Daily Murli for Wednesday 9 April 2025

09-04-2025 praatahmurli om shanti "baapdaada"' madhuban

“meethe bachche - har ek ki nabja dekh pahle use alpha ka nishchay karaao phir aage badho, alpha ke nishchay bina gyaan dena time vesta karna hai''

prashn:- kaun-sa mukhya ek purushaartha scholarship lene ka adhikaari bana deta hai?

uttar:- antarmukhta ka। tumhein bahut antarmukhi rehna hai। baap to hai kalyaankaari। kalyaan ke liye hi raay dete hain। jo antarmukhi yogi bachche hain woh kabhi deh-abhimaan mein aakar rooste va ladte nahin। unki chalan badi royal shaandaar hoti hai। bahut thoda bolte hain, yagya service mein ruchi rakhte hain। woh gyaan ki jyaada tik-tik nahin karte, yaad mein rahkar service karte hain।

om shanti। aksar karke dekha jaata hai pradarshani service ke samaachaar bhi aate hain to mool baat jo baap ke pahchaan ki hai, us par poora nishchay na bithaane se baaki jo kuchh samjhaate rehte hain, woh koi ki buddhi mein baithna mushkil hai। bhal achha-achha kehte hain parantu baap ki pahchaan nahin। pahle to baap ki pahchaan ho। baap ke mahaavaakya hain mujhe yaad karo, main hi patit-paavan hoon। mujhe yaad karne se tum patit se paavan ban jaayenge। yeh hai mukhya baat। bhagwan ek hai, vahi patit-paavan hai। gyaan ka saagar, sukh ka saagar hai। vahi oonch te oonch hai। yeh nishchay ho jaae to phir bhakti maarga ke jo shaastra, ved athva geeta bhaagvat hai, sab khandan ho jaaen। bhagwan to khud kehte hain, yeh mainne nahin sunaaya hai। mera gyaan shaastron mein nahin hai। woh hai bhakti maarga ka gyaan। main to gyaan de sadgati karke chala jaata hoon। phir yeh gyaan praayah lop ho jaata hai। gyaan ki praalabdha poori hone ke baad phir bhakti maarga shuru hota hai। jab baap ka nishchay baithe to samjhe, bhagvaanuvaach - yeh bhakti maarga ke shaastra hain। gyaan aur bhakti aadha-aadha chalti hai। bhagwan jab aate hain to apna parichay dete hain - main kehta hoon 5 hazaar varsha ka kalpa hai, main to brahma mukh se samjha raha hoon। to pahli mukhya baat buddhi mein bithaani hai ki bhagwan kaun hai? yeh baat jab tak buddhi mein nahin baithi hai tab tak aur kuchh bhi samjhaane se kuchh asar nahin hoga। saari mehnat hi is baat mein hai। baap aate hi hain kabra se jagaane। shaastra aadi padhne se to nahin jagenge। param aatma hai jyoti swaroop to unke bachche bhi jyoti swaroop hain। parantu tum bachchon ki aatma patit bani hai, jis kaaran jyoti bujh gai hai। tamopradhaan ho gaye hain। pahle-pahle baap ka parichay na dene se phir jo bhi mehnat karte hain, opinion aadi likhaate hain woh kuchh kaam ka nahin rehta isliye service hoti nahin hai। nishchay ho to samjhen barobar brahma dvaara gyaan de rahe hain। manushya brahma ko dekh kitna moonjhate hain kyonki baap ki pahchaan nahin hai। tum sab jaante ho bhakti maarga ab paas ho gaya hai। kaliyug mein hai bhakti maarga aur ab sangam par hai gyaan maarga। ham sangamayugi hain। raajayog seekh rahe hain। daiveegun dhaaran karte hain nai duniya ke liye। jo sangam-yug par nahin woh din-pratidin tamopradhaan bante hi jaate hain। us taraph tamopradhaanta badhti jaati hai, is taraph tumhaara sangamayug poora hota ja raha hai। yeh samajhne ki baaten hain na। samjhaane vaale bhi nambarvaar hain। baba roz purushaartha karaate hain। nishchaybuddhi vijayanti। bachchon mein tik-tik karne ki aadat bahut hai। baap ko yaad karte hi nahin। yaad karna bada kathin hai। baap ko yaad karna chhod apni hi tik-tik sunaate rehte hain। baap ke nishchay bigar aur chitron taraph badhna hi nahin chaahiye। nishchay nahin to kuchh bhi samjhenge nahin। alpha ka nishchay nahin to baaki be te mein jaana time vesta karna hai। kiski nabja ko jaante nahin, opening karne vaale ko bhi pahle baap ka parichay dena hai। yeh hai oonch te oonch baap gyaan ka saagar। baap yeh gyaan abhi hi dete hain। satayug mein is gyaan ki darkaar nahin rehti। peechhe shuru hoti hai bhakti। baap kehte hain jab meri ninda poori hone ka samay hota hai tab main aata hoon। aadhaakalpa unhon ko ninda karni hi hai, jinki bhi pooja karte, occupation ka pata nahin। tum bachche baith samjhaate ho parantu khud ka hi baba se yog nahin to auron ko kya samjha sakenge। bhal shivbaaba kehte hain parantu yog mein bilkul rehte nahin to vikarma bhi vinaash nahin hote hain, dhaarna nahin hoti hai। mukhya baat hai ek baap ko yaad karna।

jo bachche gyaani tu aatma ke saath-saath yogi nahin bante hain, unmein deh-abhimaan ka ansh zaroor hoga। yog ke bigar samjhaana koi kaam ka nahin। phir deh-abhimaan mein aakar kisi na kisi ko tang karte rahenge। bachche bhaashan achha karte hain to samajhte hain ham gyaani tu aatma hain। baap kehte hain gyaani tu aatma to ho parantu yog kam hai, yog par purushaartha bahut kam hai। baap kitna samjhaate hain - chart rakho। mukhya hai hi yog ki baat। bachchon mein gyaan ke samjhaane ka shauk to hai lekin yog nahin hai। to yog bigar vikarma vinaash nahin honge phir pad kya paayenge! yog mein to bahut bachche fail hain। samajhte hain ham 100 pratishat hain। parantu baba kehte 2 pratishat hain। baba khud batlaate hain bhojan khaate samay yaad mein rehta hoon, phir bhool jaata hoon। snaan karta hoon to bhi baba ko yaad karta hoon। bhal unka bachcha hoon phir bhi yaad bhool jaati hai। samajhte ho yeh to number one mein jaane vaala hai, zaroor gyaan aur yog theek hoga। phir bhi baba kehte hain yog mein bahut mehnat hai। trial karke dekho phir anubhav sunaao। samjho darji kapda silaai karte hain to dekhna chaahiye baba ki yaad mein rehta hoon। bahut meetha maashuk hai। unko jitna yaad karenge to hamaare vikarma vinaash honge, ham satopradhaan ban jaayenge। apne ko dekhen ham kitna samay yaad mein rehta hoon। baba ko result bataani chaahiye। yaad mein rahne se hi kalyaan hoga। baaki jaasti samjhaane se kalyaan nahin hoga। samajhte kuchh nahin hain। alpha bigar kaam kaise chalega? ek alpha ka pata nahin baaki to bindi, bindi ho jaati। alpha ke saath bindi dene se phaayda hota hai। yog nahin to saara din time vesta karte rehte। baap ko to taras padta hai, yeh kya pad paayenge। takdeer mein nahin hai to baap bhi kya karen। baap to ghadi-ghadi samjhaate hain - daiveegun achhe rakho, baap ki yaad mein raho। yaad bahut zaroori hai। yaad se love hoga tab hi shreemat par chal sakenge। praja to dher banni hai। tum yahaan aaye hi ho - yeh lakshmi-naaraayan banne, ismen mehnat hai। bhal svarga mein jaayenge parantu sajaayen khaakar phir pichhaadi mein aakar pad paayenge thoda-sa। baba to sab bachchon ko jaante hain na। jo bachche yog mein kachche hain woh deh-abhimaan mein aakar rooste aur ladte-jhagadte rahenge। jo pakke yogi hain unki chalan badi royal shaandaar hogi, bahut thoda bolenge। yagya service mein bhi ruchi rahegi। yagya service mein haddiyaan bhi chali jaaen। aise-aise koi hain bhi। parantu baba kehte yaad mein jaasti raho to baap se love hoga aur khushi mein rahenge।

baap kehte hain main bhaarat khanda mein hi aata hoon। bhaarat ko hi aakar ooncha banaata hoon। satayug mein tum vishwa ke maalik the, sadgati mein the phir durgati kisne ki? (raavan ne) kab shuru hui? (dvaapar se) aadhaakalpa liye sadgati ek second mein paate ho, 21 janmon ka varsa pa lete ho। to jab bhi koi achha aadmi aaye to pahle-pahle unko baap ka parichay do। baap kehte hain - bachche, is gyaan se hi tumhaari sadgati hogi। tum bachche jaante ho yeh drama chal raha hai second by second। yeh buddhi mein yaad rahe to bhi tum achhi reeti sthir rahenge। yahaan baithe ho to bhi buddhi mein rahe yeh srishti chakra joon muaaphik kaise phirta rehta hai। second-second tik-tik hoti rehti hai। drama anusaar hi saara part baj raha hai। ek second paas hua khatma। roll hota jaata hai। bahut aahiste-aahiste phirta hai। yeh hai behad ka drama। boodhe aadi jo hain unki buddhi mein yeh baaten baith na saken। gyaan bhi baith na sake। yog bhi nahin phir bhi bachche to hain। haan, service karne vaalon ka pad oonch hai। baaki ka kam pad hoga। yeh pakka khyaal rakho। yeh behad ka drama hai, chakra phirta rehta hai। jaise record phirta rehta hai na। hamaari aatma mein bhi aise record bhara hua hai। chhoti aatma mein itna saara part bhara hua hai, inko hi kudrat kaha jaata hai। dekhne mein to kuchh bhi nahin aata hai। yeh samajh ki baaten hain। moti buddhi vaale samajh na sake। inmen ham jo bolte jaate hain, time paas hota jaata phir 5 hazaar varsha baad repeat hoga। aisi samajh koi ke paas nahin। jo mahaarthi honge woh ghadi-ghadi in baaton par dhyaan dekar samjhaate rahenge isliye baba kehte hain pahle-pahle to gaanth baandho - baap ke yaad ki। baap kehte hain mujhe yaad karo। aatma ko ab ghar jaana hai। deh ke sab sambandh chhod dene hain। jitna ho sake baap ko yaad karte raho। yeh purushaartha hai gupta। baba raay dete hain, parichay bhi baap ka hi do। yaad kam karte hain to parichay bhi kam dete hain। pahle to baap ka parichay buddhi mein baithe। bolo, ab likho barobar woh hamaara baap hai। deh sahit sab kuchh chhod ek baap ko yaad karna hai। yaad se hi tum tamopradhaan se satopradhaan banenge। muktidhaam, jeevanmuktidhaam mein to duhkh-darda hota hi nahin। din-pratidin achhi baaten samjhaai jaati hain। aapas mein bhi yahi baaten karo। laayak bhi banna chaahiye na। brahman hokar aur baap ki roohaani seva na kare to kya kaam ka। padhaai ko to achhi reeti dhaaran karna chaahiye na। baba jaante hain bahut hain jinko ek akshar bhi dhaaran nahin hota hai। yathaartha reeti baap ko yaad karte nahin hain। raaja-raani ka pad paane mein mehnat hai। jo mehnat karenge vahi oonch pad paayenge। mehnat kare tab raajaai mein ja sakte। number one ko hi scholarship milti hai। yeh lakshmi-naaraayan scholarship liye hue hain। phir hain nambarvaar। bahut bada imtahaan hai na। scholarship ki hi maala bani hui hai। 8 ratna hain na। 8 hain, phir hain 100, phir hain 16 hajaar। to kitna purushaartha karna chaahiye maala mein pirone liye। antarmukhi rahne ka purushaartha karne se scholarship lene ke adhikaari ban jaayenge। tumhein bahut antarmukhi rehna hai। baap to hai kalyaankaari। to kalyaan ke liye hi raay dete hain। kalyaan to saari duniya ka hona hai। parantu nambarvaar hain। tum yahaan baap ke paas padhne ke liye aaye ho। tumhaare mein bhi woh student achhe hain jo padhaai par dhyaan dete hain। koi to bilkul dhyaan nahin dete hain। aise bhi bahut samajhte hain jo bhaagya mein hoga। padhaai ki em hi nahin hai। to bachchon ko yaad ka chart rakhna hai। hamko ab vaapis ghar jaana hai। gyaan to yahaan hi chhod jaayenge। gyaan ka part poora ho jaata hai। aatma itni chhoti, unmein kitna part hai, wonder hai na। yeh saara avinaashi drama hai। aise-aise bhi tum antarmukhi ho apne se baaten karte raho to tumko bahut khushi ho ki baap aakar aisi baaten sunaate hain ki aatma kab vinaash nahin hogi। drama mein ek-ek manushya ka, ek-ek cheez ka part noondha hua hai। inko beanta bhi nahin kahenge। ant to paaya hai parantu yeh hai anaadi। kitni cheejen hain। inko kudrat kahen! eeshvar ki kudrat bhi nahin kah sakte। woh kehte hain hamaara bhi ismen part hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yog mein bahut mehnat hai, trial karke dekhna hai ki karma mein kitna samay baap ki yaad rehti hai! yaad mein rahne se hi kalyaan hai, meethe maashook ko bahut pyaar se yaad karna hai, yaad ka chart rakhna hai।

2) maheen buddhi se is drama ke raaz ko samajhna hai। yeh bahut-bahut kalyaankaari drama hai, ham jo bolte hain va karte hain woh phir 5 hazaar varsha baad repeat hoga, ise yathaartha samajh khushi mein rehna hai।

vardaan:- apne shreshtha jeevan dvaara parmaatma gyaan ka pratyaksha proof dene vaale maaya proof bhav

svayan ko parmaatma gyaan ka pratyaksha pramaan va proof samajhne se maaya proof ban jaayenge। pratyaksha proof hai - aapki shreshtha pavitra jeevan। sabse badi asambhav se sambhav hone vaali baat pravritti mein rehte par-vritti mein rehna। deh aur deh ki duniya ke sambandhon se par (nyaara) rehna। puraane shareer ki aankhon se puraani duniya ki vastuon ko dekhte hue na dekhna arthaat sampoorn pavitra jeevan mein chalna - yahi paramatma ko pratyaksha karne va maaya proof banne ka sahaj saadhan hai।

slogan:- attention roopi pahredaar theek hain to ateendriy sukh ka khajaana kho nahin sakta।

avyakt ishaare - “combined roop ki smriti se sada vijayi bano''

baap ko companion to banaaya hai ab use combined roop mein anubhav karo aur is anubhav ko baar-baar smriti mein laate-laate smriti-swaroop ban jaao। baar-baar check karo ki combined hoon, kinaara to nahin kar liya? jitna combined-roop ka anubhav badhaate jaayenge utna brahman jeevan bahut pyaari, manoranjak anubhav hogi।