Daily Murli for Friday 7 July 2023

07-07-2023 praatahmurli om shanti "baapdaada"' madhuban

“meethe-bachche - arth sahit baap ko yaad karne se hi tumhaare paap naash honge, aatma patit se paavan banegi, number one subject hai yaad ki''

prashn:- manushyon ki arji kya hai aur baap us arji ko kaise poora karte hain?

uttar:- manushya baap se arji karte hain - O god father, humein paapon se mukta karo, O merciful baba, raham karo। baba sabhi ki arji sunkar svayan aate hain aur paapon se mukta hone ki yukti bataate hain - bachche, tum mujhe yaad karo। sirf baap ki mahima gaane se koi faayda nahin, charitra gaane nahin hain lekin raajayog seekhkar charitravaan banna hai।

geet:- bholenaath se niraala…

om shanti। yeh mahima kiski suni? bigdi ko banaane vaale ki। aadi-madhya-ant ki knowledge sunaane vaala woh hai oonch te oonch। jab koi samajhne ke liye aate hain to hamesha unko pahli baat samjhaani hai ki oonch te oonch bhagwan gaaya jaata hai। oonch te oonch unka naam bhi hai, oonch te oonch unka thaanv (rahne ka sthaan) bhi hai। granth mein bhi hai ooncha jiska naam, ooncha jiska thaanv। oonch te oonch rahne vaala hai parampita paramatma। woh hai niraakaari duniya, jahaan niraakaar parampita paramatma rehte hain। phir neeche hai aakaari aur saakaari duniya। to pahle-pahle parichay unka dena hai। parampita paramatma to hai hi truth। woh hai rachayita। phir hai unki rachna। oonch te oonch beejroop, phir unke neeche sookshmavtanvaasi brahma-vishnu-shankar। woh hai rachna। rachayita sabke oopar hai। woh rachayita hai baap, baaki hai rachna। sab ek parampita paramatma ki santaan hain, isliye ham aatmaayen sab bhaai-bhaai thahre। to parampita paramdham mein rehte hain। unko hi paramatma kaha jaata hai। shaareerik pitaayen to bahut hain na। pahle-pahle parichay dena hai roohaani baap ka। unki hai sab rachna। chitron par bhi dhyaan khinchavaana hai। pahle-pahle hai oonch te oonch parampita paramatma, jisko manushya srishti roopi jhaad ka chaitanya beejroop kaha jaata hai। woh sat-chit-aanand swaroop hai। sat arthaat sach kahne vaala। aatma bhi sat hai, woh bhi jalti-marti nahin। sat ke bachche bhi sachche hone chaahiye। tum pahle-pahle devi-devta sachche the। sachkhanda sthaapan karne vaala sachcha baba hai। aise nahin ki parampita paramatma jhooth khanda sthaapan karte hain, nahin। sachkhanda tha phir yeh bhaarat jhooth khanda bana hai। sachcha hai parampita paramatma। patit banaane vaale ko sachcha nahin kahenge। aur sab hain jhoothe। 5 vikaar roopi maaya raavan jhootha banaati hai। raam sachcha, raavan jhootha। raavan hi bhaarat ko jhootha banaate hain। kahaani saari bhaarat par hai। samjhaana hai bhaarat svarga tha ab narka hai। baap ko svarga banaane vaala va svarga ka rachayita kaha jaata hai। mahima bhi bhaarat ki hai। aadi-madhya-ant ka gyaan tumko sunaate hain, jisse tum trikaaldarshi bante ho। isko kaha jaata hai - svadarshan chakra। tum jaante ho ki ham aatmaayen phir se parampita paramatma se varsa le rahi hain। gaaya bhi jaata hai aatmaayen aur paramatma alag rahe bahukaal। abhi yeh milan bahut sundar mangalkaari hai। tum pahle-pahle baap ka parichay dete ho। rachayita baap ko sarvavyaapi kahne se phir yeh siddha nahin hota ki ham sab bachche hain। bachche aise nahin kahenge ki ham sab parampita paramatma hain। sarvavyaapi kahne se baap ke saath woh lav nahin rehta, na buddhiyog rehta hai। bhaarat ka praacheen yog mashhoor hai। vaastav mein buddhi ka yog lagaana hai baap se। sarvavyaapi hai to phir yog kisse lagaayen? kya apne aapse lagaayen? koi arth hi nahin nikalta। yahaan to tum arth sahit jaante ho। baap khud kehte hain mere saath yog lagaane se tumhaare vikarma vinaash honge। vikarma to hote rehte hain। sampoorn karmaateet avastha ant mein hogi। jab gyaan ka ant hoga tab result niklegi। school mein bhi koi kis subject mein teekhe jaate hain, koi kismen teekhe jaate hain। sahaj subject hai yaad ki। baap ko yaad kiya jaata hai। yaad se phir aatma achhi hogi। bartan saaph hoga। aatma jo im-pure bani hai woh pure banti jaayegi। oonch te oonch baap aakar padhaate hain aur oonch te oonch pad praapta karaate hain। tum manushya se devta bante ho। samajhte ho ki barobar aadi sanaatan devta dharma tha। unko hindu nahin kahenge। bhaarat ka naam badalkar hindustaan naam rakh diya hai। aadi sanaatan pavitra devi-devta dharma tha, jisko vaikuntha athva svarga kaha jaata hai। woh to satayug hai। unko kaha jaata hai nai duniya। unko rachne vaala baap hai। woh hai niraakaar। sabhi kehte bhi hain O god father। woh oonch te oonch rehte hain। brahma-vishnu-shankar ko sookshm deh mili hui hai। usko sookshm lok kaha jaata hai। aur woh hai shantidham, silence world। yeh hai sthoolavtan। to pahle-pahle jab koi bhi aate hain to unse form bharaana hai। aatma ka baap kaun hai? oonch te oonch to bhagwan ko hi kaha jaata hai। saadhu santa aadi sab praarthana karte hain। praarthana ko request bhi kaha jaata hai। O god father, ham arji karte hain, hamaare paapon ko dagdha karo aur merciful baba raham karo। aise-aise pukaarte hain। raham sabhi to nahin karenge। sab par raham karne vaala to ek hi baap hai। sarvodaya kehte hain na। ab woh kya karte hain? kitne par raham karte honge। woh bhi drama mein noondh hai। is samay jo kuchh chalta hai unse tum bhent karte ho। geeta bhaagvat mein yeh baaten hain nahin। geeta hai gyaan baaki charitra aadi ki to koi darkaar nahin। student teacher ke charitra gaate hain kya? master ki baith mahima karne se koi bhi faayda nahin। baap ki sirf mahima karna - woh gyaan ka saagar hai, sukh ka saagar hai isse kuchh bhi milta nahin hai। abhi tum bachche samajhte ho ki baba hamko raajayog sikhlaae trikaaldarshi banaata hai arthaat teenon kaalon aur teenon lokon ki knowledge deta hai। to tum master triloki ke naath bhi kahla sakte ho। trikaaldarshi bhi kahla sakte ho। barobar ham teenon lokon ko jaanne vaale naath bante hain। yeh raajayog hai। ham baadshaah ban rahe hain। banaane vaala baap hai। paarasnaath kehte hain na। woh hai lakshmi-naaraayan, bhal unhon ke mandir hain lekin manushya jaante nahin ki yeh kaun hain? lakshmi-naaraayan hain paaraspuri ke naath। paaraspuri satayug ko kaha jaata hai।

tum yeh jaante ho ki barobar shreekrishna ke heeron-javaahron ke mahal the। paarasnaath the। to pahle-pahle yeh samjhaao ki yeh maante ho ki sabhi ka rachayita baap hai। brahma-vishnu-shankar ka bhi woh rachayita thahra। pahle to yeh nishchay karo ki woh baap svarga ka rachayita hai। svarga mein aadi sanaatan devi-devta dharma vaale the। unhon ko yeh knowledge kab mili? baap kehte hain ki main kalpa-kalpa sangamayuge aata hoon knowledge dene। barobar tum satayug aadi ke paarasnaath ban rahe ho। kitni first class knowledge hai। yahaan baithe ho, tum samajhte ho ham baba se svarga ka varsa paae paarasnaath paaraspuri ke maalik banenge। buddhi jaanti hai ki lakshmi-naaraayan aadi devi-devtaayen kitne dhanvaan the। bahut jevar aadi the। bade saahookaar hote hain। to pahle-pahle baap ko jaan unse varsa lena hai। yaad se varsa lena hai। sookshm baat yeh hai। heere javaahron ke kitne bade-bade mahal the। abhi woh khatma ho gaye hain। phir apne samay par khade ho jaayenge। pahle the, phir khatma hue, phir honge zaroor, drama mein noondh hai। yeh buddhi se samajhne ki baat hai। ladaai mein bhi sab toot phoot jaate hain। phir nayesir mahal banaate hain। mahal zaroor banaaye honge। tumko saakshaatkaar hota hai ki barobar mahal hain। hamne banaaye the। aise nahin ki saagar ke neeche chale gaye jo ab nikalne hain। nahin। yeh to drama ka chakra phirta rehta hai। woh samajhte hai ki lanka raavan ki athva sone ki dvaarika neeche chali gai hai jo phir niklegi। parantu aise to hai nahin। abhi tum dvaarika ke maalik ban rahe ho। kitne maalaamaal the! dhan daulat sab tha। ab sab gaayab ho gaya hai। sab le gaye। phir aise hi hoga। pahle-pahle baap ka parichay dekar phir chakra ka raaz samjhaana hai ki yeh kaise phirta hai? satayug ki sthaapna baap hi karenge। ab baba sammukh baith kehte hain ki mujhe yaad karo। is yaad ki yog agni se hi tum patit se paavan bante ho aur koi upaay nahin hai। yog agni se aatma patit se paavan banti hai। patit-paavan baap hi aakar paavan duniya sthaapan karte hain। phir tum ganga ke liye kyon kehte ho ki yeh patit-paavni hai। jap, tap, ganga snaan aadi karna yeh sab bhakti maarga ki saamagri hai। bhakti maarga pahle avyabhichaari tha phir vyabhichaari bana hai। aadhaakalpa laga hai vyabhichaari banne mein। 16 kala se 14 kala, phir kalaayen kam hoti jaati hain। yeh gyaan saagar baap samjhaate hain। brahma-vishnu-shankar ko gyaan saagar, manushya srishti ka beejroop nahin kaha jaata। parampita kahne se buddhi brahma-vishnu-shankar taraph nahin jaati hai। aatmaayen parampita paramatma baap ko hi yaad karti rehti hain। jab unhon ko duhkh hota hai। satayug mein sukh hai to koi bhi pukaarta nahin। ab aatmaayen jaanti hain ki aadhaakalpa se duhkh paaya hai। abhi phir svarga mein jaayenge। vahaan koi bhi duhkh nahin isliye satayug mein baba ko yaad karne ki darkaar nahin padti। drama anusaar baba hamko sukh ka varsa dekar hi jaayenge। manushya jab budhe hote hain to vaanaprastha mein jaakar baithte hain। guru karte hain। yahaan to baap svayan aakar satguru bante hain। kehte hain ki tum sabko saath le jaaoonga। aise aur koi bhi kah na saken। saath mein to koi bhi nahin le jaayenge। har ek ko punarjanma zaroor lena pade। part mein to aana hi hai। main to ghadi-ghadi janma nahin leta hoon। agar main bhi ghadi-ghadi janma loon to tamopradhaan ban jaaoon। aatma hi impure banti hai। aatma mein khaad padti hai। golden ej, silver ej akshar abhi hai। barobar abhi iron ej hain। ab sangam hai। baap ko zaroor aana hi hai। puraani srishti ko naya banaana - yeh baap ka hi kaam hai। baap hi patit-paavan hai arthaat srishti ko badalne vaala hai। srishti ka rachayita nahin, badalne vaala hai। rachne vaala kahne se manushya samajhte hain badi pralay hoti hai। patit-paavan akshar theek hai। saadhu log bhi gaate hain patit-paavan seetaaraam, aise to kabhi nahin kehte ki patit-paavni ganga। patit-paavan kahne se buddhi paramatma ki taraph chali jaati hai। ganga nadi to vahaan bhi hoti hai, parantu vahaan sab cheezen satopradhaan ho jaati hain, ganga bhi satopradhaan। yahaan to tamopradhaan hai, floods kar deti hai, gaanvadon ko dubo deti hai। brahm-putra kitne gaanv ko dubo deti hai। yeh hai hi duhkhadhaam। satayug mein thode hi duhkh bhogenge। vahaan to kaaydesir apna raasta lekar chalegi। yahaan raasta chhod deti hai। kabhi kis taraph chali jaati hai। vahaan 5 tatva satopradhaan hone kaaran jal bhi kabhi duhkh nahin deta। yahaan jal bhi duhkh deta hai। pahle to yeh samajhna hai ki svarga ka sukh dene vaala kaun hai? zaroor baap hi hoga। abhi to narka hai। baba aaya hai। ham prajaapita brahma ke bachche brahmaakumaar-kumaariyaan hain। prajaapita brahma ho tab nai srishti rache। manushya se devta kiye........ kisne kiya? parampita paramatma ne। shreekrishna to svayan devta hai। baap hi aakar manushya ko devta banaate hain। yeh tum abhi jaante ho। aage to sirf gaate the manushya se devta kiye........ jaante nahin the ki satayug kisne sthaapan kiya? rachayita kaun hai? satayugi srishti phir kaliyugi ban jaati hai। to tum bachche samajh gaye ho ki yeh bada maandava hai - aakaash tatva ka। ismen khel hota hai, open stage chaahiye na। manushya part bajaate hain to roshni bhi chaahiye। iske liye phir sooraj, chaand seva karte hain। sitaare bhi chamakte hain। jab raat hoti hai to roshni arthaat sukh dete hain isliye soorya devta, chaand devta kehte hain। roshni aadi ka sukh dete hain na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) drama ke chakra ko yathaartha reeti samajhkar purushaartha karna hai। baap samaan merciful ban sabhi par raham karna hai।

2) baap sachkhanda sthaapan kar rahe hain isliye sachcha hokar rehna hai। baap ki yaad se aatma ko svachchha banaana hai।

vardaan:- seva ki bhaavna dvaara amar phal praapta karne vaale sada maaya ke rog se mukta bhav

jo bachche sangamayug par prabhu phal, avinaashi phal, sarva sambandhon ke sneh ke ras vaala phal khaate hain ve sada hi maaya ke rog se mukta rehte hain। aur phal to satayug mein bhi milenge aur kaliyug mein bhi milenge lekin seva ki bhaavna ka pratyakshaphal, prabhu phal agar abhi nahin khaaya to saare kalpa mein nahin kha sakte। yeh phal eeshvareey jaadu ka phal hai, jis phal ko khaane se lohe se paaras to kya lekin heera ban jaate ho। yeh phal sarva vighnon ko samaapta karne vaala amar phal hai।

slogan:- apkaariyon par bhi upkaar karne vaale, nidank ko bhi mitra samajhne vaale hi baap samaan hain।