Daily Murli for Friday 3 February 2023

03-02-2023 praatahmurli om shanti "baapdaada"' madhuban

“meethe bachche - nar se naaraayan banne ke liye perfect brahman bano, sachcha brahman woh jismen koi bhi vikaar roopi dushman na ho''

prashn:- baap ka regard kin bachchon ko praapta hota hai? samajhdaar kaun hain?

uttar:- baap ka regard unhein milta jo yagya ka har ek kaarya responsibility se karte hain। kabhi gaphlat nahin karte। paavan banaane ki responsibility samajh isi seva par tatpar rehte hain। chalan bahut royal hai, kabhi naam badnaam nahin karte। all-rounder hain। samajhdaar woh jo full paas hone ki koshish karte hain। kabhi duhkhadaai nahin bante। koi bhi ulta kaarya nahin karte।

geet:- aaj nahin to kal bikhrenge yeh baadal…

om shanti। yeh bachchon ko kaun direction dete hain? behad ka baap, jisko bachche itna pitaavrita hokar yaad nahin karte। baap kehte hain bachche ab vaapis ghar chalna hai। bachche kisko kehte hain? jo brahma mukh vanshaavli brahman hain unhon ko baap bachche kahenge kyonki unki santaan bane hain। baap baith samjhaate hain jab nai srishti rachni hai to puraani srishti ki aatmaon ko ghar chalna hai। ab tum bachche baap aur baap ke ghar ko jaante ho। itna zaroor hai koi to baap ko achhi reeti yaad karte hain। shreemat par chalte hain, koi deh-abhimaan ke kaaran yaad nahin karte hain। paavan nahin rehte। brahman hain hi eeshvareey santaan, brahma mukh vanshaavli। rachayita baap gaaya jaata hai na। brahma mukh kamal se santaan rachte hain। tum bachche jaante ho barobar ham eeshvar ki santaan brahma ke mukh vanshaavli brahman bane hain। brahman unko kaha jaata hai jo paavan rehte hain। saara madaar hai hi pavitrata par। isko kaha jaata hai apvitra patit duniya। manushya maatra jo patit hain, woh paavan ka arth nahin samajhte। kaliyug patit duniya, satayug paavan duniya hai - yeh koi bhi nahin jaante। kai to kah dete hain satayug treta mein bhi patit log hain। seeta churaai gai..... yeh hua paavan duniya ki glaani karna। jaisi drishti, vaisi srishti dekhne mein aati hai। paavan duniya mein bhi patit hain to kya baap ne patit duniya rachi? baap to paavan duniya hi sthaapan karte hain। gaaya bhi hai patit-paavan aao, aakar is srishti ko, usmein bhi khaas bhaarat ko paavan banaao। ab yeh brahmaakumaar-kumaari naam padta hi un par hai jo paavan hokar rehte hain। patit ko brahman braahmani va bi.ke. kah nahin sakte। woh hain hi kukh vanshaavli। tum brahman ho brahma mukh vanshaavli। brahma kukh vanshaavli to nahin kaha jaata। woh hain hi patit। ab tum eeshvareey santaan bane hi isliye ho ki paavan duniya ke maalik banen। brahman braahmani athva brahmaakumaar kumaari kahlaakar yadi patit hote hain ya vikaar mein jaate hain to woh bi.ke. nahin hue। brahman kabhi vikaar mein nahin jaate। vikaar mein jaane vaale ko shoodra kaha jaata hai। eeshvar ki aulaad bante hi isliye hain ki eeshvar se ham raajya bhaagya leven। raajaai ka varsa lene ke liye purushaartha karna chaahiye। lakshya rakhna hai ki ham nar se naaraayan banen।

tum bachche jaante ho ki number one hai kaam। second number hai krodh। krodh aadi ka bhoot rah jaata hai to woh poore varse ke laayak nahin bante। kaha jaata hai yeh kaam va krodh ke bhootvash, parvash ho gaya। baap ko yaad na karne kaaran raavan ke vash ho jaate hain। aise krodhi va kaami nar se naaraayan pad pa nahin sakte। yahaan chaahiye perfect brahman। baap samjhaate hain pahle number ka bhoot aata hai deh-abhimaan। agar dehi-abhimaani ho baap ko yaad karte rahen to baap madad bhi kare। jo jitna yaad karte hain utni unko madad milti hai। brahman sachcha woh jismen yeh vikaar roopi dushman na ho। mukhya deh-abhimaan ke kaaran hi aur aur dushman aate hain। yeh bhaarat shivaalay tha tab duhkh ki koi baat nahin thi। yeh manushyon ko pata nahin hai। woh to kah dete hain maaya bhi hai hi, eeshvar bhi hai hi। are eeshvar apne samay par aata, maaya apne samay par aati। aadhaakalpa hai eeshvareey raajya, aadha-kalpa hai maaya ka raajya। yeh samjhaani shaastron mein nahin hai। woh hai hi bhakti maarga। gyaan ka saagar ek hi baap hai jisko patit-paavan kaha jaata hai। jo baap ko yaad nahin karte hain unse patit kaam zaroor hote hi rahenge। unko brahman braahmani kah nahin sakte। badi sookshm baaten hain। shivbaaba (daade) ko yaad nahin karenge to varsa kahaan se milega। phir unko is puraani duniya ke mitra-sambandhi aadi yaad aate hain। achhi reeti baap ko yaad karenge to baap bhi madad denge। tum kahaan murli chalaane mein moonjh jaayenge to bhi shivbaaba pravesh kar aae murli chalaayenge। bachchon ko pata nahin padta ki shivbaaba aakar madad karte hain। samajhte hain hamne aaj achhi murli chalaai। are aaj achhi chalaai, kal kyon nahin chalaate the। tumko yeh bhi pata thode hi padta hai - shivbaaba bolte hain ya brahma bolte hain! shivbaaba kehte hain - bachche, tum meri eeshvareey aulaad ho, mere ko yaad karo। aise aur koi kah na sake। main hi inmen pravesh kar kah sakta hoon। main gyaan saagar hoon na। tum gyaani tu aatma ban rahe ho। to jo baap se yog rakhte hain to baap bhi aakar madad karte hain। deh-abhimaani yaad thode hi karenge। baap ko zaroor yaad karna hai। ahankaar nahin aana chaahiye - mainne achhi murli chalaai। nahin, samajhna chaahiye shivbaaba ne aakar murli chalaai। ghadi-ghadi shivbaaba ko yaad karna chaahiye। bahut bachche hain jo poora yaad nahin karte hain to karmabhog mitta nahin। beemaariyaan aa jaati hain। vikarma vinaash nahin hote hain।

bachchon ko baap ke saath yog lagaana hai। ham raajayogi hain। baap se raajaai leni hai। ham nar se naaraayan banenge। dil mein samajhna hai main itna padhta hoon jo sooryavanshi mein jaaoon। aise nahin, pahle daas-daasi ban phir raajaai paaven। baap ko yaad karne se baap ki madad milegi। nahin to kuchh na kuchh paap, nuksaan aadi hota hai। woh duhkhadaai bahut bante hain। lakshmi-naaraayan to sukhdaai hain na। samajhdaar bachche koshish karenge full paas hone ki। aise nahin, jo mila so theek। har baat mein all-round purushaartha karna chaahiye। aise bhi nahin ki yeh kaam inka hai ham kyon karen, baba all-round kaam karte hain na। bachchon ki chalan theek nahin rehti to phir naam badnaam karaate hain। baap kehte hain mera bankar aur phir ulta kaam karte to pad bhrashta ho jaata hai। aise mat samjho ki yeh brahma baba direction dete hain। shivbaaba yaad rehna chaahiye।

bachchon ko samajhna hai duniya ko paavan banaane ka bojha sir par hai। ham responsible hain। bhaarat ko paavan banaane ki bahut badi responsibility hai। yagya ka har ek kaarya responsibility se karna hai। koi gaphlat na ho tab baba bhi regard denge। nahin to dharmaraaj aisi saja khilaate hain jo kabhi jel mein bhi nahin khaai hogi isliye baap kehte hain vinaash hone ke pahle sab vikarma yog se bhasma karo। nahin to janma-janmaantar ke vikarmo ki saja dharmaraajpuri mein bahut khaani padegi isliye gaphlat mat karo। yeh antim janma hai। phir to jaayenge hi svarga mein। mochre khaakar phir praja pad paana isko purushaartha nahin kaha jaata। us samay traahi-traahi karna padega। yeh bhi baap saakshaatkaar karaayenge ki baar-baar samjhaaya tha, brahman banna koi maasi ka ghar nahin hai। eeshvar ka bachcha bante ho to phir koi vikaar nahin hona chaahiye। ismen bhi kaam mahaashatru hai। jo kaam vash ho jaate hain unhein brahman nahin kah sakte। maaya bahut pichhaadegi parantu karmendriyon se koi kaam nahin karna hai। familiarity ka halka nasha - yeh bhi maaya ka nasha hai। baba ne samjhaaya hai isse bhi bojha chadh jaayega। tum vyabhichaari ban gaye। eeshvareey aulaad mein yeh kaam-krodh aadi shaitaan thode hi hote hain। woh shaitaani aasuri gun hain। bahut hain jo eeshvar ke bante phir maaya ke bananti ho jaate hain। deh-abhimaan mein aa jaate hain। baap ki shreemat par chalna hai tab responsible woh rahenge। brahma ki mat bhi gaai hui hai। inki mat par chalne se bhi responsible baap ho jaayega। to kyon na apne se responsibility utaar deni chaahiye। baap-daada, donon ki mat mashhoor hai। maata ki mat par bhi chalna chaahiye kyonki maata guru banti hai। woh maat-pita alag hain। is samay maata ko guru banaane ka silsila chalta hai।

tum purushaartha kar rahe ho shivaalay ke liye। satayug ko shivaalay kaha jaata hai। paramatma ka accurate naam shiv hai। shivjayanti hi gaai jaati hai। shiv ko kalyaankaari kaha jaata hai, woh hai bindi। parampita paramatma ka roop hai hi star। sone athva chaandi ka chhota star banaakar teeka bhi lagaate hain। vaastav mein woh accurate theek hai aur star rehta bhi bhrakuti mein hai। parantu manushyon ko gyaan nahin hai। koi phir trishool dete hain। trinetri, trikaaldarshi ki nishaani yaani divya drishti, divya buddhi ki nishaani dete hain। abhi tum bachchon ko in baaton ka gyaan hai। tum chaaho to star laga sakte ho। apni nishaani saphed star hai। aatma ka roop bhi aise star misal hai। baap sabhi raaz samjhaate hain। saavdhaani bhi dete hain। bi.ke. woh jinki pratigya ki hui hai ki paap ka kaam kabhi nahin karenge। yeh yaad rakhna hai। kiski dil ko dukhaana nahin hai। agar dukhaate hain to shivbaaba ka bachcha nahin thahra। shivbaaba aate hi hain sukh dene। vahaan yatha raaja raani tatha praja - sabhi ek do ko sukh dete hain। yahaan sab saanvare bane hain, kaam kataari chalaate rehte hain। yeh hai hi ek do ko duhkh dene ki duniya। satayug hai ek do ko sukh dene ki duniya। samjhaana chaahiye ki ham eeshvareey santaan bane hain। ham koi paap nahin karte। nahin to punya aatmaon ki duniya mein itna pad pa nahin sakenge। har ek ki nabja se pata pad sakta hai ki yeh hamaare kul ka hai va nahin।

ham kehte hain bhagvaanuvaach to gaaya hua hai ki ham tumko raajayog sikhlaate hain। bhagwan to ek niraakaar ko kaha jaata hai। to kab aakar raajayog sikhlaayenge? zaroor jab nai duniya sthaapan hogi। nai duniya ke liye zaroor puraani mein aana pade। bhagvaanuvaach - ham tumko raajayog sikhaate hain। kahaan ke liye? kya narka ke liye? paavan duniya ke liye। bhagvaanuvaach - main tumko raajaaon ka raaja banaata hoon। bataao kab aaya tha, woh kaun tha phir kab aayega? zaroor satayug ke liye hi sikhlaayega। bahut sahaj hai। parantu kiski takdeer mein nahin hai to buddhi mein baith nahin sakta। jaise tatte tave। phir samajhna chaahiye yeh hamaare soorya-vanshi, chandravanshi raajaai ka nahin hai baaki praja to bahut hi banni hai। achha!

meethe-meethe sikeeldhe 5 hajaar varsha baad aakar mile ho baap se varsa lene, aise bachchon ko maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi ki dil ko kabhi bhi dukhaana nahin hai। pratigya karni hai kabhi koi paap ka kaam nahin karenge। sada sukhdaai banenge।

2) karmendriyon se koi bhi ulta karma nahin karna hai। baap aur daada ki mat par chal apna bojh utaar dena hai।

vardaan:- amritvele se lekar raat tak maryaadaapoorvak chalne vaale maryaada purushottam bhav

sangamayug ki maryaadaayen hi purushottam banaati hain isliye maryaada purushottam kaha jaata hai। tamoguni vaayumandal, vibration se bachne ka sahaj saadhan yeh maryaadaayen hain। maryaadaaon ke andar rahne vaale mehnat se bach jaate hain। har kadam ke liye baapdaada dvaara maryaadaayen mili hui hain, usi pramaan kadam uthaane se svatah hi maryaada purushottam ban jaate hain। to amritvele se raat tak maryaadaapoorvak jeevan ho tab kahenge purooshottam arthaat saadhaaran purushon se uttam aatmaayen।

slogan:- jo kisi bhi baat mein svayan ko mould kar lete hain vahi sarva ki duaaon ke paatra bante hain।