Daily Murli for Wednesday 19 February 2025

19-02-2025 praatahmurli om shanti "baapdaada"' madhuban

“meethe bachche - tumne ab tak jo kuchh padha hai use bhool jaao, jeete ji marna maana sab kuchh bhoolna, pichhla kuchh bhi yaad na aaye''

prashn:- jo poora jeete ji mare hue nahin hain unki nishaani kya hogi?

uttar:- woh baap se bhi argue karte rahenge। shaastron ka misaal dete rahenge। jo poora mar gaye woh kahenge baba jo sunaate vahi sach hai। hamne aadhaakalpa jo suna woh jhooth hi tha isliye ab use mukh par bhi na laayen। baap ne kaha hai hear no evil…

geet:- om namo shivaae…

om shanti। bachchon ko samjhaaya gaya hai jab shanti mein bithaate ho, jisko neshtha akshar diya hai, yeh drill karaai jaati hai। ab baap baith roohaani bachchon ko samjhaate hain ki jo jeete ji mare hain, kehte hain ham jeete ji mar chuke hai, jaise manushya marta hai to sab kuchh bhool jaata hai sirf sanskaar rehte hain। abhi tum bhi baap ka bankar duniya se mar gaye ho। baap kehte hain tumhaare mein bhakti ke sanskaar the, ab woh sanskaar badal rahe hain to jeete ji tum marte ho na। marne se manushya padha hua sab kuchh bhool jaata hai phir doosre janma mein naye sir padhna hota hai। baap bhi kehte hain tum jo kuchh padhe hue ho woh bhool jaao। tum to baap ke bane ho na। main tumko nai baat sunaata hoon। to ab ved, shaastra, granth, jap, tap aadi yeh sab baaten bhool jaao isliye hi kaha hai - hear no evil, si no evil…। yeh tum bachchon ke liye hai। kai bahut shaastra aadi padhe hue hain, poora mare nahin hain to phaaltu argue karenge। mar gaye phir kabhi argue nahin karenge। kahenge baap ne jo sunaaya hai vahi sach hai, baaki baaten ham mukh par kyon laayen! baap kehte hain yeh mukh mein laao hi nahin। hear no evil। baap ne direction diya na - kuchh bhi suno nahin। bolo, abhi ham gyaan saagar ke bachche bane hain to bhakti ko kyon yaad karen! ham ek bhagwan ko hi yaad karte hain। baap ne kaha hai bhaktimaarga ko bhool jaao। main tumko sahaj baat sunaata hoon ki mujh beej ko yaad karo to jhaad saara buddhi mein aa hi jaayega। tumhaari mukhya hai geeta। geeta mein hi bhagwan ki samjhaani hai। ab yeh hain nai baaten। nai baat par hamesha jyaada dhyaan diya jaata hai। hai bhi badi simple baat। sabse badi baat hai yaad karne ki। ghadi-ghadi kehna padta hai - manmanaabhav। baap ko yaad karo, yahi bahut guhya baaten hain, ismen hi vighna padte hain। bahut bachche hain jo saare din mein do minute bhi yaad nahin karte। baap ka bante bhi achha karma nahin karte to yaad bhi nahin karte, vikarma karte rehte hain। buddhi mein baithta hi nahin hai to kahenge yeh baap ki aagya ka niraadar hai, padh nahin sakenge, woh taakat nahin milti। jismaani padhaai se bhi bal milta hai na। padhaai hai source oph income। shareer nirvaah hota hai so bhi alpakaal ke liye। kai padhte-padhte mar jaate hain to woh padhaai thode hi saath le jaayenge। doosra janma le phir nayesir padhna pade। yahaan to tum jitna padhenge, woh saath le jaayenge kyonki tum praalabdha paate ho doosre janma mein। baaki to woh sab hai hi bhakti maarga। kya-kya cheezen hain, yeh koi nahin jaante। roohaani baap tum roohon ko baith gyaan dete hain। ek hi baar baap supreme rooh aakar roohon ko knowledge dete hain, jisse vishwa ke maalik ban jaate ho। bhakti maarga mein svarga thode hi hota hai। abhi tum dhani ke bane ho। maaya kai baar bachchon ko bhi nidhan ka bana deti hai, chhoti-chhoti baaton mein aapas mein lad padte hain। baap ki yaad mein nahin rehte to nidhan ke hue na। nidhanka bana to zaroor kuchh na kuchh paap karma kar denge। baap kehte hain mera bankar mera naam badnaam na karo। ek-do se bada pyaar se chalo, ulta-sulta bolo mat।

baap ko aisi-aisi ahilyaayen, kubjaayen, bheelniyon ka bhi udvaar karna padta hai। kehte hain bheelni ke ber khaaye। ab aise hi bheelni ke thode hi kha sakte hain। bheelni se jab braahmani ban jaati hai to phir kyon nahin khaayenge! isliye brahma bhojan ki mahima hai। shivbaaba to khaayenge nahin। woh to abhokta hai। baaki yeh rath to khaate hain na। tum bachchon ko koi se argue karne ki darkaar nahin hai। hamesha apna safe side rakhna chaahiye। akshar hi do bolo - shivbaaba kehte hain। shivbaaba ko hi roodra kaha jaata hai। roodra gyaan yagya se vinaash jvaala nikli to roodra bhagwan hua na। shreekrishna ko to roodra nahin kahenge। vinaash bhi koi shreekrishna nahin karaate, baap hi sthaapna, vinaash, paalna karaate hain। khud kuchh nahin karte, nahin to dosh pad jaae। woh hai karnakraavanhaar। baap kehte hain ham koi kehte nahin hain ki vinaash karo। yeh saara drama mein noondha hua hai। shankar kuchh karta hai kya? kuchh bhi nahin। yeh sirf gaayan hai ki shankar dvaara vinaash। baaki vinaash to woh aapehi kar rahe hain। yeh anaadi bana hua drama hai jo samjhaaya jaata hai। rachayita baap ko hi sab bhool gaye hain। kehte hain god father rachayita hai parantu unko jaante hi nahin। samajhte hain ki woh duniya create karte hain। baap kehte hain main create nahin karta hoon, main change karta hoon। kaliyug ko satayug banaata hoon। main sangam par aata hoon, jiske liye gaaya hua hai - supreme auspicious yug। bhagwan kalyaankaari hai, sabka kalyaan karte hain parantu kaise aur kya kalyaan karte hain, yeh kuchh jaante nahin। angreji mein kehte hain liberator, guide, parantu unka arth thode hi samajhte hain। kehte hain bhakti ke baad bhagwan milega, sadgati milegi। sarva ki sadgati to koi manushya kar na sake। nahin to paramatma ko patit-paavan sarva ka sadgati daata kyon gaaya jaaye? baap ko koi bhi jaante nahin, nidhan ke hain। baap se vipreet buddhi hain। ab baap kya kare। baap to khud maalik hai। unki shiv jayanti bhi bhaarat mein manaate hain। baap kehte hain main aata hoon bhakton ko phal dene। aata bhi bhaarat mein hoon। aane ke liye mujhe shareer to zaroor chaahiye na। prerna se thode hi kuchh hoga। inmen pravesh kar, inke mukh dvaara tumko gyaan deta hoon। gaoomukh ki baat nahin hai। yeh to is mukh ki baat hai। mukh to manushya ka chaahiye, na ki jaanvar ka। itna bhi buddhi kaam nahin karti hai। doosre taraph phir bhaageerath dikhaate hain, woh kaise aur kab aate hain, zara bhi kisko pata nahin hai। to baap bachchon ko baith samjhaate hain ki tum mar gaye to bhakti maarga ko ekdam bhool jaao। shiv bhagvaanu-vaach mujhe yaad karo to vikarma vinaash ho jaayenge। main hi patit-paavan hoon। tum pavitra ho jaayenge phir sabko le jaaoonga। message ghar-ghar mein do। baap kehte hain - mujhe yaad karo to vikarma vinaash honge। tum pavitra ban jaayenge। vinaash saamne khada hai। tum bulaate bhi ho he patit-paavan aao, patiton ko paavan banaao, raamraajya sthaapan karo, raavan raajya se mukta karo। woh har ek apne-apne liye koshish karte hain। baap to kehte hain main aakar sarva ki mukti karta hoon। sabhi 5 vikaaron roopi raavan ki jel mein pade hain, main sarva ki sadgati karta hoon। mujhe kaha bhi jaata hai duhkh harta sukh karta। raamraajya to zaroor nai duniya mein hoga।

tum paandavon ki abhi hai preet buddhi। koi-koi ki to phauran preet buddhi ban jaati hai। koi-koi ki aahiste-aahiste preet jutti hai। koi to kehte hain bas ham sab kuchh baap ko surrender karte hain। sivaae ek ke doosra koi raha hi nahin। sabka sahaara ek god hi hai। kitni simple se simple baat hai। baap ko yaad karo aur chakra ko yaad karo to chakravarti raaja-raani banenge। yeh school hi hai vishwa ka maalik banne ka, tab chakravarti raaja naam pada hai। chakra ko jaanne se phir chakravarti bante hain। yeh baap hi samjhaate hain। baaki argue kuchh bhi nahin karni hai। bolo, bhakti maarga ki sab baaten chhodo। baap kehte hain sirf mujhe yaad karo। mool baat hi yeh hai। jo teevra purooshaarthi hote hain woh jor se padhaai mein lag jaate hain, jinko padhaai ka shauk hota hai woh savere uth-kar padhaai karte hain। bhakti vaale bhi savere uthte hain। naudha bhakti kitni karte hain, jab sir kaatne lagte hain to saakshaatkaar hota hai। yahaan to baba kehte hain yeh saakshaatkaar bhi nuksaankaarak hai। saakshaatkaar mein jaane se padhaai aur yog donon band ho jaate hain। time vesta ho jaata hai isliye dhyaan aadi ka shauk to bilkul nahin rakhna hai। yeh bhi badi beemaari hai, jisse maaya ki praveshta ho jaati hai। jaise ladaai ke samay news sunaate hain to beech mein aisi kuchh kharaabi kar dete hain jo koi sun na sake। maaya bhi bahuton ko vighna daalti hai। baap ko yaad karne nahin deti hai। samjha jaata hai inki takdeer mein vighna hai। dekha jaata hai ki maaya ki praveshta to nahin hai। bekaayde to nahin kuchh bolte hain to phir jhat baba neeche utaar denge। bahut manushya kehte hain - hamko sirf saakshaatkaar ho to itna sab dhan maal aadi ham aapko de denge। baba kehte hain yeh tum apne paas hi rakho। bhagwan ko tumhaare paise ki kya darkaar rakhi hai। baap to jaante hain is puraani duniya mein jo kuchh hai, sab bhasma ho jaayega। baba kya karenge? baba paas to phuri-phuri (boond-boond) talaav ho jaata hai। baap ke direction par chalo, hospital kam university kholo, jahaan koi bhi aakar vishwa ka maalik ban sake। teen pair prithvi mein baith tumko manushya ko nar se naaraayan banaana hai। parantu 3 pair prithvi ke bhi nahin milte hain। baap kehte hain main tumko sabhi vedon-shaastron ka saar bataata hoon। yeh shaastra hain sab bhakti maarga ke। baba koi ninda nahin karte hain। yeh to khel bana hua hai। yeh sirf samjhaane ke liye kaha jaata hai। hai to phir bhi khel na। khel ki ham ninda nahin kar sakte hain। ham kehte hain gyaan soorya, gyaan chandrama to phir woh chandrama aadi mein jaakar dhoondhate hain। vahaan koi raajaai rakhi hai kya? jaapaani log soorya ko maante hain। ham kehte hain sooryavanshi, woh phir soorya ki baith pooja karte hain, soorya ko paani dete hain। to baba ne bachchon ko samjhaaya hai koi baat mein jaasti argue nahin karni hai। baat hi ek sunaao baap kehte hain - maamekam yaad karo to paavan banenge। abhi raavan raajya mein sabhi patit hain। parantu apne ko patit koi maante thode hi hain।

bachche, tumhaari ek aankh mein shantidham, ek aankh mein sukhdhaam baaki is duhkhadhaam ko bhool jaao। tum ho chaitanya light house। abhi pradarshani mein bhi naam rakha hai - bhaarat di light house....... lekin woh koi thode hi samjhenge। tum abhi light house ho na। port par light house steamer ko raasta bataate hain। tum bhi sabko raasta bataate ho mukti aur jeevanmukti dhaam ka। jab koi bhi pradarshani mein aate hain to bahut prem se bolo - god father to sabka ek hai na। god father ya parampita kehte hain ki mujhe yaad karo to zaroor mukh dvaara kahenge na। brahma dvaara sthaapna, ham sab brahman-braahmaniyaan hain brahma mukh vanshaavli। tum braahmanon ki woh brahman bhi mahima gaate hain brahman devtaae namah। oonch te oonch hai hi ek baap। woh kehte hain main tumko oonch te oonch raajayog sikhaata hoon, jisse tum saare vishwa ke maalik bante ho। woh raajaai tumse koi chheen na sake। bhaarat ka vishwa par raajya tha। bhaarat ki kitni mahima hai। abhi tum jaante ho ki ham shreemat par yeh raajya sthaapan kar rahe hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) teevra purooshaarthi banne ke liye padhaai ka shauk rakhna hai। savere-savere uthkar padhaai padhni hai। saakshaatkaar ki aash nahin rakhni hai, ismen bhi time vesta jaata hai।

2) shantidham aur sukhdhaam ko yaad karna hai, is duhkhadhaam ko bhool jaana hai। kisi se bhi argue nahin karni hai, prem se mukti aur jeevanmuktidhaam ka raasta bataana hai।

vardaan:- sada sukhon ke saagar mein lavleen rahne vaale antarmukhi bhav

kaha jaata antarmukhi sada sukhi। jo bachche sada antarmukhi bhav ka vardaan praapta kar lete hain woh baap samaan sada sukh ke saagar mein lavleen rehte hain। sukhdaata ke bachche svayan bhi sukh daata ban jaate hain। sarva aatmaon ko sukh ka hi khajaana baantate hain। to ab antarmukhi ban aisi sampanna moorti ban jaao jo aapke paas koi bhi kisi bhi bhaavna se aaye, apni bhaavna sampanna karke jaaye। jaise baap ke khajaane mein apraapta koi vastu nahin, vaise aap bhi baap samaan bharpoor bano।

slogan:- roohaani shaan mein raho to kabhi bhi abhimaan ki feeling nahin aayegi।

avyakt ishaare:- ekaantapriy bano ekta aur ekaagrata ko apnaao

apne ko sadaiv underground arthaat antarmukhi banaane ki koshish karo। underground bhi saari kaarobaar chalti hai vaise antarmukhi hokar bhi kaarya kar sakte hain। antarmukhi hokarke kaarya karne se ek to vighnon se bachaav, doosra samay ka bachaav, teesra sankalpon ka bachaav va bachat ho jaayegi। ekaantavaasi bhi aur saath-saath ramneekta bhi itni hi ho।