Daily Murli for Thursday 15 June 2023

15-06-2023 praatahmurli om shanti "baapdaada"' madhuban

meethe bachche- soi hui takdeer ko jagaane ka saadhan hai padhaai, yeh padhaai hi source aaph income hai, jisse 21 janmon ke liye takdeer jag jaati hai

prashn:- is roohaani college ki ek visheshta sunaao jo duniya mein kisi college ki nahin ho sakti?

uttar:- yahi ek college hai jahaan koi manushya guru, teacher nahin hai। svayan niraakaar bhagwan teacher bankar padhaate hain। yeh aisa vichitra baap hai, jise apna koi chitra nahin, apna koi baap va teacher nahin aur padhaai bhi aisi padhaate hain, jisse 21 janmon ke liye takdeer jag jaati hai। us padhaai se to ek janma ki hi takdeer banti, isse 21 janmon ki banti hai।

geet:- takdeer jagaakar aai hoon …

om shanti। baap baith bachchon ko samjhaate hain। jo yahaan takdeer banaane aaye hain, kyon takdeer ko kya hua hai? takdeer ko lakeer lagi hui hai। bhaarat takdeervaan tha। bhaaratvaasi devi-devtaayen the। takdeer jagi hui thi। abhi bhaaratvaasi narka ke maalik hain to takdeer ujhaai hui hai। yeh kaun samjhaate hain? jo sabhi ki takdeer banaane vaala hai। sabko duhkhon se chhudaane vaala hai phir sabko sukh dene vaala hai। yeh duhkhadhaam hai। bhaarat 5 hajaar varsha pahle sukhdhaam tha। sabki takdeer jagi hui thi। ab takdeer soi hui hai। saare manushya srishti ki takdeer jagaane vaala zaroor behad ka baap hi hoga। baap rachayita hai। ab tum jaante ho bhaarat mein sab manushya sukhi the। kaun se manushya? aise nahin, satayug mein itne sab manushya the। pahle-pahle satayug mein 9 laakh the। devi-devta dharma ki shurooaat thi। yeh sab baaten samjhaane vaala hai gyaan ka saagar, manushya srishti ka beejroop baap। bachchon se poochhenge - tumhaara beej rachta kaun hai? to kahenge mama-baba ne hamko racha hai kyonki sab maa-baap se hi janma lete hain। baap stri ko janma nahin deta। adopt karta hai ki tum meri stri ho। phir unse bachche paida hote hain। woh hai creator। stri ko adopt kiya, kanya paraaye ghar ki thi, unko apni patni banaate hain। phir jab bachche paida hote hain to bachche unko maat-pita kehte hain। woh hai had ke maat-pita। baap kanya ki shaadi karaate hain। pahle kanya pavitra hai, to kitna maan hota hai। phir vikaari banne se woh maan nahin rehta। kehte hain - kanya woh jo 21 kul ka uddhaar kare। ab baap baith samjhaate hain ki yeh jo brahmaakumaariyaan hain, yeh is samay bhaaratvaasiyon ka 21 janma ke liye uddhaar karti hain। yeh sab kumaariyaan hain। bhal shaadi ki hui hai, lekin brahmaakumaar-kumaariyaan bane to bhaai-behen ho gaye na। kaam kataari chala nahin sakte। pavitrata ka maan to hai na। sannyaasi pavitra bante hain, unka bhi maan hai na। bhaarat mein pavitrata thi to bhaarat sada sukhi tha। sampoorn nirvikaari tha। mandiron mein jaakar gaate hain - aap sarvagun sampanna.... tumhaara vaastav mein hindu dharma nahin hai। hindustaan to rahne ka sthaan hai। Europe mein rahne vaalon ka dharma european thode-hi kahenge। dharma to Christian hai। hindustaan mein rahne vaalon ka hindu dharma nahin hai। dharma to aur hona chaahiye। baap samjhaate hain jo devi-devta dharma vaale the, vahi apne ko hindu kahlaate hain kyonki apne dharma ko bhool gaye hain। hindu koi aadi sanaatan dharma nahin hai। Christian log Christ ko maante hain kyonki unhonne Christian dharma sthaapan kiya। yahaan to kisko bhi ye pata nahin hai ki ham kis dharma ke hain। koi sikkha dharma vaala hoga to bataayega ki ham sikkha dharma ka hoon। sikkha dharma kisne sthaapan kiya? to kahenge guroonaanak ne sthaapan kiya। unhonne yeh dharma kaise sthaapan kiya? yeh phir tum jaante ho। koi bhi patit aatma dharma sthaapan kar na sake। jo-jo dharma sthaapak hote hain woh pahle-pahle pavitra hote hain, phir apvitra shareer mein pravesh kar dharma sthaapan karte hain। jaise guroonaanak ko to bachche aadi the। phir unmein pavitra aatma ne pravesh kar sikkha dharma ki sthaapna ki। yeh brahma ka bhi patit shareer hai, to unmein gyaan saagar baap aaye hain। tum jaante ho hamaara woh baap hai। yeh aatma kehti hai। ab tumhein aatma-abhimaani banna hai। deh mein aatma rehti hai। jaise koi kehte hain - main merchant hoon। yeh aatma ne is organs dvaara kaha। aatma kehti hai mainne 84 janma poore kiye। baap baith samjhaate hain main hoon tum aatmaon ka baap। mera avatran bhaarat mein hi hota hai। mujhe apna shareer nahin hai। brahma, vishnu, shankar ko bhi apna sookshm shareer hai। mera avatran bhaarat mein hi hota hai। yaadgaar mein shivling dikhaate hain lekin mera koi itna bada roop nahin hai। main hoon star। jaise aatma star hai। aatma koi bahut badi nahin hoti। chamakta hai bhrakuti ke beej azab sitaara। aatma bahut chhoti hai। light ka saakshaatkaar bahut karke saphed hota hai। abhi kitne karod aatmaayen hain, satayug mein itni shareerdhaari aatmaayen nahin hogi। agar satayug mein itni hoti to ab tak arbon ho jaati। itne to hain nahin।

tum bachche jaante ho ki yeh koi saadhu-sannyaasi nahin, yeh to baap samjhaate hain। is baap ka koi baap nahin hai। brahma, vishnu, shankar ka bhi baap hai। shreekrishna ka bhi baap tha। behad ka baap kehte hain mera koi baap nahin। na teacher hai। satayug mein bhi bachche raaj vidya padhne school mein jaayenge। teacher hoga। hamaara koi teacher nahin hai। main tumko raajayog ki shiksha deta hoon। main koi raaja-mahaaraaja nahin banoonga। tum bachche banenge। poojya shri lakshmi, shri naaraayan the। satayug mein raajya karte the। yeh niraakaar baap is shareer mein viraajmaan ho padhaate hain aatmaon ko। ham aatmaayen padhti hain। woh hai gyaan ka saagar, shanti ka saagar। baap kehte hain main tumko apna varsa deta hoon, 21 janmon ke liye। satayug mein tum sukh-shanti vaale the। raavan bhoot vahaan hota nahin। woh hai hi sampoorn nirvikaari duniya। abhi hai sampoorn vikaari duniya। abhi tum bachche jaante ho ham baba se takdeer banaane aaye hain। school mein takdeer banaai jaati hai। padhkar paas karenge, teacher banenge। yahaan tum 21 janmon ke liye takdeer banaate ho। woh takdeer banaate hain is ek janma ke liye। school mein padhkar shareer nirvaah ke liye kamaai karenge, apna aur doosron ka shareer nirvaah hoga। to un school mein ek janma ki takdeer banaate hain, janma-janmaantar ke liye barrister, engineer nahin banenge। doosre janma mein phir padhna hoga। woh hai shareer nirvaah arth dhandha ek janma ke liye। baap to kehte hain main tumko 21 janmon ke liye sukh-shanti ka varsa deta hoon। yeh behad ke baap ne kaha, unka koi baap nahin hai। tum bachche kehte ho - baba, ham aapke hain। baba bhi kehte hain - haan bachche, tum hamaare kalpa pahle the, abhi phir bane ho। yeh hai eeshvar baap se bachchon ka sneh। aatma-paramatma alag rahe bahukaal...... 5 hajaar varsha pahle bhi tum bachchon ko gul-gul banaakar health aur wealth di thi kyonki knowledge hai source aaph income। padhaai se hi takdeer banaate hain। woh hoti hai had ki, yeh hai behad ki takdeer। yeh school hai, satsang nahin। satsang mein to jaate hain, koi ne raamaayan, grantha aadi sunaaya। baba to knowledgeful hai। baba koi shaastra aadi nahin padhte hain। kehte hain main to sab kuchh jaanta hoon। yeh sirf tumhaari buddhi mein hi hai ki woh hai most beloved baap, jisko sab yaad karte hain ki is patit duniya mein aao, aakar hamko sukh ghanere do। tum maat-pita ham baalak tere.... ab sammukh aakar bachche bane ho। baap hai vichitra। unka koi chitra (shareer) nahin hai। parantu chitra ke aadhaar bigar shiksha kaise deve! isliye kehte hain main is shareer ka aadhaar le, in dvaara tumko padhaata hoon। tum jaante ho hamko koi manushya guru, teacher nahin padhaate hain। likha hua hai bhagvaanuvaach। woh hai niraakaar, brahma devtaae namah, vishnu devtaae namah kaha jaata hai। brahma bhagwan nahin kahenge kyonki woh hai sookshmavtanvaasi। devtaayen hain rachna, unse koi varsa nahin mil sakta, to phir manushya, manushya ko varsa kaise de sakte! to in baaton ko koi samajh na sake। yeh hai god fatherly college। bhagwan padhaate hain। bachche, main tumko manushya se devi-devta banaata hoon। aise aur koi kah na sake। sannyaasi hain hi nivritti maarga ke। satayug mein to pravritti maarga mein pavitra devi-devtaayen the। ab main phir aaya hoon patiton ko paavan banaane। jitna yaad karenge, utna vikarma vinaash honge। aatma hi patit hoti hai। jaise sone mein khaad padti hai, phir jevar khaad vaala banta hai। aatma mein bhi khaad padti hai to iron aged ban jaati hai। ab sabhi tamopradhaan hain, phir tum aatmaayen sundar banengi to shareer bhi sundar milega। satayug mein tum gore arthaat sundar the। phir 84 janma lete-lete shyaam arthaat saanvare bane ho isliye krishna ko shyaam-sundar kehte hain। ek ki to baat nahin hai। saari raajdhaani gori sundar thi। ab shyaam ban gai hai। aatma aur shareer donon hi rogi ban gaye hain। tum jaante ho ham so poojya devi-devta the। maaya ne poojya se pujaari banaaya hai। devi-devta dharma vaale dharma bhrashta, karma bhrashta ho gaye hain। devtaaon ke aage jaakar kehte hain - ham neech paapi hain, hamaare mein koi gun nahin hain, ham kangaal duhkhi hain। bhaarat mein devi-devtaaon ka raajya tha। bhaarat sirtaaj tha। ab to praja ka praja par raajya hai। baap ko jaante nahin। yeh to jaante ho is puraani duniya ka vinaash hona hai। gaaya jaata hai vinaash kaale vipreet buddhi.... kiski? yaadvon aur kaurvon ki, jo baap ko nahin jaante hain।

bhagvaanuvaach - tumhaari takdeer jo doobi hui thi, woh abhi jag chuki hai। takdeer ban jaane ki yeh padhaai hai। svarga ka maalik to svarga ki sthaapna karne vaala hi banaayega। svarga ki sthaapna karne vaala hai heavenly god father। narkavaasi maaya banaati hai। tum gaate bhi ho duhkh mein simran sab karen, sukh mein kare na koy। bhakti shuru hoti hai dvaapar se। bhakti ka phal dene bhagwan ko aana pade। ab bhagwan ghar baithe aaye hain bhaarat mein। bhaarat unka ghar hai na। shivraatri bhi yahaan manaate hain, mandir bhi yahaan bane hue hain। shivbaaba tum bachchon ko baith knowledge dete hain, jisko gyaan amrit athva somras bhi kehte hain। golden aged banaane liye knowledge dete hain। to naam somnaath pada hai। abhi to bhaarat kitna kangaal hai। tumko is samay 3 pair prithvi ke bhi nahin milte। kahaan baith-kar padhte ho? yeh to bade te bada hospital kam college hai। tum midget ho। kehte ho baba main aapka 12 maas ka bachcha hoon। aatma bolti hai is shareer dvaara - baba main 6 maas ka bachcha hoon to midget hua na। bolta hai - main aapka bana hoon। achha, ab achhi reeti padho to saath le jaaoonga। sannyaasi brahm athva tatva ko yaad karte hain। baap ko chhod, rahne ke sthaan ko yaad karte hain। samajhte hain ki brahm hi bhagwan hai lekin yeh unhon ka meetha bhram hai। brahm tatva jismen ham ashareeri aatmaayen nivaas karti hain, usko bhagwan kaise kaha ja sakta hai! phir kehte hain ham brahm mein leen ho jaayenge। aatma to avinaashi hai। unko part bajaate hi rehna hai। baap achhi reeti baith samjhaate hain। yeh daada bhi bhal shaastra aadi padhe hue the parantu mujhe nahin jaante the। ab inko bhi sunaata hoon, inki aatma sunti hai। main inke baaju mein aakar baithta hoon। tumko padhaata hoon। yeh bhi sunta hai, inke mukh se hi padhaata hoon। tumko dehi-abhimaani banaata hoon। duniya mein koi dehi-abhimaani hote nahin। tum bachche behad ke baap se behad sukh ka varsa le rahe ho, paanch hajaar varsha pahle muaaphik। sannyaasiyon aadi ko apne shaastra hi buddhi mein aayenge। yahaan koi shaastra ki baat nahin। baap ko kya yaad aayega? woh to maalik hai। tum yaad karte ho behad ke baap ko। prajaapita brahma ke tum brahma-kumaar kumaariyaan ho। daade se varsa lete ho, brahma dvaara। father hai saakaar। grand father hai niraakaar। shivbaaba ki aatma ismen hai। donon hain niraakaar। yeh saakaar father, father bhi hai to mother bhi hai, inse tumko adopt karte hain। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) padhaai par poora dhyaan dekar 21 janmon ke liye apni takdeer banaani hai। ek baap ki mat par chal apna khaana aabaad karna hai।

2) aatma-abhimaani banna hai। yaad ki yaatra se aatma ko sampoorn paavan banaana hai।

vardaan:- sada apne aap mein shubh ummeeden rakh dilshaah banne vaale badi dil, phraakdil bhav

sadaiv apne mein shubh ummeeden rakho, kabhi bhi naaummeed nahin bano। jaise baap ne har bachche mein shubh ummeeden rakheen। koi kaise bhi hain baap last number se bhi kabhi dilshikasta nahin banen, sada hi ummeed rakhi। to aap bhi apne se, doosron se, seva se kabhi naaummeed, dilshikasta nahin bano। dilshaah bano। shaah maana phraak dil, sada badi dil। koi bhi kamjor sanskaar dhaaran nahin karo। knowledgeful ban maaya ke bhinna-bhinna roopon ko parakh kar vijayi bano।

slogan:- “aap aur baap'' donon aisa combined raho jo teesra koi alag kar na sake।