Daily Murli for Thursday 21 December 2023

21-12-2023 praatahmurli om shanti "baapdaada"' madhuban

“meethe bachche - shivbaaba ke sivaae tumhaara yahaan kuchh bhi nahin, isliye is deh ke bhaan se bhi door khaali beggar hona hai, beggar hi prince banenge''

prashn:- drama ki yathaartha knowledge kaun-se khyaalaat samaapta kar deti hai?

uttar:- yeh beemaari kyon aai, aisa nahin karte to aisa nahin hota, yeh vighna kyon pada. . . . bandhan kyon aaya… yeh sab khyaalaat drama ki yathaartha knowledge se samaapta ho jaate hain kyonki drama anusaar jo hona tha vahi hua, kalpa pahle bhi hua tha। puraana shareer hai ise chattiyaan bhi lagni hi hai isliye koi khyaalaat chal nahin sakte।

geet:- humein un raahon par chalna hai........

om shanti। un raahon par chalna hai, kaun-si raahen? raah kaun bataata hai? bachche jaante hain ki ham kiski raay par chal rahe hain। raay kaho, raah kaho va shreemat kaho - baat ek hi hai। ab shreemat par chalna hai। lekin shreemat kiski? likha hua hai shreemat bhagvat geeta, to zaroor shreemat ki taraph hamaara buddhiyog jaayega। ab tum bachche kiski yaad mein baithe ho? agar shreekrishna kehte ho to unko vahaan yaad karna pade। tum bachche shreekrishna ko yaad karte ho ya nahin? varse ke roop mein yaad karte hain। yeh to jaante ho ham prince banenge। aise to nahin, janmate hi lakshmi-naaraayan banenge। barobar ham shivbaaba ko yaad karte hain kyonki shreemat unki hai, shreekrishna bhagvaanuvaach kahne vaale shreekrishna ko yaad karenge, parantu kahaan yaad karenge? unko to yaad kiya jaata hai vaikuntha mein। to manamnaabhav akshar shreekrishna kah nahin sakte, madhyaaji bhav kah sakte hain। mujhe yaad karo woh to vaikuntha mein thahra। duniya in baaton ko nahin jaanti। baap kehte hain - bachche, yeh sab shaastra bhakti maarga ke hain। sabhi dharma shaastron mein geeta bhi aa jaati hai। barobar geeta bhaarat ka dharma shaastra hai। vaastav mein to yeh sabhi ka shaastra hai। kaha bhi jaata hai shreemat sarva shaastramai shiromni geeta। yaani sabse uttam thahri। sabhi se uttam hai shivbaaba shri shri, shreshtha se shreshtha। shreekrishna ko shri shri nahin kahenge। shri shri krishna va shri shri raam nahin kahenge। unko sirf shri kahenge। shreshtha se shreshtha jo hai vahi aakar phir shreshtha banaate hain। shreshtha se shreshtha hai bhagwan। shri shri arthaat sabhi se shreshtha। shreshtha ka naam baala hai। shreshtha to zaroor devi-devtaaon ko kahenge, jo abhi nahin hain। aajkal shreshtha kisko samajhte hain? abhi ke leaders aadi ka kitna sammaan karte hain। parantu unhein shri to kah nahin sakte। mahaatma aadi ko bhi shri akshar nahin de sakte। abhi tumko oonche se oonche paramatma se gyaan mil raha hai। sabse ooncha hai parampita paramatma, phir hai unki rachna। phir rachna mein oonche se oonche hain brahma, vishnu, shankar। yahaan bhi nambarvaar martabe hain। oonche se oonche president phir prime minister, union minister. . . .।

baap baith srishti ke aadi-madhya-ant ka raaz samjhaate hain। bhagwan rachayita hai। ab rachayita akshar kahne se manushya poochhte hain - srishti kaise rachi gai? isliye yeh zaroor kehna padta hai ki trimoorti shiv rachayita hai। vaastav mein rachayita ke bajaae rachvaane vaala kehna theek hai। brahma dvaara daivi kul ki sthaapna karaate hain। brahma dvaara sthaapna kiski? daivi sampradaay ki। shivbaaba kehte hain abhi tum ho brahma ki brahman sampradaay, woh hain aasuri sampradaay, tum ho eeshvareey sampradaay phir daivi sampradaay banenge। baap brahma dvaara sabhi ved-shaastron ka saar bhi samjhaate hain। manushya bahut moonjhe hue hain, kitna maatha maarte rehte hain - birth control ho। baap kehte hain main aakar bhaarat ki yeh service kar raha hoon। yahaan to hai hi tamopradhaan manushya। 10-12 bachche paida karte rehte। jhaad vriddhi ko zaroor paana hi hai। patte nikalte rahenge। isko koi control kar na sake। satayug mein control hai - ek bachcha, ek bachchi, bas। yeh baaten tum bachche hi samajhte ho। aage chal aate rahenge, samajhte rahenge। gaaya bhi hua hai ateendriy sukh gop-gopiyon se poochho। yahaan jab tum sammukh sunte ho to sukh bhaasta hai। phir dhandhe-dhori mein jaane se itna sukh nahin bhaasta hai। yahaan tumko trikaaldarshi banaaya jaata hai। trikaaldarshi ko svadarshan chakradhaari bhi kehte hain। manushya kehte hain phalaana mahaatma trikaaldarshi tha। tum kehte ho vaikunthanaath raadhe-krishna ko bhi svadarshan chakra ki va teenon kaalon ki knowledge nahin thi। krishna to sabhi ka pyaara satayug ka first prince hai। parantu manushya na samajhne kaaran kah dete ki tum shreekrishna ko bhagwan nahin maante isliye naastik ho। phir vighna daalte hain। avinaashi gyaan yagya mein vighna padte hain। kanyaaon-maataaon par bhi vighna aate hain। baandheliyaan kitna sahan karti hain, to samajhna chaahiye drama anusaar hamaara part aisa hi hai। vighna pad gaya phir yeh khyaalaat nahin chalna chaahiye ki aise nahin karte to aisa nahin hota, aise nahin karte to bukhaar nahin hota... ham aise nahin kah sakte। drama anusaar yeh kiya, kalpa pahle bhi kiya tha, tab takleeph hui। puraane shareer ko chattiyaan bhi lagni hi hain। ant tak marammat hoti rahegi। yeh bhi aatma ka puraana makaan hai। aatma kehti hai main bhi bahut puraani hoon, koi taakat nahin rahi। taakat na hone kaaran kamjor aadmi duhkh bhogte hain। maaya kamjor ko bahut duhkh degi। ham bhaaratvaasiyon ko barobar maaya ne bahut kamjor kiya hai। ham bahut taakat vaale the phir maaya ne kamjor bana diya, ab phir un par jeet paate hain to maaya bhi hamaari dushman banti hai। bhaarat ko hi jaasti duhkh milta hai। sabse karja le rahe hain। bhaarat bilkul puraana ho gaya। jo bilkul saahookaar tha, unko bahut beggar banna hai। phir beggar se prince। baba kehte is shareer ke bhaan se bhi door khaali ho jaao। tumhaara yahaan kuchh hai nahin, sivaae ek shivbaaba doosra na koi। to tumko bahut beggar banna pade। yuktiyaan bhi bataate rehte hain। janak ka misaal - grihastha vyavhaar mein rehte kamal samaan rehna hai, shreemat par chalna hai, sab surrender bhi kar dena hai। janak ne sab kuchh diya phir unko kaha ki apni milkiyat tum sambhaalo aur trustee hokar raho। harishchandra ka bhi drishtaanta hai।

baap samjhaate hain - bachche, tum agar beej nahin boyenge to tumhaara pad kam ho jaayega। follow father, tumhaare saamne yeh daada baitha hai। bilkul hi shivbaaba aur shiv-shaktiyon ko trustee banaaya। shivbaaba thode hi baith sambhaalenge। yeh apne par thode hi bali chadhega। inko maataaon par bali chadhna pade। maataaon ko hi aage karna hai। baap aakar gyaan amrit ka kalash maataaon ko hi dete hain ki manushya ko devta banaayen। lakshmi ko nahin diya hai। is samay yeh hai jagat amba, satayug mein hogi lakshmi। jagat amba ka geet kitna achha bana hua hai। unki bahut maanyata hai। woh saubhaagya vidhaata kaise hai, unko dhan kahaan se milta hai? kya brahma se? krishna se? nahin। dhan phir bhi milta hai gyaan saagar se। yeh badi gupta baaten hain na। bhagvaanuvaach hai sabke liye। bhagwan to sabka hai na। sab dharma vaalon ko kehte hain maamekam yaad karo। bhal shiv ke pujaari bhi bahut hain parantu jaante kuchh bhi nahin। woh hui bhakti। ab tumko gyaan kaun dete hain? most beloved father। shreekrishna ko aise nahin kahenge, unko satayug ka prince kahenge। bhal shreekrishna ki pooja karte hain parantu yeh khyaal nahin karte ki woh satayug ka prince kaise bana? aage ham bhi nahin jaante the। tum bachche ab jaante ho barobar ham phir se prince-princess banenge tab to phir bade hokar lakshmi-naaraayan ko varenge na। yeh knowledge hai hi bhavishya ke liye। iska phal 21 janma ke liye milta hai। krishna ke liye nahin kahenge ki woh varsa dete hain। varsa baap se milta hai। shivbaaba raajayog sikhlaate hain। brahma ke mukh se hajaaron brahman nikalte hain, unhon ko hi yeh shiksha milti hai। sirf tum brahman ho kalpa ke sangamayug ke, baaki saari srishti hai kaliyug ki। woh sab kahenge ab ham kaliyug mein hain, tum kahenge ham sangam par hain। yeh baaten kahin hain nahin। yeh nai-nai baaten dil mein rakhni hain। mukhya baat hai baap aur varse ko yaad karna। agar pavitra nahin rahenge to yog kabhi nahin lagega, law nahin kehta isliye itna pad bhi nahin pa sakenge। thoda yog lagaane se bhi svarga mein to jaayenge। baap kehte hain agar pavitra nahin banenge to mere paas aa nahin sakenge। bhal ghar baithe bhi svarga mein aa sakte hain, achha pad pa sakte hain, parantu tab, jabki yog mein rahen, pavitra rahen। pavitrata bigar yog lagega nahin। maaya lagaane nahin degi। sachche dil par saaheb raazi hoga। jo vikaar mein jaate rehte hain, kehte main shivbaaba ko yaad karta hoon, yeh to apni dil khush karte hain। mukhya hai pavitrata। kehte hain birth control karo, bachche paida mat karo। yeh to hai hi tamopradhaan duniya। abhi baba birth control kara rahe hain। tum ho sabhi kumaar-kumaariyaan, to vikaar ki baat nahin। yahaan to vish par bachchiyon ko kitna sahan karna padta hai। baba kehte hain bahut parhej rakhni hai। yahaan aisa to koi nahin hoga jo sharaab peeta hoga? baap bachchon se poochhte hain। agar jhooth bolenge to dharmaraaj ki kadi saja bhogni padegi। bhagwan ke aage to sach bolna chaahiye। koi jara bhi sharaab kisi kaaran se athva davaai reeti se peete hain? koi ne haath nahin uthaaya। yahaan sach zaroor bolna hai। koi bhi bhool hoti hai to phir se likhna chaahiye - baba, mere se yeh bhool hui, maaya ne thappad maar diya। baba ko to bahut likhte bhi hain aaj hamaare mein krodh ka bhoot aa gaya, thappad maar diya। aapki to mat hai thappad nahin maarna chaahiye। dikhlaate hain krishna ko okhri se baandha। yeh to sab jhoothi baaten hain। bachchon ko pyaar se shiksha deni chaahiye, maar nahin deni chaahiye। bhojan band karna, mithaai na dena... aise sudhaarna chahie। thappad maarna, krodh ki nishaani ho jaati hai। so bhi mahaatma par krodh karte hain। chhote bachche mahaatma samaan hote hain na isliye thappad nahin maarna chaahiye। gaali bhi nahin de sakte। aisa karma nahin karna chahie jo khyaal mein aaye - hamne yeh vikarma kiya। agar kiya to phauran likhna chaahiye - baba hamse yeh bhool hui, humein kshama karo। aage nahin karenge। tobaan karte hain na। vahaan bhi dharmaraaj saja dete hain, to tobaan karte hain - aage phir nahin karenge। baba bahut pyaar se kehte hain laadle sapoot bachche, pyaare bachche kabhi jhooth nahin bolna।

qadam-qadam par raay poochhna hai। tumhaara paisa ab lagta hai bhaarat ko svarga banaane mein, to kaudi-kaudi heere samaan hai। aise nahin, ham koi sannyaasiyon aadi ko daan-punya karte hain। manushya hospital athva college aadi banaate hain to kya milta hai? college kholne se doosre janma mein vidya achhi milegi, dharmashaala banaane se mahal milega। yahaan to tumko janma-janmaantar ke liye baap se behad ka sukh milta hai। behad ki aayu milti hai। isse badi aayu aur koi dharma vaale ki hoti nahin। kam aayu bhi yahaan ki gini jaati hai to ab behad ke baap ko chalte-phirte, uthte-baithte yaad karenge tab hi khushi mein rahenge। koi bhi takleeph ho to poochho। baaki aise thode hi gareeb honge, kahenge baba ham to aapke hain, ab ham aapke paas baith jaate hain। aise to duniya mein gareeb bahut hain। sab kahen hamko madhuban mein rakh lo, aise to laakhon ikatthe ho jaaen, yeh bhi kaayda nahin। tumko grihastha vyavhaar mein rehna hai, yahaan aise rah nahin sakte।

dhandhe mein hamesha eeshvar arth ek-do paisa nikaalte hain। baba kehte hain - achha, tum gareeb ho, kuchh bhi nahin nikaalo, knowledge ko to samjho aur manamnaabhav ho jaao। tumhaari mama ne kya nikaala, phir woh gyaan mein bhi teekhi hai। tan-man se seva kar rahi hai। ismen paise ki baat nahin। bahut-bahut karke ek roopaya de dena, tumhein saahookaar jitna mil jaayega। pahle apne grihastha vyavhaar ki sambhaal karni hai। bachche duhkhi na hon। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। vande maatram, salaam maalekam। jay jay jay ho teri.... om shanti।

dhaarna ke liye mukhya saar:-

1) aisa koi karma nahi karna hai jiske peechhe khyaal chale, toba-toba (pashchaataap) karna pade। jhooth nahin bolna hai। sachche baap se sachcha rehna hai।

2) bhaarat ko svarga banaane mein apni ek-ek kaudi saphal karni hai। brahma baap samaan surrender ho trustee bankar rehna hai।

vardaan:- har aatma ke sambandh-samparka mein aate sab prashnon se paar rahne vaale sada prasannachit bhav

har aatma ke sambandh-samparka mein aate kabhi chit ke andar yeh prash>> utpanna na ho ki yeh aisa kyon karta va kyon kehta, yeh baat aise nahin, aise honi chaahiye। jo in prashnon se paar rehte hain vahi sada prasannachit rehte hain। lekin jo in prashnon ki queue mein chale jaate, rachna rach lete to unhein paalna bhi karni padti। samay aur energy bhi deni padti, isliye is vyartha rachna ka birth control karo।

slogan:- apne naynon mein bindurup baap ko sama lo to aur koi sama nahin sakta।