Daily Murli for Tuesday 25 June 2024

25-06-2024 praatahmurli om shanti "baapdaada"' madhuban

“meethe bachche - pakka-pakka nishchay karo ki ham aatma hain, aatma samajhkar har kaam shuru karo to baap yaad aayega, paap nahin hoga''

prashn:- karmaateet sthiti ko praapta karne ke liye kaun-si mehnat har ek ko karni hai? karmaateet sthiti ke sameepta ki nishaani kya hai?

uttar:- karmaateet banne ke liye yaad ke bal se apni karmendriyon ko vash mein karne ki mehnat karo। abhyaas karo main niraakaar aatma niraakaar baap ki santaan hoon। sab karmendriyaan nirvikaari ban jaayen - yeh hai jabardasta mehnat। jitna karmaateet avastha ke sameep aate jaayenge utna ang-ang sheetal, sugandhit hote jaayenge। unse vikaari baans nikal jaayegi। ateendriy sukh ka anubhav hota rahega।

om shanti। shiv bhagvaanuvaach। yeh to bachchon ko nahin bataana hai ki kiske prati। bachche jaante hain - shivbaaba gyaan ka saagar hai। manushya srishti ka beejroop hai। to zaroor aatmaon se baat karte hain। bachche jaante hain shivbaaba padha rahe hain। baba akshar se samajhte hain param aatma ko hi baba kehte hain। sab manushya maatra us param aatma ko hi father kehte hain! baba paramdham mein rehte hain। pahle-pahle yeh baaten pakki karni hai। apne ko aatma samajhna hai aur yeh pakka nishchay karna hai। baap jo sunaate hain, woh aatma hi dhaaran karti hai। jo gyaan paramatma mein hai woh aatma mein bhi aana chaahiye। jo phir mukh se varnan karna hota hai। jo kuchh bhi padhaai padhte hain, woh aatma hi padhti hai। aatma nikal jaaye to padhaai aadi ka kuchh bhi maaloom na pade। aatma sanskaar le gai, jaakar doosre shareer mein baithi। to pahle apne ko aatma pakka-pakka samajhna pade। deh-abhimaan ab chhodna pade। aatma sunti hai, aatma dhaaran karti hai। aatma ismen nahin hoti to shareer hil bhi na sake। ab tum bachchon ko yeh pakka-pakka nishchay karna hai - param aatma ham aatmaon ko gyaan de rahe hain। ham aatma bhi shareer dvaara sunti hain aur paramatma shareer dvaara suna rahe hain - yahi ghadi-ghadi bhool jaate hain। deh yaad aati hai। yeh bhi jaante ho achhe va bure sanskaar aatma mein hi rehte hain। sharaab peena, chhi-chhi baat karna… yeh bhi aatma karti hai organs dvaara। aatma hi in organs dvaara itna part bajaati hai। pahle-pahle aatma-abhimaani zaroor banna hai। baap aatmaon ko hi padhaate hain। aatma hi phir yeh knowledge saath mein le jaayegi। jaise vahaan param aatma gyaan sahit rehte hain, vaise tum aatmaayen phir yeh knowledge saath mein le jaayengi। main tum bachchon ko is gyaan sahit le jaata hoon। phir tum aatmaon ko part mein aana hai, tumhaara part hai nai duniya mein praalabdha bhogna। gyaan bhool jaata hai। yeh sab achhi reeti dhaaran karna hai। pahle-pahle yeh bahut-bahut pakka karna hai ki main aatma hoon, bahut hain jo yeh bhool jaate hain। apne saath bahut-bahut mehnat karni hai। vishwa ka maalik banna hai to mehnat bigar thode hi banenge। ghadi-ghadi is point ko hi bhool jaate hain kyonki yeh nai knowledge hai। jab apne ko aatma bhool deh-abhimaan mein aate hain to kuchh na kuchh paap hote hain। dehi-abhimaani banne se kabhi paap nahin honge। paap kat jaayenge। phir aadha-kalpa koi paap nahin hoga। to yeh nishchay rakhna chaahiye - ham aatma padhti hain, deh nahin। aage jismaani manushya mat milti thi, ab baap shreemat de rahe hain। yeh nai duniya ki bilkul nai knowledge hai। tum sab naye ban jaayenge, ismen moonjhane ki baat hi nahin। anekaanek baar tum puraane se naye, naye se puraane bante aaye ho, isliye achhi reeti purooshaartha karna hai।

ham aatma karmendriyon dvaara yeh kaam karte hain। office aadi mein bhi apne ko aatma samajhkar karmendriyon se kaam karte rahenge to sikhlaane vaala baap zaroor yaad padega। aatma hi baap ko yaad karti hai। bhal aage bhi kehte the ham bhagwan ko yaad karta hoon। parantu apne ko saakaar samajh niraakaar ko yaad karte the। apne ko niraakaar samajh niraakaar ko yaad kabhi nahin karte the। abhi tumko apne ko niraakaar aatma samajh niraakaar baap ko yaad karna hai। yeh badi vichaar saagar manthan karne ki baat hai। bhal koi-koi likhte hain - ham 2 ghanta yaad mein rehte hain। koi kehte hain ham sadaiv shivbaaba ko yaad karte hain। parantu sadaiv koi yaad kar na sake। agar yaad karta ho to pahle se hi karmaateet avastha ho jaaye। karmaateet avastha to badi jabardasta mehnat se hoti hai। ismen sab vikaari karmendriyaan vash ho jaati hain। satayug mein sab karmendriyaan nirvikaari ban jaati hain। ang-ang sugandhit ho jaata hai। abhi baansi chhi-chhi ang hai। satayug ki to bahut pyaari mahima hai। usko kaha jaata hai heaven nai duniya, vaikuntha। vahaan ke features, taaj aadi yahaan par koi bana na saken। bhal tum dekhkar bhi aate ho। parantu yahaan woh bana na sake। vahaan to natural shobha rehti hai to ab tum bachchon ko yaad se hi paavan banna hai। yaad ki yaatra bahut-bahut karni hai। ismen badi mehnat hai। yaad karte-karte karmaateet avastha ko pa len to sab karmendriyaan sheetal ho jaayen। ang-ang bahut sugandhit ho jaayen, badbu nahin rahegi। abhi to sabhi karmendriyon mein badbu hai। yeh shareer koi kaam ka nahin hai। tumhaari aatma abhi pavitra ban rahi hai। shareer to ban na sake। woh tab banen jab tumko naya shareer mile। ang-ang mein sugandh ho - yeh mahima devtaaon ki hai। tum bachchon ko bahut khushi honi chaahiye। baap aaya hai to khushi ka paara chadh jaana chaahiye।

baap kehte hain mujhe yaad karo to vikarma vinaash honge। geeta ke akshar kitne clear hain। baba ne kaha bhi hai - mere jo bhakta hain, jo geeta-paathi honge, woh shreekrishna ke pujaari zaroor honge। tab baba kehte hain devtaaon ke pujaariyon ko sunaana। manushya shiv ki pooja karte hain aur phir kah dete hain sarvavyaapi। glaani karte hue bhi mandiron mein roz jaate hain। shiv ke mandir mein dher ke dher jaate hain। bahut oonchi seedhi chadhkar jaate hain oopar mein, shiv ka mandir oopar banaaya jaata hai। shivbaaba bhi aakar ke seedhi bataate hain na। unka ooncha naam, ooncha thaanv hai। kitna oopar jaate hain। badreenaath, amarnaath vahaan shiv ke mandir hain। oonch chadhaane vaala hai, to unka mandir bhi bahut oonch banaate hain। yahaan guru shikhar ka mandir bhi oonchi pahaadi par banaaya hua hai। oonch baap baith tumko padhaate hain। duniya mein aur koi nahin jaante ki shivbaaba aakar padhaate hain। woh to sarvavyaapi kah dete hain। abhi tumhaare saamne em object bhi khadi hai। sivaae baap ke aur kaun kahega - yeh tumhaari em object hai। yeh baap hi tum bachchon ko batlaate hain। tum katha bhi satya naaraayan ki sunte ho। woh to jo past ho jaata hai, unki kathaayen bataate hain ki aage kya-kya hua। jisko kahaani kaha jaata hai। yeh oonch te oonch baap bade te badi kahaani sunaate hain। yeh kahaani tumko bahut oonch banaane vaali hai। yeh sadaiv yaad rakhni chaahiye aur bahuton ko sunaani hai। kahaani sunaane ke liye hi tum pradarshani va museum banaate ho। 5 hazaar varsha pahle bhaarat hi tha, jismen devtaayen raajya karte the। yeh hai sachchi-sachchi kahaani, jo doosra koi bata na sake। yeh real kahaani hai jo chaitanya vrikshapti baap baith samjhaate hain, jisse tum devta bante ho। ismen pavitrata mukhya hai। pavitra nahin banenge to dhaarna nahin hogi। sherni ke doodh ke liye sone ka bartan chaahiye, tab hi dhaarna ho sakegi। yeh kaan bartan misal hain na। yeh sone ka bartan hona chaahiye। abhi patthar ka hai। sone ka bane tab hi dhaarna ho sake। bada attention se sunna aur dhaaran karna hai। kahaani to easy hai, jo geeta mein likhi hai। woh kahaaniyaan sunaakar kamaai karte hain। sunne vaalon se unhon ki kamaai ho jaati hai। yahaan tumhaari bhi kamaai hai। donon kamaai chalti rehti hain। donon vyaapaar hain। padhaate bhi hain। kehte hain manamnaabhav, pavitra bano। aise aur koi nahin kehte, na manamnaabhav rehte hain। koi bhi manushya yahaan pavitra ho nahin sakte kyonki bhrashtaachaar ki paidaais hai। raavan raajya kaliyug ant tak chalna hai, usmein paavan hona hai। paavan kaha jaata hai devtaaon ko, na ki manushyon ko। sannyaasi bhi manushya hain, unhon ka hai nivritti maarga ka dharma। baap kehte hain mujhe yaad karo to tum pavitra ban jaayenge। bhaarat mein pravritti maarga ka hi raajya chala hai। nivritti maarga vaalon se tumhaara koi connection nahin hai। yahaan to stri-puroosh donon ko pavitra banna hai। donon pahiye chalte hain to theek hai, nahin to jhagda ho padta hai। pavitrata par hi jhagda chalta hai। aur koi satsang mein pavitrata par jhagda ho, aisa kabhi suna nahin hoga। yeh ek hi baar jab baap aate hain tab jhagda hota hai। saadhu santa aadi kabhi kehte hain kya ki ablaaon par atyaachaar honge! yahaan bachchiyaan pukaarti hain baba hamko bachaao। baap bhi poochhte hain nangan to nahin hote ho? kyonki kaam mahaashatru hai na। ekdam gir padte hain। is kaam vikaar ne sabko worth not A penny banaaya hai। baap kehte hain 63 janma tum veshyaalay mein rehte ho, abhi paavan ban shivaalay mein chalna hai। yeh ek janma pavitra bano। shivbaaba ko yaad karo to shivaalay svarga mein chalenge। phir bhi kaam vikaar kitna jabardasta hai। kitna hairaan karte hain, kashish hoti hai। kashish ko nikaalna chaahiye। jabki vaapis jaana hai to pavitra zaroor banna hai। teacher koi baitha thode hi rahega। padhaai thoda samay chalegi। baba bata dete hain। hamaara yeh rath hai na। rath ki aayu kahenge। baap kehte ham to sadaiv amar hain, hamaara naam hi hai amarnaath। punarjanma nahin lete isliye amarnaath kaha jaata hai। tumko aadha kalpa ke liye amar banaate hain। phir bhi tum punarjanma lete ho। to ab tum bachchon ko jaana hai oopar। munh us taraph, taange is taraph karni hain। phir is taraph munh kyon phiraana chaahiye। kehte hain baba bhool ho gai, munh is taraph ho gaya। to goya ulte ban jaate hain।

tum baap ko bhool deh-abhimaani bante ho to ulta ban jaate ho। baap sab kuchh batlaate hain। baap se kuchh bhi maangana nahin hai ki taakat do, shakti do। baap to raasta batlaate hain - yog bal se aisa banna hai। tum yogbal se itne saahookaar bante ho jo 21 janma kabhi koi se maangane ki darkaar nahin। itna tum baap se lete ho। samajhte ho baba to athaah kamaai karaate hain, kehte hain jo chaaho so le lo। yeh lakshmi-naaraayan hain highest। phir jo chaahe so lo। poora padhenge nahin to praja mein chale jaayenge। praja bhi zaroor banaani hai। tumhaare museum aage chalkar dher ho jaayenge aur tumko badebde haal milenge, college milenge, jismen tum service karenge। yeh jo shaadiyon ke liye haal banaate hain, yeh bhi tumko zaroor milenge। tum samjhaayenge - shiv bhagva-nuvaach, main tumko aisa pavitra banaata hoon, to trustee haal de denge। bolo bhagvaanuvaach - kaam mahaashatru hai, jisse duhkh paaya hai। ab paavan ban paavan duniya mein chalna hai। tumko haal milte rahenge। phir kahenge tu let। baap kehte hain main aise muphta mein thode hi loonga jo phir bharkar dena pade। bachchon ke paai-paai se talaav banta hai। baaki to sabka mitti mein mil jaana hai। baap sabse bada sarraaph bhi hai। sonaar, dhobi, kaareegar bhi hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap jo sachchi-sachchi kahaani sunaate hain, woh attention se sunni aur dhaaran karni hai, baap se kuchh bhi maangana nahin hai। 21 janmon ke liye apni kamaai jama karni hai।

2) vaapas ghar chalna hai, isliye yogbal se shareer ki kashish samaapta karni hai। karmendriyon ko sheetal banaana hai। is deh ka bhaan chhodne ka purooshaartha karna hai।

vardaan:- ek sthaan par rehte anek aatmaon ki seva karne vaale light-might sampanna bhav

jaise light house ek sthaan par sthit hote door-door ki seva karta hai। aise aap sabhi ek sthaan par hote anekon ki seva arth nimitta ban sakte ho ismen sirf light-might se sampanna banne ki aavashyakta hai। man-buddhi sada vyartha sochne se mukta ho, manmanaabhav ke mantra ka sahaj swaroop ho - mansa shubh bhaavna, shreshtha kaamna, shreshtha vritti aur shreshtha vibration se sampanna ho to yeh seva sahaj kar sakte ho। yahi mansa seva hai।

slogan:- ab aap brahman aatmaayen might bano aur doosri aatmaon ko mike banaao।