Daily Murli for Wednesday 5 July 2023

05-07-2023 praatahmurli om shanti "baapdaada"' madhuban

“meethe bachche - yeh almighty government hai, baap ke saath dharmaraaj bhi hai, isliye baap ko apne kiye hue paap bataao to aadha maaph ho jaayega''

prashn:- raajdhaani ka maalik aur praja mein saahookaar kis aadhaar par bante hain?

uttar:- raajdhaani ka maalik banne ke liye padhaai par poora dhyaan chaahiye। padhaai se hi pad ki praapti hoti hai। saahookaar praja banne vaale knowledge lenge, beej bhi boyenge (sahayogi banenge), pavitra bhi rahenge lekin padhaai par poora dhyaan nahin denge। padhaai par dhyaan tab ho jab pahle pakka nishchay ho ki humein svayan bhagwan padhaane aate hain। agar poora nishchay nahin to yahaan baithe bhi jaise bhuttu hain। agar nishchay hai to regular padhna chaahiye। dhaaran karna chaahiye।

geet:- nayan heen ko raah dikhaao prabhu…

om shanti। kaliyug ko andher nagri kaha jaata hai kyonki sab aatmaayen ujhaai hui hain, aise nahin ki aankhon se andhe hain। andheri nagri mein sab gyaan netra heen andhe ki aulaad andhe hain। tamopradhaan ban gaye hain। ham sab aatmaon ka baap woh paramatma hai, jab ham sab aatmaayen vahaan mool vatan mein rehti hain to jaagti jyot hain। pahle-pahle satopradhaan sachche sone the। satayug ko kaha hi jaata hai golden ej। hindi mein paaraspuri kaha jaata hai। ab to hai iron ej arthaat tamopradhaan patthar buddhi। satayug mein hai ghar-ghar sojhra, kaliyug mein hai ghar-ghar andhiyaara। devi-devta dharma praayahlop ho gaya hai। sab dharma bhrashta, karma bhrashta hain। apne ko devta kahla nahin sakte kyonki vikaari hain। baba ne saavarkar ka misaal bataaya tha। unko kaha gaya ki aadi sanaatan to devta dharma tha। tum phir aadi sanaatan hindu mahaasbha kyon kehte ho? bola - daada ji, ham log apne ko devta kah nahin sakte kyonki ham apvitra hain। to ab devta dharma ki sthaapna ho rahi hai kyonki yeh missionary hai na। jaise Christ aaya to Christian the nahin। is samay bhi devta dharma hai nahin। ab braahmanon ki sthaapna hui hai। brahman phir devi-devta hone hain। parampita paramatma kehte hain - main hoon devi-devta dharma ki sthaapna karne vaala। main tum aatmaon ka paarlaukik pita hoon, jo main tum sabko bhej deta hoon। jaise woh Christian ki missionary hai, vaise yeh devta dharma ki missionary hain। svayan paarlaukik parampita paramatma kehte hain - bachche, tum jo bhi sunte aaye ho sab jhooth। bhal drama anusaar phir bhi yeh hona hai। parantu is maaya ki bondage se chhudaane kalpa-kalpa main aakar samjhaata hoon aur aakar brahma dvaara devta dharma ki sthaapna karaata hoon। dvaapar se phir aur anek dharma sthaapan hote hain। us samay devta dharma hai nahin। usko kaha jaata hai - raavan raajya। geeta to hai bhaarat ka sarvottam shaastra kyonki bhagwan ka gaaya hua hai। aur sabhi shaastra manushyon ke gaaye hue hain। shreekrishna ne to satayug mein praalabdha paai hai। ab baba kehte hain - main aaya hoon lakshmi-naaraayan ka raajya sthaapan karne, bhaarat mein। aise aur koi geeta sunaane vaala kah na sake। bhagwan hi kehte hain - he bhaaratvaasi bachche, main aaya hoon, brahma dvaara devta dharma sthaapan karne। pahle to brahma dvaara brahman chaahiye। devtaayen to praalabdha bhogte hain। woh kiska kalyaan nahin karte। woh to raaje log hain। vahaan sampatti bahut hai। maaya hoti nahin isliye unko svarga kaha jaata hai। ab bhaarat narka hai। aur koi bhi geeta sunaane vaale aise kah na saken ki kaam mahaashatru hai, in par vijay paane se tum svarga ke maalik banoge। bhal tum saare bhaarat mein jaao, koi bhi aisa kah nahin sakta kyonki khud hi vikaari hai। un bichaaron ko bhi yeh pata nahin ki sabka antim janma hai। baba batlaate hain ki pahle to inka yeh bahut janmon ke ant ka janma hai, jismen main pravesh karta hoon arthaat ab saare srishti ka hi ant hai। is ek janma ke liye tum pavitrata ka beeda uthaao। yeh koi jhooth baat to nahin। mahaabhaari ladaai bhi dekh rahe ho। thodi-thodi rehearsal hoti rahegi। bachchon ne vinaash-sthaapna ka saakshaatkaar kiya hai। isse siddha hota hai - antim janma hai। aur geeta sunaane vaale aisa kah na saken ki yeh antim janma hai isliye pavitrata ka beeda uthaao। tumhaara yeh raajayog hai। tum tapasya karte ho, raajaai ke liye। ab yeh sachchi kamaai karni hai। is antim janma mein pattharnaath se paarasnaath bante ho। bilkul oonch pad paate ho।

jo hamaare puraane bachche hain, jinko maaya ne bhasmeebhoot kiya hai, unhon ko aakar jagaaya hai। yeh gora tha। ab sab aatmaayen kaali tamopradhaan hain। aatma hi kaali aur gori banti hai। aatma ko nirlep kehna bilkul saaph jhooth hai। aatma sanskaar le jaati hai। ab baba kehte hain tum bachche ho eeshvareey mat par। european log bhi kehte hain - bhaarat mein god-goddess ki raajdhaani thi। bhagwan raam, bhagavti seeta, parantu unko bhagwan kah nahin sakenge। woh to deityism hai। vahaan bhagwan koi nahin hai। bhagwan to ek hai। devtaayen teen hain। baaki hai manushya srishti। jaise Christ ne aakar dharma sthaapan kiya, Christian the nahin। vaise ab devta dharma praayah lop hai। sabse uttam dharma hai devtaaon ka। baba kehte hain pahle-pahle yeh roohaani brahman dharma rachta hoon। yeh roohaani brahman paramdham ka raasta bataane vaale hain। kehte hain bhakton ko ghar baithe bhagwan milta hai। to baba batlaate hain pahle number mein bhakta zaroor devtaayen honge। lakshmi-naaraayan ne pahle-pahle bhakti maarga shuru kiya। somnaath ka mandir unhon ne banaaya, kitna saaph-saaph batlaate hain। yeh knowledge uthaayenge bhi woh jo raajdhaani ke maalik banne honge। phir jo praja mein saahookaar banne honge woh gyaan bhi sunenge। beej bhi boyenge lekin padhaai jyaada nahin padhenge। pavitra rahenge। baba kehte hain - bachche, yeh padhaai hai। padhaai se hi pad milna hai। bahut oonch te oonch pad hai। pahle to yeh nishchay chaahiye ki bhagwan ham bachchon ko padhaane aaye hain, na ki shreekrishna। baaki haan, is padhaai se ham shreekrishna banenge। prince-princess to tum sab bante ho। jinko yeh poora nishchay nahin woh is school mein aise baithe rehte jaise koi bhuttu। agar nishchay hai to regular padhna hai। nahin to kuchh samjha nahin hai। yeh avinaashi praalabdha milti hai, avinaashi baba dvaara। baaki sab kabradaakhil ho jaayenge। baaki thode rahenge, jab tak ham taiyaar ho jaayen। phir woh khalaas ho jaayenge। ham-tumne kalpa pahle yeh sab dekha tha। ab dekh rahe hain। abhi kahenge ki 5 hajaar varsha baad phir yeh dharma sthaapan kar raha hoon kyonki unmein brahmaanda aur srishti ke aadi-madhya-ant ka gyaan ho nahin sakta। yeh gyaan baba hi aakar dete hain। brahmaanda arthaat jahaan aatmaayen ande misal rehti hain। woh sannyaasi log phir brahm ko eeshvar kah dete hain। ab brahm to hai tatva। parampita paramatma to hai shiv। woh log to brahmoham bhi kehte, shivoham bhi kehte rehte। parantu shiv to hai brahma-vishnu-shankar ka rachayita। kehte hain na - bhaageerath ne ganga laai। woh yeh bhaageerath manushya hai। nandeegan to phir jaanvar ho gaya। unhonne gaooshaala akshar suna hai to phir bail ko rakh diya hai। mandiron mein bhi right chitra hain - lakshmi-naaraayan, seeta-raam ke। bas, yeh hai oonch te oonch jo praalabdha bhogte hain। praja bhi praalabdha bhogti hai। lakshmi-naaraayan di first, di second, third........ 8 baadshaahi chalti hain। bachche raajya karte hain। seeta-raam ka bhi aise chalta hai। phir gaaya jaata hai jagdamba aadi devi aur brahma aadi dev। Adam-Eve - yeh donon ab kaale hain phir gore banne hain। duniya in baaton ko nahin jaanti। kaali, durga, amba - sab ek ke hi naam hain। sachcha naam sarasvati hai। to aatma kaali hoti hai, baaki koi kaala munh thode hi hota hai। is samay sab aatmaayen kaali hain। ham sab bandar the। ab baba ne hamko apni sena banaaya hai। ab raavan par jeet pa rahe hain।

baba kehte hain main tumko sab shaastron-vedon ka saar brahma dvaara sunaata hoon। brahma ko haath mein shaastra dikhaate hain। shaastra to ek hona chaahiye na। to ab brahma ke haath mein hai - shiromni geeta। baba baith brahma dvaara sab vedon-granthon ka saar bataate hain। unko geeta kaha jaata hai। baaki koi shaastra nahin hain। buddhi mein geeta hai। geeta mein bhagvaanuvaach hai ki kaam mahaashatru hai to geeta sunaane vaalon ko bhi kehna chaahiye ki in par jeet pahno to svarga ke maalik banenge। woh to aise kabhi nahin kahenge। sab jhooth bolte rehte hain। ham bhi jhooth bolte the। hamne bhi bahut guru kiye। arjun ko bhi kaha hai na in sabko bhoolo। tumhaare in gurooon ko bhi paavan karne vaala main hoon। ab tum jo padhe ho woh bhool jaao। na suna hua ab main sunaata hoon। ab tum kaudi se heere jaisa bante ho। ab yeh sab khalaas hona hai। tum bachchon ne vinaash-sthaapna dekhi hai, isliye purushaartha kar rahe hain, baba ke paas sabka potaamel rehta hai। likhkar dete hain - main aisa paapi tha, yeh kiya kyonki dharmaraaj baba kehte hain - hamko sunaane se aadha maaph kar denge। woh sab private rehta hai। padha aur phir phaad diya। yeh almighty government hai। abhi ajun chhota jhaad hai, iska maali khud bhagwan hai। dheere-dheere vriddhi hogi। maaya jhat murjha deti hai। kahaan ki baat kahaan kahaani ke roop mein bana di hai। kahaan hamaare lakshmi-naaraayan maryaada purushottam aur purushotmani mahaan pavitra the। yahaan to sab apvitra hain। woh tha pavitra grihastha aashram dharma। yahaan apvitra grihastha adharma hai। poochhte hain phir duniya kaise chalegi? baba kehte hain yeh duniya rahni hi nahin hai। khalaas honi hai। yeh antim janma hai isliye kaam kataari chalaana chhod do। tumko janma-janmaantar vikaari maa-baap se vish ka varsa milta aaya। ab main ordinance nikaalta hoon - vish ka varsa band karo। nahin to vaikuntha ja nahin sakenge। vikaaron par jeet pahnenge to svarga mein jaayenge, nahin to paataal। raam raajya aakaash to raavan raajya paataal। yeh drama hai। is samay devta dharma vaale aur dharmon mein convert ho gaye hain। apne asli dharma ko nahin jaante hain। koi dharma mein thoda sukh dekha to jhat convert ho jaate hain, isko kehte hai half caste। yahaan bhi jo brahman caste mein aaye lekin purushaartha mein kamjor hain to praja pad milega। saaph baat batlaate hain।

yeh jo kehte hain rishi-muni aadi trikaaldarshi the, lekin jab jagat mithyam kehte hain to phir trikaaldarshi kaise honge? bahut gapode lagaaye hain। kehte hain phalaana nirvaandhaam gaya - yeh bhi gapoda। sabko part bajaakar yahaan haajir hona hai। sabka guide baba hai। baba kisi se bhakti chhudaate nahin। jab tak paripakva avastha nahin hai to bhal bhakti karte rahen। yaad rakhna - ham koi ka guru nahin। jaise tum sunte ho vaise ham bhi sun rahe hain shivbaaba se। ham sabka guru woh ek niraakaar hai। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is antim janma mein pavitrata ki pratigya kar paan ka beeda uthaana hai। aatma ko kaale se gora satopradhaan banaane ka purushaartha karna hai।

2) avinaashi praalabdha banaane ke liye nishchaybuddhi ban padhaai regular padhni hai। baaki jo ab tak padha hai woh buddhi se bhool jaana hai।

vardaan:- vijay ke umang-utsaah dvaara naaummeendi ko ummeedon mein parivartan karne vaale nishchaybuddhi bhav

agar nishchay atoot hai to vijay sada hai hi, vijay ka umang-utsaah sada rahe, naaummeendi ke sanskaar na hon। koi bhi mushkil kaarya itna sahaj anubhav ho jaise koi badi baat hi nahin hai kyonki anek baar kaarya kar chuke hain, koi nai baat nahin kar rahe hain, isliye naaummeedeen ka naamnishaan bhi na rahe, koi bhi svabhaav-sanskaar mein yeh sankalp na aaye ki pata nahin yeh parivartan hoga ya nahin, hain hi sada ke vijayi।

slogan:- shaktishaali banna hai to sada khajaanon ki smriti aur simran mein raho।