Daily Murli for Friday 6 June 2025

06-06-2025 praatahmurli om shanti "baapdaada"' madhuban

“meethe bachche - bhavishya oonch gharaane mein aane ka aadhaar hai padhaai, is padhaai se hi tum beggar tu prince ban sakte ho''

prashn:- golden spoon in mouth do prakaar se praapta ho sakta hai, kaise?

uttar:- ek bhakti mein daan-punya karne se, doosra, gyaan mein padhaai se। bhakti mein daan-punya karte hain to raaja ya saahookaar ke paas janma lete hain lekin woh ho gaya had ka। tum gyaan mein padhaai se golden spoon in mouth paate ho। yeh hai behad ki baat। bhakti mein padhaai se raajaai nahin milti। yahaan jo jitna achhi reeti padhte hain, utna oonch pad paate hain।

om shanti। meethe-meethe sikeeldhe bachchon ko roohaani baap baith samjhaate hain, inko kaha jaata hai roohaani gyaan। baap aakar bhaaratvaasi bachchon ko samjhaate hain, apne ko aatma samjho aur baap ko yaad karo, yeh baap ne khaas farmaan kiya hai to woh maanna chaahiye na। oonch te oonch baap ki shreemat mashhoor hai। yeh bhi tum bachchon ko gyaan hai ki sirf shivbaaba ko hi shri shri kah sakte hain। vahi shri shri banaate hain, shri maana shreshtha। tum bachchon ko abhi pata pada hai ki inhon ko baap ne aisa banaaya। ham abhi nai duniya ke liye padh rahe hain। nai duniya ka naam hi hai svarga, amarpuri। mahima ke liye naam bahut hain। kehte bhi hain svarga aur narka। phalaana svargavaasi hua to goya narkavaasi the na। parantu manushyon mein itni samajh nahin, svarga-narka, nai duniya, puraani duniya kisko kaha jaata hai, kuchh bhi jaante nahin। baahar ka bhabhka kitna hai। tum bachchon mein bhi thode hain jo samajhte hain barobar hamko baap padhaate hain। ham yeh lakshmi-naaraayan banne ke liye aaye hain। ham beggar tu prince banenge। pahle-pahle ham jaakar raajkumaar banenge। yeh padhaai hai, jaise injeeniyri, bairistari aadi padhte hain to buddhi mein rehta hai ki ham ghar banaayenge phir yeh karenge… har ek ko apna kartavya smriti mein aata hai। tum bachchon ko jaakar bade oonch ghar mein janma lena hai is padhaai se। jo jitna jaasti padhega utna bahut oonch ghar mein janma lega। raaja ke ghar mein janma le phir raajaai chalaani hai। gaaya bhi jaata hai golden spoon in mouth। ek to gyaan dvaara yeh golden spoon in mouth mil sakta hai। doosra, agar daan-punya achhi reeti karen to bhi raaja ke paas janma milega। woh ho gaya had ka। yeh hai behad ka। har ek baat achhi reeti samjho। kuchh bhi samajh mein na aaye to poochh sakte ho। note karo yeh-yeh baaten baba se poochhna hai। mukhya hai hi baap ke yaad ki baat। baaki koi sanshay aadi hai to unko theek kar denge। yeh bhi bachche jaante hain jitna bhakti maarga mein daan-punya karte hain to saahookaar ke paas janma lete hain। jo koi bura karma karte hain to phir aisa janma milta hai। koi-koi ka to aisa karmabandhan hai jo baat mat poochho। yeh sab hai past ka karmabandhan। raajaayen bhi koi-koi aise hote hain, bada karmabandhan kada hota hai। in lakshmi-naaraayan ko to koi bandhan nahin। vahaan hai hi yogbal ki rachna। jabki yogbal se ham vishwa ki raajaai le sakte hain to kya bachcha paida nahin ho sakta! pahle se hi saakshaatkaar ho jaata hai। vahaan to yeh common baat hai। khushi mein baaje bajte rehte hain। boodhe se bachcha ban jaate। mahaatma se bhi bachche ko jaasti maan diya jaata hai kyonki woh mahaatma to phir bhi saari life paas kar bada hua hai। vikaaron ko jaante hain। chhote bachche nahin jaante isliye mahaatma se bhi oonch kaha jaata hai। vahaan to sab mahaatmaayen hain। shreekrishna ko bhi mahaatma kehte hain। woh hai sachcha mahaatma। satayug mein hi mahaan aatmaayen hote hain। un jaise yahaan koi ho na sake।

tum bachchon ko andar mein bahut khushi honi chaahiye। abhi ham nai duniya mein janma lenge। yeh puraani duniya khatma honi hai। ghar puraana hota hai to naye ghar ki khushi hoti hai na। kitne achhe-achhe marble aadi ke ghar banaate hain। jaini logon ke paas paise bahut hote hain, woh apne ko oonch kul ke samajhte hain। vaastav mein yahaan koi oonch kul to hai nahin। oonch kul mein shaadi ke liye ghar dhoondhate hain। vahaan kul aadi ki baat nahin hoti। vahaan to ek hi devtaaon ka kul hota hai, doosra na koi। iske liye tum sangam par abhyaas karte ho ki ham ek baap ke bachche sab aatma hain। aatma hai first, peechhe hai shareer। duniya mein sab deh-abhimaani rehte hain। tumko abhi dehi-abhimaani banna hai। grihastha vyavhaar mein rehte apni avastha ko jamaana hai। baba ko kitne bachche hain, kitna bada grihastha hai, kitne khyaalaat rehte honge। inko bhi mehnat karni padti hai। main koi sannyaasi nahin hoon। baap ne inmen pravesh kiya hai। brahma-vishnu-shankar ka chitra bhi hai na। brahma hai sabse oonch। to unko chhod baap kismen aayenge। brahma koi naya paida nahin hota। dekhte ho na - inko kaise adopt karta hoon। tum kaise brahman bante ho। in baaton ko tum hi jaano aur kya jaanen। kehte hain yeh to javaahri tha, inko tum brahma kehte ho! unko kya pata itne brahman-braahmaniyaan kaise paida honge। ek-ek baat mein kitna samjhaana padta hai। yeh bahut guhya baaten hain na। yeh brahma vyakta, woh avyakt। yeh pavitra ban phir avyakt ho jaate। yeh kehte hain - main is samay pavitra nahin hoon। aisa pavitra ban raha hoon। prajaapita to yahaan hona chaahiye na। nahin to kahaan se aaye। baap khud samjhaate hain main patit shareer mein aata hoon, zaroor inko hi prajaapita kahenge। sookshm vatan mein nahin kahenge। vahaan praja kya karegi। yeh independent pavitra ban jaate hain। jaise yeh bhi purushaartha karte hain vaise tum purushaartha kar independent pavitra ban jaate ho। vishwa ke maalik bante ho na। svarga alag, narka alag hai। abhi to kitna tukda-tukda ho gaya hai। 5 hazaar varsha pahle ki baat hai jabki inka raajya tha। vo log phir laakhon varsha kah dete hain। ye baaten samjhenge bhi vahi jinhonne kalpa pahle samjha hoga। tum dekhte ho yahaan musalmaan, paarsi aadi sab aate hain। khud musalmaan phir hinduon ko knowledge de rahe hain। wonder hai na। samjho koi sikkha dharma ke hain, woh bhi baith raajayog sikhlaate hain। jo convert hue hain woh phir transfer ho devta kul mein aa jaayenge। sapling lagta hai। tumhaare paas Christian, paarsi bhi aate hain, bauddhi bhi aayenge। tum bachche jaante ho jab samay najdeek aayega tab chaaron or se hamaara naam niklega। ek hi bhaashan tum karenge to dher tumhaare paas aa jaayenge। sabko smriti aa jaayegi hamaara sachcha dharma yeh hai। jo hamaare dharma ke honge woh sab aayenge to sahi na। laakhon varsha ki baat nahin hai। baap baith samjhaate hain tum kal devta the, abhi phir devta banne ke liye baap se varsa le rahe ho।

tum sachche-sachche paandav ho, paandav arthaat pande। vo hain jismaani pande। tum brahman ho roohaani pande। tum abhi behad ke baap se padh rahe ho। yeh nasha tumko bahut hona chaahiye। ham baap ke paas jaate hain, jinse behad ka varsa milta hai। woh hamaara baap teacher bhi hai, ismen padhne ke liye koi table kursi aadi ki darkaar nahin। yeh tum likhte ho so bhi apne purushaartha ke liye। vaastav mein yeh samajhne ki baat hai। shivbaaba tumko patra likhne ke liye yeh pencil aadi uthaate hain, bachche samjhenge shivbaaba ke laal akshar aaye hain। baap likhte hain roohaani bachche। bachche bhi samajhte hain roohaani baba। woh bahut oonch te oonch hai, unki mat par chalna hai। baap kehte hain kaam mahaashatru hai। yeh aadi-madhya-ant duhkh dene vaala hai। us bhoot ke vash mat ho। pavitra bano। bulaate bhi hain he patit-paavan। tum bachchon ko abhi badi taakat milti hai, raajya karne ki। jo koi jeet pa na sake। tum kitne sukhi bante ho। to is padhaai par kitna attention dena chaahiye। hamko baadshaahi milti hai। tum jaante ho ham kya se kya ban rahe hain। bhagvaanuvaach hai na। main tumko raajayog sikhlaata hoon, raajaaon ka raaja banaata hoon। bhagwan kisko kaha jaata hai, yeh bhi kisko pata nahin hai। aatma pukaarti hai - O baba! to maaloom hona chaahiye na - woh kab aur kaise aayenge? manushya hi to drama ke aadi-madhya-ant, duration aadi ko jaanenge na। jaanne se tum devta ban jaate ho। gyaan hai hi sadgati ke liye। is samay hai kaliyug ka ant। sab durgati mein hain। satayug mein hoti hai sadgati। abhi tum jaante ho baba aaya hua hai - sarva ki sadgati karne। sabko jagaane aaye hain। koi kabra thode hi hai। parantu ghor andhiyaare mein pade hain, unko jagaane aate hain। jo bachche ghor neend se jag jaate hain unke andar khushi bahut hoti hai, ham shivbaaba ke bachche hain, koi kisma ka phikra nahin hai। baap hamko vishwa ka maalik banaate hain। rone ka naam nahin। yeh hai rone ki duniya। woh hai harshit rahne ki duniya। unhon ke chitra dekho kaise shobhnik hansamukh banaate hain। woh features to yahaan nikaal na saken। buddhi se samajhte hain in jaise features dekhne mein aate hain। tum meethe-meethe bachchon ko abhi smriti aai hai ki bhavishya mein amarpuri ke ham prince banenge। is mrityulok ko, is bhambhor ko aag lagni hai। civil war mein bhi ek-do ko maarte kaise hain, kisko ham maarte hain woh bhi pata nahin padta hai। haahaakaar ke baad jayjaykaar honi hai। tumhaari vijay, baaki sab vinaash ho jaayenge। roodra ki maala mein pirokar phir vishnu ki maala mein piroye jaayenge। abhi tum purushaartha karte ho apne ghar jaane ke liye। bhakti ka kitna phailaav hai। jaise jhaad ke anek patte hote hain vaise bhakti ka phailaav hai। beej hai gyaan। beej kitna chhota hai। beej hai baba, is jhaad ki sthaapna, paalna aur vinaash kaise hota hai, yeh tum jaante ho। yeh variety dharmon ka ulta jhaad hai। duniya mein ek bhi nahin jaante। ab bachchon ko bahut mehnat karni hai baap ko yaad karne ki, to vikarma vinaash ho। woh geeta sunaane vaale bhi kehte hain manamnaabhav। sab deh ke dharma chhod apne ko aatma samajh baap ko yaad karo। manushya iska arth thode hi samajhte hain। woh hai hi bhakti maarga। yeh hai gyaan maarga। yeh raajdhaani sthaapan ho rahi hai। phikra ki koi baat nahin, jisne thoda bhi gyaan suna to praja mein aa jaayenge। gyaan ka vinaash nahin hota hai। baaki jo yathaartha jaan purushaartha karte hain vahi oonch pad paate hain। yeh buddhi mein samajh hai na। ham prince banne vaale hain, nai duniya mein। student imtahaan paas karte hain to unko kitni khushi hoti hai। tumko to hajaar baar jaasti ateendriy sukh hona chaahiye। ham saare vishwa ke maalik bante hain। koi bhi baat mein kabhi roothna nahin hai। braahmani se nahin banti hai, baap se roothte hain, are tum baap se buddhi ka yog lagaao na। unko to pyaar se yaad karo। baba bas aapko hi yaad karte-karte ham ghar aa jaayenge। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi bhi baat ka phikra nahin karna hai, sada harshit rehna hai। smriti rahe ham shivbaaba ke bachche hain, baap aaye hain humein vishwa ka maalik banaane।

2) apni avastha ko ekras banaane ke liye dehi-abhimaani banne ka purushaartha karna hai। is puraane ghar se mamatva nikaal dena hai।

vardaan:- manan shakti dvaara buddhi ko shaktishaali banaane vaale master sarvashaktimaan bhav

manan shakti hi divya buddhi ki khuraak hai। jaise bhakti mein simran karne ke abhyaasi hain, aise gyaan mein smriti ki shakti hai। is shakti dvaara master sarvashaktimaan bano। roz amritvele apne ek title ko smriti mein laao aur manan karte raho to manan shakti se buddhi shaktishaali rahegi। shaktishaali buddhi ke oopar maaya ka vaar nahin ho sakta, parvash nahin ho sakte kyonki maaya sabse pahle vyartha sankalp roopi vaan dvaara divyabuddhi ko hi kamjor banaati hai, is kamjori se bachne ka saadhan hi hai manan shakti।।

slogan:- aagyaakaari bachche hi duaaon ke paatra hain, duaaon ka prabhaav dil ko sada santushta rakhta hai।

avyakt ishaare-aatmik sthiti mein rahne ka abhyaas karo, antarmukhi bano

sada behad ki aatmik drishti, bhaai-bhaai ke sambandh ki vritti se kisi bhi aatma ke prati shubh bhaavna rakhne ka phal zaroor praapta hota hai isliye purushaartha se thako nahin, dilshikasta bhi nahin bano। nishchaybuddhi ho, merepan ke sambandh se nyaare ho shanti aur shakti ka sahayog aatmaon ko dete raho।