Daily Murli for Friday 1 November 2024

01-11-2024 praatahmurli om shanti "baapdaada"' madhuban

“meethe bachche - is samay niraakaar baap saakaar mein aakar tumhaara shrringaar karte hain, akela nahin''

prashn:- tum bachche yaad ki yaatra mein kyon baithte ho?

uttar:- 1. kyonki tum jaante ho is yaad se hi humein bahut badi aayu milti hai, ham nirogi bante hain। 2. yaad karne se hamaare paap katte hain। ham sachcha sona ban jaate hain। aatma se rajo-tamo ki khaad nikal jaati hai, woh kanchan ban jaati hai। 3. yaad se hi tum paavan duniya ke maalik ban jaayenge। 4. tumhaara shrringaar hoga। 5. tum bahut dhanvaan ban jaayenge। yeh yaad hi tumhein padmaapadma bhaagyashaali banaati hai।

om shanti। roohaani bachchon ko roohaani baap samjha rahe hain। yahaan baith tum kya karte ho? aise nahin, sirf shanti mein baithe ho। arth sahit gyaanmay avastha mein baithe ho। tum bachchon ko gyaan hai - baap ko ham kyon yaad karte hain। baap hamko bahut badi aayu dete hain। baap ko yaad karne se hamaare paap kat jaayenge। ham sachcha sona satopradhaan ban jaayenge। tumhaara kitna shrringaar hota hai। tumhaari aayu badi ho jaayegi। aatma kanchan ho jaayegi। ab aatma mein khaad padi hui hai। yaad ki yaatra se woh sab khaad jo rajo-tamo ki padi hai woh sab nikal jaayegi। itna tumko phaayda hota hai। phir aayu badi ho jaayegi। tum svarga ke nivaasi ban jaayenge aur bahut dhanvaan banenge। tum padmaapadma bhaagyashaali ban jaayenge isliye baap kehte hain manamnaabhav, maamekam yaad karo। koi deh-dhaari ke liye nahin kehte। baap ko to shareer hai nahin। tumhaari aatma bhi niraakaar thi। phir punarjanma mein aate-aate paarasbuddhi se pattharbuddhi ban gai hai। ab phir kanchan banna hai। abhi tum pavitra ban rahe ho। paani ke snaan to janma-janmaantar kiye। samjha ham isse paavan banenge parantu paavan banne badle aur hi patit ban nuksaan mein pade ho kyonki yeh hai hi jhoothi maaya, jhooth bolne ke sanskaar hain sabke। baap kehte hain main tumko paavan banaakar jaata hoon phir tumko patit kaun banaata? abhi tum feel karte ho na। kitna ganga snaan karte aaye parantu paavan to bane nahin। paavan bankar to paavan duniya mein jaana pade। shantidham aur sukhdhaam hai paavan dhaam। yeh to hai hi raavan ki duniya, isko duhkhadhaam kaha jaata hai। yeh to sahaj samajhne ki baat hai na। ismen koi mushkilaat hi nahin। na kisko sunaane mein mushkilaat hai। jab koi mile to sirf yeh bolo apne ko aatma samajh behad ke baap ko yaad karo। aatmaon ka baap hai parampita paramatma shiv। harek ke shareer ka to alag-alag baap hota hai। aatmaon ka to ek hi baap hai। kitna achhi reeti samjhaate hain aur hindi mein hi samjhaate hain। hindi bhaasha hi mukhya hai। tum padmaapadma bhaagyashaali in devi-devtaaon ko kahenge na। yeh kitne bhaagyashaali hain। yeh kisko bhi pata nahin hai ki yeh svarga ke maalik kaise banen। abhi tumko baap suna rahe hain। is sahaj yog dvaara is purooshottam sangam par hi yeh bante hain। abhi hai puraani duniya aur nai duniya ka sangam। phir tum nai duniya ke maalik ban jaayenge। ab baap sirf kehte hain do akshar arth sahit yaad karo। geeta mein hai manamnaabhav। akshar to padhte hain parantu arth bilkul nahin jaante। baap kehte hain mujhe yaad karo kyonki main hi patit-paavan hoon, aur koi aise kah na saken। baap hi kehte hain mujhe yaad karne se tum paavan ban paavan duniya mein chale jaayenge। pahle-pahle tum satopradhaan the phir punarjanma lete-lete tamopradhaan bane ho। ab 84 janma baad phir tum nai duniya mein devta bante ho।

rachayita aur rachna donon ko tum jaan gaye ho। to abhi tum aastik ban gaye ho। aage janma-janmaantar tum naastik the। yeh baat jo baap sunaate hain aur koi jaante hi nahin। kahaan bhi jaao, koi bhi tumko yeh baaten nahin sunaayenge। abhi donon hi baap tumhaara shrringaar kar rahe hain। pahle to baap akele tha। shareer bigar tha। oopar baith tumhaara shrringaar kar na sake। kehte hain na - batta baarah (1 aur 2 milkar 12 hote hain) baaki prerna va shakti aadi ki baat nahin। oopar se prerna dvaara mil na sake। niraakaar jab saakaar shareer ka aadhaar lete hain tab tumhaara shrringaar karte hain। samajhte bhi hain - baba hamko sukhdhaam mein le jaate hain। drama ke plan anusaar baba bandhaaymaan hai, unko duty mili hui hai। har 5 hazaar varsha baad aate hain tum bachchon ke liye। is yogbal se tum kitne kanchan bante ho। aatma aur kaaya donon kanchan banti hai phir chhi-chhi bante ho। abhi tum saakshaatkaar karte ho - is purooshaartha se ham aisa shrringaara hua banenge। vahaan criminal aai hoti nahin। to bhi ang sab dhake hue hote hain। yahaan to dekho chhi-chhi baaten raavan raajya mein seekhte hain। in lakshmi-naaraayan ko dekho dress aadi kitni achhi hai। yahaan sab hain deh-abhimaani। unhon ko deh-abhimaani nahin kahenge। unhon ki natural beauty hai। baap tumko aisa natural beautiful banaate hain। aajkal to sachcha jevar koi pahan bhi nahin sakta hai। koi pahne to unko hi loot jaaen। vahaan to aisi koi baat nahin। aisa baap tumko mila hai, in bigar to tum ban na sako। bahut kehte hain ham to direct shivbaaba se lete hain। parantu woh denge hi kaise। bhal koshish karke dekho direct maango। dekho milta hai! aise bahut kehte hain - ham to shivbaaba se varsa lenge। brahma se poochhne ki bhi kya darkaar hai। shivbaaba prerna se kuchh de denge! achhe-achhe puraane bachche unko bhi maaya aise chak pahan leti hai (kaat leti hai)। ek ko maante hain, parantu ek kya karenge। baap kehte hain main ek kaise aaoon। mukh bigar baat kaise kar sakoon। mukh ka to gaayan hai na। gaoomukh se amrit lene ke liye kitna dhakka khaate hain। phir shreenaath dvaare par jaakar darshan karte hain। parantu unka darshan karne se kya hoga। usko kaha jaata hai but pooja। unmein aatma to hai nahin। baaki 5 tatvon ka putla bana hua hai to goya maaya ko yaad karna ho gaya। 5 tatva prakriti hai na। unko yaad karne se kya hoga? prakriti ka aadhaar to sabko hai parantu vahaan hai satopradhaan prakriti। yahaan hai tamopradhaan prakriti। baap ko satopradhaan prakriti ka aadhaar kabhi nahin lena padta। yahaan to satopradhaan prakriti mil na sake। yeh jo bhi saadhu-santa hain baap kehte hain in sabka uddhaar mujhe karna padta hai। main nivritti maarga mein aata hi nahin hoon। yeh hai hi pravritti maarga। sabko kehta hoon pavitra bano। vahaan to naam-roop aadi sab badal jaata hai। to baap samjhaate hain dekho yeh naatak kaisa bana hua hai। ek ke features na mile doosre se। itne karodon hain, sabke features alag। kitna bhi koi kuchh kare to bhi ek ke features doosre se mil na saken। isko kaha jaata hai kudrat, wonder। svarga ko wonder kaha jaata hai na। kitna shobhnik hai। maaya ke 7 wonder, baap ka ek wonder। woh 7 wonders taraaju ke ek taraph rakho, yeh ek wonder doosre taraph mein rakho to bhi yeh bhaari ho jaayega। ek taraph gyaan, ek taraph bhakti ko rakho to gyaan ka taraph bahut bhaari ho jaayega। abhi tum samajhte ho bhakti sikhlaane vaale to dher hain। gyaan dene vaala ek hi baap hai। to baap baith bachchon ko padhaate hain, shrringaar karte hain। baap kehte hain pavitra bano to kehte - nahin, ham to chhi-chhi banenge। garood puraan mein bhi vishay vaitarni nadi dikhaate hain na। bichchhu, tindan, sarpa aadi sab ek-do ko kaatte rehte hain। baap kehte hain tum kitne nidhanke ban jaate ho। tum bachchon ko hi baap samjhaate hain। baahar mein koi ko aisa seedha kaho to bigad jaayen। bada yukti se samjhaana hota hai। kai bachchon mein baatcheet karne ka bhi akla nahin rehta। chhote bachche ekdam innocent hote hain isliye unko mahaatma kaha jaata hai। kahaan shreekrishna mahaatma, kahaan yeh sannyaasi nivritti maarga vaale mahaatma kahlaate hain। woh hai pravritti maarga। woh kabhi bhrashtaachaar se paida nahin hote। unko kehte hi hain shreshthaachaari। abhi tum shreshthaachaari ban rahe ho। bachche jaante hain yahaan baapdaada donon ikatthe hain। yeh zaroor shrringaar achha hi karenge। sabki dil hogi na - jinhonne in bachchon ko aisa shrringaar karaaya hai to ham kyon na unke paas jaayen isliye tum yahaan aate ho refresh hone। dil kashish karti hai, baap ke paas aane। jinko poora nishchay hota hai woh to kahenge chaahe maaro, chaahe kuchh bhi karo, ham kabhi saath nahin chhodenge। koi to bigar kaaran bhi chhod dete hain। yeh bhi drama ka khel bana hua hai। faarakti va divorce de dete hain।

baap jaante hain yeh raavan ke vansh ke hain। kalpa-kalpa aisa hota hai। koi phir aa jaate hain। baba samjhaate hain haath chhodne se pad kam ho jaata hai। sammukh aate hain, pratigya karte hain - ham aise baap ko kabhi nahin chhodenge। parantu maaya raavan bhi kam nahin hai। jhat apni taraph kheench leti hai। phir sammukh aate hain to unko samjhaaya jaata hai। baap laathi thode hi lagaayenge। baap to phir bhi pyaar se hi samjhaayenge, tumko maaya graah kha jaata, achha hua jo bachkar aa gaye। ghaayal honge to pad kam ho jaayega। jo sadaiv ekras hi rahenge woh kabhi hatenge nahin। kabhi haath nahin chhodenge। yahaan se baap ko chhod markar maaya raavan ke bante hain to unko maaya aur hi jor se khaayegi। baap kehte hain tumko kitna shrringaar karte hain। samjhaaya jaata hai achhe hokar chalo। kisko duhkh nahin do। blood se bhi likhkar dete hain phir vaise ke vaise ban jaate hain। maaya badi jabardasta hai। kaan-naak se pakadkar bahut tadphaati hai। ab tumko gyaan ka teesra netra dete hain to criminal drishti kabhi nahin jaani chaahiye। vishwa ka maalik banna hai to kuchh mehnat bhi karni pade na। ab tumhaari aatma aur shareer donon tamopradhaan hain। khaad pad gai hai। is khaad ko bhasma karne ke liye baap kehte hain mujhe yaad karo। tum baap ko yaad nahin kar sakte ho, lajja nahin aati hai। yaad nahin karenge to maaya ke bhoot tumko hap kar lenge। tum kitna chhi-chhi ban gaye ho, raavan raajya mein ek bhi aisa nahin jo vikaar se paida na hua ho। vahaan is vikaar ka naam nahin, raavan hi nahin। raavan raajya hota hi hai dvaapar se। paavan banaane vaala ek hi baap hai। baap kehte hain bachche yeh ek janma hi pavitra banna hai phir to vikaar ki baat hi nahin hoti। woh hai hi nirvikaari duniya। tum jaante ho yeh pavitra devi-devta the phir 84 janma lete-lete neeche aaye hain। ab hain patit tab pukaarte hain shivbaaba hamko is patit duniya se chhudaao। abhi jab baap aaye hain tab tumko samajh padi hai ki yeh patit kaam hai। aage nahin samajhte the kyonki tum raavan raajya mein the। ab baap kehte hain sukhdhaam chalna hai to chhi-chhi banna chhodo। aadhaakalpa tum chhi-chhi bane ho। sir par paapon ka bahut bojha hai aur tumne gaali bhi bahut di hai। baap ko gaali dene se bahut paap chadh jaate hain, yeh bhi drama mein part hai। tumhaari aatma ko bhi 84 ka part mila hua hai, woh bajaana hi hai। harek ko apna part bajaana hai। phir tum rote kyon ho! satayug mein koi rota nahin। phir gyaan ki dasha poori hoti hai to vahi rona peetna shuru ho jaata hai। mohjeet ki katha bhi tumne suni hai। yeh to ek jhootha drishtaanta banaaya hai। satayug mein koi ki akaale mrityu hoti nahin। moh jeet banaane vaala to ek hi baap hai। parampita paramatma ke tum vaaris bante ho, jo tumko vishwa ka maalik banaate hain। apne se poochho ham aatmaayen unke vaaris hain? baaki jismaani padhaai mein kya rakha hai। aajkal to patit manushyon ki shakla bhi nahin dekhni chaahiye, na bachchon ko dikhaani chaahiye। buddhi mein hamesha samjho ham sangamayug par hain। ek baap ko hi yaad karte hain aur sabko dekhte hue nahin dekhte hain। ham nai duniya ko hi dekhte hain। ham devta bante hain, us naye sambandhon ko hi dekhte hain। puraane sambandh ko dekhte hue nahin dekhte hain। yeh sab bhasma hone vaala hai। ham akele aaye the phir akele hi jaate hain। baap ek hi baar aate hain saath le jaane। inko shivbaaba ki baraat kaha jaata hai। shivbaaba ke bachche sab hain। baap vishwa ki baadshaahi dete hain, manushya se devta banaate hain। aage vish ugalte the, ab amrit ugalte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan ko sangamayug nivaasi samajhkar chalna hai। puraane sambandhon ko dekhte hue bhi nahin dekhna hai। buddhi mein rahe ham akele aaye the, akele jaana hai।

2) aatma aur shareer donon ko kanchan (pavitra) banaane ke liye gyaan ke teesre netra se dekhne ka abhyaas karna hai। criminal drishti khatma karni hai। gyaan aur yog se apna shrringaar karna hai।

vardaan:- manamnaabhav ho alaukik vidhi se manoranjan manaane vaale baap samaan bhav

sangamayug par yaadgaar manaana arthaat baap samaan banna। yeh sangamayug ke suhej hain। khoob manaao lekin baap se milan manaate hue manaao। sirf manoranjan ke roop mein nahin lekin manmanaabhav ho manoranjan manaao। alaukik vidhi se alaukikta ka manoranjan avinaashi ho jaata hai। sangamayugi deepmaala ki vidhi - puraana khaata khatma karna, har sankalp, har ghadi naya arthaat alaukik ho। puraane sankalp, sanskaar-svabhaav, chaal-chalan yeh raavan ka karja hai ise ek dridh sankalp se samaapta karo।

slogan:- baaton ko dekhne ke bajaae svayan ko aur baap ko dekho।