Daily Murli for Monday 10 February 2025

10-02-2025 praatahmurli om shanti "baapdaada"' madhuban

“meethe bachche - tumhein baap dvaara jo advait mat mil rahi hai, us mat par chalkar kaliyugi manushyon ko satayugi devta banaane ka shreshtha kartavya karna hai''

prashn:- sabhi manushya-maatra duhkhi kyon bane hain, uska mool kaaran kya hai?

uttar:- raavan ne sabhi ko shraapit kar diya hai, isliye sabhi duhkhi bane hain। baap varsa deta, raavan shraap deta - yeh bhi duniya nahin jaanti। baap ne varsa diya tab to bhaaratvaasi itne sukhi svarga ke maalik banen, poojya banen। shraapit hone se pujaari ban jaate hain।

om shanti। bachche yahaan madhuban mein aate hain baapdaada ke paas। haal mein jab aate ho, dekhte ho pahle behen-bhaai baithte hain phir peechhe dekhte ho baapdaada aaya hua hai to baap ki yaad aati hai। tum ho prajaapita brahma ke bachche, brahman aur braahmaniyaan। woh brahman to brahma baap ko jaante hi nahin hain। tum bachche jaante ho - baap jab aate hain to brahma-vishnu-shankar bhi zaroor chaahiye। kehte hi hain trimoorti shiv bhagvaanuvaach। ab teenon dvaara to nahin bolenge na। yeh baaten achhi reeti buddhi mein dhaaran karni hai। behad ke baap se zaroor svarga ka varsa milta hai, isliye sabhi bhakta bhagwan se kya chaahte hain? jeevanmukti। abhi hai jeevan-bandha। sabhi baap ko yaad karte hain ki aakar is bandhan se mukta karo। abhi tum bachche hi jaante ho ki baba aaya hua hai। kalpa-kalpa baap aate hain। pukaarte bhi hain - tum maat pita… parantu iska arth to koi bhi nahin samajhte। niraakaar baap ke liye samajh lete hain। gaate hain parantu milta kuchh bhi nahin hai। abhi tum bachchon ko unse varsa milta hai phir kalpa baad milega। bachche jaante hain baap aadhaakalpa ke liye aakar varsa dete hain aur raavan phir shraap dete hain। yeh bhi duniya nahin jaanti ki ham sabhi shraapit hain। raavan ka shraap laga hua hai isliye sabhi duhkhi hain। bhaaratvaasi sukhi the। kal in lakshmi-naaraayan ka raajya bhaarat mein tha। devtaaon ke aage maatha tekte hain, pooja karte hain parantu satayug kab tha, yeh kisko pata nahin। ab dekho laakhon varsha ki aayu sirf satayug ki dikha di hai, phir treta ki, dvaapar-kaliyug ki, us hisaab se manushya kitne dher ho jaaen। sirf satayug mein hi dher manushya ho jaaen। koi bhi manushya ki buddhi mein nahin baithta hai। baap baith samjhaate hain ki dekho gaaya bhi jaata hai 33 karod devtaayen hote hain। aise thode hi woh koi laakhon varsha mein ho sakte hain। to yeh bhi manushyon ko samjhaana pade।

abhi tum samajhte ho ki baba hamko svachchha buddhi banaate hain। raavan malechchha buddhi banaate hain। mukhya baat to yeh hai। satayug mein hain pavitra, yahaan hain apvitra। yeh bhi kisko pata nahin hai ki raamraajya kab se kab tak? raavan raajya kab se kab tak hota hai? samajhte hain yahaan hi raam raajya bhi hai, raavan raajya bhi hai। anek mat-mataantar hain na। jitne hain manushya, utni hain maten। abhi yahaan tum bachchon ko ek advet mat milti hai jo baap hi dete hain। tum abhi brahma dvaara devta ban rahe ho। devtaaon ki mahima gaai jaati hai - sarvagun sampanna, 16 kala sampoorn...... hain to woh bhi manushya, manushya ki mahima gaate hain kyon? zaroor pharka hoga na। abhi tum bachche bhi nambarvaar purooshaartha anusaar manushya ko devta banaane ka kartavya seekhte ho। kaliyugi manushya ko tum satayugi devta banaate ho arthaat shantidham, brahmaanda ka aur vishwa ka maalik banaate ho, yeh to shantidham nahin hai na। yahaan to karma zaroor karna pade। woh hai sweet silence hom। abhi tum samajhte ho ham aatmaayen sweet hom, brahmaanda ke maalik hain। vahaan duhkh-sukh se nyaare rehte hain। phir satayug mein vishwa ke maalik bante hain। abhi tum bachche laayak ban rahe ho। em object accurate saamne khadi hai। tum bachche ho yogbal vaale। woh hain baahubal vaale। tum bhi ho yuddha ke maidaan par, parantu tum ho double ahinsak। woh hai hinsak। hinsa kaam kataari ko kaha jaata hai। sannyaasi bhi samajhte hain yeh hinsa hai isliye pavitra bante hain। parantu tumhaare sivaae baap ke saath preet koi ki hai nahin। aashik maashook ki preet hoti hai na। woh aashik maashook to ek janma ke gaaye jaate hain। tum sabhi ho mujh maashook ke aashik। bhaktimaarga mein mujh ek maashook ko yaad karte aaye ho। ab main kehta hoon yeh antim janma sirf pavitra bano aur yathaartha reeti yaad karo to phir yaad karne se hi tum chhoot jaayenge। satayug mein yaad karne ki darkaar hi nahin rahegi। duhkh mein simran sab karte hain। yeh hai narka। inko svarga to nahin kahenge na। bade aadmi jo dhanvaan hain woh samajhte hain hamaare liye to yahaan hi svarga hai। vimaan aadi sab kuchh vaibhav hain, kitna andhashraddha mein rehte hain। gaate bhi hain tum maat pita..... parantu samajhte kuchh nahin। kaun se sukh ghanere mile - yeh koi bhi nahin jaante hain। bolti to aatma hai na। tum aatmaayen samajhti ho hamko sukh ghanere milne hain। uska naam hi hai - svarga, sukhdhaam। svarga sabhi ko bahut meetha bhi lagta hai। tum abhi jaante ho svarga mein heere javaahron ke kitne mahal the। bhakti maarga mein bhi kitna anginat dhan tha, jo somnaath ka mandir banaaya hai। ek-ek chitra laakhon ki keemat vaale the। woh sab kahaan chale gaye? kitna lootkar le gaye! musalmaanon ne jaae masjid aadi mein lagaaya, itna athaah dhan tha। abhi tum bachchon ki buddhi mein hai ham baap dvaara phir se svarga ke maalik bante hain। hamaare mahal sone ke honge। darvaajon par bhi jadit lagi hui hogi। jainiyon ke mandir bhi aise bane hue hote hain। ab heere aadi to nahin hain na, jo pahle the। abhi tum jaante ho ham baap se svarga ka varsa le rahe hain। shivbaaba aate bhi bhaarat mein hi hain। bhaarat ko hi shiv bhagwan se svarga ka varsa milta hai। Christian bhi kehte hain Christ se 3 hazaar varsha pahle bhaarat heaven tha। raajya kaun karte the? yeh kisko pata nahin hai। baaki yeh samajhte hain bhaarat bahut puraana hai। to yahi svarga tha na। baap ko kehte bhi hain heavenly god father arthaat heaven sthaapan karne vaala father। zaroor father aaye honge, tab tum svarga ke maalik bane honge। har 5 hazaar varsha baad svarga ke maalik bante ho phir aadhaakalpa baad raavan raajya shuru hota hai। chitron mein aisa clear kar dikhaao jo laakhon varsha ki baat buddhi se hi nikal jaae। lakshmi-naaraayan koi ek nahin, inhon ki dynasty hogi na phir unhon ke bachche raaja bante honge। raajaayen to bahut bante hain na। saari maala bani hui hai। maala ko hi simran karte hain na। jo baap ke madadgaar ban baap ki service karte hain unhon ki hi maala banti hai। jo poora chakra mein aate, poojya pujaari bante hain unhon ka yeh yaadgaar hai। tum poojya se pujaari bante ho to phir apni maala ko baith poojte ho। pahle maala par haath lagaakar phir maatha tekenge। peechhe maala ko pherna shuru karte hain। tum bhi saara chakra lagaate ho phir shivbaaba se varsa paate ho। yeh raaz tum hi jaante ho। manushya to koi kiske naam par, koi kiske naam par maala pherte hain। jaante kuchh bhi nahin। abhi tumko maala ka saara gyaan hai, aur koi ko yeh gyaan nahin। Christian thode hi samajhte hain ki yeh kiski maala pherte hain। yeh maala hai hi unhon ki jo baap ke madadgaar ban service karte hain। is samay sab patit hain, jo paavan the woh sab yahaan aate-aate ab patit bane hain, phir nambarvaar sab jaayenge। nambarvaar aate hain, nambarvaar jaate hain। kitni samajhne ki baaten hain। yeh jhaad hai। kitne taal-taaliyaan math panth hain। abhi yeh saara jhaad khalaas hona hai, phir tumhaara foundation lagega। tum ho is jhaad ke foundation। usmein sooryavanshi chandravanshi donon hain। satayug-treta mein jo raajya karne vaale the, unhon ka abhi dharma hi nahin hain, sirf chitra hain। jinke chitra hain unhon ki biography ko to jaanna chaahiye na। kah dete phalaani cheez laakhon varsha puraani hai। ab vaastav mein puraane te puraana hai aadi sanaatan devi-devta dharma। unke aage to koi cheez ho nahin sakti। baaki sab 2500 varsha ki puraani cheejen hongi, neeche se khodkar nikaalte hain na। bhakti maarga mein jo pooja karte hain woh puraane chitra nikaalte hain kyonki earthquake mein sab mandir aadi gir padte hain phir naye bante hain। heere sone aadi ki khaaniyaan jo abhi khaali ho gai hain woh phir vahaan bhartu ho jaayengi। yeh sab baaten abhi tumhaari buddhi mein hain na। baap ne world ki history-geography samjhaai hai। satayug mein kitne thode manushya hote hain phir vriddhi ko paate hain। aatmaayen sab paramdham se aati rehti hain। aate-aate jhaad badhta hai। phir jab jhaad jadajdeebhoot avastha ko paata hai to kaha jaata hai raam gayo raavan gayo, jinka bahu parivaar hai। anek dharma hain na। hamaara parivaar kitna chhota hai। yeh sirf braahmanon ka hi parivaar hai। woh kitne anek dharma hain, jansankhya batlaate hain na। woh sab hain raavan sampradaay। yeh sab jaayenge। baaki thode hi rahenge। raavan sampradaay phir svarga mein nahin aayenge, sab muktidhaam mein hi rahenge। baaki tum jo padhte ho woh nambarvaar aayenge svarga mein।

abhi tum bachchon ne samjha hai kaise woh niraakaari jhaad hai, yeh manushya srishti ka jhaad hai। yeh tumhaari buddhi mein hai। padhaai par dhyaan nahin denge to imtahaan mein naapaas ho jaayenge। padhte aur padhaate rahenge to khushi bhi rahegi। agar vikaar mein gira to baaki yeh sab bhool jaayega। aatma jab pavitra sona ho tab usmein dhaarna achhi ho। sone ka bartan hota hai pavitra golden। agar koi patit bana to gyaan suna nahin sakta। abhi tum saamne baithe ho, jaante ho god father shivbaaba ham aatmaon ko padha rahe hain। ham aatmaayen in organs dvaara sun rahi hain। padhaane vaala baap hai, aisi paathshaala saari duniya mein kahaan hogi। woh god father hai, teacher bhi hai, satguru bhi hai, sabko vaapis le jaayenge। abhi tum baap ke sammukh baithe ho। sammukh murli sunne mein kitna farka hai। jaise yeh tape masheen nikli hai, sabke paas ek din aa jaayegi। bachchon ke sukh ke liye baap aisi cheezen banvaate hain। koi badi baat nahin hai na। yeh saanval shaah hai na। pahle gora tha, abhi saanvara bana hai tab to shyaam sundar kehte hain। tum jaante ho ham sundar the, ab shyaam bane hain phir sundar banenge। sirf ek kyon banega? ek ko sarpa ne dasa kya? sarpa to maaya ko kaha jaata hai na। vikaar mein jaane se saanvara ban jaate hain। kitni samajhne ki baaten hain। behad ka baap kehte hain grihastha vyavhaar mein rehte yeh antim janma for maai sek (mere sadke) pavitra bano। bachchon se yeh bheekh maangate hain। kamal phool samaan pavitra bano aur mujhe yaad karo to yeh janma bhi pavitra banenge aur yaad mein rahne se past ke vikarma bhi vinaash honge। yeh hai yog agni, jisse janma-janmaantar ke paap dagdha hote hain। satopradhaan se sato, rajo, tamo mein aate hain to kala kam ho jaati hai। khaad padti jaati hai। ab baap kehte hain sirf maamekam yaad karo। baaki paani ki nadiyon mein snaan karne se thode hi paavan banenge। paani bhi tatva hai na। 5 tatva kahe jaate hain। yeh nadiyaan kaise patit-paavni ho sakti hain। nadiyaan to saagar se nikalti hain। pahle to saagar patit-paavan hona chaahiye na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vijay maala mein aane ke liye baap ka madadgaar ban service karni hai। ek maashook ke saath sachchi preet rakhni hai। ek ko hi yaad karna hai।

2) apni accurate em object ko saamne rakh poora purooshaartha karna hai। double ahinsak ban manushya ko devta banaane ka shreshtha kartavya karte rehna hai।

vardaan:- vijayeepan ke nashe dvaara sada harshit rahne vaale sarva aakarshanon se mukta bhav

vijayi ratnon ka yaadgaar - baap ke gale ka haar aaj tak pooja jaata hai। to sada yahi nasha rahe ki ham baba ke gale ka haar vijayi ratna hain, ham vishwa ke maalik ke baalak hain। humein jo mila hai woh kisi ko bhi mil nahin sakta - yeh nasha aur khushi sthaai rahe to kisi bhi prakaar ki aakarshan se pare rahenge। jo sada vijayi hain vo sada harshit hain। ek baap ki yaad ke hi aakarshan mein aakarshit hain।

slogan:- ek ke ant mein kho jaana arthaat ekaantavaasi banna।

avyakt-ishaareh ekaantapriy bano ekta aur ekaagrata ko apnaao

abhi sab milkar ek do ki himmat badhaake yeh sankalp karo ki ab samay ko sameep laana hi hai, aatmaon ko mukti dilaani hi hai। lekin yeh tab hoga jab sochne ko smriti swaroop mein laayenge। jahaan ekta aur dridhta hai vahaan asambhav bhi sambhav ho jaata hai।