Daily Murli for Tuesday 2 July 2024

02-07-2024 praatahmurli om shanti "baapdaada"' madhuban

“meethe bachche - tum yahaan yaad mein rahkar paap dagdha karne ke liye aaye ho isliye buddhiyog nishphal na jaae, is baat ka poora dhyaan rakhna hai''

prashn:- kaun-sa sookshm vikaar bhi ant mein museebat khadi kar deta hai?

uttar:- agar sookshm mein bhi habach (laalach) ka vikaar hai, koi cheez habach ke kaaran ikatthi karke apne paas jama karke rakh di to vahi ant mein museebat ke roop mein yaad aati hai isliye baba kehte - bachche, apne paas kuchh bhi na rakho। tumhein sab sankalpon ko bhi sametkar baap ki yaad mein rahne ki tev (aadat) daalni hai isliye dehi-abhimaani banne ka abhyaas karo।

om shanti। bachchon ko roz-roz yaad dilaate hain - dehi-abhimaani bano kyonki buddhi idhar-udhar jaati hai। agyaankaal mein bhi katha vaarta sunte hain to buddhi baahar bhatakti hai। yahaan bhi bhatakti hai isliye roz-roz kehte hain dehi-abhimaani bano। woh to kahenge ham jo sunaate hain us par dhyaan do, dhaaran karo। shaastra jo sunaate hain woh vachan dhyaan par rakho। yahaan to baap aatmaon ko samjhaate hain, tum sab student dehi-abhimaani hokar baitho। shivbaaba aate hain padhaane ke liye। aisa koi college nahin hoga jahaan samjhenge shivbaaba padhaane aate hain। aisa school hona hi chaahiye purooshottam sangamayug par। student baithe hain aur yeh bhi samajhte hain parampita paramatma aate hain hamko padhaane। shivbaaba aate hain hamko padhaane। pahli-pahli baat samjhaate hain tumko paavan banna hai to maamekam yaad karo parantu maaya ghadi-ghadi bhula deti hai isliye baap khabardaar karte hain। koi ko samjhaana hai to bhi pahli-pahli baat samjhaao ki bhagwan kaun hai? bhagwan jo patit-paavan duhkh harta, sukh karta hai, woh kahaan hai? unko yaad to sab karte hain। jab koi aaphten aati hain, kehte hain he bhagwan raham karo। kisko bachaana hota hai to bhi kehte hain he bhagwan, O god hamko duhkh se liberate karo। duhkh to sabko hai। yeh to pakka maaloom hai satayug ko sukhdhaam kaha jaata hai, kaliyug ko duhkhadhaam kaha jaata hai। yeh bachche jaante hain phir bhi maaya bhula deti hai। yeh yaad mein bithaane ki rasma bhi drama mein hai kyonki bahut hain jo saara din yaad nahin karte hain, ek minute bhi yaad nahin karte hain phir yaad dilaane ke liye yahaan bithaate hain। yaad karne ki yukti batlaate hain to pakka ho jaae। baap ki yaad se hi hamko satopradhaan banna hai। satopradhaan banne ki baap ne first class real yukti bataai hai। patit-paavan to ek hi hai, woh aakar yukti bataate hain। yahaan tum bachche shanti mein tab baithte ho jabki baap ke saath yog hai। agar buddhi ka yog yahaan-vahaan gaya to shant mein nahin hain, goya ashaanta hain। jitna samay yahaan-vahaan buddhiyog gaya, woh nishphal hua kyonki paap to katte nahin। duniya yeh nahin jaanti ki paap kaise katte hain! yeh badi maheen baaten hain। baap ne kaha hai meri yaad mein baitho, to jab tak yaad ki taar juti hui hai, utna samay saphalta hai। zara bhi buddhi idhar-udhar gai to woh time vesta hua, nishphal hua। baap ka direction hai na ki bachche mujhe yaad karo, agar yaad nahin kiya to nishphal hua। isse kya hoga? tum jaldi satopradhaan nahin banenge phir to aadat pad jaayegi। yeh hota rahega। aatma is janma ke paap to jaanti hai। bhal koi kehte hain hamko yaad nahin hai, parantu baba kehte hain 3-4 varsha se lekar sab baaten yaad rehti hain। shuru mein itne paap nahin hote hain, jitne baad mein hote hain। din-pratidin criminal aai hoti jaati hai, treta mein do kala kam hoti hain। chandrama ki 2 kala kitne mein kam hoti hain। dheere-dheere kam hoti jaati hain phir 16 kala sampoorn bhi chandrama ko kaha jaata hai, soorya ko nahin kehte। chandrama ki hai ek maas ki baat, yeh phir hai kalpa ki baat। din-pratidin neeche utarte jaate hain। phir yaad ki yaatra se oopar chadh sakte hain। phir to darkaar nahin jo ham yaad karen aur oopar chadhen। satayug ke baad phir utarna hai। satayug mein bhi yaad karen to neeche utre hi nahin। drama anusaar utarna hi hai, to yaad hi nahin karte hain। utarna bhi zaroor hai phir yaad karne ka upaay baap hi batlaate hain kyonki oopar jaana hai। sangam par hi aakar baap sikhlaate hain ki ab chadhti kala shuru hoti hai। hamko phir apne sukhdhaam mein jaana hai। baap kehte hain ab sukhdhaam mein jaana hai to mujhe yaad karo। yaad se tumhaari aatma satopradhaan ban jaayegi।

tum duniya se niraale ho, baikuntha duniya se bilkul nyaara hai। baikuntha tha, ab nahin hai। kalpa ki aayu lambi kar dene ke kaaran bhool gaye hain। abhi tum bachchon ko to baikuntha bahut nazdeek dikhaai deta hai। baaki thoda time hai। yaad ki yaatra mein hi kami hai isliye samajhte hain abhi time hai। yaad ki yaatra jitni honi chaahiye utni nahin hai। tum paigaam pahunchaate ho drama ke plan anusaar, koi ko paigaam nahin dete hain to goya service nahin karte hain। saari duniya mein paigaam to pahunchaana hai ki baap kehte hain maamekam yaad karo। geeta padhne vaale jaante hain, ek hi geeta shaastra hai, jismen yeh mahaavaakya hain। parantu usmein shreekrishna bhagvaanuvaach likh diya hai to yaad kisko karen। bhal shiv ki bhakti karte hain parantu yathaartha gyaan nahin jo shreemat par chalen। is samay tumko milti hai eeshvareey mat, inke pahle thi maanav mat। donon mein raat-din ka farka hai। maanav mat kehti hai eeshvar sarvavyaapi hai। eeshvar ki mat kehti hai nahin। baap kehte hain main aaya hoon svarga ki sthaapna karne to zaroor yeh narka hai। yahaan 5 vikaar sabmen pravesh hain। vikaari duniya hai tab to main aata hoon nirvikaari banaane ke liye। jo eeshvar ke bachche bane, unke paas vikaar to ho nahin sakte। raavan ka chitra 10 sheesh vaala dikhaate hain। kabhi koi kah na sake ki raavan ki srishti nirvikaari hai। tum jaante ho abhi raavan raajya hai, sabhi mein 5 vikaar hain। satayug mein hai raamraajya, koi bhi vikaar nahin। is samay manushya kitne duhkhi hain। shareer ko kitne duhkh lagte hain, yeh hai duhkhadhaam, sukhdhaam mein to shaareerik duhkh bhi nahin hote hain। yahaan to kitni hospitals bhari hui hain, inko svarga kehna bhi badi bhool hai। to samajhkar auron ko samjhaana hai, woh padhaai koi ko samjhaane ke liye nahin hai। imtahaan paas kiya aur naukri par chadha। yahaan to tumko sabko paigaam dena hai। sirf ek baap thode hi denge। jo bahut hoshiyaar hain unko teacher kaha jaata hai, kam hoshiyaar hain to unko student kaha jaata hai। tumhein sabko paigaam dena hai, poochhna hai bhagwan ko jaante ho? woh to baap hai sabka। to mool baat hai baap ka parichay dena kyonki koi jaante nahin hain। oonch te oonch baap hai, saare vishwa ko paavan banaane vaala hai। saara vishwa paavan tha, jismen bhaarat hi tha। aur koi dharma vaala kah na sake ki ham nai duniya mein aaye hain। woh to samajhte hain hamaare se aage koi hokar gaye hain। Christ bhi zaroor koi mein aayega। unke aage zaroor koi the। baap baith samjhaate hain main is brahma tan mein pravesh karta hoon। yeh bhi koi maante nahin ki brahma ke tan mein aate hain। are, brahman to chaahiye zaroor। brahman kahaan se aayenge। zaroor brahma se hi to aayenge na। achha, brahma ka baap kabhi suna? woh hai great-great grand father। unka saakaar father koi nahin। brahma ka saakaar baap kaun? koi batla na sake। brahma to gaaya hua hai। prajaapita bhi hai। jaise niraakaar shivbaaba kehte hain, unka baap bataao? phir saakaar prajaapita brahma ka baap bataao। shivbaaba to adopt kiya hua nahin hai। yeh adopt kiya hua hai। kahenge inko shivbaaba ne adopt kiya। vishnu ko shivbaaba ne adopt kiya hai, aisa nahin kahenge। yeh to tum jaante ho brahma so vishnu bante hain। adopt to hua nahin। shankar ke liye bhi bataaya hai, unka koi part hai nahin। brahma so vishnu, vishnu so brahma yeh 84 ka chakra hai। shankar phir kahaan se aaya। unki rachna kahaan hai। baap ki to rachna hai, woh sab aatmaon ka baap hai aur brahma ki rachna hain sab manushya। shankar ki rachna kahaan hai? shankar se koi manushya duniya nahin rachi jaati। baap aakar yeh sab baaten samjhaate hain phir bhi bachche ghadi-ghadi bhool jaate hain। harek ki buddhi nambarvaar hai na। jitni buddhi utni teacher ki padhaai dhaaran kar sakte hain। yeh hai behad ki padhaai। padhaai ke anusaar hi nambarvaar pad paate hain। bhal padhaai ek hi hai manushya se devta banne ki parantu dynasty banti hai na। yeh bhi buddhi mein aana chaahiye ki ham kaun-sa pad paayenge? raaja banna to mehnat ka kaam hai। raajaaon ke paas daas-daasiyaan bhi chaahiye। daas-daasiyaan kaun bante hain, yeh bhi tum samajh sakte ho। nambarvaar purooshaartha anusaar harek ko daasiyaan milti hongi। to aisa nahin padhna chaahiye jo janma-janmaantar daas-daasi banen। purooshaartha karna hai oonch banne ka।

to sachchi shanti baap ki yaad mein hai, jara bhi buddhi idhar-udhar gai to time vesta hoga। kamaai kam hogi। satopradhaan ban nahin sakenge। yeh bhi samjhaaya hai ki haathon se kaam karte raho, dil se baap ko yaad karo। shareer ko tandaroosta rakhne ke liye ghoomna phirna, yeh bhi bhal karo। parantu buddhi mein baap ki yaad rahe। agar saath mein koi ho to jharmui-jhagmui nahin karni hai। yeh to har ek ki dil gavaahi deti hai। baba samjha dete hain aisi avastha mein chakkar lagaao। paadri log jaate hain ekdam shant mein, tum log gyaan ki baaten saara samay to nahin karenge phir jabaan ko shant mein laakar shivbaaba ki yaad mein race karni chaahiye। jaise khaane ke samay baba kehte hain - yaad mein baithkar khaao, apna chart dekho। baba apna to bataate hain ki ham bhool jaate hain। koshish karta hoon, baba ko kehta hoon baba ham poora samay yaad mein rahoonga। aap hamaari khaansi band karo। sugar kam karo। apne saath jo mehnat karta hoon, woh bataata hoon। parantu main khud hi bhool jaata hoon to khaansi kam kaise hogi। jo baaten baba ke saath karta hoon, woh sach sunaata hoon। baba bachchon ko bata dete hain, bachche baap ko nahin sunaate, lajja aati hai। jhaadu lagaao, khaana banaao to bhi shivbaaba ki yaad mein banaao to taakat aayegi। yeh bhi yukti chaahiye, ismen tumhaara hi kalyaan hoga phir tum yaad mein baithenge to auron ko bhi kashish hogi। ek-do ko kashish to hoti hai na। jitna tum jaasti yaad mein rahenge utna sannaata achha ho jaayega। ek-do ka prabhaav drama anusaar padta hai। yaad ki yaatra to bahut kalyaankaari hai, ismen jhooth bolne ki darkaar nahin hai। sachche baap ke bachche hain to sachcha hokar chalna hai। bachchon ko to sab kuchh milta hai। vishwa ki baadshaahi milti hai to phir lobh kar 10-20 saadiyaan aadi kyon ikatthi karte ho। agar bahut cheejen ikatthi karte rahenge to marne samay bhi yaad aayegi isliye misaal dete hain ki stri ne unko kaha laathi bhi chhod do, nahin to yeh bhi yaad aayegi। kuchh bhi yaad nahin rehna chaahiye। nahin to apne liye hi museebat laate hain। jhooth bolne se sauguna paap chadh jaata hai। shivbaaba ka bhandaara sadaiv bhara rehta hai, jaasti rakhne ki bhi darkaar kya hai। jiski chori ho jaati hai to sab kuchh diya jaata hai। tum bachchon ko baap se raajaai milti hai, to kya kapde aadi nahin milenge। sirf phaaltu kharcha nahin karna chaahiye kyonki ablaayen hi madad karti hain svarga ki sthaapna mein। unke paise aise barbaad bhi nahin karne chaahiye। woh tumhaari paravrish karti hain to tumhaara kaam hai unhon ki paravrish karna। nahin to sau guna paap sir par chadhta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ki yaad mein baithte samay zara bhi buddhi idhar-udhar nahin bhatakni chaahiye। sada kamaai jama hoti rahe। yaad aisi ho jo sannaata ho jaae।

2) shareer ko tanduroosta rakhne ke liye ghoomne phirne jaate ho to aapas mein jharmui-jhagmui (parchintan) nahin karna hai। jabaan ko shant mein rakh baap ko yaad karne ki race karni hai। bhojan bhi baap ki yaad mein khaana hai।

vardaan:- nishchaybuddhi ban kamjor sankalpon ki jaal ko samaapta karne vaale saphalta sampanna bhav

abhi tak majority bachche kamjor sankalpon ko svayan hi emerge karte hain - sochte hain pata nahin hoga ya nahin hoga, kya hoga…yeh kamjor sankalp hi deevaar ban jaate hain aur saphalta us deevaar ke andar chhip jaati hai। maaya kamjor sankalpon ki jaal bichha deti hai, usi jaal mein phans jaate hain isliye main nishchaybuddhi vijayi hoon, saphalta mera janma siddha adhikaar hai - is smriti se kamjor sankalpon ko samaapta karo।

slogan:- teesra, jvaalaamukhi netra khula rahe to maaya shaktiheen ban jaayegi।