Daily Murli for Friday 22 September 2023

22-09-2023 praatahmurli om shanti "baapdaada"' madhuban

“meethe bachche - pad ka aadhaar padhaai par hai, padhkar phir padhaana hai, gali-gali mein jaakar baap ka parichay dena hai''

prashn:- tum bachchon ko kis ichchha se pare rahkar seva mein lage rehna hai?

uttar:- tum merciful bachche ho, tumhein kisi se paisa lene ki ichchha nahin rakhni hai। is ichchha se pare rahkar daan karne ki seva mein, doosron ko aapasmaan banaane mein lage rehna hai। buddhi mein rahe - jiski takdeer mein hoga woh beej avashya boyenge। agar koi vaacha ya karmana seva nahin kar sakte hain to dhan se bhi sahayogi bante hain। gareeb bachche to chaaval mutthi dekar mahal le lete hain।

geet:- preetam on milo…

om shanti। preetmaaon ke liye ek hi pukaar kaaphi hai। ab yeh kisne pukaara aur kisko? yeh to sirf tum bachche hi jaante ho kyonki tumne baap dvaara baap ko jaana hai। father shows san, phir san shows father - aisa kaayda hai। ab preetmaayen sab preetam ko pukaarti hain। geet to shreekrishna ke liye gaaya hua hai। sabki shreekrishna ke saath preet to hai hi। shreekrishna ke bhakta samajhte hain shreekrishna ne raajayog sikhaaya tha। vaastav mein preetam sabka ek hi hai। sarva patiton ko paavan banaane vaala ek hi hai। niraakaar ko hi yaad karte hain parantu parampita paramatma ko phir yathaartha reeti jaante nahin। niraakaar ka yathaartha arth kya hai, so jaante nahin। baap ne samjhaaya hai vaastav mein ek hi raam hai, he prabhu, he eeshvar, O god...... ek ko pukaarte hain। koi jismaani manushya ya devta ko nahin pukaarte। buddhi niraakaar taraph chali jaati hai। god father sabhi ka ek hi hai। samajhte bhi hain ham brothers hain। parantu aatmaon ke roop mein hain। yoon to har ek apne-apne dharma ka hai। apne dharma ke bhaai-behen bhi ladte rehte hain। jab sabhi duhkhi hote hain to baap kehte hain mujhe yaad karo kyonki sarva ka patit-paavan main hi hoon। preetam to sab preetmaaon ka ek hi hai। sajni saajan ko yaad karti hai। preetmaayen yaad karti hain - preetam on milo। aatma yaad kar rahi hai jiya bulaaye। bulaane vaali to aatma hai na, shareer to nahin। jeev aatma, jeev aatma se baat karti hai। duniya mein manushya to deh-abhimaani hone kaaran apne ko shareer samajhte hain। tum bachchon ko yeh pakka-pakka samajhna hai ki jeev ki aatma bulaati hai। aatma pyaar karti hai। shareer, shareer se pyaar nahin karta। aatma shareer dhaaran karti hai। is samay ka pyaar bhi ashuddha hai। devi-devtaaon ka pyaar to bahut shuddh hoga na। manushya samajhte hain pyaar vikaar ka hi hota hai। parantu satayug mein pyaar hai lekin vahaan koi bhi vikaar nahin hota hai। baap tum bachchon ko 21 janmon ke liye in vikaaron se bachaate hain। tum yeh baaten kisko baith samjhaao to sunkar bada khush honge।

tum kehte ho - baba, service nahin hoti hai parantu service ke tareeke to bahut bataate hain। abhi dashahra aata hai, deviyon ki pooja bhi sab jagah hoti hai। to vahaan bhi jaakar samjhaana chaahiye। baap ki pahchaan deni chaahiye। woh hai parampita paramatma niraakaar baap। ham aatmaayen bhi mool vatan mein rehti hain। vatan ghar ko bhi kaha jaata hai। ham aatmaon ka baap bhi vahaan paramdham mein rehte hain। baap bachchon ko bhej dete hain। yeh bhi drama anusaar automatically chalta rehta hai। unko bhi apne samay par aana padta hai। ek baap hai baaki sab hain aatmaayen। yeh hai manushya srishti। unmein daivi gun vaale manushya lakshmi-naaraayan the satayug mein। baaki koi 8-10 bhuja vaale manushya nahin hote। yeh kahaan se aaye? pooja jahaan hoti hai vahaan tumko innocent ho jaakar poochhna chaahiye - yeh kya hai? roodra yagya bhi bahut hote hain। saahookaar log yagya aadi bahut karaate rehte hain। tum kahaan bhi raman kar sakte ho, tum ramtaayogi ho। jo jis-jis desh mein rahne vaale hain vahaan service kar sakte hain। yeh kaun hain jo inki pooja hoti hai? kya karke gaye hain? kiski santaan hain? aise-aise baith poochhna chaahiye। phir samjhaana chaahiye kyonki tumhein sabka kalyaan karna hai, merciful banna chaahiye। muphta paise barbaad karte rehte hain।

bachchon ke liye service to bahut hai। abhi dashahra aata hai, us par samjhaana chaahiye ki raavan ko kyon jalaate hain? raavan ka raajya kab se kab tak chala? phir vishnu ka raajya kitna samay chala? yeh hai brahma ka din, yeh hai brahma ki raat। government ko jaakar samjhaana chaahiye। barobar, ab raavan raajya hai na। woh hain vishnu sampradaay athva daivi sampradaay, yeh hain aasuri sampradaay। badon-badon ko jaakar samjhaana chaahiye। chitra le jaana chaahiye। koshish karni chaahiye - aisa baan maaren jo naam baala ho jaae। banaaras mein bahut bade-bade title milte hain sarasvati aadi ke। ab sarasvati to hai jagat amba। bhaaratvaasi sab jagat amba ko maanenge, jagat ko rachne vaali। to zaroor pita bhi hoga। jagat pita brahma aur jagat amba sarasvati kehte hain na। sarasvati bhi brahma ki bachchi hai, brahma ki mukh vanshaavli hai। brahma ko phir rachne vaala kaun? gaaya jaata hai shiv parmaatmaae namah, woh ho gaye devtaae namah to devtaaon ka rachayita woh shiv paramatma ho gaya, unse varsa mila hoga। to tum bachchon ko samjhaane nikalna pade na। jo-jo achhe samajhdaar hain unhein service karni chaahiye। baap to gali-gali mein nahin jaayenge। yeh bachchon ka kaam hai। service nahin karte hain to samjhenge serviceable nahin hain। to pad bhi aisa hi paayenge। bhal bachche to bane hain parantu padhaai par saara madaar hai, jo jaasti padhenge woh oonch pad paayenge। padhe hue ke aage anapdhe bhari dhoyenge। purushaartha oonch pad paane ka karna chaahiye। yeh shivbaaba sammukh samjha rahe hain। baahar vaale bachche bhi samjhenge - shivbaaba madhuban mein murli chalaate honge। murli nahin aati hai to bachche hairaan ho jaate hain, sochte hain - shivbaaba ki murli kyon nahin aai? kyonki shivbaaba ki murli se hi hamaara janma heere jaisa banna hai। murli to roz sunna chaahiye। 7 roj ki murli bhi agar kiske paas jaaye, woh baith padhe to kitni khushi mil jaae। padhna zaroor chaahiye। koi bhi loola, langada, goonga bhi yeh padh sakte hain। kaise bhi bukhaar mein, beemaari mein bhi murli zaroor padhni chaahiye।

tum sirf bolo - tumko do baap hain, to jise varsa lena hoga woh usi samay in do aksharon se bhi samajh jaayenge। yeh knowledge hi aisi sahaj hai। baap ko yaad karne se saara chakra buddhi mein aa jaata hai। jitna buddhi mein chakra phiraayenge to chakravarti banenge। baap kehte hain jo mere bhakta hain athva lakshmi-naaraayan aadi ko maanne vaale hain unhon ko samjhaao - tum hi devi-devta the, 84 ka chakra lagaaya ab phir devta bano। yeh baba bhi lakshmi-naaraayan ka bhakta tha na। pujaari se phir poojya bante hain। lakshmi-naaraayan poojya hain na। tum lakshmi-naaraayan ke mandir mein jaayenge, kahenge - kal inki pooja karte the, aaj ham woh ban rahe hain। samjhaana to bada sahaj hai। tum bachchon ko merciful banna hai। jisko service ka shauk hoga woh sikhlaane vaali braahmani ka saath pakdenge। hamko baith samjhaao। tum khaate ho shivbaaba ke bhandaare se to shivbaaba ki service karni pade na। sabhi shivbaaba ki bhandaari mein daalte hain। samajhte hain ham shivbaaba ki bhandaari se khaate hain। to mansa-vaacha-karmana service karni chaahiye। yahaan tumko kitna maja aata hai! woh maja ghar mein aa na sake। mansa service bhi karni hai, yaad karna hai। pavitra banna hai। shankh dhvani bhi karni hai। karmana koi bhi yagya service karni hai। shuru mein mama-baba bhi bartan maanjate the। gobar ke chhene (kande) banaate the। deh-abhimaan todne ke liye sab karte the। abhi phir bahuton mein din-pratidin deh-abhimaan badhta jaata hai। yagya ka khaate hain to service bhi karni chaahiye। baap ko yaad karne se vikarma vinaash honge। sarvavyaapi kahne se vikarma vinaash kaise honge? sarvavyaapi kahne se to buddhi ka yog lag nahin sakta। to yeh seva sabki karni hai। daan dena hai। woh seva nahin to sthool seva karo। woh bhi nahin kar sakte ho to dhan ki seva karo। to woh bhi service ho jaayegi। beej boya jaata hai to unka phal nikalta hai। yahaan chaaval chapti dene se mahal mil jaate hain। kisko bhi kehna nahin hai ki beej boo। takdeer mein nahin hoga to kabhi buddhi mein aayega hi nahin। saahookaar log hote hain to 5 laakh ka bhi insurance karte hain। gareeb hoga to 500 ka insurance karega। yahaan phir gareeb sabse jaasti insure karte hain। gareeb ke chaaval mutthi bhi saahookaar ke dhan se equal ho jaate hain। mama ne dekho kya insure kiya? tan-man se dekho kitni seva ki। bahut dhan dene vaalon ko bhi itna pad nahin mil sakta, jitna unko milta hai।

tum ho nar se naaraayan banne vaale। yeh knowledge hai hi svaraajya yog। har ek ki buddhi samajh sakti hai - ham mama-baba ko follow karte hain? purushaartha karna chaahiye na। yeh gyaan saagar to galiyon mein nahin jaayega। na baba public mein bhaashan kar sakte hain। baap kehte hain main to bachchon ke saamne baith bhaashan karoonga। main sabka baap hoon। tum maataayen, kumaariyaan ho। tumko jaakar bhaashan karna hai। phir bhi tum bi.ke. ho। abhi jagat amba par kitna bada mela lagta hai। kuchh to service karke gai hai na। tum batla sakte ho vahaan bahut service kar sakte ho। serviceable bachche aapehi service karte rahenge। jo aape hi kare so devta...... subah ko jaao, raat ko laut aao। service karne ki himmat chaahiye। bahut achhe-achhe bachche hain। parantu koi na koi bandhan mein hain। rudra gyaan yagya mein ablaaon par anek prakaar ke vighna padte hain। practical mein dekh rahe ho। to baap se yadi varsa lena hai to service mein tatpar rehna hai। shreemat par chalo। haan, laukik maa-baap aadi hain to unki service bhi karni hai, saath-saath yeh service bhi karna hai। baambe mein bhi amba ke mandir mein bahut jaate hain, vahaan bhi jaakar service kar sakte ho। haan, aise jo service karenge unko government bhi shareer nirvaah arth dene ke liye taiyaar hai। yadi kuchh bhi samajhne vaale nahin hain phir bhi mehnat karo, koi na koi nikal aayega। surgeon bahut chaahiye। tum ho andhon ki laathi। tum bachchon ke liye service to dher hai। tumko koi se paise aadi lene ki ichchha nahin hai। tumko to merciful banna hai। merciful baap ke bachche bhi raham-dil, jo bahuton ko maarga bataayenge woh pad bhi oonch paayenge। sunte to bahut hain na। yahaan se gaye to phir bhool jaata hai। nambarvaar dhaarna karte hain, ismen badi achhi mehnat karni chaahiye। 21 janmon ka raajya bhaagya milta hai। kam baat thode hi hai। jaise government kehti hai sona haraam hai। baap bhi kehte hain neend ko jeetne vaale bano। raat ko bhi kamaai karo।

koi shareer chhodte hain to samajhte hain drama mein unka itna hi part tha। ananya bachche jo hote hain woh aate hain। koi to bahut aansu bahaate hain, pachhtaate hain - hamne service nahin ki, baap ka kehna nahin maana। aise-aise bhinna-bhinna prakaar ke hote hain। baba saakshaatkaar karaate hain - tumko kitna kehte the service kar aap samaan banaao, tumne kuchh nahin kiya, phir rote hain। dharmaraaj ke aage bhi rote hain, maar khaate hain। imtahaan ho gaya, result nikal gai phir rone se kuchh phaayda hoga kya?

abhi preetam aaya hua hai preetmaaon ko le jaane। kehte hain aao to ham tumko vishwa ki mahaaraani banaayen। jo purushaartha karenge woh banenge। stars mein bhi nambarvaar hote hain। koi to bahut chamakte hain। tum purushaartha kar rahe ho। oopar mein tumhaare pichhaadi ki result ka yaadgaar hai। abhi to grahan lagta hai na। chalte-chalte grahchaari baith jaati hai। to toofaan se nikal nahin sakte। grahan laga, yeh gira। grahan bahuton ko lagta hai। grahchaari maat-pita ko bhi bhula deti hai। paripoorna to koi bane nahin hain। maaya bhi roostam se roostam ho ladegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ramta yogi ban seva karni hai। mansa, vaacha, karmana kisi bhi prakaar ki seva mein busy zaroor rehna hai।

2) raat ko jaagkar kamaai karni hai। neend ko jeetne vaala banna hai। murli kisi bhi paristhiti mein zaroor padhni hai।

vardaan:- alpakaal ke sanskaaron ko anaadi sanskaaron se parivartan karne vaale vardaani mahaadaani bhav

alpakaal ke sanskaar jo na chaahte hue bhi bol aur karma karaate rehte hain isliye kehte ho mera bhaav nahin tha, mera lakshya nahin tha lekin ho gaya। kai kehte hain hamne krodh nahin kiya lekin mere bolne ke sanskaar hi aise hain...to yeh alpakaal ke sanskaar bhi majboor bana dete hain। ab in sanskaaron ko anaadi sanskaaron se parivartan karo। aatma ke anaadi original sanskaar hain sada sampanna, sada vardaani aur mahaadaani।

slogan:- paristhiti roopi pahaad ko udti kala ke purushaartha dvaara paar kar lena hi udta yogi banna hai।