Daily Murli for Saturday 14 December 2024

14-12-2024 praatahmurli om shanti "baapdaada"' madhuban

“meethe bachche - tumhaare paas manamnaabhav aur madhyaajeebhav ke teekshna baan hain, inheen baanon se tum maaya par vijay praapta kar sakte ho''

prashn:- bachchon ko baap ki madad kis aadhaar par milti hai? bachche baap ki shukriya kis roop se maante hain?

uttar:- jo bachche jitna baap ko pyaar se yaad karte utna baap ki madad milti hai। pyaar se baaten karo। apna connection theek rakho, shreemat par chalte raho to baap madad karta rahega। bachche baap ki shukriya maante, baba aap paramdham se aakar humein patit se paavan banaate ho, aapse humein kitna sukh milta hai। pyaar mein aansu bhi aa jaate hain।

om shanti। bachchon ko sabse priy hain maa aur baap। aur maa-baap ko phir bachche hain bahut priy। ab baap jisko tvamev maataashcha pita kehte hain। laukik maa-baap ko to koi aise kah na saken। yeh mahima hai zaroor, parantu kiski hai - yeh koi jaante nahin। agar jaane to vahaan chala jaaye aur bahuton ko le jaaye। parantu drama ki bhaavi hi aisi hai। jab drama poora hota hai tab hi aate hain। aage movie naatak hote the, jab naatak poora hota tha to sabhi actors stage par khade ho jaate the। yeh bhi behad ka bada naatak hai। yeh bhi saara bachchon ki buddhi mein aana chaahiye - satayug, treta, dvaapar, kaliyug। yeh saari srishti ka chakra hai। aise nahin mool vatan, sookshm vatan mein chakra phirta hai। srishti ka chakra yahaan hi phirta hai।

gaaya bhi jaata hai ekoankaar satnaam… yeh mahima kiski hai? bhal granth mein bhi sikkha log mahima karte hain। guroonaanak vaach... ab ekoankaar yeh to us ek niraakaar paramatma ki hi mahima hai parantu yeh log paramatma ki mahima ko bhool guru-naanak ki mahima karne lagte hain। satguru bhi naanak ko samajh lete hain। vaastav mein srishti bhar mein mahima jo bhi hai us ek ki hi hai aur koi ki mahima hai nahin। abhi dekho brahma mein agar baba ki praveshta nahin hoti to yeh kaudi tulya hai। abhi tum kaudi tulya se heere tulya bante ho parampita paramatma dvaara। ab hai patit duniya, brahma ki raatri। patit duniya mein jab baap aate hain aur jo unko pahchaan lete hain woh un par kurbaan jaate hain। aaj ki duniya mein to bachche bhi dhundhakaari ban padte hain। devtaayen kitne achhe the, abhi woh punarjanma lete-lete tamopradhaan ban gaye hain। sannyaasi bhi pahle bahut achhe the, pavitra the। bhaarat ko madad dete the। bhaarat mein agar pavitrata na ho to kaam chita par jal jaae। satayug mein kaam kataari hoti nahin। is kaliyug mein sab kaam chita ke kaanton par baithe hue hain। satayug mein to aise nahin kahenge। vahaan yeh poison hota nahin। kehte hain na amrit chhod vish kaahe ko khaae। vikaari ko hi patit kaha jaata hai। aajkal manushya to dekho 10-12 bachche paida karte rehte hain। koi kaayda hi nahin raha hai। satayug mein jab bachcha paida hota hai to pahle se hi saakshaatkaar hota hai। shareer chhodne ke pahle bhi saakshaatkaar hota hai ki ham yeh shareer chhod jaakar bachcha banoonga। aur ek bachcha hi hota hai, jaasti nahin। law muzeeb chalta hai। vriddhi to honi hai zaroor। parantu vahaan vikaar hota nahin। bahut poochhte hain tab vahaan paidaais kaise hoti hai? bolna chaahiye vahaan yogbal se sab kaam hota hai। yogbal se hi ham srishti ki raajaai lete hain। baahubal se srishti ki raajaai nahin mil sakti hai।

baba ne samjhaaya hai agar Christian log aapas mein mil jaaen to saari srishti ka raajya le sakte hain parantu aapas mein milenge nahin, law nahin kehta, isliye do bille aapas mein ladte hain to maakhan tum bachchon ko mil jaata hai। shreekrishna ke mukh mein maakhan dikhaaya hai। yeh srishti roopi maakhan hai।

behad ka baap kehte hain yeh yogbal ki ladaai shaastron mein gaai hui hai, baahubal ki nahin। unhon ne phir hinsak ladaai shaastron mein dikha di hai। unse apna koi sambandh nahin hai। paandavon kaurvon ki ladaai hai nahin। yeh anek dharma 5 hajaar varsha pahle bhi the, jo aapas mein ladkar vinaash hue। paandavon ne devi-devta dharma ki sthaapna ki। yeh hai yogbal, jisse srishti ka raajya milta hai। maayaajeet-jagatjeet bante hain। satayug mein maaya raavan hota nahin। vahaan thode hi raavan ka but banaakar jalaayenge। but (chitra) kaise-kaise banaate hain। aisa koi daitya va asur hota nahin। yeh bhi nahin samajhte 5 vikaar stri ke hain aur 5 vikaar puroosh ke hain। unko milaakar 10 sheesh vaala raavan bana dete hain। jaise vishnu ko bhi 4 bhujaayen dete hain। manushya to yeh common baat bhi samajhte nahin hain। bada raavan banaakar jalaate hain। most beloved bachchon ko abhi behad ka baap samjhaate hain। baap ko bachche hamesha nambarvaar pyaare hote hain। koi to most beloved bhi hain to koi kam pyaare bhi hain। jitna sikeeldha bachcha hoga utna jaasti lav hoga। yahaan bhi jo service par tatpar rehte hain, merciful rehte hain, woh pyaare lagte hain। bhakti maarga mein raham maangate hain na! khuda raham karo। mercy on me। parantu drama ko koi jaante nahin hain। jab bahut tamopradhaan ban jaate hain tab hi baba ka programme hai aane ka। aise nahin, eeshvar jo chaahe kar sakte hain ya jab chaahe tab aa sakte hain। agar aisi shakti hoti to phir itni gaali kyon mile? vanvaas kyon milen? yeh baaten badi gupta hain। shreekrishna ko to gaali mil na sake। kehte hain bhagwan yeh nahin kar sakta! parantu vinaash to hona hi hai phir bachaane ki to baat hi nahin। sabhi ko vaapis le jaana hai। sthaapna-vinaash karaate hain to zaroor bhagwan hoga na। parampita paramatma sthaapna karte hain, kiski? mukhya baat tum poochho hi yeh ki geeta ka bhagwan kaun? saari duniya ismen moonjhi hui hai। unhonne to manushya ka naam daal diya hai। aadi sanaatan devi-devta dharma ki sthaapna to bhagwan bigar koi kar nahin sakta। phir tum kaise kehte ho shreekrishna geeta ka bhagwan hai। vinaash aur sthaapna karaana kiska kaam hai? geeta ke bhagwan ko bhool geeta ko hi khandan kar diya hai। yeh bade te badi bhool hai। doosra phir jagannaathpuri mein devtaaon ke bade gande chitra banaaye hain। government ki mana hai gande chitra rakhne ki। to is par samjhaana chaahiye। in mandiron par koi ki buddhi mein yeh baaten aati nahin hain। yeh baaten baap hi baith samjhaate hain।

dekho, bachchiyaan kitna pratigya patra bhi likhti hain। khoon se bhi likhti। ek katha bhi hai na shreekrishna ko khoon nikla to dropdi ne apna cheer phaadkar baandh diya। yeh lav hai na। tumhaara lav hai shivbaaba ke saath। inka (brahma ka) khoon nikal sakta hai, inko duhkh ho sakta hai lekin shivbaaba ko kabhi duhkh nahin ho sakta kyonki unko apna shareer to hai nahin। shreekrishna ko agar kuchh lage to duhkh hoga na। to unko phir paramatma kaise kah sakte। baba kehte main to duhkh-sukh se nyaara hoon। haan, bachchon ko aakar sada sukhi banaata hoon। sada shiv gaaya jaata hai। sada shiv, sukh dene vaala kehte hain - mere meethe-meethe sikeeldhe bachche jo sapoot hain, gyaan dhaaran kar pavitra rehte hain, sachche yogi aur gyaani rehte hain, woh mujhe pyaare lagte hain। laukik baap ke paas bhi koi achhe, koi bure bachche hote hain। koi kul ko kalank lagaane vaale nikal padte hain। bahut gande ban jaate hain। yahaan bhi aise hain। aashcharyavat bachcha bananti, sunanti, kathanti phir phaarakti devanti... isliye hi nishchay patra likhvaaya jaata hai। to woh likhat phir saamne di jaayegi। blood se bhi likhkar dete hain। blood se likhkar pratigya karte hain। aajkal to kasam bhi uthvaate hain। parantu woh hai jhootha kasam। eeshvar ko haazir-naazir jaanna arthaat yeh bhi eeshvar hai, main bhi eeshvar kasam uthaata hoon। baap kehte hain abhi tum practical mein haazir naazir jaante ho। baba in aankhon roopi khidkiyon se dekhte hain। yeh paraaya shareer hai। loan par liya hai। baba kiraayedaar hai। makaan ko kaam mein laaya jaata hai na। to baba kehte hain main yeh tan kaam mein laata hoon। baba in khidkiyon se dekhte hain। haazir-naazir hai। aatma zaroor organs se hi kaam legi na। main aaya hoon to zaroor sunaaoonga na। organs use karte hain to zaroor kiraaya bhi dena padega।

tum bachche is samay narka ko svarga banaane vaale ho। tum roshni dene vaale, jaagrit karne vaale ho। aur to sab kumbhakran ki neend mein soye pade hain। tum maataayen jagaati ho, svarga ka maalik banaati ho। ismen majority maataaon ki hai, isliye vande maatram kaha jaata hai। bheeshma pitaamah aadi ko bhi tumne hi baan maare hain। manamnaabhav-madhyaajeebhav ka baan kitna sahaj hai। inheen baanon se tum maaya par bhi jeet pa lete ho। tumhein ek baap ki yaad, ek ki shreemat par hi chalna hai। baap tumhein aise shreshtha karma sikhlaate hain, jo 21 janma kabhi karma kootne ki darkaar hi na pade। tum ever healthy-ever wealthy bante ho। anek baar tum svarga ke maalik bane ho। raajya liya aur phir ganvaaya hai। tum brahman kul bhooshan hi hero-heroine ka part bajaate ho। drama mein sabse oonch part tum bachchon ka hai। to aise oonch banaane vaale baap ke saath bahut lav chaahiye। baba aap kamaal karte ho। na man, na chit, hamko thode hi pata hai, ham so naaraayan the। baba kehte hain tum so naaraayan athva so lakshmi devi-devta the phir punarjanma lete-lete asur ban gaye ho। abhi phir purooshaartha kar varsa paao। jitna jo purooshaartha karte hain, saakshaatkaar hota rehta hai।

raajayog ek baap ne hi sikhlaaya tha। sachcha-sachcha sahaj raajayog to tum abhi sikhla sakte ho। tumhaara pharz hai baap ka parichay sabko dena। sabhi nidhanke ban pade hain। yeh baaten bhi kalpa pahle vaale koton mein koi hi samjhenge। baba ne samjhaaya hai, saari duniya mein mahaan moorkha dekhna ho to yahaan dekho। baap jinse 21 janma ka varsa milta, unko bhi phaarakti de dete hain। yeh bhi drama mein noondh hai। abhi tum svayan eeshvar ki aulaad ho। phir devta, kshatriy, vaishya, shudra ki aulaad banenge। abhi aasuri aulaad se eeshvareey santaan bane ho। baap paramdham se aakar patit se paavan banaate hain to kitna shukriya maanna chaahiye। bhakti maarga mein bhi shukriya karte rehte hain। duhkh mein thode hi shukriya maanenge। abhi tumko kitna sukh milta hai to bahut lav hona chaahiye। ham baap se pyaar se baaten karenge to kyon nahin sunenge। connection hai na। raat ko uthkar baba se baaten karni chaahiye। baba apna anubhav batlaate rehte hain। main bahut yaad karta hoon। baba ki yaad mein aansu bhi aa jaate hain। ham kya the, baba ne kya bana diya hai - tattvam। tum bhi woh bante ho। yog mein rahne vaalon ko baba madad bhi dete hain। aapehi aankh khul jaayegi। khatiya hil jaaegi। baba bahuton ko uthaate hain। behad ka baap kitna raham karte hain। tum yahaan kyon aaye ho? kehte ho baba bhavishya mein shri naaraayan ko varne ki shiksha paane aaye hain athva lakshmi ko varne liye yeh imtahaan paas kar rahe ho। kitna wonderful school hai। kitni wonderful baaten hain। bade te badi university hai। parantu godly university naam rakhne nahin dete hain। ek din zaroor maanenge। aate rahenge। kahenge barobar kitni badi university hai। baba to apne naynon par bithaakar tumko padhaate hain। kehte hain tumko svarga mein pahuncha denge। to aise baba se kitni baaten karni chaahiye। phir baba bahut madad karenge। jinke gale ghute hue hain, unka taala khol denge। raat ko yaad karne se bahut maza aayega। baba apna anubhav batlaate hain। main kaisi baaten karta hoon, amritvele।

baap bachchon ko samjhaate hain khabardaar rehna। kul ko kalankit nahin karna। 5 vikaar daan mein de phir vaapis nahin lena। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ka priy banne ke liye merciful ban service par tatpar rehna hai। sapoot, aagyaakaari ban sachcha yogi va gyaani banna hai।

2) amritvele uth baap se bahut meethi-meethi baaten karna hai, baap ka shukriya maanna hai। baap ki madad ka anubhav karne ke liye most beloved baap ko bade pyaar se yaad karna hai।

vardaan:- sada umang-utsaah mein rah man se khushi ke geet gaane vaale avinaashi khushanseeb bhav

aap khushanseeb bachche avinaashi vidhi se avinaashi siddhiyaan praapta karte ho। aapke man se sada vaah-vaah ki khushi ke geet bajte rehte hain। vaah baba! vaah takdeer! vaah meetha parivaar! vaah shreshtha sangam ka suhaavna samay! har karma vaah-vaah hai isliye aap avinaashi khushanseeb ho। aapke man mein kabhi why, aai (kyon, main) nahin aa sakta। why ke bajaae vaah-vaah aur aai ke bajaae baba-baba shabd hi aata hai।

slogan:- jo sankalp karte ho use avinaashi government ki stamp laga do to atal rahenge।