Daily Murli for Monday 17 June 2024

17-06-2024 praatahmurli om shanti "baapdaada"' madhuban

“meethe bachche - yaad aur padhaai se hi double taaj milega, isliye apni em object ko saamne rakh daivi-gun dhaaran karo''

prashn:- vishwa rachayita baap tum bachchon ki kaun-si khidmat (seva) karte hain?

uttar:- 1. bachchon ko behad ka varsa de sukhi banaana, yeh khidmat hai। baap jaisi nishkaam seva koi kar nahin sakta। 2. behad ka baap kiraaye par takhta lekar tumhein vishwa ka takhta nasheen bana dete hain। khud taausi takhta par nahin baithte lekin bachchon ko taausi takhta par bithaate hain। baap ke to jad mandir banaate, usmein unhein kya taste aayega। maja to bachchon ko hai jo svarga ka raajya-bhaagya lete hain।

om shanti। meethe-meethe ruhaani bachchon ko baap kehte hain ki apne ko aatma samajh baap ko yaad karo। om shanti ka arth to bachchon ko samjhaaya hai। baap bhi bolte hain, to bachche bhi bolte hain om shanti kyonki aatma ka svadharma hai shant। tum ab jaan gaye ho ki ham shantidham se yahaan aate hain pahle-pahle sukhdhaam mein, phir 84 punarjanma lete-lete duhkhadhaam mein aate hain। yeh to yaad hai na। bachche 84 janma lete, jeev aatma bante hain। baap jeev aatma nahin bante hain। kehte hain main temporary inka aadhaar leta hoon। nahin to padhaayenge kaise? bachchon ko ghadi-ghadi kaise kahenge ki manamnaabhav, apni raajaai ko yaad karo? isko kaha jaata hai second mein vishwa ki raajaai। behad ka baap hai na to zaroor behad ki khushi, behad ka varsa hi denge। baap bahut sahaj raasta bataate hain। kehte hain ab is duhkhadhaam ko buddhi se nikaal do। jo nai duniya svarga sthaapan kar rahe hain, unka maalik banne liye mujhe yaad karo to tumhaare paap kat jaayen। tum phir se satopradhaan ban jaayenge, isko kaha jaata hai sahaj yaad। jaise bachche laukik baap ko kitna sahaj yaad karte hain, vaise tum bachchon ko behad ke baap ko yaad karna hai। baap hi duhkh se nikaal sukhdhaam mein le jaate hain। vahaan duhkh ka naam-nishaan nahin। bahut sahaj baat kehte hain - apne shanti-dhaam ko yaad karo, jo baap ka ghar woh tumhaara ghar hai aur nai duniya ko yaad karo, woh tumhaari raajdhaani hai। baap tum bachchon ki kitni nishkaam seva karte hain। tum bachchon ko sukhi kar phir vaanaprastha, paramdham mein baith jaate hain। tum bhi paramdham ke vaasi ho। usko nirvaandhaam, vaanaprastha bhi kaha jaata hai। baap aate hain bachchon ki khidmat karne arthaat varsa dene। yeh khud bhi baap se varsa lete hain। shivbaaba to hai oonch te oonch bhagwan, shiv ke mandir bhi hain। unka koi baap va teacher nahin hai। saare srishti ke aadi, madhya, ant ka gyaan unke paas hai। kahaan se aaya? kya koi ved-shaastra aadi padhe? nahin। baap to hai gyaan ka saagar, sukh shanti ka saagar। baap ki mahima aur daiveegunon vaale manushyon ki mahima mein farka hai। tum daiveegun dhaaran kar yeh devta bante ho। pahle aasuri gun the। asur se devta banaana, yeh to baap ka hi kaam hai। em-object bhi tumhaare saamne hai। zaroor aise shreshtha karma kiye honge। karma-akarma-vikarma ki gati athva har baat samjhaane mein ek second lagta hai।

baap kehte hain meethe-meethe bachchon ko part bajaana hi hai। yeh part tumko anaadi, avinaashi mila hua hai। tum kitna vaari sukh-duhkh ke khel mein aaye ho। kitna baar tum vishwa ke maalik bane ho। baap kitna oonch banaate hain। paramatma jo supreme soul hai, woh bhi itna chhota hai। woh baap gyaan ka saagar hai। to aatmaon ko bhi aapasmaan banaate hain। tum prem ke saagar, sukh ke saagar bante ho। devtaaon ka aapas mein kitna prem hai। kabhi jhagda nahin hota। to baap aakar tumhein aapasmaan banaate hain। aur koi aisa bana na sake। khel sthoolavtan mein hota hai। pahle aadi sanaatan devi-devta dharma phir islaami, bauddhi aadi nambarvaar is maandave mein va naatakshaala mein aate hain। 84 janma tum lete ho। gaayan bhi hai aatmaayen paramatma alag rahe…। baap kehte hain meethe-meethe bachchon, pahle-pahle vishwa mein part bajaane tum aaye ho। main to thode samay ke liye inmen pravesh karta hoon। yeh to puraani jutti hai। purush ki ek stri mar jaati hai to kehte hain puraani jutti gai, ab phir nai lete hain। yeh bhi puraana tan hai na। 84 janmon ka chakra lagaaya hai। tatatvam, to main aakar is rath ka aadhaar leta hoon। paavan duniya mein to kabhi main aata hi nahin hoon। tum patit ho, mujhe bulaate ho ki aakar paavan banaao। aakhreen tumhaari yaad phaleebhoot hogi na। jab puraani duniya khatma hone ka samay hota hai, tab main aata hoon। brahma dvaara sthaapna। brahma dvaara arthaat braahmanon dvaara। pahle choti brahman, phir kshatriy.... to baajoli khelte ho। ab deh-abhimaan chhod dehi-abhimaani banna hai। tum 84 janma lete ho। main to ek hi baar sirf is tan ka loan leta hoon। kiraaye par leta hoon। ham is makaan ke maalik nahin hain। inko to phir bhi ham chhod denge। kiraaya to dena padta hai na। baap bhi kehte hain, main makaan ka kiraaya deta hoon। behad ka baap hai, kuchh to kiraaya dete honge na। yeh takhta lete hain, tumko samjhaane liye। aisa samjhaate hain jo tum bhi vishwa ke takhtansheen ban jaate ho। khud kehte hain, main nahin banta hoon। takhtansheen arthaat taauseetakhta par bithaate hain। shivbaaba ki yaad mein hi somnaath ka mandir banaaya hai। baap kehte hain isse mujhe kya taste aayegi। jad putla rakh dete hain। maza to tum bachchon ko svarga mein hai। main to svarga mein aata hi nahin hoon। phir bhakti maarga jab shuru hota hai to yeh mandir aadi banaane mein kitna kharcha kiya। phir bhi chor loot le gaye। raavan ke raajya mein tumhaara dhan-daulat aadi sab khalaas ho jaata hai। abhi woh taausi takhta hai? baap kehte hain jo hamaara mandir banaaya hua tha, woh muhammad gazanvi aakar loot le gaye।

bhaarat jaisa solvent aur koi desh nahin। in jaisa teertha aur koi ban nahin sakta। parantu aaj to hindu dharma ke anek teertha ho pade hain। vaastav mein baap jo sarva ki sadgati karte hain, teertha to unka hona chaahiye। yeh bhi drama bana hua hai। samajhne mein bahut sahaj hai। parantu nambarvaar hi samajhte hain kyonki raajdhaani sthaapan ho rahi hai। svarga ke maalik yeh lakshmi-naaraayan hain। yeh hai uttam se uttam purush jinko phir devta kaha jaata hai। daivi gun vaale ko devta kaha jaata hai। yeh oonch devta dharma vaale pravritti maarga ke the। us samay tumhaara hi pravritti maarga rehta hai। baap ne tumko double taajdhaari banaaya। raavan ne phir donon hi taaj utaar diye। ab to no taaj, na pavitrata ka taaj, na dhan ka taaj, donon raavan ne utaar diye hain। phir baap aakar tumko donon taaj dete hain - is yaad aur padhaai se isliye gaate hain - O god father hamaara guide bano, liberate bhi karo। tab tumhaara naam bhi panda rakha hua hai। paandav, kaurav, yaadav kya karat bhaye। kehte hain baba hamko duhkh ke raajya se chhudaakar saath le jaao। baap hi sachkhanda ki sthaapna karte hain, jisko svarga kaha jaata hai। phir raavan jhooth khanda banaate hain। woh kehte shreekrishna bhagvaanuvaach। baap kehte hain shiv bhagvaanuvaach। bhaaratvaasiyon ne naam badal liya to saari duniya ne badal liya। shreekrishna to dehdhaari hai, videhi to ek shivbaaba hai। abhi baap dvaara tum bachchon ko might milti hai। saare vishwa ke tum maalik bante ho। saara aasmaan, dharti tumko mil jaati hai। koi ki taakat nahin jo tumse chheen sake, pauna kalpa। unhon ki to jab vriddhi hokar karodon ki andaaj mein hon tab lashkar le aakar tumko jeete। baap bachchon ko kitna sukh dete hain। unka gaayan hi hai duhkh-harta, sukhkarta। is samay baap tumko karma-akarma-vikarma ki gati baith samjhaate hain। raavan raajya mein karma vikarma ban jaate hain। satayug mein karma akarma ho jaate hain। abhi tumko ek satguru mila hai, jisko patiyon ka pati kehte hain kyonki woh pati log bhi sab usko yaad karte hain। to baap samjhaate hain yeh kitna wonderful drama hai। itni chhoti-si aatma mein avinaashi part bhara hua hai, jo kabhi mitne vaala nahin hai। inko anaadi-avinaashi drama kaha jaata hai। god is one। rachna athva seedhi aur chakra sab ek hi hai। na koi rachta ko, na rachna ko jaante। rishi-muni bhi kah dete ham nahin jaante। abhi tum sangam par baithe ho, tumhaari maaya ke saath yuddha hai। woh chhodti nahin hai। bachche kehte hain - baba, maaya ka thappad lag gaya। baba kehte hain - bachche, ki kamaai chat kar di! tumhein bhagwan padhaate hain to achhi reeti padhna chaahiye। aisi padhaai to phir 5 hazaar varsha baad milegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is duhkhadhaam se buddhiyog nikaal nai duniya sthaapan karne vaale baap ko yaad karna hai, satopradhaan banna hai।

2) baap samaan prem ka saagar, shanti aur sukh ka saagar banna hai। karma, akarma aur vikarma ki gati ko jaan sada shreshtha karma karne hain।

vardaan:- sada umang-utsaah mein rah man se khushi ke geet gaane vaale avinaashi khushanseeb bhav

aap khushanseeb bachche avinaashi vidhi se avinaashi siddhiyaan praapta karte ho। aapke man se sada vaah-vaah ki khushi ke geet bajte rehte hain। vaah baba! vaah takdeer! vaah meetha parivaar! vaah shreshtha sangam ka suhaavna samay! har karma vaah-vaah hai isliye aap avinaashi khushanseeb ho। aapke man mein kabhi why, aai (kyon, main) nahin aa sakta। why ke bajaae vaah-vaah aur aai ke bajaae baba-baba shabd hi aata hai।

slogan:- jo sankalp karte ho use avinaashi government ki stamp laga do to atal rahenge।

maateshvari ji ke madhur mahaavaakya - “jeevan ki aash poorn hone ka suhaavna samay''

ham sabhi aatmaon ki bahut samay se yeh aash thi ki jeevan mein sada sukh shanti mile, ab bahut janma ki aasha kab to poorn hogi। ab yeh hai hamaara antim janma, us ant ke janma ki bhi ant hai। aisa koi nahin samjhe main to abhi chhota hoon, chhote bade ko sukh to chaahiye na, parantu duhkh kis cheez se milta hai uska bhi pahle gyaan chaahiye। ab tumko knowledge mili hai ki in paanch vikaaron mein phansane kaaran yeh jo karmabandhan bana hua hai, unko paramatma ki yaad agni se bhasma karna hai, yeh hai karmabandhan se chhootne ka sahaj upaay। is sarvashaktivaan baba ko chalte phirte shvaanson shvaans yaad karo। ab yeh upaay bataane ki sahaayta khud paramatma aakar karta hai, parantu ismen purushaartha to har ek aatma ko karna hai। paramatma to baap, teacher, guru roop mein aae humein varsa dete hain। to pahle us baap ka ho jaana hai, phir teacher se padhna hai jis padhaai se bhavishya janma-janmaantar sukh ki praalabdha banegi arthaat jeevanmukti pad mein purushaartha anusaar martaba milta hai। aur guru roop mein pavitra banaae mukti deta hai, to is raaz ko samajh aisa purushaartha karna hai। yahi time hai puraana khaata khatma kar nai jeevan banaane ka, isi samay jitna purushaartha kar apni aatma ko pavitra banaayenge utna hi shuddh record bharenge phir saara kalpa chalega, to saare kalpa ka madaar is samay ki kamaai par hai। dekho, is samay hi tumhein aadi-madhya-ant ka gyaan milta hai, hamko so devta banna hai aur apni chadhti kala hai phir vahaan jaake praalabdha bhogenge। vahaan devtaaon ko baad ka pata nahin padta ki ham girenge, agar yeh pata hota ki sukh bhogna phir girna hai to girne ki chinta mein sukh bhi bhog nahin sakenge। to yeh eeshvareey kaayda racha hua hai ki manushya sada chadhne ka purushaartha karta hai arthaat sukh ke liye kamaai karta hai। parantu drama mein aadha-aadha part bana pada hai jis raaz ko ham jaante hain, parantu jis samay sukh ki baari hai to purushaartha kar sukh lena hai, yeh hai purushaartha ki khoobi। actor ka kaam hai act karne samay sampoorn khoobi se part bajaana, jo dekhne vaale hear hear (vaah vaah) karen, isliye hero heroine ka part devtaaon ko mila hai jinhon ka yaadgaar chitra gaaya aur pooja jaata hai। nirvikaari pravritti mein rah kamal phool avastha banaana, yahi devtaaon ki khoobi hai। is khoobi ko bhoolne se hi bhaarat ki aisi durdasha hui hai, ab phir se aisi jeevan banaane vaala khud paramatma aaya hua hai, ab unka haath pakadne se jeevan naeeya paar hogi। achha - om shanti।