Daily Murli for Monday 16 December 2024

16-12-2024 praatahmurli om shanti "baapdaada"' madhuban

“meethe bachche - yeh paavan banne ki padhaai sab padhaaiyon se sahaj hai, ise bachche, javaan, budhe sab padh sakte hain, sirf 84 janmon ko jaanna hai''

prashn:- har ek chhote va bade ko kaun-si practice zaroor karni chaahiye?

uttar:- har ek ko murli chalaane ki practice zaroor karni chaahiye kyonki tum murleedhar ke bachche ho। agar murli nahin chalaate ho to oonch pad nahin pa sakenge। kisi ko sunaate raho to mukh khul jaayega। tum har ek ko baap samaan teacher zaroor banna hai। jo padhte ho woh padhaana hai। chhote bachchon ko bhi yeh padhaai padhne ka hak hai। woh bhi behad ke baap ka varsa lene ke adhikaari hain।

om shanti। abhi aati hai shivbaaba ki jayanti। us par kaise samjhaana chaahiye? baap ne tumko samjhaaya hai vaise tumko phir auron ko samjhaana hai। aise to nahin, baba jaise tumko padhaata hai vaise baba ko hi sabko padhaana hai। shivbaaba ne tumko padhaaya hai, jaante ho is shareer dvaara padhaaya hai। barobar ham shivbaaba ki jayanti manaate hain। ham naam bhi shiv ka lete hain, woh to hai hi niraakaar। unko shiv kaha jaata hai। vo log kehte hain - shiv to janma-maran rahit hai। unki phir jayanti kaise hogi? yeh to tum jaante ho kaise nambarvaar manaate aate hain। manaate hi rahenge। to unhon ko samjhaana pade। baap aakar is tan ka aadhaar lete hain। mukh to zaroor chaahiye, isliye gaoomukh ki hi mahima hai। yeh raaz zara pencheela hai। shivbaaba ke occupation ko samajhna hai। hamaara behad ka baap aaya hua hai, unse hi hamko behad ka varsa milta hai। barobar bhaarat ko behad ka varsa tha aur kisko hota nahin। bhaarat ko hi sachkhanda kaha jaata hai aur baap ko bhi truth kaha jaata hai। to yeh baaten samjhaani padti hain phir koi ko jaldi samajh mein nahin aata hai। koi jhat samajh jaate hain। yeh yog aur education (padhaai) donon khisakne vaali cheejen hain। usmein bhi yog jaasti khisakta hai। knowledge to buddhi mein rehti hi hai baaki yaad hi ghadi-ghadi bhoolte hain। knowledge to tumhaari buddhi mein hai hi ki ham kaise 84 janma lete hain, jinko yeh knowledge hai vahi buddhi se samajh sakte hain ki jo pahle-pahle number mein aate hain vahi 84 janma lenge। pahle oonch te oonch lakshmi-naaraayan ko kahenge। nar se naaraayan banne ki katha bhi naameegraami hai। poornamaasi par bahut jagah satyanaaraayan ki katha chalti hai। abhi tum jaante ho ham sachmuch baba dvaara nar se naaraayan banne ki padhaai padhte hain। yeh hai paavan banne ki padhaai, aur hai bhi sab padhaaeeyon se bilkul sahaj। 84 janmon ke chakra ko jaanna hai aur phir yeh padhaai sabke liye ek hi hai। boodhe, bachche, javaan jo bhi ho sabke liye ek hi padhaai hai। chhote bachchon ko bhi hak hai। agar maa-baap inhon ko thoda-thoda sikhaate rahen to time to bahut pada hai। bachchon ko bhi yeh sikhaaya jaata hai ki shivbaaba ko yaad karo। aatma aur shareer donon ka baap alag-alag hai। aatma bachcha bhi niraakaari hai to baap bhi niraakaari hai। yeh bhi tum bachchon ki buddhi mein hai woh niraakaar shivbaaba hamaara baap hai, kitna chhota hai। yeh achhi reeti yaad rakhna hai। bhoolna nahin chaahiye। ham aatma bhi bindi misal chhoti hain। aise nahin, oopar jaayenge to badi dikhaai padegi, neeche chhoti ho jaayegi। nahin, woh to hai bindi। oopar mein jaayenge to tumko jaise dekhne mein bhi nahin aayegi। bindi hai na। bindi kya dekhne mein aayegi। in baaton par bachchon ko achhi reeti vichaar bhi karna hai। ham aatma oopar se aai hain, shareer se part bajaane। aatma ghatti-badhti nahin hai। organs pahle chhote, peechhe bade hote hain।

abhi jaise tumne samjha hai vaise phir auron ko samjhaana hai। yeh to zaroor hai nambarvaar jo jitna padha hai utna hi padhaate hain, sabko teacher bhi zaroor banna hai, sikhaane liye। baap mein to knowledge hai, woh itni chhoti-si param aatma hai, sadaiv paramdham mein rehte hain। yahaan ek hi baar sangam par aate hain। baap ko pukaarte bhi tab hain jab bahut duhkhi hote hain। kehte hain aakar hamko sukhi banaao। bachche ab jaante hain ham pukaarte rehte hain - baba, aakar hamko patit duniya se nai satayugi sukhi paavan duniya mein le chalo athva vahaan jaane ka raasta bataao। woh bhi jab khud aave tab to raasta bataave। woh aayenge tab jab duniya ko badalna hoga। yeh badi simple baaten hain, note karna hai। baba ne aaj yeh samjhaaya hai, ham bhi aise samjhaate hain। aisi practice karte-karte mukh khul jaayega। tum murleedhar ke bachche ho, tumhein murleedhar zaroor banna hai। jab auron ka kalyaan karenge tab to nai duniya mein oonch pad paayenge। woh padhaai to hai yahaan ke liye। yeh hai bhavishya nai duniya ke liye। vahaan to sadaiv sukh hi sukh hai। vahaan 5 vikaar tang karne vaale hote hi nahin। yahaan raavan raajya arthaat paraaye raajya mein ham hain। tum hi pahle apne raajya mein the। tum kahenge nai duniya, phir bhaarat ko hi puraani duniya kaha jaata hai। gaayan bhi hai nai duniya mein bhaarat… aise nahin kahenge ki nai duniya mein islaami, bauddhi। nahin। abhi tumhaari buddhi mein hai baap aakar ham bachchon ko jagaate hain। drama mein part hi unka aisa hai। bhaarat ko hi aakar svarga banaate hain। bhaarat hi pahla desh hai। bhaarat pahle desh ko hi svarga kaha jaata hai। bhaarat ki aayu bhi limited hai। laakhon varsha kehna yeh to unlimited ho jaata hai। laakhon varsha ki koi baat smriti mein aa hi na sake। naya bhaarat tha, ab puraana bhaarat hi kahenge। bhaarat hi nai duniya hogi। tum jaante ho ham abhi nai duniya ke maalik ban rahe hain। baap ne raay bataai hai mujhe yaad karo to tumhaari aatma nai pure ban jaayegi phir shareer bhi naya milega। aatma aur shareer donon satopradhaan bante hain। tumko raajya milta hi hai sukh ke liye। yeh bhi drama anaadi bana hua hai। nai duniya mein sukh aur shanti hai। vahaan koi toofaan aadi nahin hote। behad ki shanti mein sab shant ho jaate hain। yahaan hai ashaanti to sab ashaanta hain। satayug mein sab shant hote hain। wonderful baaten hain na। yeh anaadi bana-banaaya khel hai। yeh hain behad ki baaten। woh had ki bairistari, injeeniyri aadi padhte hain। abhi tumhaari buddhi mein behad ki knowledge hai। ek hi baar baap aakar behad drama ka raaz samjhaate hain। aage to yeh naam bhi nahin suna tha ki behad ka drama kaise chalta hai। abhi samajhte ho satayug-treta zaroor woh past ho gaya, usmein inka raajya tha। treta mein raam raajya tha, peechhe phir aur-aur dharma aaye hain। islaami, bauddhi, Christian… sab dharmon ka poora maaloom hai। yeh sab 2500 varsha ke andar aaye hain। usmein 1250 varsha kaliyug hai। sab hisaab hai na। aise to nahin, srishti ki aayu hi 2500 varsha hai। nahin। achha, phir aur kaun tha, vichaar kiya jaata hai। inhon ke aage barobar devi-devta...... woh bhi the to manushya hi। parantu daivi-gunon vaale the। sooryavanshi-chandravanshi 2500 varsha mein। baaki aadha mein woh sab the। isse jaasti ka to koi hisaab-kitaab nikal na sake। full, pauna, aadha, chautha। chaar hissa hain। kaaydesir tukda-tukda karenge na। aadha mein to yeh hain। kehte bhi hain satayug mein sooryavanshi raajya, treta mein chandravanshi raamraajya - yeh tum siddha kar batlaate ho। to zaroor sabse badi aayu unki hogi, jo pahle-pahle satayug mein aate hain। kalpa hi 5 hazaar varsha ka hai। vo log 84 laakh yoniyaan kah dete hain to kalpa ki aayu bhi laakhon varsha kah dete। koi maane bhi nahin। itni badi duniya ho bhi na sake। to baap baith samjhaate hain - woh sab hai agyaan aur yeh hai gyaan। gyaan kahaan se aaya - yeh bhi kisko pata nahin hai। gyaan ka saagar to ek hi baap hai, vahi gyaan dete hain mukh se। kehte hain gau-mukh। is gau maata se tum sabko adopt karte hain। yeh thodi-si baaten samjhaane mein to bahut sahaj hain। ek roz samjhaakar phir chhod denge to buddhi phir aur-aur baaton mein lag jaayegi। school mein ek din padha jaata hai ya regular padhna hota hai! knowledge ek din mein nahin samjhi ja sakti hai। behad ka baap hamko padhaate hain to zaroor behad ki padhaai hogi। behad ka raajya dete hain। bhaarat mein behad ka raajya tha na। yeh lakshmi-naaraayan behad ka raajya karte the। kisko yeh baaten svapna mein bhi nahin hain, jo poochhen ki inhonne raajya kaise liya? unhon mein purity jaasti thi, yogi hain na isliye aayu bhi badi hoti hai। ham hi yogi the। phir 84 janma le bhogi bhi zaroor banna hai। manushya nahin jaante ki yeh bhi zaroor punarjanma mein aaye honge। inhon ko bhagwan-bhagavti nahin kaha jaata। inse pahle to koi hai nahin jisne 84 janma liya ho। pahle-pahle jo satayug mein raajya karte hain vahi 84 janma lete hain phir number-vaar neeche aate hain। ham aatma so devta banenge phir ham so kshatriy.. degree kam hogi। gaaya bhi jaata hai poojya so pujaari। satopradhaan se phir tamopradhaan bante hain। aise punarjanma lete-lete neeche chale jaayenge। yeh kitna sahaj hai। parantu maaya aisi hai jo sab baaten bhula deti hai। yeh sab points ikatthi kar kitaab aadi banaayen, lekin woh to kuchh rahengi nahin। yeh tempory hai। baap ne koi geeta nahin sunaai thi। baap to jaise ab samjha rahe hain, aise samjhaaya tha। yeh ved-shaastra aadi sab baad mein bante hain। yeh sab whole lot jo hai, vinaash hoga to yeh sab jal jaayenge। satayug-treta mein koi pustak hota nahin phir bhakti maarga mein bante hain। kitni cheejen banti hain। raavan ko bhi banaate hain parantu besamjhi se। kuchh bhi bata nahin sakte। baap samjhaate hain yeh har varsha banaate hain aur jalaate hain, zaroor yeh bada dushman hai। parantu dushman kaise hai, yeh koi nahin jaante। woh samajhte seeta chura le gaye isliye shaayad dushman hai। raam ki seeta ko chura le jaave to bada daaku hua na! kabhi chori ki! treta mein kahen va treta ke ant mein। in baaton par bhi vichaar kiya jaata hai। kabhi chori honi chaahiye! kaun se raam ki seeta chori hui? raam-seeta ki bhi raajdhaani chali hai kya? ek hi raam-seeta chale aaye hain kya? yeh to shaastron mein jaise ek kahaani likhi hui hai। vichaar kiya jaata hai - kaun-si seeta? 12 number hote hain na raam-seeta। to kaun-si seeta ko churaaya? zaroor pichhaadi ka hoga। yeh jo kehte hain raam ki seeta churaai gai। ab raam ke raajya mein saara samay ek ka hi raajya to nahin hoga। zaroor dynasty hogi। to kaun-se number ki seeta churaai? yeh sab bahut samajhne ki baaten hain। tum bachche badi sheetalta se kisi ko bhi yeh sab raaz samjha sakte ho।

baap samjhaate hain bhakti maarga mein manushya kitna dhakka khaate-khaate duhkhi ho gaye hain। jab ati duhkhi hote hain tab radiyaan maarte hain - baba is duhkh se chhudaao। raavan to koi cheez nahin hai na। agar hai to apne raaja ko phir har varsha maarte kyon hain! raavan ki zaroor stri bhi hogi। madodri dikhaate hain। madodri ka but banaakar jalaayen, aisa kabhi dekha nahin hai। to baap baith samjhaate hain yeh hai hi jhoothi maaya, jhoothi kaaya...... abhi tum jhoothe manushya se sachche devta banne baithe ho। pharka to hua na! vahaan to sadaiv sach bolenge। woh hai sachkhanda। yeh hai jhooth khanda। to jhooth hi bolte rehte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan saagar baap jo roz behad ki padhaai padhaate hain, us par vichaar saagar manthan karna hai। jo padha hai woh doosron ko bhi zaroor padhaana hai।

2) yeh behad ka drama kaise chal raha hai, yeh anaadi bana-banaaya wonderful drama hai, is raaz ko achhi reeti samajhkar phir samjhaana hai।

vardaan:- pavitrata ki shreshtha dhaarna dvaara ek dharma ke sanskaar vaale samartha samraat bhav

aapke svaraajya ka dharma arthaat dhaarna hai “pavitrata''। ek dharma arthaat ek dhaarna। svapna va sankalp maatra bhi apvitrata arthaat doosra dharma na ho kyonki jahaan pavitrata hai vahaan apvitrata arthaat vyartha va vikalpa ka naam nishaan nahin hoga। aise sampoorn pavitrata ke sanskaar bharne vaale hi samartha samraat hain। abhi ke shreshtha sanskaaron ke aadhaar se bhavishya sansaar banta hai। abhi ke sanskaar bhavishya sansaar ka foundation hain।

slogan:- vijayi ratna vahi bante hain jinki sachchi preet ek paramatma se hai।