav

baapdaada sabhi roohaani sevaadhaari bachchon ko sneh ki yeh saugaat dete hain ki “bachche har roz sva utsaah mein raho aur sarva ko utsaah dilaane ka utsav manaao।'' isse sanskaar milaane ki, sanskaar mitaane ki jo mehnat karni padti hai woh chhoot jaayegi। yeh utsav sada manaao to saari samasyaayen khatma ho jaayengi। phir samay bhi nahin dena padega, shaktiyaan bhi nahin lagaani padegi। khushi mein naachne, udne vaale pharishte ban jaayenge।

slogan:- drama ke raaz ko samajh nothing new ka paath pakka karne vaale hi bephikra baadshaah hain।