Daily Murli for Saturday 9 November 2024

09-11-2024 praatahmurli om shanti "baapdaada"' madhuban

“meethe bachche - baap aaya hai tum bachchon ko bhakti tu aatma se gyaani tu aatma banaane, patit se paavan banaane''

prashn:- gyaanvaan bachche kis chintan mein sada rehte hain?

uttar:- main avinaashi aatma hoon, yeh shareer vinaashi hai। mainne 84 shareer dhaaran kiye hain। ab yeh antim janma hai। aatma kabhi chhoti-badi nahin hoti hai। shareer hi chhota bada hota hai। yeh aankhen shareer mein hain lekin inse dekhne vaali main aatma hoon। baba aatmaon ko hi gyaan ka teesra netra dete hain। woh bhi jab tak shareer ka aadhaar na len tab tak padha nahin sakte। aisa chintan gyaanvaan bachche sada karte hain।

om shanti। yeh kisne kaha? aatma ne। avinaashi aatma ne kaha shareer dvaara। shareer aur aatma mein kitna pharka hai। shareer 5 tatva ka itna bada putla ban jaata hai। bhal chhota bhi hai to bhi aatma se to zaroor bada hai। pahle to ekdam chhota pinda hota hai, jab thoda bada hota hai tab aatma pravesh karti hai। bada hote-hote phir itna bada ho jaata hai। aatma to chaitanya hai na। jab tak aatma pravesh na kare tab tak putla koi kaam ka nahin rehta hai। kitna pharka hai। bolne, chaalne vaali bhi aatma hi hai। woh itni chhoti-si bindi hi hai। woh kabhi chhoti-badi nahin hoti। vinaash ko nahin paati। ab yeh param aatma baap ne samjhaaya hai ki main avinaashi hoon aur yeh shareer vinaashi hai। unmein main pravesh kar part bajaata hoon। yeh baaten tum abhi chintan mein laate ho। aage to na aatma ko jaante the, na paramatma ko jaante the sirf kahne maatra kehte the he parampita paramatma। aatma bhi samajhte the parantu phir koi ne kaha tum paramatma ho। yeh kisne batlaaya? in bhakti maarga ke guruon aur shaastron ne। satayug mein to koi batlaayenge nahin। abhi baap ne samjhaaya hai tum mere bachche ho। aatma natural hai shareer unnatural mitti ka bana hua hai। jab aatma hai to bolti chaalti hai। abhi tum bachche jaante ho ham aatmaon ko baap aakar samjhaate hain। niraakaar shivbaaba is sangamayug par hi is shareer dvaara aakar sunaate hain। yeh aankhe to shareer mein rehti hi hain। abhi baap gyaan chakshu dete hain। aatma mein gyaan nahin hai to agyaan chakshu hai। baap aate hain to aatma ko gyaan chakshu milte hain। aatma hi sab kuchh karti hai। aatma karma karti hai shareer dvaara। abhi tum samajhte ho baap ne yeh shareer dhaaran kiya hai। apna bhi raaz bataate hain। srishti ke aadi-madhya-ant ka raaz bhi bataate hain। saare naatak ka bhi knowledge dete hain। aage tumko kuchh bhi pata nahin tha। haan, naatak zaroor hai। srishti ka chakra phirta hai। parantu kaise phirta hai, yeh koi nahin jaante hain। rachayita aur rachna ke aadi-madhya-ant ka gyaan abhi tumko milta hai। baaki to sab hai bhakti। baap hi aakar tumko gyaani tu aatma banaate hain। aage tum bhakti tu aatma the। tu aatma bhakti karte the। abhi tum aatma gyaan sunte ho। bhakti ko kaha jaata hai andhiyaara। aise nahin kahenge bhakti se bhagwan milta hai। baap ne samjhaaya hai bhakti ka bhi part hai, gyaan ka bhi part hai। tum jaante ho ham bhakti karte the to koi sukh nahin tha। bhakti karte dhakka khaate rehte the। baap ko dhoondhate the। abhi samajhte ho yagya, tap, daan, punya aadi jo kuchh karte the, dhoondhate-dhoondhate dhakka khaate-khaate tang ho jaate hain। tamopradhaan ban jaate hain kyonki girna hota hai na। jhoothe kaam karna chhi-chhi hona hota hai। patit bhi ban gaye। aise nahin ki paavan hone ke liye bhakti karte the। bhagwan se paavan banne bigar ham paavan duniya mein ja nahin sakenge। aise nahin ki paavan banne bigar bhagwan se nahin mil sakte। bhagwan ko to kehte hain aakar paavan banaao। patit hi bhagwan se milte hain paavan hone ke liye। paavan se to bhagwan milta nahin। satayug mein thode hi in lakshmi-naaraayan se bhagwan milta hai। bhagwan aakarke tum patiton ko paavan banaate hain aur tum yeh shareer chhod dete ho। paavan to is tamopradhaan patit srishti mein rah nahin sakte। baap tumko paavan banaakar gum ho jaate hain, unka part hi drama mein wonderful hai। jaise aatma dekhne mein aati nahin hai। bhal saakshaatkaar hota hai to bhi samajh na saken। aur to sabko samajh sakte hain yeh phalaana hai, yeh phalaana hai। yaad karte hain। chaahte hain phalaane ka chaitanya mein saakshaatkaar ho aur to koi matlab nahin। achha, chaitanya mein dekhte ho phir kya? saakshaatkaar hua phir to gum ho jaayega। alpakaal kshan bhangur sukh ki aash poori hogi। usko kaha jaayega alpakaal kshan bhangur sukh। saakshaatkaar ki chaahna thi woh mila। bas yahaan to mool baat hai patit se paavan banne ki। paavan banenge to devta ban jaayenge arthaat svarga mein chale jaayenge।

shaastron mein to kalpa ki aayu laakhon varsha likh di hai। samajhte hain kaliyug mein ajun 40 hazaar varsha pade hain। baba to samjhaate hain saara kalpa hi 5 hazaar varsha ka hai। to manushya andhiyaare mein hain na। usko kaha jaata hai ghor andhiyaara। gyaan koi mein hai nahin। woh sab hai bhakti। raavan jab se aata hai to bhakti bhi unke saath hai aur jab baap aate hain to unke saath gyaan hai। baap se ek hi baar gyaan ka varsa milta hai। ghadi-ghadi nahin mil sakta। vahaan to tum koi ko gyaan dete nahin। darkaar hi nahin। gyaan unko milta hai jo agyaan mein hain। baap ko koi bhi jaante hi nahin। baap ko gaali dene bigar koi baat hi nahin karte। yeh bhi tum bachche abhi samajhte ho। tum kehte ho eeshvar sarvavyaapi nahin hai, woh ham aatmaon ka baap hai aur woh kehte ki nahin paramatma thikkar-bhittar mein hai। tum bachchon ne achhi tarah samjha hai - bhakti bilkul alag cheez hai, unmein jara bhi gyaan nahin hota। samay hi saara badal jaata hai। bhagwan ka bhi naam badal jaata hai phir manushyon ka bhi naam badal jaata hai। pahle kaha jaata hai devta phir kshatriy, vaishya, shoodra। woh daivi gunon vaale manushya hain aur yeh hain aasuri gunon vaale manushya। bilkul chhi-chhi hain। guru naanak ne bhi kaha hai ashankh chor… manushya koi aisa kahe to unko jhat kahenge tum yeh kya gaali dete ho। parantu baap kehte hain yeh sab aasuri sampradaay hain। tumko clear kar samjhaate hain। woh raavan sampradaay, woh raam sampradaay। gaandhi ji bhi kehte the hamko raam-raajya chaahiye। raamraajya mein sab nirvikaari hain, raavan raajya mein hain sab vikaari। inka naam hi hai veshyaalay। raurav narka hai na। is samay ke manushya vishay vaitarni nadi mein pade hain। manushya, jaanvar aadi sab ek samaan hain। manushya ki koi bhi mahima nahin hai। 5 vikaaron par tum bachche jeet paakar manushya se devta pad paate ho, baaki sab khatma ho jaate hain। devtaayen satayug mein rehte the। abhi is kaliyug mein asur rehte hain। asuron ki nishaani kya hai? 5 vikaar। devtaaon ko kaha jaata hai sampoorn nirvikaari aur asuron ko kaha jaata hai sampoorn vikaari। woh hain 16 kala sampoorn aur yahaan no kala। sabki kala kaaya chat ho gai hai। ab yeh baap bachchon ko baith samjhaate hain। baap aate bhi hain puraani aasuri duniya ko change karne। raavan raajya veshyaalay ko shivaalay banaate hain। unhon ne to yahaan hi naam rakh diye trimoorti house, trimoorti road... aage thode hi yeh naam the। ab hona kya chaahiye? yeh saari duniya kiski hai? paramatma ki hai na। paramatma ki duniya hai jo aadhaakalpa pavitra, aadhaakalpa apvitra rehti hai। creator to baap ko kaha jaata hai na। to unki hi yeh duniya hui na। baap samjhaate hain main hi maalik hoon। main beejroop, chaitanya, gyaan ka saagar hoon। mere mein saara gyaan hai aur koi mein nahin। tum samajh sakte ho is srishti chakra ke aadi, madhya, ant ka knowledge baap mein hi hai। baaki to sab hain gapode। mukhya gapoda bahut kharaab hai, jiske liye baap ulhana dete hain। tum mujhe thikkar-bhittar kutte billi mein samajh baithe ho। tumhaari kya durdasha ho gai hai।

nai duniya ke manushyon aur puraani duniya ke manushyon mein raat din ka pharka hai। aadhaakalpa se lekar apvitra manushya, pavitra devtaaon ko maatha tekte hain। yeh bhi bachchon ko samjhaaya hai pahle-pahle pooja hoti hain shivbaaba ki। jo shivbaaba hi tumko pujaari se poojya banaate hain। raavan tumko poojya se pujaari banaate hain। phir baap drama plan anusaar tumko poojya banaate hain। raavan aadi yeh sab naam to hain na। dashahra jab manaate hain to kitne manushyon ko baahar se bulaate hain। parantu arth kuchh nahin samajhte। devtaaon ki kitni ninda karte hain। aisi baaten to bilkul hain nahin। jaise kehte hain eeshvar naam-roop se nyaara hai arthaat nahin hai। vaise yeh jo kuchh khel aadi banaate hain woh kuchh bhi hai nahin। yeh sab hain manushyon ki buddhi। manushya mat ko aasuri mat kaha jaata hai। yatha raaja-raani tatha praja। sab aise ban jaate hain। inko kaha hi jaata hai devil world। sab ek-do ko gaali dete rehte hain। to baap samjhaate hain - bachche, jab baithte ho to apne ko aatma samajh baap ko yaad karo। tum agyaan mein the to paramatma ko oopar mein samajhte the। abhi to jaante ho baap yahaan aaya hua hai to tum oopar mein nahin samajhte ho। tumne baap ko yahaan bulaaya hai, is tan mein। tum jab apne-apne centres par baithte ho to samjhenge shivbaaba madhuban mein inke tan mein hain। bhakti maarga mein to paramatma ko oopar mein maante the। he bhagwan..... abhi tum baap ko kahaan yaad karte ho? kya baithkar karte ho? tum jaante ho brahma ke tan mein hai to zaroor yahaan yaad karna padega। oopar mein to hai nahin। yahaan aaya hua hai - purooshottam sangamayug par। baap kehte hain tumko itna oonch banaane main yahaan aaya hoon। tum bachche yahaan yaad karenge। bhakta oopar mein yaad karenge। tum bhal vilaayat mein honge to bhi kahenge brahma ke tan mein shivbaaba hai। tan to zaroor chaahiye na। kahaan bhi tum baithe honge to zaroor yahaan yaad karenge। brahma ke tan mein hi yaad karna pade। kai buddhiheen brahma ko nahin maante hain। baba aise nahin kehte brahma ko yaad na karo। brahma bigar shivbaaba kaise yaad padega। baap kehte hain main is tan mein hoon। ismen mujhe yaad karo isliye tum baap aur daada donon ko yaad karte ho। buddhi mein yeh gyaan hai, inki apni aatma hai। shivbaaba ko to apna shareer nahin hai। baap ne kaha hai main is prakriti ka aadhaar leta hoon। baap baith saare brahmaanda aur srishti ke aadi, madhya, ant ka raaz samjhaate hain aur koi brahmaanda ko jaante hi nahin। brahm jismen ham aur tum rehte ho, supreme baap, nonsupreme aatmaayen rahne vaali us brahm lok shantidham ki hain। shantidham bahut meetha naam hai। yeh sab baaten tumhaari buddhi mein hain। ham asul ke rahvaasi brahm mahtatva ke hain, jisko nirvaandhaam, vaanaprastha kaha jaata hai। yeh baaten abhi tumhaari buddhi mein hain, jab bhakti hai to gyaan ka akshar nahin। inko kaha jaata hai purushottam sangamayug jabki change hoti hai। puraani duniya mein asur rehte hain, nai duniya mein devtaayen rehte hain to unko change karne liye baap ko aana padta hai। satayug mein tumko kuchh bhi pata nahin rahega। abhi tum kaliyug mein ho to bhi kuchh pata nahin hai। jab nai duniya mein honge to bhi is puraani duniya ka kuchh pata nahin hoga। abhi puraani duniya mein ho to nai ka maaloom nahin hai। nai duniya kab thi, pata nahin। woh to laakhon varsha kah dete hain। tum bachche jaante ho baap is sangamayug par hi kalpa-kalpa aate hain, aakar is variety jhaad ka raaz samjhaate hain aur yeh chakra kaise phirta hai woh bhi tum bachchon ko samjhaate hain। tumhaara dhandha hi hai yeh samjhaane ka। ab ek-ek ko samjhaane se to bahut time lag jaae isliye abhi tum bahuton ko samjhaate ho। bahut samajhte hain। yeh meethi-meethi baaten phir bahuton ko samjhaani hain। tum pradarshani aadi mein samjhaate ho na ab shiv jayanti par aur bhi achhi reeti bahuton ko bulaakar samjhaana hai। khel ki duration kitni hai। tum to accurate bataayenge। yeh topics hui। ham bhi yeh samjhaayenge। tumko baap samjhaate hain na - jisse tum devta ban jaate ho। jaise tum samajhkar devta bante ho vaise auron ko bhi banaate ho। baap ne hamko yeh samjhaaya hai। ham kiski glaani aadi nahin karte hain। ham batlaate hain gyaan ko sadgati maarga kaha jaata hai, ek satguru hi hai paar karne vaala। aisi-aisi mukhya points nikaalkar samjhaao। yeh saara gyaan baap ke sivaae koi de nahin sakta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) pujaari se poojya banne ke liye sampoorn nirvikaari banna hai। gyaanvaan ban svayan ko svayan hi change karna hai। alpakaal sukh ke peechhe nahin jaana hai।

2) baap aur daada donon ko hi yaad karna hai। brahma bigar shivbaaba yaad aa nahin sakta। bhakti mein oopar yaad kiya, abhi brahma tan mein aaya hai to donon hi yaad aane chaahiye।

vardaan:- har karma mein vijay ka atal nishchay aur nasha rakhne vaale adhikaari aatma bhav

vijay hamaara janma siddha adhikaar hai - is smriti se sada udte chalo। kuchh bhi ho jaae - ye smriti mein laao ki main sada vijayi hoon। kya bhi ho jaae - yeh nishchay atal ho। nashe ka aadhaar hai hi nishchay। nishchay kam to nasha kam isliye kehte hain nishchaybuddhi vijayi। nishchay mein kabhi-kabhi vaale nahin banna। avinaashi baap hai to avinaashi praapti ke adhikaari bano। har karma mein vijay ka nishchay aur nasha ho।

slogan:- baap ke sneh ki chhatrachhaaya ke neeche raho to koi bhi vighna thahar nahin sakta।