Daily Murli for Wednesday 15 November 2023

15-11-2023 praatahmurli om shanti "baapdaada"' madhuban

“meethe bachche - sarva par blessing karne vaala blissful ek baap hai, baap ko hi duhkh harta, sukh karta kaha jaata hai, unke sivaae koi bhi duhkh nahin har sakta''

prashn:- bhakti maarga aur gyaan maarga donon mein adopt hone ki rasma hai lekin antar kya hai?

uttar:- bhakti maarga mein jab kisi ke paas adopt hote hain to guru aur chele ka sambandh rehta hai, sanyaasi bhi adopt honge to apne ko follower kahlaayenge, lekin gyaan maarga mein tum follower ya chele nahin ho। tum baap ke bachche bane ho। bachcha banna arthaat varse ka adhikaari banna।

geet:- om namo shivaae…

om shanti। bachchon ne geet suna। yeh hai parampita paramatma shiv ki mahima। kehte bhi hain shivaae namah। rudraay namah va somnaath namah nahin kehte hain। shivaae namah kehte hain aur bahut stuti bhi unki hoti hai। ab shivaae namah hua baap। god father ka naam hua shiv। woh hai niraakaar। yeh kisne kaha - O god father? aatma ne। sirf ‘O father' kehte hain to woh jismaani father ho jaata hai। ‘O god father' kahne se roohaani father ho jaata hai। yeh samajhne ki baaten hain। devtaaon ko paarasbuddhi kaha jaata hai। devtaayen to vishwa ke maalik the। abhi koi maalik hain nahin। bhaarat ka dhani-dhoni koi hai nahin। raaja ko bhi pita, annadaata kaha jaata hai। abhi to raajaayen hain nahin। to yeh shivaae namah kisne kaha? kaise pata pade ki yeh baap hai? brahmaakumaar-kumaariyaan to dher hain। yeh thahre shivbaaba ke potre-potriyaan। brahma dvaara inko adopt karte hain। sab kehte hain ham brahmaakumaar-kumaariyaan hain। achha, brahma kiska bachcha? shiv ka। brahma, vishnu, shankar teenon hi shiv ke bachche hain। shivbaaba hai oonch te oonch bhagwan, niraakaari vatan mein rahne vaala। brahma, vishnu, shankar hain sookshmavtanvaasi। achha, manushya srishti kaise rachi? to kehte hain drama anusaar main brahma ke saadhaaran tan mein pravesh kar inko prajaapita banaata hoon। mujhe pravesh hi inmen karna hai jisko brahma naam diya hai। adopt karne baad naam badal jaata hai। sanyaasi bhi naam badalte hain। pahle grihasthiyon ke paas janma lete hain phir sanskaar anusaar chhotepan mein hi shaastra aadi padhte hain phir vairaagya aata hai। sanyaasiyon paas jaakar adopt hote hain, kahenge yeh mera guru hai। unko baap nahin kahenge। chele va followers bante hain guru ke। guru chele ko adopt karte hain ki tum hamaare chele va follower ho। yeh baap kehte hain ki tum hamaare bachche ho। tum aatma baap ko bhakti maarga mein bulaati aai ho, kyonki yahaan duhkh bahut hai, traahi-traahi ho rahi hai। patit-paavan baap to ek hi hai। niraakaar shiv ko aatma namah karti hai। to baap to hai hi। ‘tum maat-pita' yeh bhi god father ke liye hi gaate hain। father hai to mother bhi zaroor chaahiye। mother-father bigar rachna hoti nahin। baap ko bachchon ke paas aana hi hai। yeh srishti chakra kaise repeat hota hai, iske aadi, madhya, ant ko jaanna - isko kaha jaata hai trikaaldarshi banna। itne sab karodon actors hain, har ek ka part apna hai। yeh behad ka drama hai। baap kehte hain main creator, director, principal actor hoon। act kar raha hoon na। meri aatma ko supreme kehte hain। aatma aur paramatma ka roop ek hi hai। vaastav mein aatma hai hi bindi। bhrikuti ke beech mein aatma star rehta hai na। bilkul sookshm hai। unko dekh nahin sakte hain। aatma bhi sookshm hai to aatma ka baap bhi sookshm hai। baap samjhaate hain tum aatma bindi samaan ho। main shiv bhi bindi samaan hoon। parantu main supreme, creator, director hoon। gyaan saagar hoon। mere mein srishti ke aadi, madhya, ant ka gyaan hai। main knowledgeful, blissful hoon, sab par blessing karta hoon। sabko sadgati mein le jaata hoon। duhkh harta, sukh karta ek hi baap hai। satayug mein duhkhi koi hota hi nahin। lakshmi-naaraayan ka hi raajya hai।

baap samjhaate hain main is srishti roopi jhaad ka beejroop hoon। samjho, aam ka jhaad hai, woh to hai jad beej, woh bolega nahin। agar chaitanya hota to bolta ki mujh beej se aise taal-taaliyaan, patte aadi nikalte hain। ab yeh hai chaitanya, isko kalpa vriksha kaha jaata hai। manushya srishti jhaad ka beej parampita paramatma hai। baap kehte hain main hi aakar iska knowledge samjhaata hoon, bachchon ko sada sukhi banaata hoon। duhkhi banaati hai maaya। bhakti maarga ko poora hona hai। drama ko phirna zaroor hai। yeh hai behad world ki history-geography। chakra phirta rehta hai। kaliyug badal phir satayug hona hai। srishti to ek hi hai। god father is one। inka koi father nahin। vahi teacher bhi hai, padha rahe hain। bhagvaanuvaach - main tumko raajayog sikhlaata hoon। manushya to maat-pita ko jaante nahin। tum bachche jaante ho niraakaar shivbaaba ke ham niraakaari bachche hain। phir saakaari brahma ke bhi bachche hain। niraakaar bachche sab bhaai-bhaai hain aur brahma ke bachche bhaai-behen hain। yeh hai pavitra rahne ki yukti। behen-bhaai vikaar mein kaise jaayenge। vikaar ki hi aag lagti hai na। kaam agni kaha jaata hai, usse bachne ki yukti baap batlaate hain। ek to praapti bahut oonch hai। agar ham baap ki shreemat par chalenge to behad ke baap ka varsa paayenge। yaad se hi ever healthy bante hain। praacheen bhaarat ka yog mashhoor hai। baap kehte hain mujhe yaad karte-karte tum pavitra ban jaayenge, paap bhasma ho jaayenge। baap ki yaad mein shareer chhodenge to mere paas chale aayenge। yeh puraani duniya khatma honi hai। yeh vahi mahaabhaarat ki ladaai hai। jo baap ke bane hain unki hi vijay honi hai। yeh raajdhaani sthaapan ho rahi hai। bhagwan raajayog sikhlaate hain svarga ka maalik banaane liye। phir maaya raavan narka ka maalik banaati hai। woh jaise shraap milta hai।

baap kehte hain - laadle bachche, meri mat par tum svargavaasi bhav। phir jab raavan raajya shuru hota hai to raavan kehta hai - he eeshvar ke bachche, narkavaasi bhav। narka ke baad phir svarga zaroor aana hai। yeh narka hai na। kitni maaraamaari lagi padi hai। satayug mein ladaai-jhagda hota nahin। bhaarat hi svarga tha, aur koi raajya tha hi nahin। abhi bhaarat narka hai, anek dharma hain। gaaya jaata hai anek dharma ka vinaash, ek dharma ki sthaapna karne mujhe aana padta hai। main ek hi baar avtaar leta hoon। baap ko aana hai patit duniya mein। aate hi tab hain jab puraani duniya khatma honi hai। uske liye ladaai bhi chaahiye।

baap kehte hain - meethe bachche, tum ashareeri aaye the, 84 janmon ka part poora kiya, ab vaapas chalna hai। main tumhein patit se paavan banaakar vaapas le jaata hoon। hisaab to hai na। 5 hajaar varsha mein devtaayen 84 janma lete hain। sab to 84 janma nahin lenge। ab baap kehte hain mujhe yaad karo aur varsa lo। srishti ka chakra buddhi mein phirna chaahiye। ham actors hain na। actor hokar drama ke creator, director, mukhya actor ko na jaanen to woh besmajh thahre। isse bhaarat kitna kangaal ban gaya hai। phir baap aakar solvent bana dete hain। baap samjhaate hain tum bhaaratvaasi svarga mein the phir tumko 84 janma to zaroor lene pade। abhi tumhaare 84 janma poore hue। yeh pichhaadi ka janma baaki hai। bhagvaanuvaach, bhagwan to sabka ek hai। krishna ko aur sab dharma vaale bhagwan nahin maanenge। niraakaar ko hi maanenge। woh sab aatmaon ka baap hai। kehte hain main bahut janmon ke ant mein aakar inmen pravesh karta hoon। raajaai sthaapan ho jaayegi phir vinaash shuru hoga aur main chala jaaoonga। yeh hai bada bhaari yagya aur jo bhi yagya aadi hain sab ismen svaaha ho jaane hain। saari duniya ka kichda inmen pad jaata hai phir koi yagya racha nahin jaata। bhakti maarga khalaas ho jaata hai। satayug-treta ke baad phir bhakti shuru hoti hai। ab bhakti poori hoti hai। to yeh mahima saari shivbaaba ki hai। inke itne naam diye hain, jaante to kuchh nahin। yeh to shiv hai phir roodra, somnaath, baabureenaath bhi kehte hain। ek ke anek naam rakh diye hain। jaise-jaise service ki hai vaisa naam pada hai। tumko somras pila rahe hain। tum maataayen svarga ka dvaar kholne ke nimitta bani ho। vandana pavitra ki hi hoti hai। apvitra, pavitra ki vandana karte hain। kanya ko sab maatha tekte hain। yeh brahmaakumaar-kumaariyaan is bhaarat ka uddhaar kar rahe hain। pavitra ban baap se pavitra duniya ka varsa lena hai। grihastha vyavhaar mein rehte pavitra banna hai, ismen mehnat hai। kaam mahaashatru hai। kaam bigar rah nahin sakte to maarne lagte hain। roodra yagya mein ablaaon par atyaachaar hote hain। maar kha-kha kar aakhreen unhon ke paap ka ghada bharta hai tab phir vinaash ho jaata hai। bahut bachchiyaan hain, kabhi dekha nahin hai, likhti hain baba ham aapko jaante hain। aapse varsa lene liye pavitra zaroor banoongi। baap samjhaate hain shaastra padhna, teertha aadi karna - yeh sab bhakti maarga ki jismaani yaatra to karte aaye ho, ab tumko vaapis chalna hai isliye mere se yog lagaao। aur sang tod ek mujh saath jodo to tumko saath le jaaoonga phir svarga mein bhej doonga। woh hai shantidham। vahaan aatmaayen kuchh bolti nahin। satayug hai sukhdhaam, yeh hai duhkhadhaam। abhi is duhkhadhaam mein rehte shantidham-sukhdhaam ko yaad karna hai to phir tum svarga mein aa jaayenge। tumne 84 janma liye hain। varna phirte jaate hain। pahle hai braahmanon ki choti phir devta varna, kshatriy varna baajoli khelte hain na। phir abhi ham brahman se devta banenge। yeh chakra phirta rehta hai, inko jaanne se chakravarti raaja ban jaayenge। behad ke baap se behad ka varsa chaahiye। to zaroor baap ki mat par chalna pade। tum samjhaate ho niraakaar param aatma ne aakar is saakaar shareer mein pravesh kiya hai। ham aatmaayen jab niraakaari hain to vahaan rehti hain। yeh soorya-chaand battiyaan hain। ise behad ka din aur raat kaha jaata hai। satayug treta din, dvaapar kaliyug raat। baap aakar sadgati maarga bataate hain। kitni achhi samjhaani milti hai। satayug mein hota hai sukh, phir thoda-thoda kam hota jaata hai। satayug mein 16 kala, treta mein 14 kala… yeh sab samajhne ki baaten hain। vahaan kabhi akaale mrityu nahin hoti। rone, ladne-jhagadne ki baat nahin, hai saara padhaai par madaar। padhaai se hi manushya se devta banna hai। bhagwan padhaate hain bhagwan bhagavti banaane ke liye। woh to paai-paise ki padhaai hai। yeh padhaai hai heere jaisi। sirf is antim janma mein pavitra banne ki baat hai। yeh hai sahaj te sahaj raajayog। bairistari aadi padhna - woh koi itna sahaj nahin। yahaan to baap aur chakra ko yaad karne se chakravarti raaja ban jaayenge। baap ko nahin jaana goya kuchh nahin jaana। baap khud vishwa ka maalik nahin bante, bachchon ko banaate hain। shivbaaba kehte hain yeh (brahma) mahaaraaja banenge, main nahin banoonga। main nirvaandhaam mein baith jaata hoon, bachchon ko vishwa ka maalik banaata hoon। sachchi-sachchi nishkaam seva niraakaar parampita paramatma hi kar sakte hain, manushya nahin kar sakte। eeshvar ko paane se saare vishwa ke maalik ban jaate hain। dharti aasmaan sabke maalik ban jaate hain। devtaayen vishwa ke maalik the na। abhi to kitne partition ho gaye hain। abhi phir baap kehte hain ham tumko vishwa ka maalik banaata hoon। svarga mein tum hi the। bhaarat vishwa ka maalik tha, abhi kangaal hai। phir se in maataaon dvaara bhaarat ko vishwa ka maalik banaata hoon। majority maataaon ki hai isliye vande maatram kaha jaata hai।

time thoda hai, shareer par bharosa nahin hai। marna to sabko hai। sabki vaanaprastha avastha hai, sabko vaapis jaana hai। yeh bhagwan padhaate hain। knowledgeful, peaceful, blissful unko kaha jaata hai। vahi phir aisa sarvagun sampanna, 16 kala sampoorn pavitra banaate hain। achha!

meethe-meethe sikeeldhe bachchon prati maat-pita baapdaada ka nambarvaar purushaartha anusaar yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh padhaai heere jaisa banaati hai isliye ise achhi tarah padhna hai aur sab sang tod ek baap sang jodna hai।

2) shreemat par chalkar svarga ka poora varsa lena hai। chalte-phirte svadarshan chakra phiraate rehna hai।

vardaan:- mere pan ko chhod trustee ban seva karne vaale sada santushta aatma bhav

laukik parivaar mein rehte, seva karte sada yaad rahe ki main trustee hoon, sevaadhaari hoon। seva karte jara bhi meraapan na ho tab santushta rahenge। jab meraapan aata hai tab tang hote ho, sochte ho mera bachcha aise karta hai...to jahaan meraapan hai vahaan tang hote aur jahaan tera-tera aaya vahaan tairne lagenge। tera-tera kehna maana svamaan mein rehna, mera-mera kehna maana abhimaan mein aana।

slogan:- buddhi mein har samay baap aur shreemat ki smriti ho tab kahenge dil se samarpit aatma।