Daily Murli for Monday 30 December 2024

30-12-2024 praatahmurli om shanti "baapdaada"' madhuban

“meethe bachche - aatma roopi battery ko gyaan aur yog se bharpoor kar satopradhaan banaana hai, paani ke snaan se nahin''

prashn:- is samay sabhi manushya aatmaon ko bhatkaane vaala kaun hai? woh bhatkaata kyon hai?

uttar:- sabhi ko bhatkaane vaala raavan hai kyonki woh khud bhi bhatakta hai। use apna koi ghar nahin hai। raavan ko koi baba nahin kahenge। baap to paramdham ghar se aata hai apne bachchon ko thikaana dene। abhi tumhein ghar ka pata chal gaya isliye tum bhatakte nahin ho। tum kehte ho ham baap se pahle-pahle juda hue ab phir pahle-pahle ghar jaayenge।

om shanti। meethe-meethe bachche yahaan baithkar samajhte hain, inmen jo shivbaaba aaye hain, kaise bhi karke hamko saath ghar zaroor le jaayenge। woh aatmaon ka ghar hai na। to bachchon ko zaroor khushi hoti hogi, behad ka baap aakarke hamko gul-gul banaate hain। koi kapda aadi nahin pahnaate hain। isko kaha jaata hai yogbal, yaad ka bal। jitna teacher ka martaba hai utna aur bachchon ko bhi martaba dilaate hain। padhaai se student jaante hain ki ham yeh banenge। tum bhi samajhte ho hamaara baba teacher bhi hai, satguru bhi hai। yeh hai nai baat। hamaara baba teacher hai, unko ham yaad karte hain। hamko teach kar yeh bana rahe hain। hamaara behad ka baba aaya hua hai - hamko vaapis ghar le jaane। raavan ka koi ghar nahin hota, ghar raam ka hota hai। shivbaaba kahaan rehte hain? tum jhat kahenge paramdham mein। raavan ko to baba nahin kahenge। raavan kahaan rehte hain? pata nahin। aise nahin kahenge ki raavan paramdham mein rehte hain। nahin, unka jaise ki thikaana hi nahin। bhatakta rehta hai, tumko bhi bhatkaata hai। tum raavan ko yaad karte ho kya? nahin। kitna tumko bhatkaate hain। shaastra padho, bhakti karo, yeh karo। baap kehte hain isko kaha jaata hai bhakti maarga, raavan raajya। gaandhi bhi kehte the raamraajya chaahiye। is rath mein hamaara shivbaaba aaya hua hai। bada baba hai na। woh aatmaon se bachche-bachche kah baat karte hain। abhi tumhaari buddhi mein hai roohaani baap aur roohaani baap ki buddhi mein ho tum roohaani bachche, kyonki tumhaara connection hai hi mool vatan se। aatmaayen paramatma alag rahe bahukaal…। vahaan to aatmaayen baap ke saath ikatthi rehti hain। phir alag hoti hain apna-apna part bajaane। bahutkaal ka hisaab chaahiye na। woh baap baith batlaate hain। tum ab padhaai padh rahe ho। tumhaare mein bhi nambarvaar hain jo achhi reeti padhte hain। vahi pahle-pahle mere se juda hue hain। vahi phir mujhe bahut yaad karenge to phir pahle-pahle aa jaayenge।

baap bachchon ko baith saare srishti chakra ka guhya raaz samjhaate hain, jo aur koi bhi nahin jaante। guhya bhi kaha jaata, guhyatam bhi kaha jaata hai। yeh tum jaante ho baap koi oopar se baith nahin samjhaate hain, yahaan aakar samjhaate hain - main is kalpa vriksha ka beejroop hoon। is manushya srishti roopi jhaad ko kalpa vriksha kaha jaata hai। duniya ke manushya to bilkul kuchh nahin jaante। kumbhakran ki neend mein soye hue hain phir baap aakar jagaate hain। abhi tum bachchon ko jagaaya hai aur sab soye pade hain। tum bhi kumbhakran ki aasuri neend mein soye hue the। baap ne aakar jagaaya hai, bachchon jaago। tum gaaphil ho (albele ho) soye pade ho, isko kaha jaata hai agyaan neend। woh neend to sab karte hain। satayug mein bhi karte hain। abhi sab hain agyaan ki neend mein। baap aakar gyaan dekar sabko jagaate hain। ab tum bachche jaage ho, jaante ho baba aaya hua hai, hamko le jaayega। abhi to na yeh shareer kaam ka raha hai, na aatma, donon patit ban pade hain, ekdam mulamme ka hai। 9 carat kahen arthaat bahut thoda sona, sachcha sona 24 carat ka hota hai। ab baap tum bachchon ko 24 carat mein le jaana chaahte hain। tumhaari aatma ko sachcha-sachcha golden aged banaate hain। bhaarat ko sone ki chidiya kehte the। abhi to lohe ki, thikkar bhittar ki chidiya kahenge। hai to chaitanya na। yeh samajhne ki baate hain। jaise aatma ko samajhte ho vaise baap ko bhi samajh sakte ho। kehte bhi hain chamakta hai sitaara। bahut chhota sitaara hai। doctor aadi ne bahut koshish ki hai dekhne ki parantu divya drishti bigar dekh nahin sakte। bahut sookshm hai। koi kehte hain aankhon se aatma nikal gai, koi kehte hain mukh se nikal gai। aatma nikalkar jaati kahaan hai? doosre tan mein jaakar pravesh karti hai। abhi tumhaari aatma oopar chali jaayegi shantidham। yeh pakka maaloom hai baap aakar hamko ghar le jaayenge। ek taraph hai kaliyug, doosre taraph hai satayug। abhi ham sangam par khade hain। wonder hai। yahaan karodon manushya hain aur satayug mein sirf 9 laakh! baaki sabka kya hua? vinaash ho jaata hai। baap aate hi hain nai duniya ki sthaapna karne। brahma dvaara sthaapna hoti hai। phir paalna bhi hoti hai do roop mein। aise to nahin 4 bhuja vaale koi manushya honge। phir to shobha hi nahin hai। bachchon ko bhi samjha dete hain - chaturbhuj hai shri lakshmi, shri naaraayan ka combined roop। shri arthaat shreshtha। treta mein do kala kam ho jaati hain। to bachchon ko yeh jo knowledge abhi milti hai iski smriti mein rehna hai। mukhya hain hi do akshar, baap ko yaad karo। doosre koi ki samajh mein nahin aayega। baap hi patit-paavan sarva shaktimaan hai। gaate bhi hain baba, aapne hamko saara aasmaan dharti sab kuchh de diya। aisi koi cheez nahin jo na di ho। saare vishwa ka raajya de diya hai।

tum jaante ho yeh lakshmi-naaraayan vishwa ke maalik the। phir drama ka chakra phirta hai। sampoorn nirvikaari banna hai, nambarvaar purooshaartha anusaar। yeh bhi jaante ho vikaari se nirvikaari, nirvikaari se vikaari, yeh 84 janmon ka part anginat baar bajaaya hai। uski ginti nahin kar sakte। aadamshumaari bhal ginti kar lete hain। baaki yeh jo tum tamopradhaan se satopradhaan, satopradhaan se tamopradhaan bante ho, inka hisaab nikaal nahin sakte ki kitna baar bane ho। baba kehte hain 5 hazaar varsha ka yeh chakra hai। yeh theek hai। laakhon varsha ki baat to yaad bhi na rah sake। abhi tumhaare mein gunon ki dhaarna hoti hai। gyaan ka teesra netra mil jaata hai। in aankhon se tum puraani duniya ko dekhte ho। teesra netra jo milta hai, unse nai duniya ko dekhna hai। yeh duniya to koi kaam ki nahin hai। puraani duniya hai। nai aur puraani duniya mein farka dekho kitna hai। tum jaante ho ham hi nai duniya ke maalik the phir 84 janma lete-lete yeh bane hain। yeh achhi reeti yaad rakhna chaahiye aur phir doosre ko bhi samjhaana hai - kaise ham yeh bante hain? brahma so vishnu, phir vishnu so brahma bante hain। brahma aur vishnu ka farka dekhte ho na। vishnu kaisa saja-sajaaya baitha hai aur yeh brahma kaise saadhaaran baitha hai। tum jaante ho yeh brahma, woh vishnu banne vaala hai। yeh kisko samjhaana bhi bahut sahaj hai। brahma, vishnu, shankar ka aapas mein kya sambandh hai? tum jaante ho yeh vishnu ke do roop lakshmi-naaraayan hain। yahi vishnu devta so phir yeh manushya brahma bante hain। woh vishnu satayug ka hai, brahma yahaan ka hai। baap ne samjhaaya hai brahma se vishnu banna second mein, phir vishnu se brahma banne mein 5 hazaar varsha lagte hain। tatatvam। keval ek brahma hi to nahin bante hain na! yeh baaten sivaae baap ke aur koi samjha na sake। yahaan koi manushya guru ki baat nahin hai। inka bhi guru shivbaaba, tum braahmanon ka bhi guru shivbaaba hai। unko sadguru kaha jaata hai। to bachchon ko shivbaaba ko hi yaad karna hai। koi ko bhi yeh samjhaana to bahut sahaj hai - shivbaaba ko yaad karo। shivbaaba svarga nai duniya rachte hain। oonch te oonch bhagwan shiv hai। woh ham aatmaon ka baba hai। to bhagwan bachchon ko kehte hain mujh baap ko yaad karo। yaad karna kitna sahaj hai। bachcha paida hota hai aur jhat maa-maa unke mukh se aapehi nikalta hai। maa-baap ke sivaae aur koi paas nahin jaayega। maa mar jaati hai, woh phir aur baat hai। pahle hain maa aur baap phir peechhe aur mitra-sambandhi aadi hote hain। usmein bhi jodi-jodi hogi। chaacha-chaachi do hai na। kumaari hogi phir badi hote hi koi chaachi kahenge, koi maami kahenge।

abhi tumko baap samjhaate hain tum sab bhaai-bhaai ho। bas, aur sab sambandh cancel karte hain। bhaai-bhaai samjhenge to ek baap ko yaad karenge। baap bhi kehte hain - bachchon, mujh ek baap ko yaad karo। kitna bada behad ka baap hai। woh bada baba tumko behad ka varsa dene aaye hain। ghadi-ghadi kehte hain manamnaabhav। apne ko aatma samajh baap ko yaad karo, yeh baat bhoolo mat। deh-abhimaan mein aane se hi bhool jaate hain। pahle-pahle to apne ko aatma samajhna hai - ham aatma saaligraam hain aur ek baap ko hi yaad karna hai। baap ne samjhaaya hai main patit-paavan hoon, mujhe yaad karne se tumhaari battery jo khaali ho gai hai woh bharpoor ho jaayegi, tum satopradhaan ban jaayenge। paani ki ganga mein to janma-janmaantar ghutka khaaya hai lekin paavan ban nahin sake। paani kaise patit-paavan ho sakta hai? gyaan se hi sadgati hoti hai। is samay hai hi paap aatmaon ki jhoothi duniya। len-den bhi paap aatmaon se hi hoti hai। mansa-vaacha-karmana paap aatma hi bante hain। abhi tum bachchon ko samajh mili hai। tum kehte ho ham yeh lakshmi-naaraayan banne ke liye purooshaartha karte hain। abhi tumhaari bhakti karna band hai। gyaan se sadgati hoti hai। yeh (devtaayen) sadgati mein hain na। baap ne samjhaaya hai yeh bahut janmon ke ant mein hain। baap kitna sahaj samjhaate hain। tum bachche kitni mehnat karte ho। kalpa-kalpa karte ho। puraani duniya ko badal nai duniya banaani hai। kehte hain na bhagwan jaadoogar hai, ratnaagar hai, saudaagar hai। jaadoogar to hai na। puraani duniya ko hell se badal heaven bana dete hain। kitna jaadu hai abhi tum heaven ke rahvaasi ban rahe ho। jaante ho abhi ham hell ke rahvaasi hain। hell aur heaven alag hai। 5 hazaar varsha ka chakra hai। laakhon varsha ki to baat hi nahin। yeh baaten bhoolni nahin chaahiye। bhagvaanuvaach hai na - koi zaroor hai jo punarjanma rahit hai। shreekrishna ko to shareer hai। shiv ko hai nahin। unko mukh to zaroor chaahiye। tumko sunaane ke liye aakar padhaate hain na। drama anusaar saari knowledge hi unke paas hai। woh saare kalpa mein ek hi baar aate hain duhkhadhaam ko sukhdhaam banaane। sukh-shanti ka varsa zaroor baap se mila hai tab to manushya chaahte hain na, baap ko yaad karte hain।

baap gyaan dekho kaise sahaj reeti dete hain। yahaan baithe bhi baap ko yaad karo, baajoli yaad karo to bhi manmanaabhav hi hai। baap hi yeh saara gyaan dene vaala hai। tum kahenge ham behad ke baap paas jaate hain। baap hamko shantidham-sukhdhaam le jaane ka raasta bataate hain। yahaan baithe ghar ko yaad karna hai। apne ko aatma samajh baap ko yaad karna hai, ghar ko yaad karna hai aur nai duniya ko yaad karna hai। yeh puraani duniya to khatma honi hi hai। aage chalkar tum vaikuntha ko bhi bahut yaad karenge। ghadi-ghadi vaikuntha mein jaate rahenge। shuru mein bachchiyaan ghadi-ghadi aapas mein baith vaikuntha mein chali jaati thi। yeh dekhkar bade-bade ghar vaale apne bachchon ko bhej dete the। naam hi rakha tha om nivaas। kitne dher bachche aaye phir hangaama hua। bachchon ko padhaate the। aapehi dhyaan mein chale jaate the। abhi yeh dhyaan-deedaar ka part band kar diya hai। yahaan bhi kabristaan bana dete the। sabko sula dete the, kehte the ab shivbaaba ko yaad karo, dhyaan mein chale jaate the। ab tum bachche bhi jaadoogar ho। kisko bhi dekhenge aur woh jhat dhyaan mein chale jaayenge। yeh jaadu kitna achha hai। naudha bhakti mein to jab ekdam praan dene taiyaar hote hain tab unko deedaar hota hai। yahaan to baap khud aaye hain, tum bachchon ko padhaakar oonch pad praapta karaate hain। aage chal tum bachche bahut saakshaatkaar karte rahenge। baap se abhi bhi koi poochhe to bata sakte hain kaun gulaab ka phool hai, kaun champa ka phool hai, kaun taangar hai? tooh bhi hoti hai na। (taangar, tooh yeh sab variety phoolon ke naam hain)। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh ke sab sambandh cancel kar aatma bhaai-bhaai hain, yeh nishchay karna hai aur baap ko yaad kar poore varse ka adhikaari banna hai।

2) ab paap aatmaon se len-den nahin karni hai। agyaan neend se sabko jagaana hai, shantidham-sukhdhaam jaane ka raasta bataana hai।

vardaan:- man-buddhi ki ekaagrata dvaara sarva siddhiyaan praapta karne vaale sada samartha aatma bhav

sarva siddhiyon ko praapta karne ke liye ekaagrata ki shakti ko badhaao। yeh ekaagrata ki shakti sahaj nirvighna bana deti hai, mehnat karne ki aavashyakta nahin rehti। ek baap doosra na koi - iska sahaj anubhav hota hai, sahaj ekras sthiti ban jaati hai। sarva ke prati kalyaan ki vritti, bhaai-bhaai ki drishti rehti hai। lekin ekaagra hone ke liye itna samartha bano jo man-buddhi sada aapke order anusaar chale। svapna mein bhi second maatra bhi halchal na ho।

slogan:- kamal pushpa ke samaan nyaare raho to prabhu ke pyaar ka paatra ban jaayenge।