Daily Murli for Saturday 24 May 2025

24-05-2025 praatahmurli om shanti "baapdaada"' madhuban

“meethe bachche - amritvele apne doosre sab sankalpon ko lock up (band) kar ek baap ko pyaar se yaad karo, baap se meethi-meethi roohrihaan karo''

prashn:- tum bachchon ki har baat mein arth hai, arth sahit shabd kaun bol sakta hai?

uttar:- jo dehi-abhimaani hai, vahi har bol arth sahit bol sakta hai। baap tumhein sangam par jo bhi sikhlaate hain, woh arth sahit hai। deh-abhimaan mein aakar manushya jo kuchh bolte hain woh sab arth ke bina anartha hai। usse koi phal nahin nikalta, phaayda nahin hota।

geet:- nain heen ko raah dikhaao prabhu …

om shanti। yeh sab geet aadi hain bhakti maarga ke। tumhaare liye geeton ki darkaar nahin hai। koi takleeph ki baat nahin। bhakti maarga mein to takleeph bahut hai। kitni rasam-rivaaj chalti hai - brahman khilaana, yeh karna, teerthon aadi par bahut kuchh karna hota hai। yahaan aakar sab takleephon se chhuda dete hain। ismen kuchh bhi karna nahin hai। mukh se shiv-shiv nahin bolna hai। yeh kaaydemujeeb nahin, inse koi phal nahin milega। baap kehte hain - yeh andar mein samajhna hai main aatma hoon। baap ne kaha hai hamko yaad karo, antarmukhi ho baap ko hi yaad karna hai, to baap pratigya karte hain tumhaare paap bhasma ho jaayenge। yeh hai yog agni, jisse tumhaare vikarma vinaash ho jaayenge phir tum vaapis chale jaayenge। history repeat hoti hai। yeh sab apne saath baaten karne ki yuktiyaan hain। apne saath roohrihaan karte raho। baap kehte hain - main kalpa-kalpa tumko yeh yukti bataata hoon। yeh bhi jaante hain dheere-dheere yeh jhaad vriddhi ko paayega। maaya ka toofaan bhi is samay hai jabki main aakar tum bachchon ko maaya ke bandhan se chhudaata hoon। satayug mein koi bandhan hota nahin। yeh purushottam yug bhi abhi tumko arth sahit buddhi mein hai। yahaan har baat arth sahit hi hai। deh-abhimaani jo baat karenge so anartha। dehi-abhimaani jo baat karenge arth sahit। unse phal niklega। ab bhakti maarga mein kitni difficulty hoti hai। samajhte hain teertha yaatra karna, yeh karna - yeh sab bhagwan ke paas pahunchne ke raaste hain। parantu bachchon ne ab samjha hai vaapis koi ek bhi ja nahin sakta। pahle number mein jo vishwa ke maalik lakshmi-naaraayan the, unke hi 84 janma bata dete hain। to phir aur koi chhoot kaise sakta। sab chakra mein aate hain to krishna ke liye kaise kahenge ki woh sadaiv kaayam hai hi hai। haan, krishna ka naam-roop to chala gaya, baaki aatma to hai hi kis na kis roop mein। yeh sab baaten bachchon ko baap ne aakar samjhaai hain। yeh padhaai hai। student life mein dhyaan dena hai। rojaana time mukrar kar do apna chart likhne ka। vyaapaari logon ko bahut bandhan rehta hai। naukri karne vaalon par bandhan nahin rehta। woh to apna kaam poora kiya khalaas। vyaapaariyon ke paas to kabhi graahak aaye to supply karna pade। buddhiyog baahar chala jaata hai। to koshish kar samay nikaalna chaahiye। amritvele ka samay achha hai। us samay baahar ke vichaaron ko lock up kar dena chaahiye, koi bhi khyaal na aaye। baap ki yaad rahe। baap ki mahima mein likh dena chaahiye - baba gyaan ka saagar, patit-paavan hai। baba hamko vishwa ka maalik banaate hain, unki shreemat par chalna hai। sabse achhi mat milti hai manamnaabhav। doosra koi bol na sake। kalpa-kalpa yeh mat milti hai - tamopradhaan se satopradhaan banne ki। baap sirf kehte hain maamekam yaad karo। isko kaha jaata hai - vasheekran mantra, arth sahit yaad karne se hi khushi hogi।

baap kehte hain avyabhichaari yaad chaahiye। jaise bhakti mein ek shiv ki pooja avyabhichaari hai phir vyabhichaari hone se anekon ki bhakti karte hain। pahle thi addhait bhakti, ek ki bhakti karte the। gyaan bhi us ek ka hi sunna hai। tum bachche jiski bhakti karte the, woh svayan tumhein samjha rahe hain - meethe-meethe bachche abhi main aaya hoon, yeh bhakti cult abhi poora hua। tumne hi pahle-pahle ek shivbaaba ka mandir banaaya। us samay tum avyabhichaari bhakta the, isliye bahut sukhi the phir vyabhichaari bhakta banne se dvet mein aa gaye tab thoda duhkh hota hai। ek baap to sabko sukh dene vaala hai na। baap kehte hain main aakar tum bachchon ko mantra deta hoon। mantra bhi ek ka hi suno, yahaan dehdhaari koi bhi nahin। yahaan tum aate hi ho baapdaada ke paas। shivbaaba se oonch koi hai nahin। yaad bhi sab usko karte hain। bhaarat hi svarga tha, lakshmi-naaraayan ka raajya tha। unko aisa kisne banaaya? jiski tum phir pooja karte ho। kisko pata nahin mahaalakshmi kaun hai! mahaalakshmi ka aage janma kaun-sa tha? tum bachche jaante ho woh hai jagat amba। tum sab maataayen ho, vande maatram। saare jagat par hi tum apna daanv jamaati ho। bhaarat maata koi ek ka naam nahin। tum sab shiv se shakti lete ho yog bal se। shakti lene mein maaya interfere karti hai। yuddha mein koi angoori lagaate hain to bahaadur ho ladna chaahiye। aise nahin koi ne angoori lagaai aur tum phans pado, yeh hai hi maaya ki yuddha। baaki koi kaurav aur paandavon ki yuddha hai nahin, unki to aapas mein yuddha hai। manushya jab ladte hain, to ek-do gaj jameen ke liye gala kaat dete hain। baap aakar samjhaate hain - yeh sab drama bana hua hai। raam raajya, raavan raajya, abhi tum bachchon ko yeh gyaan hai ki ham raam raajya mein jaayenge, vahaan athaah sukh hai। naam hi hai sukhdhaam, vahaan duhkh ka naam-nishaan nahin hota। ab jabki baap aaye hain, aisi raajaai dene to bachchon ko kitna purushaartha karna chaahiye। ghadi-ghadi kehta hoon bachche thako mat। shivbaaba ko yaad karte raho। woh bhi bindi hai, ham aatma bhi bindi hain, yahaan part bajaane aaye hain, ab part poora hua hai। ab baap kehte hain mujhe yaad karo to vikarma vinaash honge। vikarma aatma par hi chadhte hain na। shareer to yahaan khatma ho jaayenge। kai manushya koi paap karma karte hain to apne shareer ko hi khatma kar dete hain। parantu isse koi paap utarta nahin hai। paap aatma kaha jaata hai। saadhu-santa aadi to kah dete aatma nirlep hai, aatma so paramatma, anek mate hain। abhi tumko ek shreemat milti hai। baap ne tumhein gyaan ka teesra netra diya hai। aatma hi sab kuchh jaanti hai। aage eeshvar ke baare mein kuchh nahin jaante the। srishti chakra kaise phirta hai, aatma kitni chhoti hai, pahle-pahle aatma ka realisation karaate hain। aatma bahut sookshm hai, unka saakshaatkaar hota hai, woh sab hain bhakti maarga ki baaten। gyaan ki baaten baap hi samjhaate hain। woh bhi bhrikuti ke beech mein aakar baithte hain baaju mein। yeh bhi jhat samajh lete hain। yeh sab hain nai baaten jo baap hi baithkar samjhaate hain। yeh pakka yaad kar lo, bhoolo nahin। baap ko jitna yaad karenge utna vikarma vinaash honge। vikarma vinaash hone par hi aadhaar hai tumhaare bhavishya ka। tum bachchon ke saath-saath bhaarat khanda bhi sabse saubhaagyashaali hai, in jaisa saubhaagyashaali doosra koi khanda nahin hai। yahaan baap aate hain। bhaarat hi heaven tha, jisko garden oph allaah kehte hain। tum jaante ho baap phir se bhaarat ko phoolon ka bageecha bana rahe hain, ham padhte hi hain vahaan jaane ke liye। saakshaatkaar bhi karte hain, yeh bhi jaante hain ki yeh vahi mahaabhaarat ladaai hai, phir aisi ladaai kabhi lagti nahin hai। tum bachchon ke liye nai duniya bhi zaroor chaahiye। nai duniya thi na, bhaarat svarga tha। 5 hazaar varsha hue, laakhon varsha ki to baat hi nahin। laakhon varsha hote to manushya anginat ho jaaen। yeh bhi koi ki buddhi mein nahin baithta ki itna ho kaise sakta jabki itni aadamshumaari nahin hai।

abhi tum samajhte ho - aaj se 5 hazaar varsha pahle ham vishwa par raajya karte the, aur khanda nahin the, woh hote hain baad mein। tum bachchon ki buddhi mein yeh sab baaten hain, aur kiski buddhi mein bilkul nahin hain। thoda bhi ishaara do to samajh jaaen। baat to barobar hai, hamaare pahle zaroor koi dharma tha। abhi tum samjha sakte ho ki ek aadi sanaatan devi-devta dharma tha, woh praayah lop ho gaya hai। koi apne ko devta dharma ke kah nahin sakte। samajhte hi nahin ki ham aadi sanaatan devi-devta dharma ke the phir woh dharma kahaan gaya? hindu dharma kahaan se aaya? koi ka bhi in baaton mein chintan nahin chalta hai। tum bachche samjha sakte ho - baap to hai gyaan ka saagar, gyaan ki authority। to zaroor aakar gyaan sunaaya hoga। gyaan se hi sadgati hoti hai, ismen prerna ki baat nahin। baap kehte hain jaise ab aaye hain, vaise kalpa-kalpa aata hoon। kalpa baad bhi aakar phir sab bachchon se milenge। tum bhi aise chakra lagaate ho। raajya lete ho phir ganvaate ho। yeh behad ka naatak hai, tum sabhi actors ho। aatma actor hokar creator, director, mukhya actor ko na jaane to woh kya kaam ki। tum bachche jaante ho kaise aatma shareer dhaaran karti hai aur part bajaati hai। ab phir vaapas jaana hai। ab is puraani duniya ka ant hai। kitni sahaj baat hai। tum bachche hi jaante ho - baap kaise gupta baithe hain। godri mein kartaar dekha। ab dekha kahen ya jaana kahen - baat ek hi hai। aatma ko dekh sakte hain, parantu usse koi phaayda nahin hai। koi ko samajh mein aa na sake। naudha bhakti mein bahut saakshaatkaar karte hain, aage tum bachche bhi kitne saakshaatkaar karte the, bahut programme aate the phir pichhaadi mein yeh khelpaal tum dekhenge। ab to baap kehte hain padhkar hoshiyaar ho jaao। agar nahin padhenge to phir jab result niklegi to munh neeche ho jaayega, phir samjhenge hamne kitna samay vesta kiya। jitna-jitna baap ki yaad mein rahenge, yaad ke bal se paap mit jaayenge। jitna baap ki yaad mein rahenge utna khushi ka paara chadhega।

manushyon ko yeh pata nahin hai ki bhagwan ko kyon yaad kiya jaata hai! kehte bhi hain tum maat-pita. . . . arth nahin jaante। abhi tum jaante ho, shiv ke chitra par samjha sakte ho - yeh gyaan ka saagar, patit-paavan hai, unko yaad karna hai। bachche jaante hain vahi baap aaya hai sukh ghanere ka raasta bataane। yeh padhaai hai। ismen jo jitna purushaartha karega utna oonch pad paayega। yeh koi saadhu-santa aadi nahin, jiski gaddi chali aai ho। yeh to shivbaaba ki gaddi hai। aise nahin yeh jaayega to doosra koi gaddi par baithega। baap to sabko saath le jaayenge। kai bachche vyartha khyaalaaton mein apna samay vesta karte hain। sochte hain khoob dhan ikattha karen, putra potre khaayenge, baad mein kaam aayega, bank locker mein jama karen, baal bachche khaate rahenge। parantu kisko bhi government chhodegi nahin isliye uska jaasti khyaal na kar apni bhavishya kamaai mein lag jaana chaahiye। ab bachchon ko purushaartha karna hai। aise nahin ki drama mein hoga to karenge। purushaartha bigar khaana bhi nahin milta parantu kiski takdeer mein nahin hai to phir aise-aise khyaalaat aa jaate hain। takdeer mein hi nahin hai to phir eeshvareey tadbeer bhi kya karenge। jinki takdeer mein hai, woh achhi reeti dhaaran karte aur karaate hain। baap tumhaara teacher bhi hai, guru bhi hai to unko yaad karna chaahiye। sabse priy baap, teacher aur guru hi hote hain। unko to yaad karna chaahiye। baba yuktiyaan to bahut batlaate hain। tum saadhu-santa aadi ko bhi nimantran de sakte ho। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) purushaartha kar apni bhavishya kamaai mein lag jaana hai, drama mein hoga to kar lenge, yeh kahkar purushaartha heen nahin banna hai।

2) saare din mein jo bhi paap hote hain ya kisi ko duhkh dete hain to note karna hai। sachchaai se baap ko sunaana hai, saaph dil ban ek baap ki yaad se sab hisaab chuktu karne hain।

vardaan:- taaj aur takhta ko sada kaayam rakhne vaale nirantar svatahyogi bhav

vartamaan samay baap dvaara sabhi bachchon ko taaj aur takhta milta hai, abhi ka yeh taaj va takhta anek janmon ke liye taaj, takhta praapta karaata hai। vishwa kalyaan ki jimmevaari ka taaj aur baapdaada ka diltakhta sada kaayam rahe to nirantar svatahyogi ban jaayenge। unhein kisi bhi prakaar ki mehnat karne ki baat nahin। kyonki ek to sambandh sameep ka hai doosra praapti akhut hai। jahaan praapti hoti hai vahaan svatahyaad hoti hai।

slogan:- plen buddhi se plan ko practical mein laao to saphalta samaai hui hai।

avyakt ishaare - roohaani royalty aur purity ki personality dhaaran karo

duhkh-ashaanti ki utpatti apvitrata se hoti hai। jahaan apvitrata nahin vahaan duhkh ashaanti kahaan se aai। aap sab patit-paavan baap ke bachche master patit-paavan ho, to jo auron ko patit se paavan banaane vaale hain woh svayan to paavan honge hi। aisi paavan pavitra aatmaon ke paas sukh aur shanti svatah hi hai। sabse bade te badi mahaanta hai hi paavan banna। aaj bhi isi mahaanta ke aage sabhi sir jhukaate hain।