Daily Murli for Monday 25 November 2024

25-11-2024 praatahmurli om shanti "baapdaada"' madhuban

“meethe bachche - shanti ka gun sabse bada gun hai, isliye shanti se bolo, ashaanti phailaana banda karo''

prashn:- sangamayug par baap se bachchon ko kaun-sa varsa milta hai? gunvaan bachchon ki nishaaniyaan kya hongi?

uttar:- pahla varsa milta hai gyaan ka, 2. shanti ka, 3. gunon ka। gunvaan bachche sada khushi mein rahenge। kisi ka avgun nahin dekhenge, kiski complain nahin karenge, jismen avgun hain unka sang bhi nahin karenge। koi ne kuchh kaha to suna ansuna kar apni masti mein rahenge।

om shanti। roohaani baap baith roohaani bachchon ko samjhaate hain। ek to tumko baap se gyaan ka varsa mil raha hai। baap se bhi gun uthaana hai aur phir in chitron se (lakshmi-naaraayan se) bhi gun uthaana hai। baap ko kaha jaata hai shanti ka saagar। to shanti bhi dhaaran karni chaahiye। shanti ke liye hi baap samjhaate hain ek-do se shanti se bolo। yeh gun uthaaya jaata hai। gyaan ka gun utha hi rahe ho। yeh knowledge padhni hai। yeh knowledge sirf yeh vichitra baap hi padhaate hain। vichitra aatmaayen (bachche) padhte hain। yeh hai yahaan ki nai khoobi, jisko aur koi jaante nahin hain। shreekrishna jaise daiveegun bhi dhaaran karne hain। baap ne samjhaaya hai main shanti ka saagar hoon to shanti yahaan sthaapan karni hai। ashaanti khatma honi hai। apni chalan ko dekhna chaahiye - kahaan tak ham shant mein rehte hain। bahut puroosh log hote hain jo shanti pasanda karte hain। samajhte hain ki shant rehna achha hai। shanti ka gun bhi bahut bhaari hai। parantu shanti kaise sthaapan hogi, shanti ka arth kya hai - yeh bhaaratvaasi bachche nahin jaante। baap bhaaratvaasiyon ke liye hi kahenge। baap aate bhi bhaarat mein hi hain। abhi tum samajhte ho barobar andar mein bhi shanti zaroor honi chaahiye। aise nahin koi ashaanta kare to khud ko bhi ashaanta karna hai। nahin, ashaanta hona yeh bhi avgun hai। avgun ko nikaalna hai। har ek se gun grahan karna hai। avgun taraph dekhna bhi nahin chaahiye। bhal aavaaz sunte karte ho to bhi khud shant rehna chaahiye kyonki baap aur daada donon shant rehte hain। kabhi bigadte nahin hain। radi nahin maarte। yeh brahma bhi seekha hai na। jitna shant mein raho, utna achha hai। shanti se hi yaad kar sakte hain। ashaanti vaale yaad kar na saken। har ek se gun grahan karna hi hai। dataatray aadi ke misaal bhi yahaan se lagte hain। devtaaon jaise gunvaan to koi hote nahin। ek hi vikaar mool hai, us par tum vijay pa rahe ho, paate rehte ho। karmendriyon par vijay paani hai। avgunon ko chhod dena hai। dekhna bhi nahin hai, bolna bhi nahin hai। jinmen gun hain unke paas hi jaana chaahiye। rehna bhi bahut meetha shant hai। thoda hi bolne se tum sab kaarya kar sakte ho। sabse gun grahan kar gunvaan banna hai। samjhu sayaane jo hote hain woh shant rehna pasanda karte hain। kai bhakta log gyaaniyon se bhi sayaane nirmaanchit hote hain। baba to anubhvi hai na। yeh jis laukik baap ka bachcha tha, woh teacher tha, bahut nirmaan, shant rehta tha। kabhi krodh mein nahin aata tha। jaise saadhu log hote hain to unhon ki mahima ki jaati hai, bhagwan se milne ke liye purooshaartha karte rehte hain na। kaashi mein, haridvaar mein jaakar rehte hain। bachchon ko bahut hi shant aur meetha rehna chaahiye। yahaan koi ashaanta rehte hain to shanti phailaane ke nimitta nahin ban sakte। ashaanti vaale se baat bhi nahin karni chaahiye। door rehna chaahiye। pharka hai na। woh bagule aur woh hans। hans saara din moti chugte rehte hain। uthte, baithte, chalte apne gyaan ko simran karte raho। saara din buddhi mein yahi rahe - kisko kaise samjhaayen, baap ka parichay kaise deven।

baba ne samjhaaya hai jo bhi bachche aate hain unse form bharaaya jaata hai। centres par jab koi course lene chaahte hain to unse form bharaana hai, course nahin lena hai to form bharaane ki darkaar nahin। form bharaaya hi isliye jaata hai ki maaloom pade inmen kya-kya hai? kya samjhaana hai? kyonki duniya mein to in baaton ko koi samajhte nahin hain। to unka saara maaloom padta hai form se। baap se koi milte hain to bhi form bharaana hota hai। to maaloom pade kyon milte hain? koi bhi aate hain to unko had aur behad ke baap ka parichay dena hai kyonki tumko behad ke baap ne aakar apna parichay diya hai to tum phir auron ko parichay dete ho। unka naam hai shivbaaba। shiv parmaatmaae namah kehte hain na। woh krishna ko devtaae namah kahenge। shiv ko kahenge shiv parmaatmaae namah। baap kehte hain mujhe yaad karo to tumhaare paap kat jaaen। mukti-jeevanmukti ka varsa paane ke liye pavitra aatma zaroor banna pade। woh hai hi pavitra duniya, jisko satopradhaan duniya kaha jaata hai। vahaan jaana hai to baap kehte hain mujhe yaad karo। yeh to bahut sahaj hai। koi se bhi form bharaakar phir tum course dete ho। ek din bharaao phir samjhaao phir form bharaao to maaloom padega hamne unko samjhaaya, woh yaad raha va nahin। tum dekhenge do din ke form mein pharka zaroor hoga। jhat tumko maaloom pad jaayega - kya samjha hai? hamaari samjhaani par kuchh vichaar kiya hai va nahin? yeh form sabke paas hone chaahiye। baba murli mein direction dete hain to bade-bade centres ko to jhat act mein laana chaahiye। form rakhna hai। nahin to maaloom kaise pade। khud bhi feel karenge - kal kya likha tha, aaj kya likhta hoon? form to bahut zaroori hai। alag-alag chhapaaven to bhi harja nahin। ya to ek jagah chhapaakar sab taraph bhej deven। yeh hai doosron ka kalyaan karna।

tum bachche yahaan aaye ho devi-devta banne। devta akshar bahut oonch hai। daiveegun dhaaran karne vaale ko devta kaha jaata hai। abhi tum daiveegun dhaaran kar rahe ho to jahaan pradarshani va museum hote hain vahaan yeh form bahut hone chaahiye। to maaloom pade kaisi avastha hai। samajhkar phir samjhaana pade। bachchon ko to sadaiv gun hi varnan karne hain, avgun kabhi nahin। tum gunvaan bante ho na। jinmen bahut gun honge woh doosron mein bhi gun phoonk sakenge। avgun vaale kabhi gun phoonk na saken। bachche jaante hain samay koi bahut nahin raha hai। purooshaartha bahut karna hai। baap ne samjhaaya hai - tum roz musaaphiri karte ho, yaatra karte rehte ho। yeh jo gaayan hai ateendriy sukh gop-gopiyon se poochho - yeh pichhaadi ki baat hai। abhi to nambarvaar hain। koi to andar mein khushi ke geet gaate rehte hain - oho! parampita paramatma hamko mila hai, unse ham varsa lete hain। unke paas koi complain ho na sake। koi ne kuchh kaha to bhi suna-ansuna kar apni masti mein masta rehna chaahiye। koi bhi beemaari va duhkh aadi hai to tum sirf yaad mein raho। yeh hisaab-kitaab abhi hi chuktu karna hai phir to tum 21 janma phool bante ho। vahaan duhkh ki baat hi nahin hogi। gaaya jaata hai khushi jaisi khuraak nahin। phir susti aadi sab ud jaati hai, ismen to yeh hai sachchi khushi, woh hai jhoothi। dhan mila, jevar mila to khush honge। yeh hai behad ki baat। tumko to athaah khushi mein rehna chaahiye। jaante ho ham 21 janmon ke liye sada sukhi rahenge। isi smriti mein raho - ham kya bante hain। baba kahne se hi duhkh door ho jaane chaahiye। yeh to 21 janmon ki khushi hai। ab baaki thode din hain। ham jaate hain apne sukhdhaam। phir aur kuchh bhi yaad na rahe। yeh baba apna anubhav sunaate hain। kitne samaachaar aate hain, khit-khit chalti hai। baba ko koi baat ka duhkh thode hi hota hai। suna, achha yeh bhaavi। yeh to kuchh bhi nahin hai, ham to kaaroon ke khajaane vaale bante hain। apne se baat karne se hi khushi hoti hai। bada shant mein rehte hain, unka chehra bhi bahut khushnumah rahega। scholarship aadi milti hai to chehra kitna harshit rehta hai। tum bhi purooshaartha kar rahe ho - in lakshmi-naaraayan jaisa harshitmukh hone ke liye। inmen gyaan to nahin hai। tumko to gyaan bhi hai to khushi rahni chaahiye। harshitapna bhi hona chaahiye। in devtaaon se tum bahut oonch ho। gyaan saagar baap hamko kitna oonch gyaan dete hain। avinaashi gyaan ratnon ki lottery mil rahi hai to kitna khush rehna chaahiye। yeh tumhaara janma heere jaisa gaaya jaata hai। knowledgeful baap ko hi kaha jaata hai। in devtaaon ko nahin kaha jaata। tum brahman hi knowledgeful ho to tumko knowledge ki khushi rehti hai। ek to baap milne ki khushi hoti hai। sivaae tumhaare kisko khushi ho na sake। bhakti maarga mein haddi sukh nahin rehta hai। bhakti maarga ka hai artificial alpakaal ka sukh। unka to naam hi hai svarga, sukhdhaam, heaven। vahaan apaar sukh, yahaan apaar duhkh। abhi bachchon ko maaloom padta hai - raavan-raajya mein ham kitna chhi-chhi bane hain। aahiste-aahiste neeche utarte aaye hain। yeh hai hi vishay saagar। ab baap is vish ke saagar se nikaal tumko ksheersaagar mein le jaate hain। bachchon ko yahaan meetha bahut lagta hai phir bhool jaane se kya avastha ho jaati hai। baap kitna khushi ka paara chadhaate hain। is gyaan amrit ka hi gaayan hai। gyaan amrit ka gilaas peete rehna hai। yahaan tumko bahut achha nasha chadhta hai phir baahar jaane se woh nasha kam ho jaata hai। baba khud feel karte hain, yahaan bachchon ko achhi feeling aati hai - ham apne ghar jaate hain, ham baba ki shreemat par raajdhaani sthaapan kar rahe hain। ham bade warriors hain। yeh sab buddhi mein knowledge hai, jisse tum itna pad paate ho। padhaate dekho kaun hain! behad ka baap, ekdam badla dete hain। to bachchon ko dil mein kitni na khushi honi chaahiye। yeh bhi dil mein aana chaahiye ki auron ko bhi khushi deven। raavan ka hai shraap aur baap ka milta hai varsa। raavan ke shraap se tum kitne duhkhi-ashaanta bane ho। bahut gop bhi hain jinki dil hoti hai service karen। parantu kalash maataaon ko milta hai। shakti dal hai na। vande maatram gaaya jaata hai। saath mein vande pitram to hai hi। parantu naam maataaon ka hai। pahle lakshmi phir naaraayan। pahle seeta, peechhe raam। yahaan pahle mel ka naam phir stri ka likhte hain। yeh bhi khel hai na। baap samjhaate to sab kuchh hai। bhakti maarga ka raaz bhi samjhaate hain। bhakti mein kya-kya hota hai। jab tak gyaan nahin hai to pata thode hi padta hai। abhi tum sabka characters sudharta hai। tumhaara daivi character ban raha hai। 5 vikaaron se aasuri character ho jaata hai। kitni change hoti hai। to change mein aana chaahiye na। shareer chhoot jaae phir thode hi change ho sakegi। baap mein taakat hai, kitne mein change laate hain। kai bachche apne anubhav sunaate hain - ham bahut kaami, sharaabi the, hamaare mein badi change hui hai। abhi ham bahut prem se rehte hain। prem ke aansu bhi aa jaate hain। baap samjhaate to bahut hain parantu yeh sab baaten bhool jaati hain। nahin to khushi ka paara chadha rahe। ham bahuton ka kalyaan karen। manushya bahut duhkhi hain, unko raasta bataaven। samjhaane ke liye bhi kitni mehnat karni padti hai। gaali bhi khaani padti hai। pahle se hi aavaaz hai, yeh sabko bhaai-behen bana dete hain। are, bhaai-behen ka sambandh to achha hai na। tum aatmaayen to bhaai-bhaai ho। parantu phir bhi janma-janmaantar ki drishti jo pakki hui hai, woh tootti nahin hai। baba paas to bahut samaachaar aate hain। baap samjhaate hain is chhi-chhi duniya se tum bachchon ki dil hat jaana chaahiye। gul-gul banna chaahiye। kitne gyaan sunkar bhi bhool jaate hain। saara gyaan ud jaata hai। kaam mahaashatru hai na। baba to bahut anubhvi hai। is vikaar ke pichhaadi raajaaon ne apni raajaai ganvaai hai। kaam bahut kharaab hai। sab kehte bhi hain baba yeh bahut kada dushman hai। baap kehte hain kaam ko jeetne se tum vishwa ka maalik banenge। parantu kaam vikaar aisa kada hai jo pratigya karke phir gir padte hain। bahut mushkil se koi sudharte hain। is samay saari duniya ka character bigda hua hai। paavan duniya kab thi, kaise bani, inhonne raajya-bhaagya kaise paaya, kabhi koi bata na sake। aage samay aayega tum log vilaayat aadi mein bhi jaayenge। woh bhi sunenge। paradise kaise sthaapan hota hai। tumhaari buddhi mein yeh sab baaten achhi reeti hain। to ab tumhein yahi laat aur taat rahni chaahiye, aur sab baaten bhool jaani hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) uthte, baithte, chalte gyaan ka simran kar moti chugne vaala hans banna hai। sabse gun grahan karne hain। ek-doosre mein gun hi phoonkane hain।

2) apna chehra sada khushnumah rakhne ke liye apne aapse baaten karni hai - oho! ham to kaaroon ke khajaane ke maalik bante hain। gyaan saagar baap dvaara humein gyaan ratnon ki lottery mil rahi hai!

vardaan:- apne title ki smriti ke saath samartha sthiti banaane vaale svamaandhaari bhav

sangamayug par svayan baap apne bachchon ko shreshtha title dete hain, to usi roohaani nashe mein raho। jaisa title yaad aaye vaisi samartha sthiti banti jaaye। jaise aapka title hai svadarshan chakradhaari to yeh smriti aate hi pardarshan samaapta ho jaae, svadarshan ke aage maaya ka gala kat jaae। mahaaveer hoon, yeh title yaad aaye to sthiti achal-adol ban jaae। to title ki smriti ke saath samartha sthiti banaao tab kahenge shreshtha svamaandhaari।

slogan:- bhatakti hui aatmaon ki chaahna poorn karne ke liye parakhne ki shakti ko badhaao।