Daily Murli for Wednesday 12 April 2023

12-04-2023 praatahmurli om shanti "baapdaada"' madhuban

“meethe bachche - gyaan amrit hai aur yog agni hai, gyaan aur yog se tumhaare sab duhkh-darda door ho jaayenge''

prashn:- kaun sa ras gyaan se praapta hota hai, bhakti se nahin?

uttar:- jeevanmukti ka ras। bhakti se kisi ko bhi jeevanmukti ka ras nahin mil sakta। baap jab aate hain to bachchon ko jo direction dete, vahi gyaan hai usi par chalne se svarga ki raajaai mil jaati hai।

geet:- bholenaath se niraala…

om shanti। bachchon ka bhola baba bachchon prati samjha rahe hain। isko kaha jaata hai shiv bhola baba। hamesha shiv ko baba kaha jaata hai। koi chitra dekhe va na dekhe parantu yaad karte hain shiv bholaanaath। shankar va vishnu va brahma ko bholaanaath nahin kahenge। bhola akshar kahne se manushyon ki buddhi mein niraakaar shivbaaba ka hi chitra aata hai। ab tum bachche practical mein jaante ho। ab bholaanaath baba kahne se bhakti maarga vaalon ka koi mukh meetha nahin hota hai। bhal kitni bhi mahima karte rahen mukh meetha nahin hoga। abhi tum bachche shivbaaba ko yaad karte ho। shiv bholaanaath baba kahne se mukh meetha ho jaata hai। shivbaaba hamko padhaakar svarga ka maalik banaate hain। baba kahne se bachchon ko property bhi zaroor yaad padti hai। tum bachche jaante ho vahi shivbaaba hai, manushya srishti ka beej roop bhi unko kaha jaata hai। jhaad ka ek hi beej hota hai। to manushya srishti roopi jhaad ka bhi woh ek beej hai jisse phir manushya srishti rachi jaati hai kyonki baap ho gaya na। baaki sab hue unke bachche। bhakton ka bhagwan baap ek hai। bhakta yaad karte hain bhagwan ko parantu poora jaante nahin hain। yeh bhi drama mein noondh hai। bachchon ko is gyaan aur yogbal se sada sukhi banaae main chhip jaata hoon। gyaan saagar bhi ek hi hai। jaise woh paani ka saagar bhi ek hi hai। unko baanta gaya hai - yeh India ka saagar, yeh phalaane ka saagar। vaastav mein saagar ek hi hai। satayug mein is saagar ko baant nahin sakte। ek hi saagar rehta hai, jiske tum maalik banne vaale ho। vahaan itne khanda thode hi rehte। ek baap ki ek raajdhaani rehti hai। isi bhaarat par world almighty authority ka ek hi raajya tha। devi-devtaaon ke raajya ko bhagwan-bhagavti ka raajya bhi kehte hain। vilaayat vaale god-goddess kehte hain। parantu jaante nahin hain ki woh kab raajya karte the। kaise raajya paaya।

gyaan saagar ek baap hai, vahi gyaan se sabki sadgati karte hain। ab tum bachche jaante ho hamaare saamne gyaan saagar baitha hai। unse gyaan gangaayen nikal saare vishwa ko sadgati deti hain। isko gyaan amrit bhi kehte hain। amrit shabd se hi phir pujaari log charan dhokar woh amrit banaae peete hain। vaastav mein usko amrit nahin kaha jaata। aajkal davaaeeyon ka bhi naam amrit rakha hai, jisse sab duhkh door hote hain। woh bhi baat nahin hai। yeh to baap baith bachchon ko yog sikhaate hain। yog ko amrit nahin kaha jaata। yog agni se tumhaari sab beemaariyaan 21 janmon ke liye door hongi। is janma ki nahin, ismen to ant tak bhogte rahenge। yeh hai yog ki baat। baap kehte hain yog lagaao to tumhaari sab beemaariyaan nashta hongi। phir kab beemaar honge hi nahin। tum purushaartha karte ho baap se health wealth lene liye। vahaan koi beemaari hoti hi nahin। main tumko aise karma sikhlaata hoon jo kabhi beemaari hogi hi nahin। kehte hain vyaas bhagwan ne shaastra banaaye.. parantu yeh to sab drama mein noondh hai। naam pad gaya hai vyaas ka। yeh hai bana banaaya drama। jo bhi tumne dekha woh sab drama mein noondh hai, anaadi bana banaaya hai। yeh badal nahin sakta। bhakti maarga dvaapar se praarambha ho jaata hai। bhal koi kitni bhi bhakti kare, shaastra padhe parantu vaapas nahin ja sakta। satopradhaan se tamopradhaan mein zaroor aana hai। is karmakshetra se baahar koi ja nahin sakta। tum jaante ho ham so satopradhaan the, ab ham so tamopradhaan bane hain। drama anusaar banna hi hai। bhakti maarga mein raat shuru ho andhiyaara ho jaata hai। pahle itna andhiyaara nahin hota hai jitna abhi hai। raat ko bhi pahle sato-pradhaan phir sato-rajo-tamo kaha jaata hai। dheere-dheere kala kamti hote-hote ghor andhiyaara ho jaata hai। abhi srishti par behad ka grahan hai। ekdam ghor andhiyaara hai। is chandrama ki baat nahin, yeh saare vishwa ki baat hai। raavan ka grahan laga hua hai। dvaapar se lekar saare vishwa ko grahan lagna shuru hota hai। thoda-thoda lagta jaata hai। 2500 varsha lagta hai jabki ant mein bhaarat bilkul hi kaala ho jaata hai। abhi hai bilkul ghor andhiyaara। ghor sojhra arthaat din banaane vaala hai baap। patit ko paavan banaane vaala hai baap। maaya raavan phir raat, ghor andhiyaara banaati hai। bhakti karte bhagwan ko yaad karte hi aate hain। bhagwan, bhagwan ko to yaad nahin karenge। sarvavyaapi ke gyaan vaalon ko samjhaana chaahiye god father is one। woh hai manushya srishti ka beej-roop। baaki sab hain rachna। rachna ki aisi mahima kabhi ho nahin sakti। agar koi aatma so paramatma kahe to unki mahima gaai nahin ja sakti। gaayan us ek baap ka hi hai। woh patit-paavan manushya srishti ka beejroop, satya hai, chaitanya hai। aananda ka saagar, gyaan ka saagar hai। koi bhi manushya ki yeh mahima ho nahin sakti।

gyaan se jeevanmukti ka ras ek second mein aa jaata hai। bhagvaanuvaach geeta mein hai na - yagya, tap, teertha aadi karna ved shaastra padhna - yeh sab bhaktimaarga hai। inse koi bhi mere paas nahin aa sakta hai। pichhaadi mein sabko part bajaane aana hai। god father is one, vahi karan-karaavanhaar hai isliye brahma se satayugi aadi sanaatan devi-devta dharma ki sthaapna karaate hain। manushya ko karan-karaavanhaar nahin kahenge। god ko hi creator, director kaha jaata hai। bachchon ko direction dete rehte hain। direction ko gyaan kaha jaata hai। tum bachchon ko khud baith samjhaate hain। aatma in aankhon se dekhti hai। bhrikuti ke beech mein rehti hai। mukh se bolti hai। parampita paramatma bhi jab aaye tab to mukh se gyaan sunaaye। kehte hain main is rath mein rathi ho baitha hoon। tumko sahaj raajayog sikhlaata hoon। tum raajarishi ho। aisa koi manushya nahin jo kahe ki he laadle bachche tum raajarishi ho। sivaae baap ke koi ki taakat nahin baat karne ki। baap hi kehte hain - he bachche। inki aatma bhi sunti hai। inko bhi kehte hain - he bachche, tum raajarishi ho। tumko raajaai ke liye humein shiksha deni hai। paanch hazaar varsha pahle mainne tumko shiksha di thi। har 5 hajaar varsha baad ham shiksha dene aate hain। aise koi saadhu santa aadi kah na sake। baap hi samjhaate hain unko khivaiya bhi kehte hain। barobar tumko vishay saagar se nikaal ksheer saagar mein le jaate hain। tum bade aaraam se baithe rahenge।

ab tum jaante ho baap kehte hain main brahma tan mein pravesh karta hoon। phir yeh brahma sarasvati vishnu ka roop bante hain। tum vishnupuri ke maalik bante ho na। yeh hain gupta baaten। tum bachche hi jaanon aur na jaane koi। pahle-pahle jab koi aate hain to unko samjhaana chaahiye god father is one, to zaroor baaki itne sab unke bachche thahre। parampita paramatma ek hi hai। woh hai manushya srishti ka beejroop। sabhi bhakton ka bhagwan sabko sukh dete hain। yahaan kaliyug mein to bahut duhkhi hain। manushya traahi-traahi karte rehte hain। satayug mein duhkh ki baat nahin। yahaan to saari duniya mein dher bhakta hain। yeh mandir masjid aadi sab bhakti maarga ki saamagri hain। satayug mein yeh hote nahin। woh hai bhakti cult, yeh hai gyaan cult। jab raat shuru hoti hai to pahle-pahle somnaath ka mandir banaate hain। to tumhaare paas jab koi aate hain to pahle-pahle unhein samjhaao ki god father is one। bhaarat mein hi gaate hain tum maat-pita.. yeh hai mother father country। jagat amba, jagat pita donon hain। delvaada mandir bhi accurate bana hua hai। lakshmi-naaraayan ka chitra mandiron mein accurate bana hua hai। lekin original chitra to nikaal na saken। koi actor ka hi chitra le phir banaate hain। unhon ne to raajya kiya satayug mein। manushya kehte bhi hain satayug mein lakshmi-naaraayan ka raajya tha। lakshmi-naaraayan ke bachpan ki koi history hai nahin। raadhe-krishna ki hai। shreekrishna janmaashtami manaate hain phir naaraayan ashtami kahaan gai। shreekrishna ko phir dvaapar mein le gaye hain। raadhe-krishna to prince-princess hain, donon apni-apni raajdhaani mein rehte hain, zaroor svayanvar hua hoga tab raajgaddi par baithe honge। raadhe-krishna ka raajya to hai nahin। sooryavanshi aur chandravanshi gharaana hai। chandravanshi mein to sooryavanshi shreekrishna aa na sake। bade moonjh gaye hain। to pahle-pahle samjhaana hai god father ek hai। woh hote hain had ke father। stri rachi phir stri se bachche paida kiye। stri ko adopt kiya, janma nahin diya। behad ka baap bhi kehte hain main inmen pravesh kar adopt karta hoon। bhagwan ne srishti kaise rachi! yeh kisko bhi pata nahin hai। aise nahin ki pralay ho jaati phir saagar mein patte par aate hain। agar aisa hai to akela shreekrishna kaise srishti rachega। phir to do chaahiye। female bhi chaahiye। parantu aisi koi baat hai nahin। baap kehte hain main adopt karta hoon। tum sab kehte ho - baba, ham aapki mukh vanshaavli hain। main is mukh ka aadhaar leta hoon। kehta hoon - he bachche। tum bhi kehte ho - he shivbaaba, ham aapke bachche the, phir bane hain। baap kehte hain tum bachchon ke liye mainne vaikuntha ki saugaat laai hai। tum yahaan baithe ho svarga ka maalik banne liye। yeh raajayog hai raajaai sthaapan ho rahi hai। aur preceptor aise nahin kahenge ki main Christian raajaai sthaapan karta hoon va sikkha raajaai sthaapan karta hoon। nahin। tum nai duniya mein raajaai lene liye shiksha pa rahe ho। yeh wonder hai na। god father hai svarga ka rachayita। to zaroor unse hamko svarga ki raajaai paane ka hak hai na। satayug mein raajaai thi, manushya srishti kaise create karte hain, abhi tum jaante ho। bhagvaanuvaach - yeh hai hamaare mukh vanshaavli। baaki sabhi hain raavan ki kukh vanshaavli। woh brahman kukh vanshaavli, tum brahman mukh vanshaavli ho। tum samjha sakte ho brahma ki aulaad zaroor brahman thahre na। brahma hai prajaapita brahma, to unki santaan bhi brahman thahre। brahman ke bachche brahman hote hain na। tum ho brahma ki sachchi aulaad brahman। brahman hain sabse oonch। braahmanon ko choti mein rakha jaata hai। jaise oonch te oonch bhagwan shivbaaba ko trimoorti se uda diya hai। vaise oonch te oonch braahmanon ko bhi choti se uda diya hai। viraat roop mein braahmanon ko nahin dikhaate hain। sirf kehte hain devta, kshatriy, vaishya, shoodra.. pahle-pahle tum brahman ho। tum kitni bhaari seva karte ho! oonch te oonch bhagwan, phir unse paida kiye hue tum bachche ho। shiv-baba to nai srishti par aate nahin। tum aate ho। shivbaaba kehte hain - main tumko raajya deta hoon। phir mera naam hi gum ho jaata hai। main chhip jaata hoon। mainne kya kiya, kaise srishti rachi, yeh koi nahin jaante।

ab naya koi aata hai to jaasti maatha nahin maarna hai। pahle-pahle parichay dena hai baap ka। woh hai svarga ka rachayita। devtaayen svarga ke maalik the। phir 84 janma lete-lete ab woh shoodra varna mein hain। phir unko brahman banaate hain। varna bhi hain na। viraat roop ka chitra bhi hai। braahmanon ki choti ke aage shiv bhi zaroor dena hai। jaise trimoorti par shiv dikhaate hain, vaise braahmanon ke oopar bhi shiv dikhaana hai। samjhaana hai shivbaaba brahma dvaara brahman banaate hain। woh phir brahman so devta, so kshatriy, so vaishya shoodra bante hain। pahle-pahle to koi ko bhi alpha hi samjhaana hai। woh baap is brahma dvaara srishti rachte hain to sab bhaai-behen ho jaate। shiv ki santaan to sab aatmaayen hain hi। phir manushya srishti rachi jaati hai to pahle-pahle brahma, sarasvati, brahman phir devta, kshatriy.. bante hain। aise yeh manushya srishti ka jhaad vriddhi ko paata hai। usi baap ko sab bhoole hue hain। dekho, baapdaada kitna clear kar samjhaate hain। bachchon ko bhi seekhna hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham raajarishi hain। svayan bhagwan humein raajayog sikhaakar raajaai ka varsa dete hain, is nashe mein rehna hai।

2) yog agni se vikarmon ko dagdha kar sab beemaariyon se sada ke liye mukta hona hai। is janma ke karmabhog ko yaad mein rah chuktu karna hai।

vardaan:- pavitrata ki vishesh dhaarna dvaara ateendriy sukh ka anubhav karne vaale brahmaachaari bhav

brahman jeevan ki vishesh dhaarna pavitrata hai, yahi nirantar ateendriy sukh aur sweet silence ka vishesh aadhaar hai। pavitrata sirf brahmacharya nahin lekin brahmachaari aur sada brahmaachaari arthaat brahma baap ke aachran par har kadam chalne vaale। sankalp, bol aur karma roopi kadam brahma baap ke kadam oopar kadam ho, aise jo brahmaachaari hain unka chehra aur chalan sada hi antarmukhi aur ateendriy sukh ki anubhooti karaayega।

slogan:- seva mein trikaaldarshi ka sense aur roohaaniyat ka essence bharne vaale hi serviceable hain।